நீங்கள் தேடியது "பொதுக்கூட்டம்"

சென்னை:

பாராளுமன்ற தேர்தலில் தமிழகத்தில் தி.மு.க. கூட்டணி 37 இடங்களை கைப்பற்றியது. தி.மு.க. போட்டியிட்ட 19 இடங்களிலும் வெற்றி பெற்றது.

இதையடுத்து தி.மு.க. கூட்டணி கட்சிகள் சார்பில் தமிழக வாக்காளர்களுக்கு நன்றி அறிவிப்பு கூட்டம் மற்றும் கருணாநிதி 96-வது பிறந்தநாள் விழா சென்னை நந்தனம் ஒய்.எம்.சி.ஏ. மைதானத்தில் வருகிற 3-ந் தேதி (திங்கட்கிழமை) 4 மணிக்கு நடக்கிறது.

கூட்டத்துக்கு பொதுச்செயலாளர் அன்பழகன் தலைமை தாங்குகிறார். தி.மு.க. தலைவர் மு.க.ஸ்டாலின் சிறப்புரையாற்றுகிறார். பொருளாளர் துரைமுருகன் முன்னிலை வகிக்கிறார். மா.சுப்பிரமணியன் எம்.எல்.ஏ. வரவேற்கிறார்.

தமிழக காங்கிரஸ் தலைவர் கே.எஸ்.அழகிரி, ம.தி.மு.க. பொதுச்செயலாளர் வைகோ, விடுதலை சிறுத்தைகள் கட்சித் தலைவர் திருமாவளவன், மார்க்சிஸ்டு கம்யூனிஸ்டு கட்சித்தலைவர் கே.பாலகிருஷ்ணன், இந்திய கம்யூனிஸ்டு கட்சித் தலைவர் முத்தரசன், திராவிடர் கழக தலைவர் வீரமணி, இந்திய யூனியன் முஸ்லிம் லீக் கட்சித் தலைவர் காதர் மொய்தீன், கொங்கு நாடு மக்கள் தேசிய கட்சித் தலைவர் ஈஸ்வரன், இந்திய ஜனநாயக கட்சித் தலைவர் பாரிவேந்தர், மனிதநேய மக்கள் கட்சித் தலைவர் ஜவாஹிருல்லா, தமிழக வாழ்வுரிமை கட்சித் தலைவர் வேல்முருகன், எம்.ஜி.ஆர்.கழக தலைவர் ஆர்.எம்.வீரப்பன், சமத்துவ மக்கள் கழக தலைவர் எர்ணாவூர் நாராயணன் உள்ளிட்ட பலர் கலந்துகொண்டு பேசுகிறார்கள்.

புதுடெல்லி:

பாராளுமன்ற தேர்தல் முடிவுகள் 23-ந் தேதி வெளிவர உள்ளன. அன்று எதிர்க்கட்சி தலைவர்கள் அனைவரையும் டெல்லிக்கு வருமாறு காங்கிரஸ் மூத்த தலைவர் சோனியா அழைத்துள்ளார்.

இதற்காக அவர் காங்கிரஸ் கூட்டணியில் உள்ள கட்சிகளின் தலைவர்களுக்கும், பா.ஜனதாவை எதிர்த்து செயல்படும் மாநில கட்சிகளின் தலைவர்களுக்கும் கடிதம் அனுப்பி உள்ளார்.

சோனியா அனுப்பிய கடிதம் இன்று மாநில கட்சிகளின் தலைவர்களுக்கு சென்று சேர்ந்தது. தி.மு.க. தலைவர் மு.க.ஸ்டாலினுக்கு இன்று கடிதம் வந்தது.

இதைத்தொடர்ந்து டெல்லியில் 23-ந் தேதி காங்கிரஸ் தலைமையில் எதிர்க்கட்சியினர் பிரமாண்ட ஆலோசனை கூட்டம் நடைபெறும் என்று எதிர்பார்க்கப்படுகிறது. தேர்தல் முடிவுகளை தெரிந்துகொண்டு பா.ஜனதா ஆட்சிக்கு வருவதை தடுக்க அதிரடியாக செயல்படுவது என்று அந்த கூட்டம் மூலம் ஏற்பாடு நடந்து வருகிறது.

23-ந் தேதி கூட்டத்தில் கலந்து கொள்ளும்படி தெலுங்கானா ராஷ்டீரிய சமிதி தலைவர் சந்திரசேகர ராவ், ஒய்.எஸ்.ஆர். காங்கிரஸ் தலைவர் ஜெகன்மோகன் ரெட்டி, பிஜூ ஜனதாதள தலைவர் நவீன் பட்நாயக் ஆகியோருக்கும் சோனியா கடிதம் எழுதியுள்ளார். ஆனாலும் இந்த 3 பேரும் 23-ந் தேதி டெல்லி கூட்டத்தில் பங்கேற்பார்களா என்று சந்தேகம் எழுந்துள்ளது.

