நீங்கள் தேடியது "slug 107458"

புதுடெல்லி:

இந்தியாவின் 72-வது சுதந்திர தினம் நாளை மறுநாள் நாடு முழுவதும் கொண்டாடப்பட உள்ளது.

டெல்லியில் பிரதமர் மோடியும், மாநிலங்களில் முதல்-அமைச்சர்களும் தேசியக் கொடியை ஏற்றி வைத்து உரையாற்ற உள்ளனர்.

சுதந்திர தினக் கொண்டாட்டத்தை சீர் குலைக்க பயங்கரவாதிகள் திட்டமிட்டு இருப்பதாக கடந்த மாதம் உளவுத்துறை எச்சரித்தது. இதைத் தொடர்ந்து நாடு முழுவதும் தீவிரவாத எதிர்ப்புப்படையினர் அதிரடி வேட்டை நடத்தி வருகிறார்கள்.

பயங்கரவாதிகள் அச்சுறுத்தல் எந்தெந்த நகரங்களில் அதிகமாக உள்ளது என்பதை பட்டியலிட்டு இந்த வேட்டை நடத்தப்பட்டு வருகிறது. இந்த நிலையில் சுதந்திர தினத்தன்று ஐதராபாத்தில் தாக்குதல் நடத்த ஐ.ஸ். பயங்கரவாதிகள் ஊடுருவி இருப்பதாக தேசிய புலனாய்வு அமைப்புக்கு ரகசிய தகவல் கிடைத்தது.

அதன் பேரில் ஐதராபாத்தில் பல்வேறு இடங்களில் தேசிய புலனாய்வு அமைப்பினர் திடீர் சோதனை நடத்தினார்கள். அப்போது ஒரு வீட்டுக்குள் இருந்த அப்துல்பாசித், முகம்மது அப்துல் குவாதீர் என்ற 2 பேர் போலீசாரிடம் சிக்கினார்கள். தீவிர விசாரணையில் அவர்கள் ஐ.எஸ். பயங்கரவாத அமைப்பை சேர்ந்தவர்கள் என்று தெரிந்தது.

உடனடியாக அவர்கள் இருவரும் கைது செய்யப்பட்டனர். அவர்களது உடமைகளை போலீசார் ஆய்வு செய்த போது, குண்டு வெடிப்புக்கு அவர்கள் சதிதிட்டம் தீட்டி இருந்தது தெரிந்தது.

இந்தியாவில் ஐ.எஸ். பயங்கரவாத இயக்கத்துக்கு ஆதரவு திரட்ட அவர்கள் இருவரும் ஓசையின்றி செயல்பட்டு வந்ததும் கண்டு பிடிக்கப்பட்டது. அதற்கு அவர்கள் பயன்படுத்திய கணிணி கைப்பற்றப்பட்டது. அந்த கம்ப்யூட்டரில் உள்ள தகவல்கள் மூலம் இந்தியாவில் யார்- யாரெல்லாம் ஐ.எஸ். பயங்கரவாதிகளிடம் தொடர்பு வைத்திருந்தனர் என்பது தெரிய வரும்.

இதற்கிடையே மும்பை நகரிலும் 2 பேர் பிடிபட்டனர். புனே நகரிலும் ஒரு பயங்கரவாதி பிடிபட்டான். இவர்களும் சுதந்திர தின கொண்டாட்டத்தை சீர்குலைக்கும் முயற்சியில் ஈடுபட்டிருந்தது தெரிய வந்தது.

இதனால் சுதந்திர தினத் தன்று குண்டு வெடிப்புக்கு திட்டமிட்டு கைதானவர்கள் எண்ணிக்கை 5 ஆக உயர்ந்துள்ளது.

காஷ்மீரில் கடந்த வாரம் அல்கொய்தா பயங்கரவாதி ஒருவன் பிடிபட்டான். அவனிடம் இருந்து 8 கையெறி குண்டுகள் பறிமுதல் செய்யப்பட்டன. அந்த 8 குண்டுகளும் மிகவும் சக்தி வாய்ந்தவை என்பது குறிப்பிடத்தக்கது.

ஸ்ரீநகர்:

காஷ்மீர் மாநிலம் பாண்டி போரா மாவட்டத்தில் குரேஷ் செக்டார் உள்ளது.

இங்குள்ள கோவிந்த் நல்லா என்ற பகுதியின் எல்லையில் பாகிஸ்தான் ஆதரவு பயங்கரவாதிகள் ஊடுருவ முயன்றனர்.

பயங்கரவாதிகளின் முயற்சியை முறியடிக்கும் விதமாக அங்கிருந்த ராணுவ ரோந்து வீரர்கள் தாக்குதலில் ஈடுபட்டனர். பயங்கரவாதிகளும் துப்பாக்கியால் சுட்டவாறு முன்னேறினர். இருதரப்பினர் இடையே பயங்கர துப்பாக்கி சண்டை நடந்தது.

பயங்கரவாதிகள் நடத்திய தாக்குதலில் ராணுவ மேஜர் மற்றும் 3 வீரர்கள் குண்டு பாய்ந்து பலியானார்கள். பலியான ராணுவ மேஜரின் பெயர் கே.பி.ரானே என்பது தெரியவந்தது. ஜாமிசிங், விக்ரம்ஜித், மன்தீப் ஆகிய வீரர்கள் வீர மரணம் அடைந்தது தெரிய வந்தது.

பாதுகாப்பு படையினர் நடத்திய தாக்குதலில் 2 பயங்கரவாதிகள் சுட்டுக் கொல்லப்பட்டனர். மேலும் 2 பயங்கரவாதிகள் கொல்லப்பட்டு இருக்கலாம் என்று கருதப்படுகிறது.

ராணுவ வீரர்களின் அதிரடியான தாக்குதலில் 4 பயங்கரவாதிகள் பாகிஸ்தான் ஆக்கிரமிப்பு காஷ்மீர் பகுதியில் ஓடியதாக அதிகாரி ஒருவர் தெரிவித்தார். அந்த பகுதியில் மேலும் பயங்கரவாதிகள் தேடுதல் வேட்டை நடத்தப்பட்டு வருகிறது.

ஸ்ரீநகர்:

காஷ்மீர் மாநிலம் புல்வாமா மாவட்டத்தில் ட்ரால் பகுதியில் செய்னாத்தர் கிராமத்தை சேர்ந்தவர் முடாசீர் அகமது. இவர் சிறப்பு போலீஸ் அதிகாரி ஆக பணியாற்றுகிறார். நேற்று இரவு வீட்டில் தனியாக இருந்த அவரை பயங்கரவாதிகள் கடத்திச் சென்று விட்டனர்.

அவரை மீட்கும் நடவடிக்கையில் போலீசார் தீவிரமாக உள்ளனர்.