நீங்கள் தேடியது "ஸ்மார்ட்வாட்ச்"

கேலக்ஸி அன்பேக்டு நிகழ்வில் சாம்சங் நிறுவனம் தனது கேலக்ஸி வாட்ச் சீரிஸ் மாடல்களை அறிமுகம் செய்தது. கேலக்ஸி வாட்ச் 5 மற்றும் கேலக்ஸி வாட்ச் 5 ப்ரோ என இரு மாடல்கள் அறிமுகம் செய்யப்பட்டன. இவற்றில் சபையர் க்ரிஸ்டல் டிஸ்ப்ளே, பயோ ஆக்டிவ் சென்சார், எக்சைனோஸ் W920 டூயல் கோர் பிராசஸர், ஒன் யுஐ வாட்ச் 4.5 மற்றும் ஏராளமான அம்சங்கள் வழங்கப்பட்டு இருக்கின்றன.

கேலக்ஸி வாட்ச் 5 சீரிசில் 1.2 இன்ச் மற்றும் 1.4 இன்ச் சூப்பர் AMOLED சபையர் க்ரிஸ்டல் டிஸ்ப்ளேக்கள் வழங்கப்பட்டுள்ளன. இதில் உள்ள சபையர் க்ரிஸ்டல் அதிக உறுதியானது ஆகும். இத்துடன் டைட்டானியம் கேசிங் மூலம் பாதுகாக்கப்பட்டு இருக்கிறது. மேலும் பெசல் டிசைன் கொண்டுள்ளது. இரு வாட்ச் மாடல்களிலும் டூயல் கோர் எக்சைனோஸ் W920 பிராசஸர், 1.5 ஜிபி ரேம், 16 ஜிபி மெமரி வழங்கப்பட்டுள்ளன.

இதில் வழங்கப்பட்டு இருக்கும் பயோ ஆக்டிவ் சென்சார் - ஆப்டிக்கல் ஹார்ட் ரேட், எலெக்ட்ரிக்கல் ஹார்ட் சிக்னல், ஹார்ட் ரேட், இரத்தத்தில் உள்ள காற்றின் அளவு, ஸ்டிரெஸ் உள்ளிட்டவைகளை கண்டறிய பயோ-எலெக்ட்ரிக்கல் இம்பெண்டன்ஸ் அனலசிஸ் போன்ற வசதிகளை வழங்கும் ஒற்றை சிப் ஆகும். மேலும் பயனர்கள் இரத்த அழுத்தம் மற்றும் இசிஜி உள்ளிட்டவைகளை மணிக்கட்டில் இருந்த படி அறிந்து கொள்ளலாம்.

விலை விவரங்கள்:

சாம்சங் கேலக்ஸி வாட்ச் 5 மாடலின் 40 மில்லிமீட்டர் ப்ளூடூத் வெர்ஷன் விலை 279.99 டாலர்கள், இந்திய மதிப்பில் ரூ. 22 ஆயிரத்து 135 என்றும், எல்டிஇ வெர்ஷன் விலை 329.99 டாலர்கள், இந்திய மதிப்பில் ரூ. 26 ஆயிரத்து 090 என நிர்ணயம் செய்யப்பட்டுள்ளது. இதன் 44 மில்லிமீட்டர் ப்ளூடூத் வெர்ஷன் விலை 309.99 டாலர்கள், இந்திய மதிப்பில் ரூ. 24 ஆயிரத்து 505 என்றும் எல்டிஇ வெர்ஷன் விலை 359.99 டாலர்கள், இந்திய மதிப்பில் ரூ. 28 ஆயிரத்து 460 என நிர்ணயம் செய்யப்பட்டு உள்ளது. 

கார்மின் நிறுவனம் கடந்த ஆண்டு எண்டியுரோ ஸ்மார்ட்வாட்ச் மாடலை அறிமுகம் செய்து இருந்தது. இந்த ஸ்மார்ட்வாட்ச் மலை ஏறுதல், ஹைகிங் என சாகசங்கள் நிறைந்த விளையாட்டுகளின் போது பயன்படுத்துவதற்காக உருவாக்கப்பட்டது ஆகும். தற்போது இந்த ஸ்மார்ட்வாட்ச்-இன் அப்டேட் செய்யப்பட்ட புது மாடலை கார்மின் அறிமுகம் செய்து இருக்கிறது. கார்மின் எண்டியுரோ 2 பல்வேறு புது அம்சங்களை கொண்டுள்ளது.

