நீங்கள் தேடியது "slug 112630"

திருமங்கலம்

திருமங்கலம் அருகே யுள்ள சாத்தங்குடி யை சேர்ந்தவர் ராஜாராம் (வயது30). கோவையில் அரசு பஸ் டிரைவராக வேலை பார்க்கிறார். இவரது மனைவி பேச்சி யம்மாள்(24). இவர்களுக்கு 3வயதில் பெண் குழந்தை உள்ளது. ராஜாராம் கோவையில் வேலை பார்ப்பதால் வாரத்திற்கு ஒருமுறை ஊருக்கு வந்து செல்வார்.

இந்த நிலையில் அவர் ஊருக்கு வந்தபோது குடும்ப பிரச்சினை காரணமாக கணவன்-மனைவி இடையே தகராறு ஏற்பட்டது. இதனால் கோபித்துக் கொண்டு குழந்தையுடன் வீட்டை விட்டு வெளியே சென்ற பேச்சியம்மாள் அதன் பின்னர் வீடு திரும்பவில்லை. பல இடங்களில் தேடி ப்பார்த்தும் கண்டுபிடிக்க முடியவில்லை.

இதுகுறித்து திருமங்கலம் தாலுகா போலீஸ் நிலையத்தில் ராஜாராம் புகார் செய்தார்.

அதன் பேரில் போலீசார் வழக்குப்பதிவு செய்து குழந்தையுடன் மாயமான பேச்சியம்மாளை தேடி வருகின்றனர்.

நாகர்கோவில் :

தக்கலை அருகே உள்ள கிருஷ்ணமங்கலம் பகுதியை சேர்ந்தவர் அய்யப்பபாபு. மத்திய ரிசர்வ் போலீசில் வேலைபார்த்து ஓய்வு பெற்றவர்.

இவரது மனைவி சுபலெஜா (வயது 38). இவர்களுக்கு 3 மகள்கள் உள்ளனர். அய்யப்ப பாபுவுக்கு மது பழக்கம் இருந்ததால், கணவன்- மனைவி இடையே அடிக்கடி பிரச்சினை ஏற்பட்டு உள்ளது. இந்த நிலையில் கடந்த 1-ந் தேதி, 3 மகள்களுடன் சுபலெஜா மாயமானார்.

இதுகுறித்து அவரது தந்தை அய்யப்பன், தக்கலை போலீஸ் நிலையத்தில் புகார் செய்தார். அதன் பேரில் சப்-இன்ஸ்பெக்டர் ஆஷா ஜெகபர் விசாரணை நடத்தினர். சுபலெஜாவின் செல்போன் சிக்னலை வைத்து தேடிய போது, அவர் சென்னையில் இருப்பது தெரிந்தது. உடனே போலீசார் சென்னை சென்று அவர்களை மீட்டு தக்கலை போலீஸ் நிலையம் அழைத்து வந்தனர். போலீசார் விசாரணையில், தனது கணவர் மது பழக்கத்துக்கு அடிமையாகி விட்டதால் தற்கொலை செய்ய வேண்டும் என்ற எண்ணத்தில் சென்னை சென்றதாக வும் கோவிலுக்கு சென்று ஓய்வு எடுக்கும் போது தனது மனம் மாறியதாகவும் அதன் பிறகு தற்கொலை முடிவை மாற்றியதாகவும் சுபலெஜா போலீசாரிடம் கூறியுள்ளார். இது தொடர்பாக போலீசார் தொடர்ந்து விசாரணை நடத்தி வருகிறார்கள்.

சமூக வலைதளங்களில் சுறுசுறுப்பாக இயங்கும் தொழிலதிபர்களின் ஆர்.பி.ஜி. சேர்மன் ஹர்ஸ் கோயங்காவும் ஒருவர். அவரது டுவிட்டர் பதிவுகள் அடிக்கடி வைரலாகும். அவர் பதிவிட்ட ஒரு வீடியோ தற்போது வைரலாகி வருகிறது. அதில், எலக்ட்ரானிக் தொட்டிலில் குழந்தை ஒன்று ஆடிக்கொண்டிருப்பதை காண முடிகிறது. தொட்டிலின் அருகில் மனிதர்கள் யாரும் இல்லை. குழந்தையை தூங்க வைக்க அல்லது அமைதியாக இருக்க அந்த எலக்ட்ரானிக் தொட்டில் தானாக அசைகிறது.

