நீங்கள் தேடியது "பூக்கள்"

உடுமலை:

உடுமலை பகுதிக்கு தேவையான பூக்கள் நிலக்கோட்டை, மதுரை உள்ளிட்ட இடங்களில் இருந்து விற்பனைக்காக கொண்டு வரப்படுகிறது.முகூர்த்த சீசனின் போது தேவை அதிகரித்து பூக்களின் விலை கிடுகிடுவென உயர்ந்து மக்கள் பாதிக்கின்றனர்.இந்நிலையில் குறிப்பிட்ட சில சீசன்களை இலக்கு வைத்து புங்கமுத்தூர், பாப்பனூத்து உள்ளிட்ட பகுதிகளில் கோழிக்கொண்டை, செண்டுமல்லி, சம்பங்கி உள்ளிட்ட சாகுபடிகளை விவசாயிகள் மேற்கொள்கின்றனர்.

சில இடங்களில் மல்லி, அரளி போன்ற சாகுபடியிலும் விவசாயிகள் ஈடுபடுகின்றனர். இருப்பினும், இச்சாகுபடியில் போதிய தொழில்நுட்ப வழிகாட்டுதல் கிடைப்பதில்லை. தேவையான விதை, நாற்றுக்காக பிற மாவட்டங்களுக்கு செல்ல வேண்டியுள்ளது.நோய்த்தாக்குதல் பரவும் போது கட்டுப்படுத்த வழிகாட்டுதல் கிடைப்பதில்லை. எனவே பெரும்பாலானவர்கள் பூ சாகுபடியில் ஈடுபட தயக்கம் காட்டுகின்றனர்.

இது குறித்து விவசாயிகள் கூறியதாவது: -

பூ சாகுபடியில் ஈடுபட ஆர்வம் இருந்தாலும் போதிய வழிகாட்டுதல் கிடைப்பதில்லை. மல்லி சாகுபடிக்கு தேவையான நாற்றுகளை, ராமநாதபுரம், நிலக்கோட்டை பகுதியில் இருந்து வாங்கி வருகிறோம். கோழிக்கொண்டை சாகுபடியில் நோய்த்தாக்குதலால் மகசூல் பாதிக்கிறது.எனவே உள்ளூர் தேவைக்கு தேவையான பூக்களை உற்பத்தி செய்வதிலும் சிக்கல் ஏற்படுகிறது. எனவே தமிழக அரசு பூ சாகுபடியில் ஈடுபடும் விவசாயிகளுக்கு தேவையான நாற்றுகளை வாங்கவும், தொழில்நுட்ப வழிகாட்டுதல் வழங்கவும் சிறப்பு மானிய திட்டங்களை செயல்படுத்த வேண்டும். இதனால் விவசாயிகளுக்கு நிலையான வருவாய் கிடைக்கும். மக்களுக்கும் குறைந்த விலையில் பூக்கள் கிடைக்கும் என்றனர். 

பழனி:

திருப்பதி ஏழுமலையான் கோவிலில் ஆண்டு தோறும் பிரம்மோற்சவ விழா நடைபெறும். அந்த வகையில் இந்த ஆண்டுக்கான பிரம்மோற்சவம் நாளை (வியாழக்கிழமை) தொடங்கி வருகிற 21-ந்தேதி வரை நடக்கிறது. இந்த விழாவுக்காக தமிழகம் உள்பட பிற மாநிலங்களில் இருந்து டன் கணக்கில் பூக்கள் திருப்பதிக்கு அனுப்பி வைக்கப்படும்.

அந்த வகையில் திண்டுக்கல் மாவட்டம் பழனியில் இருந்தும் பிரம்மோற்சவ விழாவுக்காக 10 டன் பூக்கள் அனுப்பி வைக்கப்பட உள்ளது. முதற்கட்டமாக 600 கிலோ பூக்களை அனுப்பி வைக்கும் நிகழ்ச்சி நேற்று நடந்தது.

முன்னதாக பழனி மாரியம்மன் கோவில் வளாகத்தில் புஸ்ப கைங்கரிய சபா சார்பில் வாடாமல்லி, பிச்சி, கனகாம்பரம் உள்ளிட்ட பூக்கள் சேகரித்து வைக்கப்பட்டது. பின்னர் அவற்றை தரம் பிரித்து சாக்குகளில் அடைக்கும் பணி நடந்தது. முருகன் கோவில் துணை செந்தில்குமார், ஓட்டல் கண்பத் உரிமையாளர் ஹரிகரமுத்து, சரவண பொய்கை கந்தவிலாஸ் பாஸ்கரன் உள்பட பலர் பூக்களை சாக்கு மூட்டைகளில் அள்ளி போட்டனர். அதையடுத்து அந்த மூட்டைகள் அனைத்தும் வாடகை வேன் மூலம் திருப்பதிக்கு அனுப்பி வைக்கப்பட்டது. திருப்பதியில் பிரம்மோற்சவ விழா அடுத்த மாதம் (அக்டோபர்) 9-ந்தேதி முதல் 18-ந்தேதி வரையும் நடைபெற உள்ளது. #tirupatitemple