நீங்கள் தேடியது "slug 158947"

மாருதி சுசுகி நிறுவனம் ஸ்விப்ட் S-CNG மாடலை இந்தியாவில் அறிமுகம் செய்தது. புதிய ஸ்விப்ட் S-CNG மாடலின் விலை ரூ. 7 லட்சத்து 77 ஆயிரம், எக்ஸ்-ஷரூம் என துவங்குகிறது. இந்த காரை மாருதி சுசுகி சப்ஸ்கிரைப் முறையில் மாதாந்திர சந்தா செலுத்தியும் வாங்கிக் கொள்ளலாம். இதற்கான கட்டணம் ரூ. 16 ஆயிரத்து 499 ஆகும்.

புதிய CNG வெர்ஷன் VXi மற்றும் ZXi என இரண்டு வேரியண்ட்களில் கிடைக்கிறது. ஸ்விப்ட் S-CNG சேர்க்கும் பட்சத்தில் மாருதி சுசுகி தற்போது ஒன்பது CNG கார்களை இந்திய சந்தையில் விற்பனை செய்து வருகிறது.

மாருதி சுசுகி ஸ்விப்ட் S-CNG மாடலில் 1.2L K சீரிஸ் டூயல் ஜெட், டூயல் VVT என்ஜின் வழங்கப்பட்டு இருக்கிறது. இந்த என்ஜின் 76 ஹெச்பி பவர், 98 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் யூனிட் வழங்கப்படுகிறது. இந்த கார் கிலோவுக்கு 30.90 கிமீ வரையிலான மைலேஜ் வழங்கும் என மாருதி சுசுகி தெரிவித்து இருக்கிறது.

இந்த காரில் டூயல் இண்டிபெண்டண்ட் எலெக்டிரானிக் கண்ட்ரோல் யூனிட்கள் மற்றும் இண்டெலிஜண்ட் இன்ஜெக்‌ஷன் சிஸ்டம் வழங்கப்பட்டு இருக்கிறது. பாதுகாப்பிற்காக இந்த காரில் ஸ்டெயின்லெஸ் ஸ்டீல் பைப்கள் வழங்கப்பட்டு உள்ளன. இது CNG-ஐ சுற்றி எந்த சேதமும் ஏற்படுத்தாத வகையில் உருவாக்கப்பட்டு இருக்கிறது. 

ஜெர்மனி நாட்டு ஆடம்பர கார் உற்பத்தியாளரான ஆடி புதிய Q3 மாடலுக்கான முன்பதிவை துவங்கி உள்ளது. 2022 ஆடி Q3 மாடலுக்கான முன்பதிவு கட்டணம் ரூ. 2 லட்சம் ஆகும். இந்த கார் பிரீமியம் பிளஸ் மற்றும் டெக்னாலஜி என இரண்டு வேரியண்ட்களில் கிடைக்கிறது. இந்த காரை வாங்கும் முதல் 500 வாடிக்கையாளர்களுக்கு (2+3 ஆண்டுகள்) நீட்டிக்கப்பட்ட வாரண்டி சலுகையை பெற முடியும்.

புதிய ஆடி Q3 மாடலில் 2.0 லிட்டர் TFSI என்ஜின் வழங்கப்படுகிறது. இந்த என்ஜின் 187 ஹெச்பி பவர், 320 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிமீ வேகத்தை 7.3 நொடிகளில் எட்டிவிடும். இத்துடன் ஆல் வீல் டிரைவ் வசதியை கொண்டுள்ளது.

காரின் வெளிப்புறம் எல்இடி ஹெட்லைட்கள், பானரோமிக் சன்கிளாஸ், ஹை கிளாஸ் ஸ்டைலிங் பேக்கேஜ், கம்பர்ட் கீ மற்றும் ஜெஸ்ட்யூர் கண்ட்ரோல் டெயில்கேட் வழங்கப்பட்டு இருக்கிறது. உள்புறம் ஆடி விர்ச்சுவல் காக்பிட் பிளஸ், MMI நேவிகேஷன் பிளஸ் மற்றும் MMI டச், ஆடி டிரைவ் செலக்ட், வயர்லெஸ் சார்ஜிங் வசதி கொண்ட ஆடி போன் பாக்ஸ், 30 நிறங்கள் அடங்கிய ஆம்பியண்ட் லைட்டிங் பேககேஜ் பிளஸ் வழங்கப்பட்டுள்ளன. 