இந்த வீடியோவை பகிர்ந்த கோயங்கா, தாயின் அன்புடன் இதனை ஒப்பிடமுடியுமா? சில சமயங்களில் தொழில்நுட்பத்தை உணர்கிறேன் என குறிப்பிட்டுள்ளார். இந்த வீடியோ 1 லட்சத்திற்கும் அதிகமான பார்வைகளை பெற்றுள்ளது. அதே நேரத்தில் இணையத்தில் விவாதத்தையும் தூண்டி உள்ளது. ஒரு குழந்தையை வளர்க்கும் போது மனித தொடுதல் (குறிப்பாக தாயின்) மிகவும் முக்கியமானது என்று நான் உணர்கிறேன் என ஒரு பயனர் கூறி உள்ளார். ஆனால் மற்றொரு பயனர், நான் இந்த தொட்டிலை விரும்புகிறேன். தாய்மார்கள் சோர்வடைவதை தடுக்க இரவில் இதை பயன்படுத்தினால் நன்றாக இருக்கும் என கூறி உள்ளார்.

காஞ்சிபுரம்:

திருவண்ணாமலை மாவட்டம், செங்கம் தாலுக்கா, செ.நாச்சிபட்டு பகுதியைச் சேர்ந்தவர் ராம ஜெயம் (வயது38). டிராவல்ஸ் நிறுவனம் நடத்தி வருகிறார். இவரது மனைவி ரத்னா(30). இவர்களது மகள்கள் ராஜலட்சுமி(5), தேஜாஸ்ரீ(2), மற்றும் 4 மாத ஆண் கைக்குழந்தை இருந்தது.

ரத்னா தனது கடைசி மகன் பிரசவத்தையொட்டி 2 மகள்களுடன் சென்னையில் உள்ள பெற்றோர் வீட்டில் தங்கி இருந்தார்.

இந்நிலையில் சென்னையில் உள்ள மாமனார் வீட்டில் தங்கி இருந்த மனைவி மற்றும் மகள்கள், குழந்தையை அழைத்து வர ராமஜெயம் முடிவு செய்தார். இதைத் தொடர்ந்து நேற்று மாலை அவர் தனது சித்தப்பா மகன் ராஜேஷ் என்பவருடன் சென்னைக்கு காரில் வந்தார். பின்னர் அவர்கள் ரத்னா, மகள்கள் ராஜலட்சுமி, தேஜாஸ்ரீ, மற்றும் 6 மாத கைக்குழந்தை ஆகியோரை காரில் அழைத்துக் கொண்டு திரும்பி வந்து கொண்டு இருந்தார்.

 காஞ்சிபுரம் அருகே சென்னை- பெங்களூர் தேசிய நெடுஞ்சாலையில் சித்தேரி மேடு பகுதியில் நள்ளிரவு 12 மணியளவில் கார் சென்று கொண்டு இருந்தபோது சாலையோரத்தில் சரக்கு லாரி ஒன்று நிறுத்தப்பட்டு இருந்தது. அப்போது வேகமாக வந்த கார் கட்டுப்பாட்டை இழந்து சாலை ஓரம் நின்றிருந்த லாரியின் மீது பயங்கரமாக மோதியது.

இதில் காரின் முன்பகுதி முழுவதும் நொறுங்கியது. இதில் இடிபாடுகளில் சிக்கிய ராமஜெயத்தின் மனைவி ரத்னா, அவரது மகள்கள் ராஜலட்சுமி, தேஜாஸ்ரீ, மற்றும் 4 மாத கைக்குழந்தை மற்றும் ராஜேஷ், ஆகிய 5 பேரும் படுகாயம் அடைந்து சம்பவ இடத்திலேயே பரிதாபமாக பலியானார்கள்.

காரை ஓட்டி வந்த ராம ஜெயம் படுகாயத்துடன் உயிருக்கு போராடினார். விபத்து குறித்து தகவல் அறிந்ததும் பாலு செட்டி சத்திரம் போலீசார் விரைந்து வந்து மீட்பு பணியில் ஈடுபட்டனர். படுகாயம் அடைந்த ராமஜெயத்தை மீட்பு சிகிச்சைக்காக காஞ்சிபுரம் அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.

பலியான ரத்னா உள்பட 5 பேரின் உடல்களும் பிரேத பரிசோதனைக்காக காஞ்சிபுரம் அரசு ஆஸ்பத்திரியில் வைக்கப்பட்டு உள்ளது. பலியானவர்களின் உடல்களை பார்த்து அவர்களது உறவினர்கள் கதறி அழுதது பரிதாபமாக இருந்தது.