குறிப்பாக சந்திரசேகர ராவும், ஜெகன்மோகன் ரெட்டியும் தேர்தல் முடிவுகளை தெரிந்துகொண்ட பிறகே காங்கிரஸ் கட்சியுடன் பேச்சு நடத்தலாம் என்று கூறி இருப்பதாக தெரிகிறது. அவர்களது தயக்கம் காரணமாக 23-ந் தேதி கூட்டம் முழுமையான எதிர்கட்சிகளை கொண்டதாக இருக்குமா என்பதில் சந்தேகம் எழுந்துள்ளது.

அகமதாபாத்:


பட்டேல் சமூகத்தினரின் இட ஒதுக்கீடுக்காக போராடிய ஹர்திக் பட்டேல் காங்கிரஸ் கட்சியில் இணைந்துள்ளார்.

ஹர்திக் பட்டேலின் கன்னத்தில் அறைந்த நபரை அங்கிருந்த தொண்டர்கள் அடித்து உதைத்தனர். இந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது. #Congress #HardikPatel

அரியலூர்:

அரியலூர் மாவட்ட அ.தி.மு.க. மாணவரணி சார்பில் மொழிப்போர் தியாகிகளுக்கான வீரவணக்க நாள் பொதுக்கூட்டம் நடந்தது. இதற்கு அரியலூர் மாவட்ட அ.தி.மு.க. செயலாளரும், அரசு தலைமை கொறடாவுமான தாமரை ராஜேந்திரன் தலைமை தாங்கினார். கட்சியின் மாவட்ட மாணவரணி செயலாளர் சங்கர் வரவேற்றார். இதில் சிறப்பு அழைப்பாளராக கலந்து கொண்ட முன்னாள் மத்திய மந்திரி செஞ்சி ராமச்சந்திரன் பேசினார்.

இதில் ராமஜெயலிங்கம் எம்.எல்.ஏ., கட்சியின் மாவட்ட பொருளாளர் அன்பழகன், துணை செயலாளர் தங்க.பிச்சைமுத்து, இலக்கிய அணி செயலாளர் சிவசுப்பிரமணியன், எம்.ஜி.ஆர். இளைஞரணி செயலாளர் சிவசங்கர், பொய்யூர் பாலசுப்பிரமணியன் உள்பட பலர் கலந்து கொண்டனர். முன்னதாக அலங்கரித்து வைக்கப்பட்டிருந்த மொழிப்போர் தியாகிகளின் உருவப்படங்களுக்கு அ.தி.மு.க.வினர் மலர் தூவி மரியாதை செய்தனர். 

சென்னை:

தமிழ்நாடு காங்கிரஸ் தலைவர் திருநாவுக்கரசர் வெளியிட்டுள்ள அறிக்கையில் கூறப்பட்டு இருப்பதாவது:-

பிரதமர் மோடியும், ராணுவ மந்திரி நிர்மலா சீதாராமனும் ரபேல் போர் விமானங்கள் வாங்கிய விவகாரத்தில் பாராளுமன்றத்திற்கும், உச்சநீதி மன்றத்திற்கும் தவறான தகவல்களை அளித்துள்ளனர்.

அரசு கருவூலத்திற்கு இழப்பு ஏற்படுத்தியுள்ள இந்த மோசமான மெகா ஊழலின் உண்மை விவரங்களை வெளிக்கொண்டுவர பாராளுமன்ற கூட்டுக்குழு அமைக்கப்படவேண்டும் என ராகுல் காந்தி தொடர்ந்து வலியுறுத்தி வருகிறார்.

இதேபோல் அ.தி.மு.க. அரசின் மக்கள் விரோத செயல்களையும் மக்கள் மன்றத்தில் எடுத்துரைக்கின்ற பொறுப்பும் கடமையும் காங்கிரஸ் கட்சிக்கு உண்டு.

மத்திய-மாநில அரசுகளின் செயல்களை மக்களுக்கு எடுத்துரைக்கின்ற விதமாக தமிழகம் முழுவதும் சட்டமன்ற தொகுதி வாரியாக பிரசார பொதுக் கூட்டங்களை நடத்திட வேண்டுமென்று மாவட்டத் தலைவர்கள் கூட்டத்தில் முடிவெடுக்கப்பட்டது.

