நீங்கள் தேடியது "எரிபொருள்"

புதுடெல்லி:

வங்காளதேசத்திற்கு டீசல், மற்றும் இயற்கை எரிவாயு எடுத்துச் செல்வதற்காக குழாய்களை இந்தியா அமைக்க உள்ளது.

மேற்கு வங்காள மாநிலம் சிலிகுரியில் இருந்து வங்காளதேசத்தின் தினஜ்பூர் மாவட்டத்தில் உள்ள பர்பத்திப்பூர் பகுதி வரையில் 131 கிலோ மீட்டர் தூரத்துக்கு முதல் குழாய் அமைக்கப்படுகிறது. இந்தக் குழாய் வழியாக டீசல் கொண்டு செல்லப்படும்.

அடுத்ததாக, மேற்கு வங்காளத்தின் தாத்தபுலிய பகுதியில் இருந்து, வங்காளதேசத்தின் குல்னா பகுதி வரை இரண்டாவது குழாய் அமைக்கப்படுகிறது. இந்தக் குழாய் மூலம் இயற்கை எரிவாயு கொண்டு செல்லப்படும்.

மேலும், வங்கதேசத்தில் திரவ வடிவ இயற்கை எரிவாயு இறக்குமதி மையம் ஒன்றை அமைக்கவும் இந்தியா தீர்மானித்துள்ளது.


இந்நிலையில், பர்பத்திப்பூர்  வரையில் 131 கிலோ மீட்டர் தூரத்துக்கு முதல் குழாய் அமைக்கும் ஆரம்பகட்ட பணிகளை பிரதமர் மோடியும் ஷேக் ஹசினாவும் காணொலி மூலம் இன்று தொடங்கி வைத்தனர்.

மேலும், வங்காளதேச தலைநகர் டாக்காவில் இருந்து டோங்கி வரையிலும், டோங்கியில் இருந்து ஜாய்தேவ்பூர் வரையிலுமான இரட்டை வழித்தட ரெயில் பாதகளை அமைக்கும் பணிகளையும் அவர்கள் தொடங்கி வைத்தனர்.

டெல்லியில் இருந்து பிரதமர் நரேந்திர மோடி, வெளியுறவுத்துறை மந்திரி சுஷ்மா சுவராஜ், பெட்ரோலியத்துறை மந்திரி தர்மேந்திர பிரதான் ஆகியோர் இந்த தொடக்க நிகழ்ச்சியில் காணொலி மூலம் கலந்து கொண்டனர்.

டாக்காவில் உள்ள தனது இல்லத்தில் இருந்து இந்நிகழ்ச்சியில் பங்கேற்ற ஷேக் ஹசீனா, நேற்று பிறந்தநாள் கொண்டாடிய மோடிக்கு வாழ்த்துகளை தெரிவித்தார். அதற்கு நன்றி தெரிவித்த மோடி, வரும் 28-ம் தேதி பிறந்தநாள் காணும்  ஷேக் ஹசீனாவுக்கு வங்காள மொழியில் பிறந்தநாள் வாழ்த்துகளை தெரிவித்து கொண்டார். #Modiinaugurate  #FriendshipPipeline 

கோவை:

கோவையில் போலீஸ் அருங்காட்சியகத்தை திறந்து வைத்து முதல்-அமைச்சர் எடப்பாடி பழனிசாமி நிருபர்களிடம் கூறியதாவது-

வரலாற்று சிறப்பு மிக்க போலீஸ் அருங்காட்சியகம் இன்று திறந்து வைக்கப்பட்டு உள்ளது. இந்த அருங்காட்சியகத்தில் ஆதிகாலம் முதல் தற்போதைய நவீன காலம் வரை உள்ள பல்வேறு ஆயுதங்கள் வைக்கப்பட்டு உள்ளது.

140 ஆண்டுகளுக்கு முன் கட்டப்பட்ட கட்டிடம் பழமை மாறாமல் புதுப்பிக்கப்பட்டு உள்ளது. இங்கு காவல் துறை சார்பில் பல்வேறு ஆயுதங்கள் இடம் பெற்றுள்ளது.

இந்த அருங்காட்சியகத்தை பொதுமக்கள், மாணவர்கள் பார்த்து தங்கள் அறிவுத்திறனை மேம்படுத்தும் வகையில் அமைந்து உள்ளது.

கோவை விமான நிலையத்தில் இருந்து வெளிநாடுகளுக்கு பல்வேறு விமானங்கள் இயக்கப்பட்டு வருகிறது. இங்கு இரவு நேரத்தில் தங்கும் விமானங்களுக்கு எரி பொருள் நிரப்ப வரிச்சலுகை தமிழக அரசால் வழங்கப்பட உள்ளது. இதன் மூலம் கோவையில் இருந்து பல்வேறு நகரங்களுக்கு விமானங்கள் இயக்க வசதியாக இருக்கும்.

இவ்வாறு அவர் கூறினார். #CoimbatoreAirport #TNCM #Edappadipalanisamy