விபத்து நடந்ததும் லாரி டிரைவர் அங்கிருந்து தப்பி ஓடிவிட்டார். அவரை போலீசார் தேடிவருகிறார்கள்.மேலும் வழக்குபதிவு செய்து தீவிர விசாரணை நடத்தி வருகின்றனர்.

இந்த விபத்தால் அப்பகுதியில் சிறிறுநேரம் போக்குவரத்து பாதிக்கப் பட்டது. சரக்கு லாரி மீது கார் மோதிய கோர விபத்தில் ஒரே குடும்பத்தை சேர்ந்த 5 பேர் பலியான சம்பவம் பெரும் சோகத்தை ஏற்படுத்தி உள்ளது.

திருப்பூர் :

திருப்பூர் மாநகராட்சி பகுதியில் உள்ள பள்ளிகளில் மாணவர்கள் இடைநிற்றல் அதிகரிக்கும் நிலை காணப்படுகிறது. குடும்பச்சூழல், கற்றலில் ஆர்வ மின்மை, பொதுத்தேர்வுகளில் தோல்வி போன்ற காரணங்களால் பள்ளி இடை நிற்றல் அதிகரிக்கும் நிலை காணப்படுகிறது. இதுகுறித்து காரணங்களை ஆராய்ந்து, தீர்வு காணும் விதமான நடந்த ஆலோசனை கூட்டத்துக்கு மேயர் தினேஷ் குமார் தலைமை வகித்தார். துணை மேயர் பாலசுப்ரமணியம், கமிஷனர் பவன்குமார் முன்னிலை வகித்தனர். கல்வித்துறை அலுவலர்கள் கலந்து கொண்டனர்.

கூட்டம் குறித்து மேயர் தினேஷ்குமார் கூறியதாவது:- தொழில் நகரமாக உள்ளதால் திருப்பூரில் அதிக அளவு வெளி மாவட்ட, வெளி மாநிலத்தினர் அதிகம் வசிக்கின்றனர். குடும்பச்சூழல் காரணமாக பள்ளிகளில் சேர்க்க முடியாமல் எளிய குடும்பங்களைச் சேர்ந்த மாணவர்கள் தவிக்கும் நிலை உள்ளது. இது குறித்து கணக்கெடுப்பு மேற்கொண்டு இது போல் இடை நிற்றல் மாணவர்கள் கண்டறிந்து பள்ளியில் சேர்க்கப்படுவர்.

பல மாணவர்கள் பொதுத்தேர்வுக்கு பின் கல்வியைத் தொடர்வது தவிர்க்கும் நிலை உள்ளது. இவர்கள் பயனடையும் விதமாக வடக்கு பகுதியில் அரசு ஐ.டி.ஐ., துவங்க அரசுக்கு பரிந்துரைக்கப்படும். குறுகிய கால தொழிற்பயிற்சிகள் வழங்கி சுய வேலை வாய்ப்பு, திறன் மேம்பாடு பயிற்சி அளிக்கப்படும்.வெளி மாநில குழந்தைகள் படிக்கும் விதமாக பிற மொழி ஆசிரியர்கள் நியமிக்கப்படவுள்ளனர். ஆத்துப்பாளையம், வெங்கமேடு பகுதியில் 84 வெளி மாநில குழந்தைகள் கண்டறியப்பட்டுள்ளனர். அவர்கள் தாய் மொழி பயிலும் வகையில் சிறப்பு ஊதியத்தில் ஆசிரியர்கள் நியமிக்கப்பட்டுள்ளனர்.இது போல் மற்ற பகுதிகளிலும் உரிய நடவடிக்கை எடுக்கப்படும். இவ்வாறு அவர் கூறினார். 

அணைக்கட்டு:

அணைக்கட்டு ஒன்றியத்திற்குட்பட்ட அல்லேரிமலை அடுத்த அத்தி மரத்தூரை சேர்ந்தவர் விஜய். இவரது மனைவி பிரியா. இவர்களது 1½ வயது மகள் தனுஷ்கா.

இவர்கள் அனைவரும் நேற்று முன்தினம் இரவு வீட்டில் தூங்கிக் கொண்டிருந்தனர்.

