நீங்கள் தேடியது "மாற்றம்"

சென்னை:

ராயபுரம் பகுதியில் ரெயில்வே பராமரிப்பு பணிகள் நடைபெறுகிறது. இதன்காரணமாக சில குறிப்பிட்ட மின்சார ரெயில்களை ரத்து செய்தும் சில ரெயில் சேவையை மாற்றி அமைத்தும் ரெயில்வே நிர்வாகம் அறிவித்து உள்ளது.

இதுதொடர்பாக தெற்கு ரெயில்வே வெளியிட்ட செய்திக்குறிப்பில் கூறியிருப்பதாவது:-

ராயபுரம் பகுதியில் பராமரிப்பு பணி நடைபெறுவதால் கீழ்க்கண்ட மின்சார ரெயில் சேவையில் இன்று (வியாழக்கிழமை) மாற்றம் செய்யப்பட்டுள்ளது.

* வேளச்சேரியில் இருந்து காலை 10.15 மணிக்கு ஆவடி நோக்கி புறப்படும் மின்சார ரெயில் சென்னை கடற்கரை-ஆவடி இடையே பகுதியாக ரத்து செய்யப்படுகிறது. இதைப்போல் வேளச்சேரியில் இருந்து காலை 11.20 மணிக்கு திருத்தணி நோக்கி புறப்படும் மின்சார ரெயில் கடற்கரை-திருத்தணி இடையே பகுதியாக ரத்து செய்யப்படுகிறது.

* அரக்கோணத்தில் இருந்து காலை 7.50 மணிக்கு வேளச்சேரி நோக்கி புறப்படும் மின்சார ரெயில் மூர்மார்க்கெட் ரெயில் நிலையத்துக்கு திருப்பி விடப்படும். இதைப்போல் கும்மிடிப்பூண்டியில் இருந்து காலை 8.50 மணிக்கு வேளச்சேரி நோக்கி புறப்படும் மின்சார ரெயில் மூர்மார்க்கெட் ரெயில் நிலையத்துக்கு திருப்பி விடப்படும்.

* மூர்மார்க்கெடில் இருந்து காலை 11.15 மணிக்கு ஆவடிக்கும், மதியம் 12.15 மணிக்கு திருத்தணிக்கும் சிறப்பு மின்சார ரெயில் இயக்கப்படும்.

இவ்வாறு அதில் கூறப்பட்டுள்ளது. 

சென்னை:

தெற்கு ரெயில்வே வெளியிட்ட செய்திக்குறிப்பில் கூறியிருப்பதாவது:-

சென்னை-திருவள்ளூர் பிரிவு இடையே பராமரிப்பு பணி நடைபெறுவதால் கீழ்க்கண்ட மின்சார ரெயில் சேவையில் இன்று(புதன்கிழமை) முதல் 26-ந் தேதி வரை மாற்றம் செய்யப்பட்டுள்ளது.

* ஆவடியில் இருந்து அதிகாலை 2.50 மணிக்கு பட்டாபிராம் ராணுவ சைடிங் நோக்கி புறப்படும் மின்சார ரெயில் முழுவதுமாக ரத்து செய்யப்படுகிறது.

* பட்டாபிராம் ராணுவ சைடிங்கில் இருந்து அதிகாலை 3.20 மணிக்கு மூர்மார்க்கெட் நோக்கி புறப்படும் மின்சார ரெயில் பட்டாபிராம் ராணுவ சைடிங்-ஆவடி இடையே பகுதியாக ரத்து செய்யப்படுகிறது.

இவ்வாறு அதில் கூறப்பட்டுள்ளது. 

சென்னை:

மக்கள் நீதி மய்யத்தின் தலைவர் நடிகர் கமல்ஹாசன் வெளியிட்டுள்ள அறிக்கையில் கூறி இருப்பதாவது:-

ஐ.ஏ.எஸ். மற்றும் ஐ.பி.எஸ். உள்ளிட்ட மத்திய அரசுப் பணிகளுக்கான தேர்வாணையம் என்பது அரசியலமைப்பு சட்டத்திற்கு உட்பட்டு எவ்வித சார்பும் இன்றி, அனைத்து பணிகளுக்கும், யு.பி.எஸ்.சி. தேர்வில் தேர்ச்சி பெற்ற மாணவர்களை பணியாளர்களாக நியமனம் செய்கிறது.

