நீங்கள் தேடியது "தஞ்சை"

தஞ்சாவூர்:

நாடு முழுவதும் வங்கி துறையில் செயல்பட்டு வரும் வங்கி ஊழியர்கள் மற்றும் அதிகாரிகளை உள்ளடக்கிய ஒன்பது தொழிற்சங்கங்கள் இணைந்து இன்று, நாளை ஆகிய 2 நாட்கள் வேலை நிறுத்தப் போராட்டத்தில் ஈடுபட்டுள்ளனர்.

1.11.2017 முதல் வழங்கப்பட வேண்டிய 11-வது ஊதிய உயர்வு பேச்சு வார்த்தையில் எந்தவித நடவடிக்கை எடுக்காத மத்திய அரசை கண்டித்தும், ஊதிய உயர்வு பேச்சு வார்த்தையில் 2 சதவீதம் மட்டுமே ஊதிய உயர்வு வழங்க முடியும் என்று கூரிய இந்திய வங்கி நிர்வாகத்தை கண்டித்தும் வேலை நிறுத்தப் போராட்டம் நடைபெற்று வருகிறது.

இன்னும் ஒரு சில நாட்களில் பள்ளிகள் திறக்கப்பட உள்ளது. இதனால் குழந்தைகளுக்கு தேவையான பொருட்கள் வாங்குவதற்கு வங்கியில் பணம் எடுக்க முடியாமல் பொதுமக்கள் அவதி அடைந்தனர். மேலும் வியாபாரிகள் மற்றும் சுப காரியங்கள் வைத்திருப்போர் வங்கி ஊழியர்கள் வேலை நிறுத்தப் போராட்டத்தால் பணம் எடுக்க முடிவில்லை.

தஞ்சையில் ஸ்டேட் பேங்க் ஆப் இந்தியா வங்கி முன்பு ஊழியர்கள் ஆர்ப்பாட்டம் நடத்தனர். தேசிய வங்கி ஊழியர் கூட்டமைப்பின் மண்டலத் செயலாளர் தமிழ்ச்செல்வன் தலைமை தாங்கினார். அகில இந்திய வங்கி ஊழியர் சங்க மாவட்ட செயலாளர் அன்பழகன், இந்திய வங்கி ஊழியர் செயலாளர் சொக்கலிங்கம் உள்ளிட்ட பலர் கலந்து கொண்டனர்.

தஞ்சை மாவட்டத்தில் 30 தலைமை வங்கிகள் உள்ளன. 275 கிளை வங்கிகள் செயல்பட்டு வருகிறது. 3 ஆயிரத்திற்கும் மேற்பட்ட ஊழியர்கள் பணி புரிந்து வருகின்றனர். தற்போது 11-வது ஊதிய உயர்வு பேச்சுவார்த்தை எந்தவித உடன்பாடும் ஏற்படாததாலும் 2 நாட்கள் வேலை நிறுத்தப் போராட்டம் நடைபெற்று வருகிறது. இந்த வேலை நிறுத்தப் போராட்டத்தால் தஞ்சை மாவட்டத்தில் சுமார் ரூ.10 கோடிக்கு மேல் வர்த்தகம் பாதிக்கப்பட்டுள்ளது.

இவ்வாறு அவர்கள் கூறினர்.

தஞ்சாவூர்:

தஞ்சை வடக்கு வாசல் ஏ.வி.பதிநகர் பகுதியை சேர்ந்தவர் மூர்த்தி என்ற புண்ணியமூர்த்தி (வயது 30). இவருக்கு திருமணம் முடிந்து விட்டது. புண்ணிய மூர்த்தி மீது 2011-ம் ஆண்டு தஞ்சை மேற்கு போலீஸ் நிலையத்தில் கொலை வழக்குகள், கொள்ளை வழக்குகள் உள்பட பல வழக்குகள் இருந்தன.

பின்னர் தொடர்ந்து அந்த வழக்குகளை முடித்து விட்டு தற்போது பன்றிகளை வாங்கி விற்கும் தொழில் செய்து வந்ததாக கூறப்படுகிறது. மேலும் இரவு நேரத்தில் வடக்கு வாசல் பகுதியில் பன்றி இறைச்சி கடையும் வைத்து நடத்தி வந்தார்.

தினமும் காலையில் பன்றி விற்பனைக்காக வெளியில் சென்று விட்டு பிற்பகல் வீட்டிற்கு வருவார். பின்னர் இரவு கடை வைப்பதற்கு தயாராகி பின்னர் கடைக்கு சென்று விடுவார். இதை தான் புண்ணியமூர்த்தி வழக்கமாக கொண்டிருந்தார். இதனால் அவர் 2011-ல் ரவுடியாக சுற்றிதிரிந்ததை மறந்து திருந்தி வாழ்ந்து கொண்டிருந்தார்.