ஜெர்மனி நாட்டை சேர்ந்த ஆடம்பர கார் உற்பத்தியாளரான பிஎம்டபிள்யூ இந்திய சந்தையில் M4 காம்படிஷன் காரை அறிமுகம் செய்து இருக்கிறது. இந்த காரின் விலை ரூ. 1 கோடியே 53 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த கார் பிஎம்டபிள்யூ நிறுவனத்தின் M பிரிவு 50 ஆவது ஆண்டு விழாவை கொண்டாடும் விதமாக அறிமுகம் செய்யப்பட்டு இருக்கிறது.

முன்னதாக M340i எக்ஸ்டிரைவ், 6 சீரிஸ் GT மற்றும் 5 சீரிஸ் கார்களின் 50 ஜாரெ எம் எடிஷன் கார்களை பிஎம்டபிள்யூ அறிமுகம் செய்து இருந்தது. இந்த நிலையில், தற்போது M4 காம்படிஷன் 50 ஜாரெ எம் எடிஷன் காரை பிஎம்டபிள்யூ அறிமுகம் செய்து இருக்கிறது. இந்த கார் மகவ் புளூ மற்றும் இமோலா ரெட் என இரண்டு விதமான நிறங்களில் கிடைக்கிறது. இத்துடன் அலாய் வீல்கள் மேட் கோல்டு பிரான்ஸ் நிறம் கொண்டிருக்கிறது.

காரின் உள்புறம் ஹை-கிரேடு மெரினோ லெதர், ஆல் பிளாக் டோன், சீட் மற்றும் டோர் சில்களில் 50 எம் ஜாரெ பேட்ஜகள் வழங்கப்பட்டுள்ளன. இதன் செண்டர் கன்சோலில் ஸ்பெஷல் மெட்டல் பிளேக் மற்றும் 50 M ஜாரெ எழுத்துக்கள் பொறிக்கப்பட்டுள்ளன.

M4 காம்படிஷன் 50 ஜாரெ M எடிஷன் மாடலில் 2993 சிசி, சிங்கில் சிலிண்டர், ட்வின் டர்போசார்ஜ் செய்யப்பட்ட பெட்ரோல் என்ஜின் வழங்கப்பட்டு இருக்கிறது. இத்துடன் 8 ஸ்பீடு M ஸ்டெப்டிரானிக் ஆட்டோமேடிக் டிரான்ஸ்மிஷன் வழங்கப்படுகிறது. இந்த என்ஜின் 503 ஹெச்பி பவர், 650 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிமீ வேத்தை 3.5 நொடிகளில் எட்டிவிடும். 

டாடா மோட்டசார்ஸ் நிறுவனம் தனது பன்ச் மாடல் இந்திய விற்பனையில் ஒரு லட்சம் யூனிட்களை கடந்துள்ளதாக அறிவித்து இருக்கிறது. கடந்த ஆண்டு அக்டோபர் மாத வாக்கில் அறிமுகம் செய்யப்பட்ட டாடா பன்ச் பத்து மாதங்களில் இந்த மைல்கல்லை எட்டி இருக்கிறது. டாடா பன்ச் ஒரு லட்சமாவது யூனிட் அந்நிறுவனத்தின் பூனே ஆலையில் இருந்து வெளியிடப்பட்டது.

இந்திய சந்தையில் அறிமுகம் செய்யப்பட்ட போது டாடா பன்ச் விலை ரூ. 5 லட்சத்து 93 ஆயிரம் என துவங்கி அதிகபட்சம் ரூ. 9 லட்சத்து 49 ஆயிரம் என நிர்ணயம் செய்யப்பட்டது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. டாடா பன்ச் மாடல் பியூர், அட்வென்ச்சர், அகம்ப்லிஷ்டு, கிரியேடிவ் மற்றும் காசிரங்கா என ஐந்து வேரியண்ட்களில் கிடைக்கிறது.

