நீங்கள் தேடியது "திருமங்கலம்"

பேரையூர்:

திருமங்கலம் ரெயில்வே பீடர் ரோட்டை சேர்ந்தவர் வெங்கடேசுவரன் (வயது40). முன்னாள் தே.மு.தி.க. கவுன்சிலரான இவர் அதே பகுதியில் சூப்பர் மார்க்கெட் நடத்தி வருகிறார்.

சம்பவத்தன்று இரவு இவரது கடைக்குள் புகுந்த மர்ம நபர் கல்லாபெட்டியில் இருந்த ரூ.40 ஆயிரத்தை திருடிக்கொண்டு தப்பினான்.

இதுகுறித்த புகாரின் பேரில் திருமங்கலம் நகர் போலீசார் வழக்குப்பதிவு செய்து பணம் திருடிய நபரை தேடி வந்தனர்.

தொடர் விசாரணையில் சூப்பர் மார்க்கெட்டில் பணம் திருடியது பெருங்குடி அண்ணாநகரைச் சேர்ந்த சின்னச்சாமி மகன் விக்கி என்ற விக்னேஷ்(26) என தெரியவந்தது. இதையடுத்து போலீசார் இவரை கைது செய்தனர்.

விக்னேஷ் மீது கொலை முயற்சி, வழிப்பறி, கொலை வழக்குகள் உள்ளன என்பது குறிப்பிடததக்கது.

பேரையூர்:

திருமங்கலம் அருகே உள்ள சாத்தங்குடியைச் சேர்ந்தவர் ராமர் (வயது 22), செல்போன் கடை ஊழியர்.

இவருக்கும் தேனி மாவட்டம், கடமலைக்குண்டு கிராமத்தைச் சேர்ந்த 16 வயது சிறுமிக்கும் கடந்த மாதம் 18-ந் தேதி திருமணம் நடைபெற்றது.

இதுகுறித்து மதுரை விடியல் ஹோம் குழந்தைகள் காப்பக அலுவலர் மாரீசுவரிக்கு தகவல் கிடைத்தது. அவர் சிந்துப்பட்டி போலீசில் புகார் செய்தார்.

போலீசார் விசாரணை நடத்தி, சிறுமியை மீட்டு காப்பகத்தில் ஒப்படைத்தனர். இது தொடர்பாக ராமர், சிறுமியின் உறவினர்கள் ரெங்கசாமி, எல்லம்மாள், சரவணன், வித்யா மற்றும் சிலர் மீது போலீசார் வழக்குப்பதிவு செய்துள்ளனர்.