ஆனால் தற்பொழுது பிரதமர் அலுவலகத்தால் பரிந்துரை செய்யப்பட்டிருக்கும் முறையில் ‘‘பவுண்டேசன் கோர்ஸ்’’ மதிப்பெண்களை, யு.பி.எஸ்.சி.யின் தேர்வு மதிப்பெண்களுடன் சேர்த்து, இறுதி நியமனப்பட்டியல் வெளியிடப்படும் என்று தெரிவிக்கப்பட்டுள்ளது.

இதன்மூலம் பணியாளர் நியமனம் தேர்வு மற்றும் தர அடிப்படையில் மட்டும் நடைபெறாமல் ஒரு சில பேராசிரியர்கள் மற்றும் நிர்வாகிகளின் தலையீட்டுக்களுடன் நடைபெறுவதற்கு வழிவகுக்கும்.

கிராமப்புற இளைஞர்கள் மற்றும் எளிமையான பின்புலத்தில் இருந்து தேர்ச்சி பெறுகின்ற இளைஞர்கள் பாதிப்புக்குள்ளாவார்கள். இந்த மாற்றம் சில உயர் நிலையிலிருப்பவர்கள். தங்களைச் சார்ந்தவர்களுக்கு சலுகையளிப்பதற்கும் வழிவகுக்கும்.

‘‘பவுண்டேசன் கோர்ஸ்’’ எனும் இந்த பயிற்சியில் இந்தி மொழித்தேர்வும் நடைபெறுவதால் இந்தி மொழி பேசாத இளைஞர்களுக்கு பிரச்சினைகள் ஏற்படும். ‘‘பவுண்டேசன் கோர்ஸ்’’ என்பது முசோரியில் உள்ள லால் பகதூர் சாஸ்திரி தேசிய நிர்வாக அகாடமியைத் தவிர்த்து மேலும் 3 இடங்களில் நடைபெறும். பரிந்துரைக்கப்பட்டிருக்கும் மாற்றத்தின் மூலமாக அனைத்து இடங்களிலும் உள்ள தேச்சி பெற்றவர்களை சரிவர மதிப்பீடு செய்ய முடியாது.

1978-ல் கோத்தாரி கமிட்டியால் பரிந்துரை செய்யப்பட்டிருந்த இதுபோன்ற மாற்றத்தை அன்றைய ஜனதா கட்சி அரசு நிராகரித்தது குறிப்பிடத்தக்கது. எனவே மத்திய அரசு நடப்பில் உள்ள யூ.பி.எஸ்.சி தேர்வில் பெற்ற மதிப்பெண் அடிப்படையில் ஐ.ஏ.எஸ். மற்றும் ஐ.பி.எஸ். உள்ளிட்ட பல்வேறு அகில இந்திய பணிகளுக்கு நியமிக்கும் முறையிலும், அதன் அடிப்படையில் அவர்கள் பணியாற்றும் மாநில ஒதுக்கீட்டு முறையிலும், எவ்வித மாறுதல்களும் செய்யக்கூடாது.

இவ்வாறு அதில் கூறப்பட்டுள்ளது.

காஞ்சீபுரம்:

தமிழகம் முழுவதும், தமிழ்நாடு அரசு பணியாளர் தேர்வாணையத்தின் மூலம் ஒருங்கிணைந்த என்ஜினீயரிங் பணிக்கான அரசு தேர்வு நேற்று நடைபெற்றது. இதில், காஞ்சீபுரம் மாவட்டம் காஞ்சீபுரம் நகராட்சிக்கு உட்பட்ட 6 மையங்களில் 1,776 பேர் தேர்வு எழுதினர்.

இந்த நிலையில் காஞ்சீபுரம் எஸ்.எஸ்.கே.வி. ஆண்கள் மெட்ரிக் மேல்நிலைப்பள்ளி தேர்வு மையத்தில் ஒதுக்கீடு செய்யப்பட்ட 400 பேரில் 263 பேர் தேர்வு எழுதினர். அறை எண் 14-ல் தேர்வு எழுதிய 6 பெண் பட்டதாரிகள் உள்பட 16 மின்னணு மற்றும் தொடர்பு என்ஜினீயரிங் பட்டதாரிகளுக்கு தவறுதலாக மின் பொறியியல் தொடர்பான வினாத்தாள் வழங்கப்பட்டு உள்ளது.

