நீங்கள் தேடியது "பொள்ளாச்சி"

பொள்ளாச்சி:

கோவை மசக்காளிப்பாளையம் உப்பிலி பாளையத்தை சேர்ந்தவர் பிரகாஷ் கேபிள் ஆபரேட்டர். இவரது மனைவி சித்ரா, மகள் பூஜா (8).

பிரகாஷ் தனது மனைவி, மகள், அக்காள் சுமதி, அண்ணன் பன்னீர் செல்வம் மனைவி லதா, அவரது மகள் தாரணி (10), கவியரசு (9), நந்தனா (3) ஆகியோருடன் காரில் பழனி கோவிலுக்கு சென்றார்.

நேற்று இரவு சாமி தரிசனம் முடித்து விட்டு ஊருக்கு திரும்பி கொண்டு இருந்தனர்.இன்று அதிகாலை 1 மணியளவில் பழனி-பொள்ளாச்சி தேசிய நெடுஞ்சாலையில் கெடிமேடு என்ற பகுதியில் கார் வந்து கொண்டு இருந்தது.

அப்போது அங்கு பி.ஏ.பி. வாய்க்காலில் உள்ள குறுகிய பாலத்தை காரை ஓட்டிய பிரகாஷ் கவனிக்கவில்லை.

திடீரென கார் கட்டுப்பாட்டை இழந்து பாலத்தின் தடுப்பு சுவரில் மோதி வாய்க்காலில் தலைகுப்புற பாய்ந்தது. கார் பாய்ந்த வேகத்தில் தண்ணீரில் மூழ்கியது.

இந்த விபத்தில் பிரகாஷ், மனைவி சித்ரா, மகள் பூஜா, அக்காள் சுமதி, தாரணி, லதா ஆகியோர் தண்ணீரில் மூழ்கி மூச்சுத் திணறி பரிதாபமாக இறந்தனர்.

இன்று அதிகாலை அந்த வழியாக சென்றவர்கள் கார் வாய்க்காலுக்குள் பாய்ந்து 8 பேர் பலியானதை அறிந்து அதிர்ச்சி அடைந்தனர்.

இது குறித்து கோமங்கலம் போலீசுக்கும், பொள்ளாச்சி தீயணைப்பு நிலையத்திற்கும் தகவல் தெரிவித்தனர். தீயணைப்பு வீரர்கள் ஒரு மணி நேர போராட்டத்திற்கு பின் தான் காரை மீட்டனர். 8 பேர் உடல்களையும் பொள்ளாச்சி அரசு ஆஸ்பத்திரிக்கு அனுப்பி வைத்தனர்.

பிரகாஷ் தனது குடும்பத்துடன் பழனி கோவிலுக்கு சென்று விட்டு இரவு வீடு திரும்பும் முன் கோவையில் உள்ள உறவினர்களிடம் செல்போனில் பேசி உள்ளார். அவரது குடும்பத்தினரும் நள்ளிரவு 11.30 மணி வரை உறவினர்களிடம் பேசி வந்துள்ளனர். அதன் பின்னர் அவர்களை தொடர்பு கொள்ள முடியவில்லை. உறவினர்கள் அதிர்ச்சி அடைந்து விசாரித்த போது தான் கார் வாய்க்காலில் பாய்ந்து 8 பேர் பலியாகி இருப்பது தெரிய வந்தது.

கடந்த சில மாதங்களுக்கு முன் இதே பாலத்தின் சுவரை உடைத்து கொண்டு கார் வாய்க்காலில் பாய்ந்து மூணாறுக்கு சுற்றுலா சென்று விட்டு ஊர் திரும்பிய கேரளாவை சேர்ந்த வங்கி ஊழியர்கள் 4 பேர் பலியான சம்பவம் நடைபெற்றது. #accident

பொள்ளாச்சி:

சிவகங்கையை சேர்ந்தவர் கவின்செல்வன்(வயது 35). இவர் மூலநோயால் அவதிப்பட்டு வந்துள்ளார்.

