நீங்கள் தேடியது "புழல்"

செங்குன்றம்:

புழல் கேம்ப் பஸ்நிலையம் அருகில் ராஜஸ்தான் மாநிலத்தை சேர்ந்த சம்பத் ராம் (49). ஹார்டுவேர்ஸ் கடை நடத்தி வருகிறார். கடந்த 2 நாட்களுக்கு முன்பு கடையை பூட்டி விட்டு சொந்த ஊருக்கு குடும்பத்துடன் சென்று இருந்தார்.

நள்ளிரவு அந்த கடையில் இருந்து திடீரென புகை வெளியேறியது. உடனே தீயணைப்பு நிலையத்துக்கு தகவல் தெரிவிக்கப்பட்டது.

செங்குன்றம் பகுதியில் இருந்து 3 தீயணைப்பு வண்டிகள் வந்தன. அதற்குள்ளாக இரும்புக்கடையில் பற்றிய தீ முழுவதும் பரவியது. கடையின் முன் கதவுகளை உடைத்து தீயணைப்பு வீரர்கள் உள்ளே சென்று தீயை அணைக்கும் பணியில் ஈடுபட்டனர். 2 மணிநேரம் போராடி தீயை முழுமையாக அணைத்தனர்.

ஆனாலும் இந்த தீ விபத்தில் கடையில் இருந்த சுமார் 25 லட்சம் மதிப்புள்ள பொருட்கள் எரிந்து நாசம் ஆகியிருக்கலாம் என்று கருதப்படுகிறது.

இந்த தீ விபத்து எப்படி ஏற்பட்டது என்பது குறித்து புழல் போலீசார் விசாரணை நடத்தி வருகிறார்கள். மின்கசிவு காரணமாக தீப்பிடித்ததா? அல்லது தொழில் போட்டியில் யாரும் தீ வைத்தார்களா? என்ற கோணத்தில் விசாரணை நடத்துகிறார்கள்.

வெளியூரில் உள்ள கடையின் உரிமையாளருக்கு தகவல் தெரிவிக்கப்பட்டது. அவர் அங்கிருந்து புழல் திரும்புகிறார்.

செங்குன்றம்:

புழலில் உள்ள டாக்டர் பா.சிவந்தி ஆதித்தனார் பள்ளி மற்றும் ஸ்ரீநல்லழகு நாடார் பாலிடெக்னிக் கல்லூரி ஆகியவற்றின் சார்பாக டாக்டர் பா.சிவந்தி ஆதித்தனார் பள்ளி வளாகத்தில் டாக்டர் பா.சிவந்தி ஆதித்தனாரின் 83-வது பிறந்த நாள் விழா கொண்டாடப்பட்டது.

விழாவுக்கு சென்னை வாழ் நாடார்கள் சங்கத்தலைவர் பி.சின்னமணி நாடார் தலைமை தாங்கினார். சங்கத்தின் பொதுச்செயலாளர் டி.தங்கமுத்து முன்னிலை வகித்தார்.

விழாவில் பங்கேற்றவர்கள் பள்ளி வளாகத்தில் அமைக்கப்பட்டுள்ள டாக்டர் பா.சிவந்தி ஆதித்தனார் உருவ சிலைக்கு மாலை அணிவித்து மரியாதை செலுத்தினார்கள்.

விழாவில் சென்னை வாழ் நாடார்கள் சங்கத்தின் துணைத்தலைவர்கள் எல்.தாமஸ், எம்.ஏ.திரவியம், கரு.சி.சின்னதுரை, சங்க செயலாளர் எஸ்.செல்லதுரை, கல்வி குழு உறுப்பினர்கள் எஸ்.பி.ரத்தனசாமி மற்றும் மீஞ்சூர், செங்குன்றம், அம்பத்தூர் நாடார் உறவின்முறை சங்க உறுப்பினர்கள்.

கல்லூரி செயலாளரும், பள்ளி நிர்வாக இயக்குனருமான எஸ்.கோவிந்தசாமி, கல்லூரி முதல்வர் மார்க்ரெட்ஜெஷி, பள்ளி முதல்வர் குளோரிஷீலா, பள்ளி, கல்லூரி மாணவ-மாணவிகள் கலந்து கொண்டனர். #SivanthiAditanar

சென்னை:

திருவள்ளூர் மாவட்டம், செங்குன்றத்தை சேர்ந்தவர் வக்கீல் சி.வெங்கடபதி. இவர், சென்னை ஐகோர்ட்டில் தாக்கல் செய்துள்ள பொதுநல மனுவில் கூறியிருப்பதாவது:-

செங்குன்றம், நரவரிக்குப்பம் கிராமத்தில் கிராவல் மண் எடுக்க அனுமதி வழங்கப்பட்டுள்ளது. ஆனால், விதிகளை மீறி இங்கு 20 அடி ஆழத்துக்கு குழிபறித்து மணல் எடுக்கின்றனர். நாள் ஒன்றுக்கு நூற்றுக்கும் மேற்பட்ட லாரிகளில் மணல் அள்ளுகின்றனர்.