குறைந்த எடை கொண்ட டைட்டானியம் மூலம் உருவாக்கப்பட்டு இருக்கும் கார்மின் எண்டியுரோ 2 டச் ஸ்கிரீன் மற்றும் சஃபயர் லென்ஸ் பாதுகாப்பு, நைலான் பேண்ட் கொண்டிருக்கிறது. இதில் உள்ள பேட்டரி லைஃப்-ஐ ஜிபிஎஸ் மோடில் 150 மணி நேரம் வரை அதிகரித்துக் கொள்ளலாம். இதில் சன் சார்ஜிங் மற்றும் SatIQ தொழில்நுட்பம் உள்ளது. இது ஸ்மார்ட்வாட்ச் மோடில் அதிகபட்சம் 46 நாட்கள் வரையிலான பேட்டரி பேக்கப் வழங்குகிறது.

எண்டியுரோ 2 மாடலில் பில்ட்-இன் எல்இடி பிளாஷ்லைட் உள்ளது. இதனை அவசர காலத்தில் பயன்படுத்திக் கொள்ள முடியும். இது ஃபெனிக்ஸ் 7 சீரிசில் வழங்கப்பட்டதை போன்றதாகும். ஆனால், இது இருமடங்கு அதிக பிரகாசமாக உள்ளது. இதில் டோபோ ஆக்டிவ் மேப்ஸ் பிரீ-இன்ஸ்டால் செய்யப்பட்டு இருக்கிறது. இத்துடன் நெக்ஸ்ட் ஃபோர்க், விஷூவல் ரேஸ் பிரெடிக்டர், கிரேடு-அட்ஜஸ்ட் செய்யப்பட்ட பேஸ் ஆப்ஷன் போன்ற தொழில்நுட்பங்கள் உள்ளன.

இத்துடன் ஹார்ட் ரேட், ஸ்டிரெஸ், SpO2, ஸ்லீப் டிராக்கிங், பாடி பேட்டரி, பிட்னஸ் ஏஜ் என ஏராளமான அம்சங்களை கொண்டுள்ளது. மேலும் கார்பின் பே, இன்சிடெண்ட் டிடெக்‌ஷன் மற்றும் மியூசிக் ஸ்டோரேஜ் போன்ற வசதிகள் வழங்கப்பட்டு இருக்கிறது. கார்மின் எண்டியுரோ 2 மாடலின் விலை 1,099.99 டாலர்கள், இந்திய மதிப்பில் ரூ. 87 ஆயிரத்து 511.35 என நிர்ணயம் செய்யப்பட்டு உள்ளது.

ரியல்மி 9i 5ஜி ஸ்மார்ட்போன் வெளியீட்டை தொடர்ந்து வாட்ச் 3 ப்ரோ ஸ்மார்ட்வாட்ச் மாடலை அறிமுகம் செய்வதாக ரியல்மி அறிவித்து இருக்கிறது. இது கடந்த ஆண்டு அறிமுகம் செய்யப்பட்ட ரியல்மி வாட்ச் 2 ப்ரோ மாடலின் மேம்பட்ட வெர்ஷன் ஆகும். புதிய ரியல்மி வாட்ச் 3 ப்ரோ வெளியீட்டை உணர்த்தும் டீசர்களின் படி, இந்த மாடல் மெட்டல் பாடி வலது புறத்தில் ஒற்றை பட்டன் கொண்டு இருக்கும் என தெரியவந்துள்ளது.

பிளாக்‌ஷிப் ஸ்மார்ட்வாட்ச் மாடல் என்ற வகையில், இதில் பெரிய AMOLED டிஸ்ப்ளே, ஜிபிஎஸ் மற்றும் ப்ளூடூத் மூலம் வாய்ஸ் காலிங் வசதி உள்ளிட்டவை வழங்கப்படலாம். முந்தைய வாட்ச் 2 ப்ரோ மாடலில் எல்சிடி ஸ்கிரீன் மட்டுமே வழங்கப்பட்டு இருந்தது குறிப்பிடத்தக்கது.

இந்தியாவில் ரியல்மி வாட்ச் 2 ப்ரோ விலை ரூ. 4 ஆயிரத்து 999 என நிர்ணயம் செய்யப்பட்டு இருக்கிறது. அந்த வகையில் புதிய ரியல்மி வாட்ச் 3 ப்ரோ மாடலின் விலை சற்று அதிகமாகவே நிர்ணயம் செய்யப்படும் என தெரிகிறது. இதன் விற்பனை ரியல்மி மட்டுமின்றி ப்ளிப்கார்ட் வலைதளத்திலும் நடைபெற இருக்கிறது.