இந்த கார் ஆர்கஸ் வைட், டேடோனா கிரே, டிராபிக்கல் மிஸ்ட், அடோமிக் ஆரஞ்சு, மீடியோர் பிரான்ஸ், டொர்னாடோ புளூ மற்றும் கலிப்சோ ரெட் போன்ற நிறங்களில் கிடைக்கிறது. சர்வதேச அளவில் நடத்தப்படும் குளோபல் NCAP சோதனையில் டாடா பன்ச் மாடல் ஐந்து நட்சத்திர குறியீடுகளை பெற்று அசத்தி இருக்கிறது.

டாடா பன்ச் மாடல் 1.2 லிட்டர் மூன்று சிலிண்டர்கள் கொண்ட NA பெட்ரோல் என்ஜின் கொண்டிருக்கிறது. இந்த என்ஜின் 85 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு மேனுவல் யூனிட் மற்றும் AMT யூனிட் டிரான்ஸ்மிஷன் ஆப்ஷன்களாக வழங்கப்படுகிறது. இந்த கார் முறையே லிட்டருக்கு 18.82 கிமீ மற்றும் 18.97 கிமீ மைலேஜ் வழங்குகிறது. 

ஜீப் காம்பஸ் ஆனிவர்சரி எடிஷன் எஸ்யுவி மாடல் இந்திய சந்தையில் அறிமுகம் செய்யப்பட்டது. இதன் விலை ரூ. 24 லட்சத்து 44 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்தியாவில் களமிறங்கி ஐந்து ஆண்டுகள் நிறைவை கொண்டாடும் வகையில் புதிய ஆனிவர்சரி எடிஷன் மாடல் அறிமுகம் செய்யப்பட்டு உள்ளது.

விருப்பமுள்ள வாடிக்கையாளர்கள் ஜீப் காம்பஸ் ஆனிவர்சரி எடிஷன் மாடலை விற்பனை மையங்கள் அல்லது ஜீப் இந்தியா அதிகாரப்பூர்வ வலைதளத்தில் முன்பதிவு செய்து கொள்ள முடியும். ஸ்பெஷல் எடிஷன் மாடல் என்பதால், இந்த காரில் சில குறிப்பிடத்தக்க மாற்றங்கள் செய்யப்பட்டுள்ளன.

இந்த காரின் வெளிப்புறம் 18 இன்ச் அளவில் அலாய் வீல்கள், கிரானைட் க்ரிஸ்டல் பினிஷிங், நியூட்ரல் கிரே நிறத்தால் ஆன ORVM, பாடி கலர் ஃபெண்டர் ஃபிளேர்கள், அக்செண்ட் நிற ரூஃப் ரெயில்கள், முன்புற கிரில் ரிங்குகள் நியூட்ரல் கிரே நிறம் கொண்டுள்ளன. இவை அனைத்தும் காரின் தோற்றத்தில் மாற்றங்களாக பிரதிபலிக்கின்றன. இதனால் கார் முன்பை விட அதிக பிரீமியம் தோற்றம் பெற்று இருக்கிறது. இத்துடன் ஐந்தாவது ஆனிவர்சரி பேட்ஜிங்கும் வழங்கப்பட்டு இருக்கிறது.

காரின் உள்புறம் லெதர் இருக்கை, பிளாக் ஹெட்லைனர்களில் டக்ஸ்டன் அக்செண்ட் ஸ்டிட்ச் செய்யப்பட்டு உள்ளது. இத்துடன் ஆட்டோ டிம்மிங் ரியர் வியூ மிரர், பியானோ பிளாக் மற்றும் அனோடைஸ்டு கன் மெட்டல் இண்டீரியர் அக்செண்ட்கள் செய்யப்பட்டுள்ளன.

ஜீப் காம்பஸ் ஆனிவர்சரி எடிஷன் மாடல் 162 ஹெச்பி பவர் கொண்ட 1.4 லிட்டர் டர்போ சார்ஜ் செய்யப்பட்ட மல்டி-ஏர் பெட்ரோல் என்ஜின் மற்றும் 170 ஹெச்பி பவர், 2.0 லிட்டர் டர்போ சார்ஜ் செய்யப்பட்ட மல்டிஜெட் டீசல் என்ஜின் என இருவித ஆப்ஷன்களில் கிடைக்கிறது. இந்த ஸ்பெஷல் காரை 4x4 வெர்ஷனிலும் பெற முடியும். எனினும், இந்த வசதி டீசல் என்ஜினில் மட்டுமே வழங்கப்பட்டு இருக்கிறது.