இந்த இடத்தில் மணல் அள்ள அனுமதியின் அடிப்படையில், தற்போது புழல் ஏரியில் மணல் அள்ளுகின்றனர். இதற்காக புழல் ஏரியில் வடமேற்கு பகுதியில் தேங்கியிருக்கும் தண்ணீரை, ராட்சத மோட்டார் மூலம் வெளி யேற்றிவிட்டு மணலை அள்ளுகின்றனர்.

இதுகுறித்து அரசு அதிகாரிகளிடம் ஏராளமான புகார்களை உள்ளூர் மக்கள் கொடுத்தனர். போராட்டங்களையும் நடத்தினர். ஆனால், மணல் கொள்ளையர்கள் மீது இதுவரை அதிகாரிகள் எந்த நடவடிக்கையும் எடுக்கவில்லை.

அதேபோல, கண்ணிகைபேர் கிராமத்தில் உள்ள ஏரியில் இருந்தும் சட்டவிரோதமாக மணல் அள்ளுகின்றனர். இங்கு அள்ளப்படும் மணல், பெரும் தொகைக்கு விற்பனை செய்யப்படுகிறது. மேலும் இந்த ஏரிகளில் இருந்து எடுக்கப்படும் மணல், திருவள்ளூர் மாவட்டம், நல்லூர் பஞ்சாயத்தில் உள்ள அத்தன்தாங்கல் கிராமத்தில் குவித்து வைத்துள்ளனர்.

இந்த சட்டவிரோதமாக மணல் அள்ளப்படுவது குறித்து சென்னை போலீஸ் கமிஷனர், திருவள்ளூர் போலீஸ் சூப்பிரண்டு, மாதவரம் துணை கமிஷனர், சோழவரம், செங்குன்றம், பெரியபாளையம் போலீஸ் இன்ஸ்பெக்டர்கள், பொன்னேரி, ஊத்துக்கோட்டை தாசில்தார்கள் ஆகியோர் நன்கு தெரிந்து இருந்தும், எந்த நடவடிக்கையும் எடுப்பது இல்லை. எனவே, இதுகுறித்து தகுந்த உத்தரவை பிறப்பிக்க வேண்டும்.

இவ்வாறு அதில் கூறியிருந்தார்.

இந்த மனுவை நீதிபதிகள் என்.கிருபாகரன், எஸ்.பாஸ்கரன் ஆகியோர் விசாரித்தனர். மனுதாரர் சார்பில் வக்கீல் எம்.புருஷோத்தமன் ஆஜராகி வாதிட்டார். அப்போது நீதிபதிகள், ‘மழை காலங்களில், ஏரிகளில் மணல் அள்ள அதிகாரிகள் எதற்காக அனுமதி வழங்குகின்றனர்? என்று கேள்வி எழுப்பினர்.

பின்னர், ‘மறுஉத்தரவு பிறப்பிக்கும் வரை, புழல் மற்றும் கண்ணிகைபேர் ஏரிகளில் இருந்து சவுடு, கிராவல், வண்டல் என்று எந்த வகையான மணலும் அள்ளக்கூடாது. இந்த மணலை அள்ளவும், லாரி உள்ளிட்ட வாகனங்களில் எடுத்துச்செல்லவும் திருவள்ளூர் மாவட்ட கலெக்டர் உள்ளிட்ட அதிகாரிகள் அனுமதிக்ககூடாது’ என்று உத்தரவிட்டனர்.

மேலும், ‘இந்த வழக்கை தொடர்ந்த வெங்கடபதிக்கு மிரட்டல் இருப்பதாக, அவரது வக்கீல் கூறுவதால், மனுதாரருக்கு முழு பாதுகாப்பை செங்குன்றம் இன்ஸ்பெக்டர் வழங்கவேண்டும். விசாரணையை வருகிற 16-ந்தேதிக்கு தள்ளிவைக்கிறோம்’ என்று நீதிபதிகள் உத்தரவிட்டனர்.  #MadrasHC

சென்னை:


இந்நிலையில், சென்னை புழல் சிறையில் அடைக்கப்பட்டு இருந்த பாஸ்கர் முரளிக்கும், சக கைதிகளுக்கும் இடையே 2 நாட்களுக்கு முன்பு நடைபெற்ற மோதலில் பாஸ்கர் முரளி கடுமையாக தாக்கப்பட்டுள்ளார். இதையடுத்து, மருத்துவமனையில் அனுமதிக்கப்பட்ட பாஸ்கர் முரளி சிகிச்சை பலனின்றி உயிரிழந்தார்.