அப்போது பாம்பு ஒன்று குடியிருப்பு பகுதிக்குள் புகுந்தது. தூங்கிக் கொண்டிருந்த குழந்தை தனுஷ்காவை பாம்பு கடித்தது.

இதனால் குழந்தை அலறி துடித்துள்ளது. சத்தம் கேட்டு பெற்றோர் எழுந்து பார்த்தனர். அப்போது குழந்தையை பாம்பு கடித்தது தெரிந்தது. உடனடியாக அணைக்கட்டு பகுதியில் உள்ள அரசு மருத்துவமனைக்கு சிகிச்சைக்காக கொண்டு சென்றனர். சாலை வசதி இல்லாததால் ஆஸ்பத்திரிக்கு செல்ல தாமதமானது. இதனால் வழியிலேயே குழந்தை பரிதாபமாக இறந்தது.

தகவல் அறிந்து வந்த அணைக்கட்டு போலீசார் குழந்தையின் உடலை மீட்டு பிரேத பரிசோதனைக்காக அடுக்கம்பாறை அரசு மருத்துவமனைக்கு அனுப்பி வைத்தனர். இது குறித்து போலீசார் வழக்கு பதிவு செய்து விசாரணை நடத்தி வருகின்றனர். இந்த நிலையில் மருத்துவ மனையில் பிரேத பரிசோதனை முடிந்த பிறகு குழந்தை உடல் பெற்றோரிடம் ஒப்படைக்கப்பட்டது. குழந்தை உடலை வீட்டிற்கு ஆம்புலன்சு மூலம் அத்தி மரத்து கொல்லை கிராமத்திற்கு கொண்டு சென்றனர்.

கிராமத்திற்கு செல்ல சாலை வசதி இல்லாததால் 10 கிலோ மீட்டர் தூரத்திற்கு முன்பாக ஆம்புலன்சில் இருந்து இறக்கிவிட்டனர். பின்னர் இறந்த குழந்தை பிணத்தை 10 கிலோ மீட்டர் தூரம் கையில் சுமந்து சென்றனர்.

அல்லேரி மலைப் பகுதியில் சுதந்திரம் அடைந்த நாளிலிருந்து சாலை வசதி கேட்டு பொது மக்கள் கோரிக்கை விடுத்து வருகின்றனர்.

இந்த கிராமங்களில் உடல்நலம் பாதிக்கப்படுபவர்கள் மற்றும் கர்ப்பிணிகளை டோலி கட்டி தூக்கி செல்லும் அவலம் நீடித்து வருகிறது.

பாம்பு கடித்த உடன் குழந்தையை உடனடியாக ஆஸ்பத்திரிக்கு கொண்டு சென்று சேர்த்திருந்தால் காப்பாற்றி இருக்கலாம்.

ஆனால் சாலை வசதி இல்லலாததால் உடனடியாக குழந்தையை ஆஸ்பத்திரிக்கு கொண்டு செல்ல முடியவில்லை.

மேலும் இறந்த குழந்தையை கையில் சுமந்து செல்லும் அவல நிலை ஏற்பட்டுள்ளது.

மலை கிராமங்களுக்கு சாலை வசதி ஏற்படுத்தி நிரந்தர தீர்வு காண வேண்டுமென மலை கிராம மக்கள் வலியுறுத்தி உள்ளனர்.

திருப்பூர் :

தனியாா் பள்ளிகளில் 25 சதவீத இடஒதுக்கீட்டில் குழந்தைகளைச் சோ்ப்பதில் 1 கி.மீ.க்குள் குடியிருப்பு இல்லாததால், இட வாய்ப்பிருந்தும் குழந்தைகளை சோ்க்க முடியாமல் பெற்றோா்கள் ஏமாற்றம் அடைந்துள்ளனா்.

ஏழை எளிய பெற்றோா் தங்கள் குழந்தைகளை தனியாா் பள்ளிகளில் சோ்ப்பதற்காக 25 சதவீத இலவச கல்வி உரிமை சட்டம் அமல்படுத்தப்பட்டு செயல்பாட்டில் உள்ளது. அவிநாசி வட்டாரத்தில் உள்ள பல்வேறு தனியாா் பள்ளிகளில் இச்சட்டத்தின் கீழ் தங்களது குழந்தைகளை ஆரம்ப வகுப்புகளில் சோ்ப்பதற்காக பெற்றோா்கள் விண்ணப்பி த்திருந்தனா். இதில் தகுதியான விண்ண ப்பங்கள் தோ்வாகி அவரவா் கைப்பேசி எண்களுக்கு குறுஞ்செய்தியும் வந்தது.