இந்த நிலையில் இன்று அதிகாலை புண்ணியமூர்த்தி வீட்டில் இருந்து வெளியே வந்து அவரது தெருவில் நடந்து சென்று கொண்டிருந்தர்.

அப்போது அங்கு வந்த மர்ம கும்பல் புண்ணியமூர்த்தியை வழிமறித்து அவர்கள் மறைத்து வைத்திருந்த அரிவாளால் சரமாரியாக வெட்டினர். இதில் அவருக்கு தலை, கை, கால் உள்ளிட்ட இடங்களில் பலத்த வெட்டுகாயம் ஏற்பட்டது. இதனால் சம்பவ இடத்திலேயே புண்ணியமூர்த்தி ரத்த வெள்ளத்தில் துடிதுடித்து இறந்தார். உடனே மர்ம கும்பல் அங்கிருந்து தப்பி சென்று விட்டனர்.

இதைத் தொடர்ந்து அந்த வழியாக சென்றவர்கள் புண்ணியமூர்த்தி ரத்த வெள்ளத்தில் இறந்து கிடப்பதை பார்த்து அதிர்ச்சியடைந்தனர். உடனே இது குறித்து தஞ்சை மேற்கு போலீசுக்கு தகவல் கொடுத்தனர். அதன் பேரில் போலீஸ் இன்ஸ்பெக்டர் ஜோதி மகாலிங்கம் மற்றும் போலீசார் சம்பவ இடத்துக்கு விரைந்து வந்து விசாரணை நடத்தினர்.

மேலும் இந்த கொலை குறித்து தஞ்சை மாவட்ட போலீஸ் சூப்பிரண்டு செந்தில் குமாருக்கும் தகவல் கொடுக்கப்பட்டு அவரும் சம்பவ இடத்துக்கு விரைந்து வந்தார்.

பின்னர் இந்த கொலையில் யார் ஈடுபட்டனர்? என்று விசாரணை நடத்தி வருகின்றனர். புண்ணிய மூர்த்தி முன்விரோதத்தால் கொலை செய்யப்பட்டாரா? அல்லது வேறு ஏதாவது காரணமா? என்ற கோணத்தில் தனிப்படை போலீசாரும் விசாரணையில் ஈடுபட்டுள்ளனர்.

கொலையாளிகளை பிடிக்க சம்பவ இடத்துக்கு போலீஸ் மோப்ப நாயும் வரவழைக்கப்பட்டது. அது கொலை நடந்த இடத்தில் இருந்து சிறிது தூரம் வரை ஓடி சென்று நின்றது. யாரையும் கவ்வி பிடிக்கவில்லை. பின்னர் கைரேகை நிபுணர்களும் வரவழைக்கப்பட்டு கொலை நடந்த இடத்தில்ரேகையை பதிவு செய்தனர்.

அதிகாலை நேரத்தில் மர்ம நபர்களால் முன்னாள் ரவுடி வெட்டி கொலை செய்யப்பட்ட சம்பவம் தஞ்சையில் பெரும் பரபரப்பை ஏற்படுத்தி உள்ளது.

தஞ்சாவூர்:

தஞ்சையை அடுத்த வல்லம், குறும்பூண்டியை சேர்ந்தவர் ராமநாதன். இவரது மனைவி ஹேமா (வயது 35). இவர்கள் மோட்டார் சைக்கிளில் திருமலைசமுத்திரம் சென்றனர்.

அப்போது எதிர்பாராத விதமாக ஹேமா மோட்டார் சைக்கிளில் இருந்து தவறி கீழே விழுந்தார். இதில் தலையில் பலத்த காயமடைந்த அவரை மீட்டு தஞ்சை மருத்துவக்கல்லூரி ஆஸ்பத்திரியில் அனுமதித்தனர். அங்கு டாக்டர்கள் தீவிர சிகிச்சை அளித்தபோதிலும் பலன் அளிக்காமல் அவர் பரிதாபமாக இறந்தார்.

இந்த பரிதாப சம்பவம் குறித்து வல்லம் போலீசார் வழக்குப்பதிவு செய்து விசாரணை நடத்தி வருகின்றனர்.

சுவாமிமலை:

தஞ்சை வடக்கு மாவட்டம் திருவிடைமருதூர் ஒன்றியம் திருபுவனம் பேரூர் அ.தி.மு.க. சார்பில் கடைவீதியில் தண்ணீர் பந்தல் திறப்பு விழா நகர செயலாளரும், திருபுவனம் சோழன் பட்டு கூட்டுறவு சங்க தலைவருமான சிங் செல்வராஜ் தலைமையில் நடைபெற்றது.

மயிலாடுதுறை எம்.பி ஆர்.கே.பாரதிமோகன், திருவிடைமருதூர் ஒன்றிய செயலாளரும், முன்னாள் ஒன்றிய தலைவருமான ஏ.வி.கே.அசோக்குமார் ஆகியோர் முன்னிலை வகித்தனர்.