இதனால் குழப்பம் அடைந்த அவர்கள் இதுகுறித்து தேர்வு மைய கண்காணிப்பாளரிடம் தெரிவித்தனர். ஆனால் முறையான வினாத்தாள்தான் கொடுக்கப்பட்டு உள்ளதாக கூறி 16 பேரையும் தேர்வெழுத அதிகாரிகள் கட்டாயப்படுத்தி உள்ளனர்.

தேர்வு முடிந்து வெளியேறிய அவர்களுக்கு அதே மையத்தின் மற்ற அறைகளில் சரியான வினாத்தாள் வழங்கி தேர்வு நடத்தியிருப்பது, தெரிய வந்தது. அப்போதுதான் வினாத்தாள் தவறுதலாக கொடுக்கப்பட்டதும் உறுதியானது. அதிகாரிகளின் அலட்சிய போக்கால் வேறு வினாத்தாளுக்கு தேர்வு எழுதிய 16 என்ஜினீயரிங் பட்டதாரிகளும் தேர்வு மைய பள்ளி வளாகத்தில் உள்ளிருப்பு போராட்டத்தில் ஈடுபட்டனர்.

தகவல் அறிந்து வந்த காஞ்சீபுரம் தாசில்தார் மற்றும் போலீசார் பாதிக்கப்பட்டவர்களிடம் வினாத்தாள் மாறியது குறித்து தகவல் தெரிவித்து உரிய நடவடிக்கை எடுக்கப்படும் என தெரிவித்தனர். இருப்பினும் பாதிக்கப்பட்டவர்கள் காஞ்சீபுரம் கலெக்டர் அலுவலகத்தில் புகார் மனு அளித்தனர்.

வினாத்தாள் மாற்றி வழங்கப்பட்டது குறித்து தமிழ்நாடு அரசு பணியாளர் தேர்வாணையத்திற்கு தெரிவிக்கப்பட்டு உரிய முறையில் விசாரணை நடத்தி நடவடிக்கை மேற்கொள்ளப்படும் என கலெக்டர் பொன்னையா அவர்களிடம் உறுதி அளித்தார். 

சென்னை:

சென்னை கடற்கரை- வண்ணாரப்பேட்டை இடையே பராமரிப்பு பணி நடைபெறுவதை முன்னிட்டு, மின்சார ரெயில் சேவையில் இன்று (ஞாயிற்றுக் கிழமை) சில மாற்றங்கள் செய்யப்பட்டு உள்ளன.

தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டுள்ளதாவது:-

சென்னை கடற்கரை-வண்ணாரப்பேட்டை இடையே பராமரிப்பு பணி நடைபெறுவதால் இன்று (ஞாயிற்றுக் கிழமை) மின்சார ரெயில் சேவையில் கீழ்க்கண்டவாறு மாற்றங்கள் செய்யப்பட்டுள்ளன. அதன் விவரம் வருமாறு:-

சென்னை கடற்கரையில் இருந்து இன்று காலை 11.10 மணிக்கு ஆவடி நோக்கியும், பிற்பகல் 1.05 மணிக்கு திருவள்ளூர் நோக்கியும், பிற்பகல் 1.50 மணிக்கு பட்டாபிராம் நோக்கியும் இயக்கப்படும் மின்சார ரெயில்கள் ரத்து செய்யப்படுகின்றன.

அதேபோல ஆவடியில் இருந்து பிற்பகல் 12.10 மணிக்கு சென்னை கடற்கரை நோக்கியும், மூர்மார்க்கெட்டில் இருந்து பகல் 12.35 மணிக்கு ஆவடி நோக்கியும், திருவள்ளூரில் இருந்து பிற்பகல் 2.40 மணிக்கு மூர்மார்க்கெட் நோக்கியும், மூர்மார்க்கெட்டில் இருந்து காலை 9.30 மணிக்கு திருவள்ளூர் நோக்கியும், திருவள்ளூரில் இருந்து காலை 11.05 மணிக்கு சென்னை கடற்கரை நோக்கியும் இயக்கப்படும் மின்சார ரெயில்களும் இன்று ரத்து செய்யப்படுகின்றன.