வாட்ச் 3 ப்ரோ வெளியீட்டு தேதியை ரியல்மி இதுவரை அறிவிக்கவில்லை. எனினும், இந்த ஸ்மார்ட்போன் ரியல்மி 9i 5ஜி வெளியாகும் ஆகஸ்ட் 18 ஆம் தேதியே ரியல்மி வாட்ச் 3 ப்ரோ மாடலும் அறிமுகம் செய்யப்படலாம்.

டெல்லியை தலைமையிடமாக கொண்டு இயங்கும் கிஸ்மோர் நிறுவனம் இந்திய சந்தையில் கிஸ்பிட் அல்ட்ரா பெயரில் புது ஸ்மார்ட்வாட்ச் மாடலை அறிமுகம் செய்து இருக்கிறது. சதுரங்க வடிவிலான டையல் கொண்டு இருக்கும் கிஸ்பிட் அல்ட்ரா தோற்றத்தில் கிட்டத்தட்ட ஆப்பிள் வாட்ச் போன்றே காட்சியளிக்கிறது.

எனினும், இதன் விலை பெருமளவு குறைவாகவே நிர்ணயம் செய்யப்பட்டு இருக்கிறது. கிஸ்பிட் அல்ட்ரா IP68 தர வாட்டர் ரெசிஸ்டண்ட் வசதி, அலெக்சா மற்றும் சிரி போன்ற வாய்ஸ் கமாண்ட்கள், ப்ளூடூத் காலிங் போன்ற சிறப்பம்சங்களை கொண்டுள்ளது. இதுதவிர நீண்ட நேர பேட்டரி பேக்கப் வழங்குகிறது.

கிஸ்பிட் அல்ட்ரா சிறப்பம்சங்கள்:

- 1.69 இன்ச் HD வளைந்த டச் ஸ்கிரீன் கொண்ட டிஸ்ப்ளே

- IP68 தர வாட்டர் மற்றும் டஸ்ட் ரெசிஸ்டண்ட் வசதி

- 60 வித்தியாசமான ஸ்போர்ட்ஸ் மோட்கள்

- பிரீ-இன்ஸ்டால் செய்யப்பட்ட கேம்கள்

-- பில்ட்-இன் ஸ்பீக்கர் மற்றம் மைக்ரோபோன்

- ப்ளூடூத் காலிங்

- SpO2, ஹார்ட் ரேட், ஸ்லீப் சென்சார்கள்

- அலெக்சா மற்றும் சிரி வாய்ஸ் அசிஸ்டண்ட் வசதி

- 15 நாட்கள் பேட்டரி பேக்கப்

விலை மற்றும் விற்பனை விவரங்கள்:

கிஸ்பிட் அல்ட்ரா ஸ்மார்ட்வாட்ச் விலை ரூ. 5 ஆயிரத்து 999 ஆகும். ஆனால் இதன் விலை ரூ. 2 ஆயிரத்து 699 தான். மேலும் வாடிக்கையாளர்கள் இந்த ஸ்மார்ட்வாட்ச்-ஐ ரூ. 1,799 விலையில் வாங்கிட முடியும். இது அறிமுக சலுகையாக குறுகிய காலக்கட்டத்திற்கு மட்டுமே வழங்கப்படும்.

இத்துடன் தேர்வு செய்யப்பட்ட வங்கி கார்டுகளை பயன்படுத்தும் போதநு 5 சதவீதம் வரை தள்ளுபடி வழங்கப்படுகிறது. விற்பனை ஆகஸ்ட் 07 ஆம் தேதி தொடங்குகிறது. கிஸ்பிட் அல்ட்ரா ஸ்மார்ட்வாட்ச் பிளாக், பர்கண்டி மற்றும் வைட் என மூன்று வித நிறங்களில் கிடைக்கிறது.

நாய்ஸ் X பிட் 2 ஸ்மார்ட்வாட்ச் இந்திய சந்தையில் விற்பனைக்கு அறிமுகம் செய்யப்பட்டு இருக்கிறது. புதிய ஸ்மார்ட்வாட்ச் மாடல் HRX உடனான கூட்டணியில் உருவாக்கப்பட்டு இருக்கிறது. புதிய நாய்ஸ் X பிட் 2 மாடலில் 1.69 இன்ச் TFT டிஸ்ப்ளே, ஏராளமான ஆரோக்கியம் மற்றும் பிட்னஸ் டிராக்கர்கள் உள்ளன.