புழல் சிறையில் நடந்த இந்த கொலை சம்பவம் பெரும் பரபரப்பை ஏற்படுத்தியது. இந்நிலையில், இந்த சம்பவம் தொடர்பாக புழல் சிறை தலைமை வாடர்ன் நாகராஜ் மற்றும் சிறை உதவியாளர் பழனிவேல் ஆகியோரை பணியிடை நீக்கம் செய்து சிறைத்துறை இன்று உத்தரவிட்டுள்ளது. 

சென்னை:

முன்னாள் முதல்வர் எம்.ஜி.ஆரின் நூற்றாண்டு விழாவையொட்டி, 10 வருடங்களுக்கு மேலாக தண்டனை பெற்று வரும் ஆயுள் தண்டனை கைதிகளை நன்னடத்தை அடிப்படையில் விடுதலை செய்ய தமிழக முதல்வர் எடப்பாடி பழனிசாமி சமீபத்தில் உத்தரவிட்டார்.

இதையடுத்து, முதற்கட்டமாக சுமார் 67 ஆயுள் தண்டனை கைதிகள் விடுதலை செய்யப்பட்டனர். விடுதலை செய்யப்பட்ட கைதிகளில் ஒருவரின் தன்னம்பிகை ஊட்டும் சுவாரஸ்யமான தகவல் தற்போது வெளியாகி உள்ளது.

1989-ம் ஆண்டு கொலை வழக்கில் கைதாகி இரட்டை ஆயுள் தண்டனை அளிக்கப்பட்ட கைதி சந்திரசேகரன். இவருக்கு சில ஆண்டுகள் முன்பு தொண்டையில் புற்று நோய் ஏற்பட்டது. இந்த புற்றுநோயை எதிர்த்து மன உறுதியுடன் போராடியுள்ளார் சந்திரசேகரன்.

சிறைத்துறை அதிகாரிகளின் உதவியுடனும் மருத்துவர்களின் உதவியுடனும், மன உறுதியுடனும் தனக்கு வந்த உயிர்க்கொல்லி நோயை கடந்து புதுவாழ்வு பெற்றார். அதன்பின்னர் சிறையில் இருந்தபடியே, கல்வியின் மீது தனது கவனத்தை செலுத்தினார்.


தற்போது, முதல்வர் எடப்பாடி பழனிசாமியின் அறிவிப்பை அடுத்து, சிறைத்துறை அதிகாரிகள் மாவட்ட ஆட்சியருக்கு சந்திரசேகரனை பரிந்துரை செய்துள்ளனர். அவரது நன்னடத்தை மற்றும் உடல்நிலையை கருத்தில் கொள்ளுமாறு அளிக்கப்பட்ட கோரிக்கை ஏற்கப்பட்டு, அவர் விடுதலை செய்யப்பட்டதாக சிறைத்துறை அதிகாரி ஒருவர் தெரிவித்துள்ளார்.

சந்திரசேகரன் மட்டுமன்றி, சிறையில் இருந்த பலரும் பட்டதாரிகளாக வெளிவந்துள்ளதாக கைதி ஒருவர் தெரிவித்துள்ளார். ஒரு நொடியில் உணர்ச்சிவசப்பட்டு செய்த தவறுக்கு பல வருடங்களாக சிறை தண்டனை பெற்ற கைதிகள் தற்போது மனம் திருந்தி, குடும்பத்துடன் மகிழ்ச்சியுடன் இருக்கின்றனர்.

சிறையிலும் கல்வி கற்கும் இவர்கள், உலகின் பலதரப்பினருக்கும் உதாரணமாக திகழ்வர் என்பதில் ஐயமில்லை. அதேசமயம் சிறைவாசிகள் என்பதனால் மட்டுமே இவர்களுக்கு பணி வழங்க மறுக்கும் சில நிறுவனங்களும் தங்களின் கொள்கைகளை மாற்றிக்கொள்ள வேண்டும் எனவும் பல்வேறு தரப்பினரும் கோரிக்கை விடுத்துள்ளனர்.