திருவள்ளூர்-சென்னை கடற்கரை இடையே பிற்பகல் 1.40 மணிக்கு இயக்கப்படும் மின்சார ரெயில் ஆவடி வரை மட்டுமே இயக்கப்படும். இந்த ரெயில் பயணிகள் ரெயிலாக அங்கிருந்து பிற்பகல் 2.20 மணிக்கு பட்டாபிராம் நோக்கி புறப்படும்.

கடம்பத்தூர்-சென்னை கடற்கரை இடையே பிற்பகல் 12.05 மணிக்கு இயக்கப்படும் மின்சார ரெயிலும், ஆவடி- சென்னை கடற்கரை இடையே பிற்பகல் 2.40 மணிக்கு இயக்கப்படும் மின்சார ரெயிலும் வியாசர்பாடி ஜீவா- சென்னை கடற்கரை இடையே பகுதி நேரமாக ரத்து செய்யப்பட்டு, மூர்மார்க்கெட்டுக்கு மாற்று வழிப்பாதையில் செல்லும்.

சென்னை கடற்கரையில் இருந்து பிற்பகல் 12.15 மணிக்கு திருத்தணி நோக்கியும், பிற்பகல் 2.30 மணிக்கு அரக்கோணம் நோக்கியும், பிற்பகல் 2.45 மணிக்கு சூலூர்பேட்டை நோக்கியும் புறப்பட வேண்டிய மின்சார ரெயில்கள் மூர்மார்க்கெட்டில் இருந்து புறப்படும்.

இவ்வாறு அதில் கூறப்பட்டுள்ளது. 

பெங்களூர்:

கர்நாடகா முதல்-மந்திரியாக பதவி ஏற்ற எடியூரப்பா, முதல்வர் அலுவலகத்துக்கு சென்று அமர்ந்ததும் கோப்புகளை பார்க்கத் தொடங்கினார்.

அடுத்த ஒரு மணி நேரத்தில் பல்வேறு துறை உயர் அதிகாரிகளை மாற்றி எடியூரப்பா அதிரடி உத்தரவுகளை பிறப்பித்தார்.

கர்நாடகா மாநில அரசின் தலைமை வக்கீலாக மதுசூதன் நாயக் இருந்தார். அவருக்கு பதில் நவதகி புதிய அரசு வக்கீலாக நியமிக்கப்படுவதாக எடியூரப்பா உத்தரவிட்டார்.

அதன் பிறகு அரசின் கூடுதல் தலைமை செயலாளரையும் எடியூரப்பா மாற்றினார். அதன்படி புதிய கூடுதல் தலைமை செயலாளராக லட்சுமி நாராயணன் நியமிக்கப்பட்டுள்ளார்.

இவை தவிர சில முக்கிய துறைகளின் ஐ.ஏ.எஸ். அதிகாரிகளையும் எடியூரப்பா மாற்றினார். போலீஸ் உயர் அதிகாரிகளில் 5 ஐ.பி.எஸ். அதிகாரிகள் இடமாற்றம் செய்யப்பட்டுள்ளனர்.

இந்த இடமாற்ற அறிவிப்புகள் கர்நாடகா மாநில அரசுத்துறை அதிகாரிகள் வட்டாரத்தில் கடும் அதிர்ச்சியை ஏற்படுத்தியுள்ளது. காங்கிரஸ் தலைவர்கள் எடியூரப்பாவின் உத்தரவுகளுக்கு எதிர்ப்பும் கண்டனமும் தெரிவித்துள்ளனர்.

சென்னை:

தமிழகம் முழுவதும் 30 போலீஸ் சூப்பிரண்டுகள் மாற்றப்பட்டனர். சென்னையில் புதிய துணை கமிஷனர்கள் நியமிக்கப்பட்டுள்ளனர்.

இது தொடர்பாக அரசு நேற்று வெளியிட்ட உத்தரவில் கூறி இருப்பதாவது:-

1. எம்.ஸ்ரீஅபினவ்-தக்கலை உதவி சூப்பிரண்டான இவர் சூப்பிரண்டாக பதவி உயர்வு பெற்றுள்ளார். சென்னை கிழக்கு போக்குவரத்து போலீஸ் துணை கமிஷனராக நியமிக்கப்பட்டுள்ளார்.

2. என்.எஸ்.நிஷா-சிதம்பரம் உதவி போலீஸ் சூப்பிரண்டான இவர் பதவி உயர்வு பெற்றுள்ளார். திருச்சி நகர சட்டம்-ஒழுங்கு துணை கமிஷனராக மாற்றப்பட்டுள்ளார்.