இதைத்தொடா்ந்து தனியாா் பள்ளிகளில் செவ்வாய்க்கிழமை நடைபெற்ற கூட்டத்தில் பங்கேற்க குறுஞ்செய்தி வந்திருந்த தகுதியான குழந்தைகள், பெற்றோா்கள் பங்கேற்றனா். ஆனால் கூட்டத்தில் பங்கேற்ற கல்வித் துறை அலுவலா் கூறுகையில், 1 கிலோ மீட்டா் தொலைவுக்கு உள்பட்ட குழந்தைகள் மட்டுமே இந்தத் திட்டத்தின் கீழ் சோ்க்கைக்குத் தகுதியான வா்கள் என்றாா். இதனால் தகுதியானவா் என குறுஞ்செய்தி வந்தும் பல பெற்றோா்கள் ஏமாற்றம் அடைந்தனா்.

இதுகுறித்து பெற்றோ ா்கள் கூறியதாவது:- கடந்த ஆண்டு 3 முதல் 4 கிலோ மீட்டா் தொலைவில் உள்ளகுழந்தைகள் சோ்க்க ப்பட்டனா். தற்போது, விண்ணப்ப தேதி முடிவடைந்து, இனி அடுத்த ஆண்டுதான் விண்ணப்பிக்க இயலும் என்ற நிலையில் இப்போது இவ்வாறு கூறுகின்றனா். விண்ணப்பம் தோ்வாகி உள்ளதாக குறுஞ்செய்தி வந்தும் குழந்தைகளை சோ்க்க இயலாதது பெரும் ஏமாற்றத்தைத் தருகிறது.

ஆகவே, தொலைவை 3 கிலோ மீட்டராக கல்வித் துறை தளா்த்த வேண்டும் .அல்லது 1 கிலோ மீட்டா் தொலைவில் உள்ள தனியாா் பள்ளிகளுக்கு தகுதியாகி தோ்வான விண்ணப்பதாரா்களை சோ்க்க பரிந்துரைக்க வேண்டும் என்றனா்.இதுகுறித்து பள்ளி நிா்வா கத்திடம் கேட்டபோது, 1 கிலோ மீட்டா் தொலைவுக்குள் உள்ளவா்களுக்கு மட்டுமே சோ்க்கை என கல்வித் துறை அறிவுறுத்தியுள்ளது. ஆனால், பள்ளியில் 25 சதவீதஇட ஒதுக்கீட்டின் அடிப்படையில் அதிகப்ப டியான குழந்தைகளை சோ்க்க இடம் உள்ளது. கல்வித் துறை அறிவுறுத்தலால் குழந்தைகளைச் சோ்க்க இயலவில்லை. கல்வித் துறை தளா்வு வழங்கினால் தோ்வு செய்யப்பட்ட குழந்தைகள் இச்சட்டத்தின்கீழ் சோ்க்கப்படுவா் என்றனா்.

சேலம்:

சேலம், தொழிலாளர் உதவி ஆணையர் (அம லாக்கம்) கிருஷ்ணவேணி தலைமையில் சேலம் மாவட்ட ஆள் கடத்தல் மற்றும் தடுப்பு பிரிவு காவல் துறை, சைல்டு லைன் கள அலுவலர்கள், காவல் ஆய்வாளர், வட்டாட்சியர், கிராமிய பெண்கள் மேம்பாட்டு சமூக ஆர்வலர் ஆகியோருடன் தொழிலாளர் துறை சார்ந்த தொழிலாளர் துணை மற்றும் உதவி ஆய்வாளர்கள் ஆகியோர் சேலம் மாவட்டம், அயோத்தியாபட்டிணம் தைலானூர் வலசையூர், சின்ன வீராணம் மற்றும் குப்பனூர் ஆகிய பகுதிகளில் உள்ள அரிசி ஆலைகளில் கொத்தடிமை தொழிலாளர், குழந்தை தொழிலாளர், வளரிளம் பருவத் தொழிலாளர்கள் உள்ளனரா என்று அதிரடி ஆய்வு செய்தனர்.

மேலும் செங்கல் சூளை மற்றும் மரம் அறுக்கும் ஆலையில் பணிபுரிந்த 5 குழந்தை தொழிலாளர் மற்றும் வளரிளம் பருவத் தொழிலாளர்கள்

கண்டறியப்பட்டு மீட்கப்பட்டனர். தொடர்ந்து தொழிலக பாதுகாப்பு துணை இயக்குநர் மூலம் தொடர்நடவடிக்கை மேற்கொள்ளப்பட்டு வருகிறது.

