நீங்கள் தேடியது "விக்னேஷ்"

ஈரோடு:

ஈரோடு மாவட்டம் கீழேரிபாளையத்தில் வசித்து வரும் எம்.விக்னேஷ், ஈரோட்டில் உள்ள ஒரு தனியார் கம்பெனியில் வேலை பார்த்து வருகிறார். உடல்நலக்குறைவால் வேலைக்கு செல்ல முடியாத தந்தை, வீட்டு வேலை செய்து சொற்ப வருமானத்தில் குடும்பம் நடத்தும் தாய் இருவருக்கும் விக்னேஷ்தான் ஒரே ஆறுதல். குறைந்த வருமானம் என்றாலும் மனநிறைவோடு வாழ்ந்து வந்தனர்.

இந்த மகிழ்ச்சியை குலைக்கும் வகையில் கடந்த 24-ம் தேதி நிகழ்ந்த விபத்து ஒட்டுமொத்த குடும்பத்தையே உலுக்கிவிட்டது. விக்னேஷ் விபத்தில் சிக்கி, அவரது தலையில் பலத்த காயம் ஏற்பட்டது. உடனடியாக அவரை அக்கம்பக்கத்தில் இருந்தவர்கள் மீட்டு, மருத்துவமனையில் சேர்த்தனர்.


விக்னேஷ் மற்றும் அவரது தாயாரின் மொத்த வருமானம் மாதம் 15000 ரூபாய்தான். போதிய வருமானம் இன்றி தள்ளாடிய நிலையில், இப்போது மருத்துவச் செலவுகளால் மேலும் நெருக்கடியில் சிக்கித் தவிக்கிறது அவரது குடும்பம். கையில் இருந்த கொஞ்ச நஞ்ச பணத்துடன், தெரிந்தவர்களிடம் கடன் வாங்கி இதுவரை 3.5 லட்சம் ரூபாய் செலவு செய்துள்ளனர்.