3. இ.சாய்சரண் தேஜஸ்வி- குளச்சல் உதவி போலீஸ் சூப்பிரண்டான இவர் பதவி உயர்வு பெற்று, சென்னை புளியந்தோப்பு துணை கமிஷனராக பொறுப்பு ஏற்கிறார்.

4. ரவளி பிரியா கந்தபுனேரி- திருவண்ணாமலை டவுன் உதவி போலீஸ் சூப்பிரண்டாக பணியாற்றிய இவர் பதவி உயர்வு பெற்று, சென்னை வண்ணாரப்பேட்டை துணை கமிஷனராக பதவி ஏற்பார்.

5. எஸ்.செல்வநாகரத்தினம்- தூத்துக்குடி உதவி போலீஸ் சூப்பிரண்டான இவர் சூப்பிரண்டாக பதவி உயர்வு பெற்றுள்ளார். சென்னை திருவல்லிக்கேணி துணை கமிஷனராக நியமிக்கப்பட்டுள்ளார்.

6. கே.பிரபாகர்- ஈரோடு சிறப்பு அதிரடிப்படை கூடுதல் போலீஸ் சூப்பிரண்டாக உள்ள இவர் பதவி உயர்வு பெற்று, சென்னை போலீஸ் கட்டுப்பாட்டு அறை துணை கமிஷனராக பதவி ஏற்பார்.

7. எஸ்.எஸ்.மகேஸ்வரன்- திண்டுக்கல் அமலாக்கப்பிரிவு கூடுதல் சூப்பிரண்டான இவர் சூப்பிரண்டாக பதவி உயர்வு பெற்றுள்ளார். ராஜபாளையம் சிறப்புக் காவல்படை 11-வது பட்டாலியன் கமாண்டராக மாற்றப்பட்டுள்ளார்.

8. வி.ஷியாமளாதேவி- பெண்களுக்கு எதிரான குற்ற வழக்கு விசாரணை கூடுதல் கமிஷனராக சென்னை போலீஸ் கமிஷனர் அலுவலகத்தில் பணியாற்றினார். பதவி உயர்வு பெற்று சென்னை டி.ஜி.பி. அலுவலகத்தில் தலைமையக உதவி ஐ.ஜி.யாக நியமிக்கப்பட்டுள்ளார்.

9. சி.ஷியாமளாதேவி- சென்னை புளியந்தோப்பு துணை கமிஷனரான இவர், மத்திய சென்னை மதுவிலக்கு அமலாக்கப்பிரிவு சூப்பிரண்டாக மாற்றப்பட்டுள்ளார்.

10. பர்வேஸ்குமார்- சென்னை திருவல்லிக்கேணி துணை கமிஷனராக பணியாற்றும் இவர், சி.பி.சி.ஐ.டி. சூப்பிரண்டாக பொறுப்பு ஏற்பார்.

11. எஸ்.சாந்தி- மத்திய சென்னை மதுவிலக்கு அமலாக்கப்பிரிவு சூப்பிரண்டான இவர், தமிழ்நாடு போலீஸ் அகாடமிக்கு மாற்றப்பட்டுள்ளார்.

12. பி.சாமுண்டீஸ்வரி- தமிழ்நாடு போலீஸ் அகாடமி சூப்பிரண்டான இவர், சென்னை சி.பி.சி.ஐ.டி. சைபர் கிரைம் பிரிவு சூப்பிரண்டாக நியமிக்கப்பட்டுள்ளார்.

13. ஜி.ஷாசங்க் சாய்- சென்னை வண்ணாரப்பேட்டை துணை கமிஷனரான இவர், அடையாருக்கு மாற்றப்பட்டுள்ளார்.

14. ரோகித் நாதன் ராஜகோபால்- சென்னை அடையாறு துணை கமிஷனரான இவர், சென்னை ரெயில்வே போலீஸ் சூப்பிரண்டாக பொறுப்பு ஏற்பார்.

15. ஜார்ஜி ஜார்ஜ்- சென்னை ரெயில்வே சூப்பிரண்டான இவர், சேலம் மாவட்ட போலீஸ் சூப்பிரண்டாக நியமிக்கப்பட்டுள்ளார்.