ஆய்வின் போது அரிசி ஆலை உரிமையாளர்கள், செங்கல் சூலை மற்றும் மரம் அறுக்கும் ஆலை உரிமை யாளர்களிடம் கொத்தடிமை தொழிலாளர் மற்றும் குழந்தை தொழிலாளர் மற்றும் வளரிளம் பருவத் தொழிலாளர்கள் எவரையும் தொழிற்கூடங்களில் பணியமர்த்த கூடாது என்று அறிவுரை வழங்கப்பட்டது. நிர்வாகத்தினரிடம் 14 வயதுக்கு உட்பட்ட குழந்தைகள் மற்றும் 18 வயதுக்கு உட்பட்ட வளரிளம் பருவத்தி னர்களை பணிக்கு அமர்த்துவது குற்றமாகும். அவ்வாறு பணிக்கு அமர்த்தும் நிறுவன ங்களின் உரிமையாளர் மீது 6 மாத காலம் சிறை தண்டனை யும், ரூ.20 ஆயிரம் முதல் ரூ.50 ஆயிரம் அபராதம் விதிக்கப்ப டும் என்றும் எச்சரிக்கை செய்யப்ப ட்டது.

மேலும் குழந்தை களை பணி செய்ய அனுப்பி வைக்கும் பெற்றோர் மீதும் குற்ற நடவடிக்கை மேற்கொ ள்ளப்படும் என சேலம், தொழிலாளர் உதவி ஆணையர் (அமலாக்கம்) கிருஷ்ண வேணி தெரி வித்துள்ளார்.

திண்டுக்கல்:

திண்டுக்கல் அரசு மருத்துவ கல்லூரி ஆஸ்பத்திரியில் அவசர சிகிச்சை பிரிவில் உள்ள கழிவறையில் ஒரு ஆண் சிசு இறந்த நிலையில் கிடந்தது. இது குறித்து நகர் வடக்கு போலீசாருக்கு தகவல் தெரிவிக்கப்பட்டது.

போலீசார் சம்பவ இடத்துக்கு வந்து விசாரணை நடத்தினர். அப்போது குழந்தை சுவற்றில் அடித்து கொலை செய்யப்பட்டு கிடந்தது அதிர்ச்சியை ஏற்படுத்தியது. இதனையடுத்து அரசு ஆஸ்பத்திரி மகப்பேறு பிரிவில் குழந்தை ஏதேனும் காணாமல் போய் உள்ளதா? என விசாரணை நடத்தப்பட்டது.

கடந்த 2 நாட்களாக அரசு ஆஸ்பத்திரியில் பிறந்த குழந்தைகள் மற்றும் அதன் தாய்மார்கள் விவரம் சேகரிக்கப்பட்டது. இதில் எந்த குழந்தையும் மாயமாகவில்லை என உறுதி செய்யப்பட்டது.

இந்தநிலையில் அவசர சிகிச்சை பிரிவில் இருந்த சி.சி.டி.வி. கேமிரா காட்சிகள் ஆராயப்பட்டது. அதில் நைட்டி அணிந்த ஒரு பெண் துண்டில் குழந்தையை சுற்றி உட்கார்ந்து இருந்தார். இரவு 11 மணி அளவில் அவர் கழிவறைக்கு சென்று 20 நிமிடங்கள் கழித்து வெளியே வந்த காட்சி பதிவாகி இருந்தது.

ஆனால் அவருக்கு திண்டுக்கல் அரசு ஆஸ்பத்திரியில் பிரசவம் நடக்க வில்லை. வெளியில் குழந்தை பெற்று அதனை அரசு ஆஸ்பத்திரியில் உள்ள கழிவறையில் வீசி சென்றது உறுதியானது.

அந்த புகைப்படத்தின் அடிப்படையில் குழந்தையை வீசி சென்றது யார்? என்று விசாரணை நடத்தி வருகின்றனர்.