இதற்கு சிகிச்சை பெறுவதற்காக நேற்று கேரள மாநிலம் கோழிக்கோட்டுக்கு காரில் சென்றார். அவருடன் அவரது தந்தை சுப்பிரமணி (55), மாமனார் கந்தசாமி(60) ஆகியோர் உடன் சென்றனர். அங்கு மருந்து, மாத்திரைகள் வாங்கிக் கொண்டு இன்று காலை ஊர் திரும்பினர்.

இவர்களது கார் கோவை மாவட்டம் பொள்ளாச்சி அருகே கருமாபுரம் பகுதியில் உள்ள பாலத்தில் வந்து கொண்டிருந்தது.அப்போது அரியலூரில் இருந்து கோழிக்கோட்டுக்கு சிமெண்ட் லோடு ஏற்றி வந்த லாரி இவர்களது கார் மீது நேருக்குநேர் மோதியது. இதில் கார் அப்பளம் போல நொறுங்கியது.

காரில் இருந்த கந்தசாமி, சுப்பிரமணி ஆகியோர் சம்பவஇடத்திலேயே உடல் நசுங்கி பலியாயினர். கவின்செல்வன் படுகாயம் அடைந்தார். அப்பகுதி பொது மக்கள் அவரை மீட்டு கோவை அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

விபத்து குறித்து தகவல் அறிந்ததும் பொள்ளாச்சி தாலுகா போலீசார் சம்பவ இடத்துக்கு விரைந்து சென்றனர். விபத்து ஏற்படுத்திய லாரி டிரைவரான பாலக்காட்டை சேர்ந்த உன்னிகிருஷ்ணன்(40) என்பவரை பிடித்து போலீசார் விசாரணை நடத்தி வருகின்றனர்.

கோவை:

பொள்ளாச்சி அருகே உள்ள மலையாண்டி பட்டிணத்தை சேர்ந்தவர் தண்டபானி (வயது 63). ஓய்வு பெற்ற அரசு போக்குவரத்து கழக டிரைவர். சம்பவத்தன்று இவர் தனது வீட்டில் அயர்ந்து தூங்கி கொண்டு இருந்தார். அப்போது இவருடைய ரூ. 10 ஆயிரம் மதிப்பிலான செல்போனை வாலிபர் ஒருவர் ஜன்னல் வழியாக கையை விட்டு திருடி தப்பிச் செல்ல முயன்றார்.

இதனை பார்த்த தண்டபானி திருடன்... திருடன்... என சத்தம் போட்டார். உடனடியாக அக்கம் பக்கத்தினர் விரைந்து வந்து அந்த வாலிபரை மடக்கி பிடித்தனர். பின்னர் தர்ம அடி கொடுத்து கோட்டூர் போலீசில் ஒப்படைத்தனர். போலீசார் நடத்திய விசாரணையில் அந்த வாலிபர் திண்டுக்கல் மாவட்டம் மரியநாதபுரத்தை சேர்ந்த ஆலன்ஜேம்ஸ் (20) என்பது தெரிய வந்தது. பின்னர் அவரை போலீசார் கைது செய்து கோவை மத்திய சிறையில் அடைத்தனர்.

கோவை:

கோவை மாவட்டம் பொள்ளாச்சி அருகே உள்ள டி. நல்லிகவுண்டன்பாளையத்தை சேர்ந்தவர் மணி (வயது 50). விவசாயி. இவரது மகன் கடந்த சில நாட்களுக்கு முன்பு மனநலம் பாதிக்கப்பட்டார். இதனால் மணி மிகுந்த மனவேதனை அடைந்து காணப்பட்டார்.

சம்பவத்தன்று இவர் அந்த பகுதியில் உள்ள வேப்பமரத்தில் தூக்கு போட்டு தற்கொலை செய்து கொண்டார். இதனை பார்த்த அக்கம் பக்கத்தினர் இது குறித்து பொள்ளாச்சி தாலுகா போலீசாருக்கு தகவல் தெரிவித்தனர். உடடினயாக போலீசார் சம்பவ இடத்துக்கு விரைந்து வந்து தற்கொலை செய்து கொண்ட மணியின் உடலை மீட்டு பொள்ளாச்சி அரசு ஆஸ்பத்திரிக்கு பிரேத பரிசோதனைக்கு அனுப்பி வைத்து விசாரணை நடத்தி வருகிறார்கள்.