16. பி.ராஜன்- சேலம் மாவட்ட போலீஸ் சூப்பிரண்டான இவர், சென்னை ஒருங்கிணைந்த குற்றப்புலனாய்வு பிரிவு சூப்பிரண்டாக மாற்றப்பட்டுள்ளார்.

17. ஜி.ஸ்டாலின்- சென்னை ஒருங்கிணைந்த குற்றப்புலனாய்வு பிரிவு சூப்பிரண்டான இவர், சேலம் மண்டல அமலாக்கப்பிரிவு சூப்பிரண்டாக பொறுப்பு ஏற்பார்.

18. ஜி.சம்பத்குமார்- காத்திருப்போர் பட்டியலில் இருந்த இவர், சென்னை ஆவடி வீராபுரம் சிறப்பு காவல்படை 3-வது பட்டாலியன் கமாண்டராக நியமிக்கப்பட்டுள்ளார்.

19. பி.கண்ணம்மாள்- சென்னை டி.ஜி.பி. அலுவலகத்தில் தலைமையக உதவி ஐ.ஜி.யாக பணியாற்றிய இவர், லஞ்ச ஒழிப்புத்துறை மத்திய சரக சூப்பிரண்டாக மாற்றப்பட்டுள்ளார்.

20. எச்.ஜெயலட்சுமி- லஞ்ச ஒழிப்புத்துறை மத்திய சரக சூப்பிரண்டான இவர், லஞ்ச ஒழிப்புத்துறை மேற்கு சரக சூப்பிரண்டாக நியமிக்கப்பட்டுள்ளார்.

21. சரோஜ்குமார் தாக்கூர்- லஞ்ச ஒழிப்புத்துறை தெற்கு சரக சூப்பிரண்டான இவர், திருச்சி ரெயில்வே சூப்பிரண்டாக பொறுப்பு ஏற்பார்.

22. ஆன்னிவிஜயா- திருச்சி ரெயில்வே சூப்பிரண்டான இவர், சென்னை போதை ஒழிப்பு புலனாய்வுப்பிரிவு சூப்பிரண்டாக மாற்றப்பட்டுள்ளார்.

23. என்.தேவராணி- சென்னை போதை ஒழிப்பு புலனாய்வுப்பிரிவு சூப்பிரண்டான இவர், சென்னை மெட்ரோ ரெயில் தலைமை பாதுகாப்பு அதிகாரியாக பதவி ஏற்பார்.

24. இ.எஸ்.உமா- திருப்பூர் மாவட்ட போலீஸ் சூப்பிரண்டான இவர், திருப்பூர் நகர போக்குவரத்து மற்றும் குற்றப்பிரிவு, சட்டம்-ஒழுங்கு துணை கமிஷனராக மாற்றப்பட்டுள்ளார்.

25. ஏ.கயல்விழி- திருப்பூர் நகர போக்குவரத்து மற்றும் குற்றப்பிரிவு சட்டம்-ஒழுங்கு துணை கமிஷனராக பணியாற்றும் இவர், திருப்பூர் மாவட்ட போலீஸ் சூப்பிரண்டாக பொறுப்பு ஏற்பார்.

26. எஸ்.சக்திகணேசன்- திருச்சி நகர சட்டம்-ஒழுங்கு துணை கமிஷனராக உள்ள இவர், ஈரோடு மாவட்ட போலீஸ் சூப்பிரண்டாக நியமிக்கப்பட்டுள்ளார்.

27. டாக்டர் ஆர்.சிவகுமார்- ஈரோடு மாவட்ட போலீஸ் சூப்பிரண்டான இவர், சென்னை மேற்கு போக்குவரத்து போலீஸ் துணை கமிஷனராக மாற்றப்பட்டுள்ளார்.

28. ஐ.ஈஸ்வரன்- சென்னை மேற்கு போக்குவரத்து போலீஸ் துணை கமிஷனராக உள்ள இவர், அம்பத்தூர் துணை கமிஷனராக பதவி ஏற்பார்.

29. எஸ்.சர்வேஷ் ராஜ்- சென்னை அம்பத்தூர் துணை கமிஷனராக பணியாற்றும் இவர், சென்னை பொருளாதார குற்றப்பிரிவு தலைமையக சூப்பிரண்டாக நியமிக்கப்பட்டுள்ளார்.