அதன்படி மாவட்டத் தலைவர்கள் தங்கள் பகுதிக்குட்பட்ட எல்லா சட்டமன்ற தொகுதிகளிலும் வருகிற 2-ந்தேதியில் இருந்து 12-ந் தேதி முடிய தொடர் பொதுக்கூட்டங்களை நடத்திட வேண்டுமாய் கேட்டுக்கொள்கிறேன்.

இவ்வாறு அவர் கூறியுள்ளார். #Congress #Thirunavukkarasar

புதுடெல்லி:

அயோத்தியில் ராமர் கோவில் கட்ட வலியுறுத்தி, டெல்லியில் உள்ள ராமலீலா மைதானத்தில் சாதுக்கள் பங்கேற்கும் பிரமாண்ட பொதுக்கூட்டம் வருகிற 9-ந் தேதி நடைபெறும் என்று விசுவ இந்து பரிஷத் இணை செயலாளர் சுரேந்திர ஜெயின் கூறினார்.

டெல்லியில் நிருபர்களிடம் மேலும் கூறுகையில், “ராமர் கோவில் கட்டுவதற்கான மசோதா, நாடாளுமன்ற குளிர்கால கூட்டத்தொடரில் கொண்டுவரப்படும் என்று நம்புகிறோம். அந்த அளவுக்கு ராமர் கோவிலுக்கு எதிரானவர்களின் மனதையும் எங்கள் பொதுக்கூட்டம் மாற்றிவிடும்.

ஒருவேளை மசோதா கொண்டுவரப்படாவிட்டால், அடுத்தகட்ட நடவடிக்கை பற்றி அலகாபாத் கும்பமேளாவின்போது முடிவு செய்யப்படும்” என்றார். 

சென்னை:

தமிழ் மாநில காங்கிரஸ் தலைவர் ஜி.கே.வாசன் வெளியிட்டுள்ள அறிக்கையில் கூறி இருப்பதாவது:-

தமிழ் மாநில காங்கிரஸ் 5-ம் ஆண்டில் அடி எடுத்து வைக்கிற சிறப்பான நிகழ்வு வரும் டிசம்பர் 1-ந்தேதி அரியலூர் மாநகரில் மாபெரும் பொதுக்கூட்டமாக நடைபெற உள்ளது.

தேசிய பார்வையில் மாநில நலனை முன்னிறுத்தி சிறப்பாக செயல்படும் த.மா.கா “தமிழகம் முழுவதும்“ உள்ள தேசிய, மாநில கட்சிகளுக்கு இணையாக மக்கள் பிரச்சனைகளை கைகளில் எடுத்து ஆர்ப்பாட்டம், உண்ணாவிரதம், போராட்டம், பொதுக்கூட்டம், இயக்க நிகழ்ச்சிகள் என்று இடைவிடாது நடத்திக் கொண்டிருப்பதால் த.மா.கா நல்ல இயக்கமாக, அசைக்க முடியாத சக்தியாக உருவாகி உள்ளது.

இனிவரும் காலங்களில் நாம் ஆட்சி அமைப்பதற்கும் அல்லது மற்ற கட்சியினர் ஆட்சி அமைப்பதற்கும் த.மா.கா தான் முதன்மையான, முக்கிய கட்சியாக விளங்கும் என்பதை நம்மால் உறுதிப்படக் கூறமுடியும். இதற்கு தமிழகத்தில் உள்ள மாநில, மாவட்ட, நகர, கிராம, பேரூராட்சி அளவில் உள்ள த.மா.கா தொண்டர்களின் கடுமையான உழைப்பு பேருதவியாக இருக்கிறது என்பதை பெருமையோடு நினைவு கூற கடமைப்பட்டிருக்கிறேன்.

தங்களது குடும்பத்தாருடனும், உற்றார் உறவினர்களுடனும் நமது இயக்க நண்பர்களுடனும், நமது தொண்டர்களுடனும் படை சூழ அரியலூர் மாநகரத்திற்கு டிசம்பர் 1-ந்தேதி மாலை 4 மணிக்கு அணி அணியாக, அலை கடலாய் ஆர்ப்பரித்து பெருந்தலைவர் காமராஜர், மக்கள் தலைவர் ஜி.கே. மூப்பனார் ஆகியோரது புகழ் பாடி, த.மா.கா கொடி ஏந்தி, வீறு நடைபோட்டு வந்து விழாவை சிறப்பாக்கிட வேண்டுகிறேன்.

நாளையின் வெற்றி நமதே என்ற நம்பிக்கையோடு வாருங்கள். சந்திப்போம், சங்கமிப்போம், புதிய வரலாறு படைப்போம்.

இவ்வாறு ஜி.கே.வாசன் கூறி உள்ளார். #TamilMaanilacongress #GKVasan