கியர்பாக்ஸ் ஆப்ஷன்களை பொருத்தவரை பெட்ரோல் என்ஜினுக்கு 7 ஸ்பீடு DCT, டீசல் என்ஜினுக்கு 6 ஸ்பீடு மேனுவல் அல்லது 9 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்படுகிறது.

மாருதி சுசுகி நிறுவனம் புதிய தலைமுறை ஆல்டோ K10 மாடலின் முதல் படத்தை அதிகாரப்பூர்வமாக வெளியிட்டு உள்ளது. முற்றிலும் புதிய மாருதி சுசுகி ஆல்டோ K10 மாடல் அதிக மாற்றங்களுடன் புது தோற்றம் பெற்று இருக்கிறது. இத்துடன் மேம்பட்ட பவர்டிரெயின் வழங்கப்பட இருக்கிறது.

ஆல்டோ K10 ஹேச்பேக் மாடலுக்கான முன்பதிவை மாருதி சுசுகி நிறுவனம் துவங்கி விட்டது. இந்த காருக்கான முன்பதிவு கட்டணம் ரூ. 11 ஆயிரம் ஆகும். புதிய தலைமுறை மாருதி சுசுகி ஆல்டோ K10 மாடலின் விற்பனை ஆகஸ்ட் 18 ஆம் தேதி துவங்க இருக்கிறது. விரைவில் இந்த கார் நாடு முழுக்க செயல்பட்டு வரும் மாருதி சுசுகி அரினா விற்பனை மையங்களை வந்தடையும்.

"43 லட்சத்து 20 ஆயிரத்திற்கும் அதிக வாடிக்கையாளர்களுடன் இந்திய சந்தையில் ஆதிக்கம் செலுத்தும் கார் பிராண்டாக ஆல்டோ இருக்கிறது. 22 ஆண்டு கால பாரம்பரியம் மிக்க நிறுவனத்தின் ஆல்டோ கார் பெருமை, நம்பிக்கை மற்றும் சார்ந்திருத்தலின் அடையாளமாக மாறி இருக்கிறது. சுசுகி நிறுவனத்தின் வெற்றிகர வாகனமாக ஆல்டோ இருக்கிறது."

"முற்றிலும் புதிய ஆல்டோ K10 புதிய தலைமுறை தொழில்நுட்பம் மற்றும் அம்சங்கள் நிறைந்த ஹேச்பேக் மாடலாக இருக்கும். ஆல்டோ 800 உடன் சேர்ந்து முற்றிலும் புதிய ஆல்டோ K10 மாடல் இந்திய வாடிக்கையாளர்களில் பலருக்கும் மகிழ்ச்சி மற்றும் பெருமையை சேர்க்கும் என நம்புகிறோம்," என்று மாருதி சுசுகி இந்தியா நிறுவனத்தின் விளம்பரம் மற்றும் விற்பனை பிரிவு மூத்த நிர்வாக அதிகாரி சஷான்க் ஸ்ரீவஸ்தவா தெரிவித்து இருக்கிறார்.

ஸ்கோடா ஆட்டோ இந்தியா நிறுவனம் கோடியக் எஸ்யுவி மாடலுக்கான முன்பதிவை மீண்டும் துவங்கி இருக்கிறது. முன்பதிவு கட்டணம் ரூ. 50 ஆயிரம் ஆகும். இந்த ஆண்டு ஜனவரி மாத வாக்கில் அறிமுகம் செய்யப்பட்ட புது மாடல் விலை ரூ. 37 லட்சத்து 49 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்தியாவில் ல்கோடா கோடியக் மாடல் ஸ்டைல், ஸ்போர்ட்லைன் மற்றும் L&K என மூன்று வேரியண்ட்களில் கிடைக்கிறது. முன்பதிவு துவங்கிய கையோடு கார் மாடல் விலையையும் ஸ்கோடா நிறுவனம் உயர்த்தி இருக்கிறது. ஸ்கோடா கோடியக் எஸ்யுவி மூன்று வேரியண்ட்களின் விலையும் ரூ. 2 லட்சத்து 50 ஆயிரம் வரை உயர்த்தப்பட்டு உள்ளது.