கன்னியாகுமரி :

குளச்சல் அருகே கோடிமுனை மீனவர் கிராமத்தை சேர்ந்தவர் ஹென்றி ஆஸ்டின் (வயது 37). கடலில் மீன் பிடித்தொழில் செய்து வருகிறார். இவரது மனைவி டெனிலா (33). இவர் 5 நாட்களுக்கு முன்பு தன்னுடைய 3 வயது பெண் குழந்தை இவாலினாவுடன் குறும்பனை திருமண மண்டபத்தில் நடந்த உறவினர் திருமணத்திற்கு சென்றிருந்தார். மதிய வேளையில் மண்டபத்தின் முன்பு உள்ள மைதானத்தில் குழந்தை இவாலினா விளையாடி கொண்டிருந்தது. அப்போது மண்டபத்தின் முன் உள்ள சாலையில் மோட்டார் சைக்கிளை நிறுத்திவிட்டு மண்டபம் நோக்கி வந்த 25 வயது மதிக்கத்தக்க வாலிபர் ஒருவர் திடீரென குழந்தையின் கழுத்தில் கிடந்த 1 பவுன் தங்க சங்கிலியை பறித்து விட்டு மின்னல் வேகத்தில் தப்பி சென்று விட்டார்.

இதைப்பார்த்தவர்கள் சத்தம் போட்டனர். அதற்குள் மோட்டார் சைக்கிளில் வேகமாக சென்று விட்டார். இதனால் திருமண மண்டபம் முன்பு பரபரப்பு ஏற்பட்டது. இதுகுறித்து டெனிலா குளச்சல் போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வந்தனர். மேலும் குழந்தையிடமிருந்து செயினை பறித்து சென்ற வாலிபரை பிடிக்க இன்ஸ்பெக்டர் கிறிஸ்டி தலைமையில் தனிப்படை அமைக்கப்பட்டது.

தனிப்படையினர் அப்பகுதியில் உள்ள சி.சி.டி.வி. காமிராக்களை ஆய்வு செய்தனர். காமிராவில் சிக்கிய ஒரு வாலிபரின் உருவத்தின் அடிப்படையில் தனிப்படை போலீசார், அந்த வாலிபர் குறித்து துப்பு துலக்கினர். காமிராவில் சிக்கிய உருவம் மற்றும் அவர் ஓட்டி சென்ற மோட்டார் சைக்கிளின் பதிவெண் அடிப்படையில் குழந்தையிடமிருந்து நகை பறித்து சென்ற வாலிபர் கோணங்காடு அருகே குளப்பாடை சேர்ந்த அருண் ஜஸ்டின் (25) என்பது உறுதியானது. இதையடுத்து போலீசார் அவரை கைது செய்து, அவரிடமிருந்து நகையை மீட்டனர். பின்னர் இரணியல் கோர்ட்டில் ஆஜர்படுத்தப்பட்டு நாகர்கோவில் மாவட்ட சிறைச்சாலையில் அடைக்கப்பட்டார்.

சோழவரம்:

சென்னையை அடுத்த சோழவரம் அருகேயுள்ள பள்ளி சூரப்பட்டு கிராமத்தில் பிறந்து 10 நாட்களே ஆன குழந்தையின் உடலை நாய்கள் கடித்து குதறிக் கொண்டிருந்தன.

இதைப் பார்த்து அந்த வழியாக சென்றவர்கள் அதிர்ச்சி அடைந்தனர். உடனடியாக அவர்கள் நாய்களை விரட்டினார்கள். அப்போது குழந்தையின் இடுப்பு பகுதியில் இருந்து கால் வரை உள்ள பாகங்கள் அழுகிய நிலையில் காணப்பட்டன. முகமும் அழுகி சிதைந்து காணப்பட்டது.

குழந்தையின் பாதி உடல் மட்டுமே இருந்தது. இதனால் அந்த குழந்தை ஆணா? பெண்ணா? என்பதை கண்டுபிடிக்க முடியவில்லை.

இதுகுறித்து பொதுமக்கள் சோழவரம் போலீஸ் நிலையத்துக்கு தகவல் கொடுத்தனர். போலீசார் சம்பவ இடத்துக்கு விரைந்து சென்றனர். குழந்தையின் உடலை மீட்டு பிரேத பரிசோதனைக்காக சென்னை ஸ்டான்லி அரசு மருத்துவமனைக்கு அனுப்பி வைத்தனர்.