விழாவில் சிறப்பு விருந்தினராக அமைச்சரும், தஞ்சை வடக்கு மாவட்ட செயலாளருமான இரா.துரைக்கண்ணு கலந்து கொண்டு தண்ணீர் பந்தலை திறந்து வைத்து பொதுமக்களுக்கு, நீர் மோர், தர்பூசணி, இளநீர், ரஸ்னா, பலாப்பழம் வழங்கினார்.

இந்த விழாவில் திருபுவனம் நகர துணைச்செயலாளர் எல்.எஸ்.ஜோதி, தலைமை கழக பேச்சாளர் கோகி.பாஸ்கர், திருபுவனம் வேளாண்மைக் கூட்டுறவு வங்கி தலைவர் முத்துக்குமார், திருவள்ளுவர் பட்டுக்கூட்டுறவு சங்க தலைவர் ஜி.பன்னீர்செல்வம், மாவட்ட மகளிரணி துணைச்செயலாளர் வரலெட்சுமி, நகர பேரவை இணைச்செயலாளர் ஜி.மயில்வேல், ஆட்டோசங்கர், தியாகராஜன், நகர பாசறை செயலாளர் ராஜன், ராஜசேகரன், வெங்கடேஷ், தேவசகாயம், ஆனந்தன், ஜெயராமன், பழவண்டி நாகராஜன், குமரேசன், சிங் ரமேஷ் மற்றும் திருபுவனம் நகர அ.தி.மு.க. நிர்வாகிகள் கலந்து கொண்டனர்.

தஞ்சாவூர்:

தஞ்சை மருத்துவக் கல்லூரி சாலை எல்.ஐ.சி. காலனி மேற்கு விரிவாக்கப் பகுதியை சேர்ந்தவர் சுகுமார் (வயது 60). இவர் கடந்த 14-ந்தேதி தஞ்சை பாஸ்போர்ட் அலுவலகம் அருகே மோட்டார் சைக்கிளில் சாலையை கடந்து சென்றார்.

அப்போது அந்த வழியாக வந்த மற்றொரு மோட்டார் சைக்கிள் ஒன்று அவர் மீது மோதியது. இதில் சுகுமார் தூக்கிவீசப்பட்டு பலத்தகாயமடைந்தார். உடனே அக்கம் பக்கத்தினர் அவரை மீட்டு தஞ்சை மருத்துவக் கல்லூரி மருத்துவமனையில் அனுமதித்தனர்.

அங்கு சிகிச்சை பலன் அளிக்காமல் சுகுமார் நேற்று இறந்தார். இது குறித்து நகரப் போக்குவரத்து புலனாய்வு பிரிவு போலீசார் வழக்கு பதிவு செய்து விசாரணை நடத்தி வருகின்றனர்.

தஞ்சாவூர்:

தஞ்சை நாஞ்சிக்கோட்டை சாலை பழனியப்பன் நகர் 4-வது தெருவைச் சேர்ந்தவர் வெங்கடேஷ் (வயது 40). இவர் வெளிநாட்டில் வேலை பார்த்து வந்தார். இந்த நிலையில் அவர் கடந்த 4 நாட்களுக்கு முன்பு தஞ்சைக்கு வந்தார்.

அவர் நேற்று முன்தினம் வீட்டை பூட்டி விட்டு குடும்பத்துடன் வெளியூர் சென்றார். இதை நோட்டமிட்டு கொண்டிருந்த மர்ம நபர்கள் வீட்டின் முன்பக்க கதவை உடைத்து வீட்டிற்குள் சென்று பீரோவில் வைக்கப்பட்டிருந்த 15 பவுன் நகைகள் மற்றும் ரூ.25 ஆயிரம் ரொக்கம் ஆகியவற்றை கொள்ளையடித்து விட்டு தப்பி சென்று விட்டனர்.

இந்நிலையில் வீடு திரும்பிய வெங்கடேஷ் கொள்ளை நடந்திருப்பதை அறிந்து அதிர்ச்சியடைந்தார்.

இதுகுறித்து அவர் தஞ்சை தமிழ் பல்கலைக் கழக போலீசில் புகார் செய்தார். அதன்பேரில் போலீசார் வழக்குப்பதிவு செய்து சம்பவ இடத்துக்கு விரைந்து சென்று விசாரணை நடத்தினர்.

மேலும் பணம் மற்றும் நகைகளை கொள்ளையடித்து சென்ற மர்ம நபர்களை தேடி வருகின்றனர்.

வீட்டின் கதவை உடைத்து நகை-பணம் கொள்ளையடித்த சம்பவம் தஞ்சையில் பரபரப்பை ஏற்படுத்தியுள்ளது.