இந்த காருக்கான புதிய முன்பதிவுகள் 2023 முதல் காலாண்டுக்கானது ஆகும். 2023 ஆண்டுக்கான முன்பதிவு பல கட்டங்களாக பின்னர் துவங்கும். 2023 முதல் காலாண்டிற்கான வினியோகம் அடுத்த ஆண்டு ஜனவரி முதல் மார்ச் மாத வாக்கில் துவங்க இருக்கிறது.

ஸ்கோடா கோடியக் மாடலில் 2.0 லிட்டர் டிஎஸ்ஐ டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 188 ஹெச்பி பவர், 320 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

விலை விவரங்கள்:

ஸ்கோடா கோடியக் ஸ்டைல் ரூ. 37 லட்சத்து 49 ஆயிரம்

ஸ்கோடா கோடியக் ஸ்போர்ட்லைன் ரூ. 38 லட்சத்து 49 ஆயிரம்

ஸ்கோடா கோடியக் L&K ரூ. 39 லட்சத்து 99 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

அடுத்த தலைமுறை மாருதி சுசுகி ஸ்விப்ட் ஹேச்பேக் மாடல் சோதனை செய்யப்படும் போது எடுக்கப்பட்ட படங்கள் மீண்டும் வெளியாகி உள்ளது. புதிய ஸ்விப்ட் கார் தற்போதைய மாடலுடன் சோதனை செய்யப்படுகிறது. சர்வதேச சந்தையில் 2023 வாக்கில் அறிமுகம் செய்யப்படுவதற்கு முன்பே நான்காம் தலைமுறை ஸ்விப்ட் மாடல் இந்தியாவில் அறிமுகம் செய்யப்படும் என எதிர்பார்க்கலாம்.

Photo Courtesy: Twitter | @suzuki_garage

முன்னதாக ஐரோப்பாவில் எடுக்கப்பட்ட 2023 சுசுகி ஸ்விப்ட் மாடல் ஸ்பை படங்கள் முதல் முறையாக இணையத்தில் வெளியாகி இருந்தது. தொடர் சோதனைகளை அடுத்து, விரைவில் வெளியிடப்பட இருக்கும் சுசுகி ஸ்விப்ட் ஹேச்பேக் காரின் ரோடு டெஸ்ட் செய்யப்பட்டு வருவதாக தெரிகிறது. சோதனை செய்யப்படும் ஸ்விப்ட் கார் முழுமையாக மறைக்கப்பட்ட நிலையிலேயே உள்ளது.

புதிய தலைமுறை சுசுகி ஸ்விப்ட் கார் புல்டு-பேக் ஹெட்லேம்ப்கள், டெயில் லேம்ப் உடன் இணையும் படியான ஷோல்டர் லைன் காணப்படுகிறது. இதன் பின்புற தோற்றம் முதல் தலைமுறை சுசுகி ஸ்விப்ட் மாடலில் உள்ளதை போன்றே காட்சியளிக்கிறது. ஒட்டுமொத்த வடிவமைப்பு கிளாம்ஷெல் பொனெட், பெரிய முன்புற கிரில், ஹெட்லேம்ப்-இன் கீழ்புறம் டிஆர்எல்கள், அகலமான ஏர் இன்டேக்குகள், பெரிய அலாய் வீல்கள் வழங்கப்பட்டுள்ளன.

எம்ஜி மோட்டார் இந்தியா நிறுவனம் புதிய ஹெக்டார் மாடலுக்கான டீசர் வீடியோவை வெளியிட்டு உள்ளது. இதில் புதிய காரின் வெளிப்புற டிசைன் எப்படி இருக்கும் என தெரியவந்துள்ளது. இந்திய சந்தையில் புதிய எம்ஜி ஹெக்டார் பேஸ்லிப்ட் மாடல் ஆண்டு இறுதியில் அறிமுகம் செய்யப்படலாம்.