30. ஆர்.அந்தோணி ஜான்சன் ஜெயபால்- சென்னை ஆவடி வீராபுரம் சிறப்பு காவல்படை 3-வது பட்டாலியன் கமாண்டராக பணிபுரியும் இவர், சென்னை 2-வது பட்டாலியன் சிறப்பு காவல்படை கமாண்டராக மாற்றப்பட்டுள்ளார்.

இவ்வாறு அரசு உத்தரவில் கூறப்பட்டுள்ளது. 

சென்னை:

திருநின்றவூரில் பராமரிப்பு பணிகள் நடைபெறுவதால் இன்று (சனிக்கிழமை) முதல் 16-ந்தேதி வரை 5 நாட்கள் மூர்மார்க்கெட்-ஆவடி இரவு 12.15 மணி, மூர்மார்க்கெட்-அரக்கோணம் இரவு 1.20 மணி மின்சார ரெயில்கள் வில்லிவாக்கத்தில் இருந்து விரைவு பாதையில் செல்லும். இதனால் சில ரெயில் நிலையங்களில் நிற்காது. 12, 13, 14-ந்தேதிகளில் மூர்மார்க்கெட்-சூலூர்பேட்டை காலை 7.30, 8.15 மணி ரெயில்கள் மூர்மார்க்கெட்-எலாவூர் இடையேயும், சூலூர்பேட்டை-மூர்மார்க்கெட் காலை 10, 11.15 மணி ரெயில்கள் எலாவூர்-மூர்மார்க்கெட் இடையேயும் இயக்கப்படும்.

12, 13, 19, 20-ந்தேதிகளில் சென்டிரல்-விஜயவாடா பினாங்கினி எக்ஸ்பிரஸ் (12712) ஒரு மணி நேரம் தாமதமாக புறப்படும், விஜயவாடா-சென்டிரல் பினாங்கினி எக்ஸ்பிரஸ் (12711) 1 மணி 20 நிமிடம் தாமதமாக வந்துசேரும். மூர்மார்க்கெட்-ஆவடி பகல் 2.05, ஆவடி-மூர்மார்க்கெட் 2.50 மணி ரெயில்கள் முழுவதுமாக ரத்து செய்யப்பட்டுள்ளன. 13 மற்றும் 20-ந்தேதிகளில் சூலூர்பேட்டை-மூர்மார்க்கெட் பகல் 12 மணி ரெயில் 1 மணி 30 நிமிடம் தாமதமாக புறப்படும்.

இந்த தகவலை தெற்கு ரெயில்வே தெரிவித்துள்ளது. 

சென்னை:

சென்னை சென்டிரல்- டெல்லி ஷாராய் ரோஹில்லா- சென்னை சென்டிரல் (வ.எண்.12615, 12616) செல்லும் ‘கிரான்ட் டிரங்க்’ எக்ஸ்பிரஸ் ரெயில் சென்னை சென்டிரல்-டெல்லி சாராய் ரோஹில்லா இடையே ரெயில் சேவை வழங்கி வந்தது. இந்த நிலையில் ‘கிரான்ட் டிரங்க்’ எக்ஸ்பிரஸ் ரெயிலின் சேவையில் சிறிது மாற்றம் செய்யப்பட்டுள்ளது.

அதன்படி, சென்னை சென்டிரல்-புதுடெல்லி வரை தான் இந்த எக்ஸ்பிரஸ் ரெயில் செல்லும். வருகிற 21-ந் தேதியில் இருந்து சென்னை சென்டிரல்-புதுடெல்லி கிரான்ட் டிரங்க் எக்ஸ்பிரஸ் ரெயிலிலும்(12615), வருகிற 23-ந் தேதியில் இருந்து புதுடெல்லி- சென்னை சென்டிரல் கிரான்ட் டிரங்க் எக்ஸ்பிரஸ் ரெயிலிலும்(12616) இந்த சேவை மாற்றம் அமலுக்கு வருகிறது.

மேற்கண்ட தகவல் தெற்கு ரெயில்வே வெளியிட்டுள்ள செய்திக்குறிப்பில் தெரிவிக்கப்பட்டுள்ளது. 