அந்த குழந்தையின் உடலில் தொப்புள் கொடி உள்ளது. எனவே பிறந்தவுடன் குழந்தையை தாய் வீசிச் சென்றிருக்கலாம் என்று போலீசார் சந்தேகிக்கிறார்கள். அந்த பகுதியை சுற்றியுள்ள மருத்துவமனைகள் மற்றும் ஆரம்ப சுகாதார நிலையங்களில் கடந்த 10 நாட்களில் குழந்தை பெற்றவர்களின் விவரங்களை போலீசார் சேகரித்து வருகிறார்கள். அதன் மூலம் குழந்தையின் தாயை கண்டு பிடிக்கும் பணியில் போலீ சார் ஈடுபட்டு வருகிறார்கள்.

நாகர்கோவில்,மே.17-

அஞ்சுகிராமம் பகுதியைச் சேர்ந்த வாலிபர் ஒருவர் நாகர்கோவில் கோட்டார் பகுதியிலுள்ள பூக்கடை ஒன்றில் வேலை பார்த்து வருகிறார். கடந்த சில நாட்களுக்கு முன்பு வீட்டில் இருந்து வேலைக்கு செல்வதாக கூறிவிட்டு சென்ற இவர், பின்னர் வீடு திரும்ப வில்லை.

இதையடுத்து தாயார் மகனை பல்வேறு இடங்களில் தேடினார். எங்கு தேடியும் மகன் கிடைக்கவில்லை. இதைத்தொடர்ந்து கோட்டார் போலீசில் அவர் புகார் செய்தார். போலீசார் இது தொடர்பாக விசாரணை நடத்தி வந்தனர்.

இந்த நிலையில் அந்த வாலிபர் நேற்று மாலை இளம் பெண் ஒருவருடன், கோட்டார் போலீஸ் நிலையத்தில் தஞ்சம் அடைந்தார். போலீசாரிடம் இந்த பெண்ணை தான் திருமணம் செய்து கொண்டதாகவும் தெரிவித்தார்.

ஏற்கனவே வாலிபர் மாயமானது குறித்து புகார் உள்ளதால், போலீசார் அவரது தாயாருக்கு தகவல் தெரிவித்தனர். அதன்பேரில் வாலிபரின் தாயாரும், சகோதரியும், கோட்டார் போலீஸ் நிலையத்திற்கு வந்தனர். அங்கு மகனுடன் இருந்த பெண்ணைப் பார்த்து அவர்கள் அதிர்ச்சி அடைந்தனர்.

அந்த பெண்ணுக்கு ஏற்கனவே திருமணம் ஆகி 2 குழந்தைகள் உள்ளதாக அவர்கள் தெரிவித்தனர். இதனால் அங்கு பரபரப்பு ஏற்பட்டது. ஆனால் வாலிபர், அந்தப் பெண்ணுடன் தான் வாழ்வேன் என தனது தாயாரிடம் உறுதியாக கூறினார். இதனைத் தொடர்ந்து அவரது தாயார், மகனிடம் மன்றாடினார்.

அவர்கள் இடையே சுமார் ஒரு மணி நேரமாக நீடித்த இந்த பாச போராட்டத்தில் மகன், தாயாரை உதறித் தள்ளினார். தனது முடிவில் அவர் உறுதியாக இருந்தார். இதனால் தாயாரும், சகோதரியும் அதிர்ச்சி அடைந்தனர். திருமணத்தை ஏற்க அவர்கள் மறுத்தனர்.

இதைத் தொடர்ந்து வாலிபரின் சகோதரி, தான் கொடுத்த நகையை திருப்பித் தருமாறு தம்பியிடம் கேட்டார். சில காலங்கள் கழித்து அதை திருப்பித் தருவதாக வாலிபர் கூறினார். இதனை சகோதரி ஏற்றுக் கொள்ளவில்லை. அவர் போலீசாரிடம் நகையை வாங்கித் தருமாறு கேட்டார். அதற்கு போலீசார், பிரச்சினை நடைபெற்றது அஞ்சுகிராமம் போலீஸ் நிலையத்துக்கு உட்பட்ட பகுதி என்பதால் நகையை அந்த பகுதியில் உள்ள போலீஸ் நிலையத்தில் கூறி பெற்றுக் கொள்ளுமாறு கூறினர்.

இதைத்தொடர்ந்து ஏமாற்றத்துடன் தாயும் மகளும் திரும்பி சென்றனர். 2 குழந்தைகளின் தாயாரை கரம் பிடித்த வாலிபர் போலீஸ் நிலையத்திலிருந்து அவரை அழைத்து சென்றார். இதனால் நேற்று இரவு போலீஸ நிலையத்தில் பெரும் பரபரப்பு ஏற்பட்டது.