2022 எம்ஜி ஹெக்டார் மாசலில் குரோம்-ஸ்டட் செய்யப்பட்ட கிரில் வழங்கப்பட இருக்கிறது. இது அர்கைல் சார்ந்த டைமண்ட் மெஷ் கிரில் போன்ற வடிவமைப்பு ஆகும். இத்துன் ரி-வொர்க் செய்யப்பட்ட முன்புற பம்ப்பர், புதிய ஏர் டேம் மற்றும் ஸ்கிட் பிளேட் உள்ளது. காரின் உள்புறம் 14 இன்ச் அளவில் செங்குத்தாக பொருத்தப்பட்ட டச் ஸ்கிரீன் இன்போடெயின்மெண்ட் சிஸ்டம், டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு உள்ளது.

புதிய எம்ஜி ஹெக்டார் மாடல், தற்போதைய வெர்ஷனுடன் சேர்த்தே விற்பனை செய்யப்பட இருக்கிறது. எம்ஜி ஹெக்டார் புது வெர்ஷனிலும் 1.5 லிட்டர் பெட்ரோல் என்ஜின், 1.5 லிட்டர் பெட்ரோல் ஹைப்ரிட் மோட்டார் மற்றும் 2.0 லிட்டர் டீசல் என்ஜின் போன்ற ஆப்ஷன்கள் வழங்கப்பட இருக்கிறது.

அறிமுகமானதும் புதிய 2022 எம்ஜி ஹெக்டார் பேஸ்லிப்ட் மாடல் டாடா ஹேரியர் மற்றும் மஹிந்திரா XUV700 போன்ற மாடல்களுக்கு போட்டியாக அமையும்.

ஹூண்டாய் இந்தியா நிறுவனம் முற்றிலும் புதிய டக்சன் மாடலை இந்திய சந்தையில் அறிமுகம் செய்தது. புதிய ஹூண்டாய் டக்சன் மாடல் விலை ரூ. 27 லட்சத்து 70 ஆயிரம், எக்ஸ்-ஷோரூம் என துவங்குகிறது. இந்த மாடலுக்கான முன்பதிவு ஜூலை 18 ஆம் தேதி துவங்கியது.

2022 ஹூண்டாய் டக்சன் மாடல் மேம்பட்ட ஸ்டைலிங், புதிய இண்டீரியர் மற்றும் அதிநவீன அம்சங்களை கொண்டுள்ளது. இந்த எஸ்யுவி மாடல் கூர்மையான தோற்றம், ஹூண்டாய் பாராமெட்ரிக் ஜூவல் டிசைன் கிரில், எல் வடிவ எல்இடி டிஆர்எல்-களை கொண்டிருக்கிறது. இதன் கேபின் ஸ்ப்லிட் ரக காக்பிட் தோற்றம் கொண்டுள்ளது. இதில் 10.25 இன்ச் தொடுதிரை வசதி கொண்ட இன்போடெயின்மெண்ட் சிஸ்டம், இன்ஸ்ட்ரூமெண்ட் கண்ட்ரோல் வழங்கப்பட்டு இருக்கிறது.

இந்த காரில் லெவல் 2 ADAS தொழில்நுட்பம் வழங்கப்பட்டு இருக்கிறது. மேலும் இதில் பிளைண்ட் ஸ்பாட், கிராஸ் டிராபிக் கொலிஷன் வார்னிங் மற்றும் அவாய்டன்ஸ் அம்சங்கள் உள்ளன. இவற்றுடன் 360 டிகிரி கேமரா, பிளைண்ட் ஸ்பாட் மாணிட்டரிங், புளூ லின்க் கனெக்டெட் வெஹிகில் தொழில்நுட்பம், போஸ் ஆடியோ சிஸ்டம், ஹீடெட் மற்றும் வெண்டிலேடெட் முன்புற சீட்கள் உள்ளன.

2022 ஹூண்டாய் டக்சன் மாடல் 2.0 லிட்டர், நான்கு சிலண்டர்கள் கொண்ட NA பெட்ரோல் என்ஜின் மற்றும் 2.0 லிட்டர், நான்கு சிலிண்டர்கள் கொண்ட டர்போ டீசல் என்ஜின் வழங்கப்பட்டு இருக்கிறது. இதன் 2 லிட்டர் என்ஜின் 154 ஹெச்பி பவர், 192 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது.

2.0 லிட்டர் டர்போ டீசல் என்ஜின் 184 ஹெச்பி பவர், 416 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்பட்டு உள்ளது. இத்துடன் ஆல் வீல் டிரைவ் வசதியும் வழங்கப்பட்டு உள்ளது.

