நீங்கள் தேடியது "slug 151061"

கோவை:

கோவை கள்ளிப்பாளையத்தை சேர்ந்தவர் பிரசாந்த் (வயது 22). கூலி தொழிலாளி. இவரது நண்பர்கள் ஆலாந்துறையை சேர்ந்த மனோஜ், சதிஷ், சபரி.

சம்பவத்தன்று நண்பர்கள் 4 பேரும் ஆலாந்துறையில் உள்ள நண்பரின் திருமணத்துக்கு சென்றனர். அங்கு பிரசாந்த், மனோஜ், சதிஷ், சபரி ஆகியோர் மது குடித்தனர்.

மது தீர்ந்ததால் மீண்டும் மது வாங்க ஆலாந்துறை டாஸ்மாக் கடைக்கு 4 பேரும் நடந்து சென்றனர். அப்போது பிரசாந்திற்கும், மனோஜ், சதிஷ், சபரி ஆகியோருக்கும் வாக்குவாதம் ஏற்பட்டது.

இது திடீரென தகராறாக மாறியது. இதில் ஆத்திரம் அடைந்த மனோஜ் தான் மறைத்து வைத்திருந்த கத்தியை எடுத்து பிரசாந்தை குத்தினார். சதிஷ் மற்றும் சபரி அங்கிருந்த பீர் பாட்டிலை எடுத்து சரமாறியாக தாக்கினர். பின்னர் அங்கிருந்து 3 ேபரும் தப்பி சென்றனர். இதில் பலத்த காயம் அடைந்த பிரசாந்த் ரத்த வெள்ளத்தில் சுருண்டு விழுந்து வலியால் அலறி துடித்தார். அவரின் சத்தத்தை கேட்டு அக்கம் பக்கத்தினர் ஓடி வந்தனர்.

பின்னர் அவரை மீட்டு கோவை அரசு ஆஸ்பத்திரியில் சிகிச்சைக்கு சேர்த்தனர். இதுகுறித்து பிரசாந்த் ஆலாந்துறை போலீசில் புகார் அளித்தார். புகாரின் பேரில் போலீசார் வழக்குப்பதிவு செய்து தப்பி ஓடிய மனோஜ், சதிஷ், சபரி ஆகிய 3 பேரை தேடி வருகின்றனர்.

தேனி:

தேனி அல்லிநகரம் அண்ணாநகரை சேர்ந்தவர் பாண்டியன்(40). இவரது உறவினர் முருகன். இவர்கள் கூலிவேலை பார்த்து வருகின்றனர்.

தினமும் மதுகுடித்து வீட்டிற்கு செல்வது வழக்கம். கடந்த சில மாதங்களாக பாண்டியன் மதுகுடிக்கும் பழக்கத்தை கைவிட்டார். சம்பவத்தன்று முருகன் வலுக்கட்டாயமாக மது குடிக்கவருமாறு கேட்டுள்ளார்.

அவர் வர மறுக்கவே தனக்காவது பணம் தருமாறு கேட்டுள்ளார். அதற்கு பணமும் தர முடியாது என கூறினார். இதனால் ஆத்திரமடைந்த முருகன் கத்தி மற்றும் கண்ணாடி டம்ளரால் பாண்டியனை தாக்கினார். படுகாமயடைந்த அவர் க.விலக்கு அரசு ஆஸ்பத்திரியில் சிகிச்சைக்காக சேர்க்கப்பட்டுள்ளார்.

இதுகுறித்து அல்லிநகரம் போலீசார் வழக்குபதிவு செய்து விசாரணை நடத்தி வருகின்றனர்.

ஆறுமுகநேரி:

ஆறுமுகநேரி அருகே உள்ள மூலக்கரை வடக்கு தெருவை சேர்ந்தவர் கார்த்திசன் (வயது40). கட்டிட தொழிலாளி. இவரது மனைவி தங்கம் (36). இவர்களுக்கு ஒரு மகனும், மூன்று மகள்களும் உள்ளனர்.

தங்கம் பீடி சுற்றும் தொழில் செய்து வருகிறார். இவர் தனக்கு சொந்தமான 17 பவுன் நகைகளை உறவினர் ஒருவரிடம் பாதுகாப்பு கருதி கொடுத்து வைத்துள்ளார்.

ஆனால் அந்த நகைகளை கேட்டு அவரது கணவரான கார்த்திசன் அடிக்கடி வீட்டில் தகராறு செய்து வந்துள்ளார்.

இந்த நிலையில் நேற்று முன்தினம் இரவு கணவன் -மனைவி இடையே வாக்குவாதம் ஏற்பட்டுள்ளது. அப்போது ஆத்திரமடைந்த கார்த்திசன் தனது மனைவியை கத்தியால் தாக்கியுள்ளார்.

இதில் தங்கத்தின் தலை மற்றும் இரண்டு கைகளிலும் பலத்த காயங்கள் ஏற்பட்டன. உடனே கார்த்திகேசன் அங்கிருந்து சென்று விட்டார்.

படுகாயமடைந்த தங்கம் உடனடியாக திருச்செந்தூர் அரசு ஆஸ்பத்திரிக்கு கொண்டு செல்லப்பட்டார்.

பின்னர் மேல் சிகிச்சைக்காக தூத்துக்குடி அரசு மருத்துவமனையில் சேர்க்கப்பட்டார்.

இச்சம்பவம் பற்றி ஆறுமுகநேரி போலீசார் வழக்குப்பதிவு செய்து கார்த்திசனை தேடி வருகின்றனர்.