புதுடெல்லி:

11-வது ஐ.பி.எல். 20 ஓவர் கிரிக்கெட் போட்டியில் பிளே-ஆப் சுற்று ஆட்டங்களில் முதலாவது தகுதி சுற்று மும்பையில் வருகிற 22-ந் தேதியும், வெளியேற்றுதல் சுற்று ஆட்டம் கொல்கத்தாவில் 23-ந் தேதியும், 2-வது தகுதி சுற்று ஆட்டம் கொல்கத்தாவில் 25-ந் தேதியும், இறுதிப்போட்டி மும்பையில் 27-ந் தேதியும் நடக்கிறது.



முதலில் இந்த ஆட்டங்கள் இரவு 8 மணிக்கு தொடங்க திட்டமிடப்பட்டு இருந்தது. தற்போது இந்த ஆட்டங்கள் அனைத்தும் ஒரு மணி நேரம் முன்னதாக இரவு 7 மணிக்கு தொடங்கி நடைபெறும் என்று ஐ.பி.எல். சேர்மன் ராஜீவ் சுக்லா நேற்று அறிவித்தார்.

இது தொடர்பாக ராஜீவ் சுக்லா ஒரு டெலிவிஷனுக்கு அளித்த பேட்டியில், ‘ஐ.பி.எல். கிரிக்கெட் போட்டி வெற்றிகரமாக நடைபெற்று வருவதற்கு ரசிகர்களின் ஆதரவு தான் முக்கிய காரணம். மைதானம் வந்தும், வீட்டில் டி.வி.யிலும் ரசிகர்கள் ஐ.பி.எல். போட்டியை ரசித்து வருகிறார்கள். ரசிகர்களின் நலனை கருத்தில் கொண்டு பிளே-ஆப் சுற்று மற்றும் இறுதிப்போட்டி இரவு 7 மணிக்கு தொடங்க முடிவு செய்யப்பட்டுள்ளது.

ஸ்டேடியத்துக்கு வரும் பார்வையாளர்கள் மட்டுமின்றி வீட்டில் டி.வி.யில் பார்க்கும் அலுவலகம் செல்வோர் மற்றும் மாணவர்கள் அடுத்த நாள் காலையில் தங்களது பணிகளை கவனிக்க வேண்டியது உள்ளது. எனவே ஒரு மணி நேரம் முன்னதாக தொடங்கினால் அவர்கள் அடுத்த நாள் தங்களது பணிகளை கவனிக்க எளிதாக இருக்கும் என்பதால் இந்த முடிவு எடுக்கப்பட்டுள்ளது’ என்று தெரிவித்தார். #IPL2018 #RajeevShukla #tamilnews

சென்னை:

தமிழ்நாடு அரசு மற்றும் அரசு உதவி பெறும் பள்ளிகளில் டாக்டர் புரட்சித்தலைவர் எம்.ஜி.ஆர். சத்துணவு திட்டத்தின் கீழ் 1-ம் வகுப்பு முதல் 8-வது வகுப்பு வரை படிக்கும் மாணவர்களுக்கு ஆண்டுக்கு 4 செட் சீருடைகள் இலவசமாக வழங்கப்படுகிறது.

இந்த கல்வி ஆண்டு 1-ம் வகுப்பில் இருந்து 5-ம் வகுப்பு வரை படிக்கும் மாணவர்களுக்கு சீருடையின் நிறம் மாற்றப்பட்டுள்ளது. அதன்படி வெளிர் பச்சை சட்டை(அக்குவா கிரீன்), அடர் பச்சை கால் சட்டை (மெடோ கிரீன்) வழங்கப்பட உள்ளது.

6-ம் வகுப்பு முதல் 8-வது வகுப்பு படிக்கும் மாணவர்களுக்கு தற்போது வழங்கப்படும் வெளிர் பிரவுன் சட்டையும், பழுப்பு சிவப்பு கால் சட்டையும் தொடர்ந்து வழங்கப்பட உள்ளது.

இந்த சீருடைகளுக்கான துணிகளை தமிழக கைத்தறி மற்றும் ஜவுளித்துறை வழங்குகிறது. கோடை விடுமுறைக்கு பின் ஜூன் மாதம் பள்ளிக்கூடம் திறந்தவுடன் மாணவர்களுக்கு புதிய சீருடைகளை வழங்குவதற்கான ஆயத்தப்பணிகளை பள்ளி கல்வித்துறை அதிகாரிகள் மேற்கொண்டுள்ளனர்.