கடலுார்:

கடலுார் மாவட்டம், நெய்வேலி ஆர்ச் கேட் பகுதியை சேர்ந்தவர் குருசாமி, (வயது58) அதே பகுதியில் கடை நடத்தி வருகிறார். இவர், தனது மகன் எழிலுடன் மயிலாடுதுறையில் இருந்து மாருதிகாரில் நேற்று மாலை வீட்டிற்கு திரும்பிக் கொண்டிருந்தார்.காரை குருசாமி ஒட்டினார். நெய்வேலி அருகே கீழூர் சாலையில் வந்த போது, காரில் இருந்து திடீரென புகை வந்தது. சிறிது நேரத்தில் கார் தீப்பிடித்து எரிந்ததால் பரபரப்பு ஏற்பட்டது. உடனே காரை நிறுத்திவிட்டு, குருசாமி, எழில் ஆகியோர் கீழே இறங்கி ஓடியதால் காயமின்றி தப்பினர். தகவலறிந்த குறிஞ்சிப்பாடி தீயணைப்பு நிலையஅலுவலர் சங்கர் தலைமையில் தீயணைப்பு வீரர் கள் சம்பவ இடத்திற்கு வந்து தீயை அணைத்தனர். இருப்பினும் கார் முழுதும் எரிந்து சேதமானது. இச்சம்பவம் குறித்து நெய்வேலி டவுன்ஷிப் போலீசார் விசாரிக்கின்றனர்.

எம்ஜி மோட்டார் நிறுவனம் ரிட்டன் ஆப் தி லெஜண்ட் தலைப்பில் ஒரு நிமிட வீடியோ டீசரை வெளியிட்டு உள்ளது. டீசரில் எம்ஜி நிறுவனத்தின் புதிய 2-சீட்டர் எலெக்ட்ரிக் ரோட்ஸ்டர் மாடல் ஆகும். இந்த கார் சைபர்ஸ்டர் கான்செப்ட்-ஐ சார்ந்து உருவாக்கப்பட்டு இருக்கிறது. இந்த கார் எம்ஜிபி ரோட்ஸ்டர் மாடலை நினைவு கூறும் வகையில் இருக்கும் என தெரிகிறது.

டீசரின் படி எம்ஜி 2 சீட்டர் கன்வெர்டிபில் கார் ப்ரோடக்‌ஷன் ரெடி வடிவில் காட்சி அளிக்கிறது. இந்த காரில் கன்வெர்டிபில் ரூப் ஓபனிங், ரியர் வியூ மிரர்கள், ஓவல் வடிவ ஹெட்லேம்ப்கள், எல்இடி பார், ஸ்வான் டெயில் ஸ்டைல் ஸ்பாயிலர் வழங்கப்பட்டு இருப்பது டீசரில் தெரியவந்துள்ளது. காரின் உள்புறம் யோக் ஸ்டைல் ஸ்டீரிங் வீல், ஸ்போர்ட்ஸ் சீட்கள் உள்ளன.

இவை தவிர புதிய எம்ஜி கன்வெர்டிபில் மாடல் பற்றிய விவரங்கள் மர்மமாகவே உள்ளன. எனினும், இந்த காரில் 5ஜி கனெக்டிவிட்டி வழங்கப்படும் என எதிர்பார்க்கலாம். கான்செப்ட் சைபர்ஸ்டெர் மாடல் மணிக்கு 100 கிலோமீட்டர் வேகத்தை மூன்றே நொடிகளில் எட்டிவிடும் என எம்ஜி மோட்டார் தெரிவித்து இருக்கிறது. மேலும் முழு சார்ஜ் செய்தால் 800 கிலோமீட்டர் ரேன்ஜ் வழங்கும்.

அந்த வகையில் இதே கான்செப்ட்-ஐ தழுவி உருவாகி இருக்கும் எம்ஜி கன்வெர்டிபில் மாடலும் இதே போன்ற செயல்திறன் மற்றும் ரேன்ஜ் கொண்டிருக்கும் என எதிர்பார்க்கலாம். எனினும், இதுபற்றிய தகவல்கள் விரைவில் வெளியாகும்.