இத்துடன் புதிய X பிட் 2 மாடலில் 150-க்கும் அதிக வாட்ச் பேஸ்கள், அலாரம், பைண்ட் மை போன், வானிலை விவரங்கள் போன்ற அம்சங்கள் வழங்கப்பட்டுள்ளன. இந்த ஸ்மார்ட்வாட்ச் முழு சார்ஜ் செய்தால் ஏழு நாட்கள் வரையிலான பேட்டரி லைஃப் வழங்குகிறது. இத்துடன் 30 நாட்களுக்கு ஸ்டாண்ட்பை வழங்குகிறது. இதில் 260 எம்ஏஹெச் பேட்டரி வழங்கப்பட்டு இருக்கிறது. இந்த ஸ்மார்ட்வாட்ச்-ஐ முழுமையாக சார்ஜ் செய்ய 2.5 மணி நேரங்கள் ஆகும்.

இதில் அக்செல்லோமீட்டர், ஆப்டிக்கல் ஹார்ட் ரேட் சென்சார் மற்றும் SpO2 டிராக்கர் உள்ளது. இத்துடன் உடலில் எவ்வளவு கலோரிகள் எரிக்கப்பட்டன என்ற விவரங்களை வழங்குவதோடு, ஸ்லீப் மாணிட்டர், ஸ்டெப் டிராக்கர் போன்ற அம்சங்களை கொண்டிருக்கிறது. இந்த ஸ்மார்ட்வாட்ச் ஐஓஎஸ் 10 மற்றும் அதன் பின் வெளியான ஓ.எஸ். மற்றும் ஆணட்ராய்டு 4.4 மற்றும் அதன் பின் வெளியான ஓ.எஸ். கொண்ட சாதனங்களுடன இணைந்து இயங்கும்.

புதிய நாய்ஸ் X பிட் 2 ஸ்மார்ட்வாட்ச் ஜெட் பிளாக், சில்வர் கிரே மற்றும் ஸ்பேஸ் புளூ என மூன்று நிறங்களில் கிடைக்கிறது. இந்திய சந்தையில் புதிய நாய்ஸ் X பிட் 2 ஸ்மார்ட்வாட்ச் விலை ரூ. 3 ஆயிரத்து 999 என நிர்ணயம் செய்யப்பட்டு உள்ளது. எனினும், இந்த ஸ்மார்ட்வாட்ச் ரூ. 1,999 விலையில் விற்பனை செய்யப்பட்டது.

ரியல்மி நிறுவனம் இந்திய சந்தையில் அறிமுகம் செய்த புது சாதனங்களில் ஒன்று ரியல்மி வாட்ச் 3. ரியல்மி AIoT நிகழ்வில் ரியல்மி பேட் X, ரியல்மி வாட்ச் 3, ரியல்மி மாணிட்டர் மற்றும் பல்வேறு சாதனங்கள் அறிமுகம் செய்யப்பட்டன. டேப்லெட் மற்றும் மாணிட்டர் மாடல்களின் விற்பனை ஏற்கனவே துவங்கி நடைபெற்று வருகிறது. இந்த நிலையில், ரியல்மி வாட்ச் 3 விற்பனை துவங்கி இருக்கிறது.

இந்திய சந்தையில் புதிய ரியல்மி வாட்ச் 3 மாடலின் விலை ரூ. 3 ஆயிரத்து 499 ஆகும். எனினும், முதல் விற்பனையில் இந்த வாட்ச் ரூ. 2 ஆயிரத்து 999 விலையில் விற்பனை செய்யப்பட்டது. விற்பனை ப்ளிப்கார்ட் மற்றும் ரியல்மி இந்தியா வலைதளங்களில் நடைபெறுகிறது. விலை குறைப்பு மட்டும் இன்றி வங்கி சலுகைகள் மற்றும் கேஷ்பேக் உள்ளிட்டவையும் ரியல்மி வாட்ச் 3 மாடலுக்கு வழங்கப்படுகிறது.

ரியல்மி வாட்ச் 3 அம்சங்கள்:

ரியல்மி வாட்ச் 3 மாடலில் 1.8 இன்ச் 240x286 பிக்சல் TFT-LCD பேனல், டச் ஸ்கிரீன் வசதி வழங்கப்பட்டு இருக்கிறது. தோற்றத்தில் இது சாதாரன டிசைன், செவ்வக வடிவமைப்பு, வலது புறம் பவர் பட்டன் கொண்டிருக்கிறது. இத்துடன் நூற்றுக்கும் அதிக வாட்ச் ஃபேஸ்கள் வழங்கப்பட்டுள்ளன. இவற்றை ஆப் மூலம் கஸ்டமைஸ் செய்து கொள்ளும் வசதியும் வழங்கப்படுகிறது.

இத்துடன் IP68 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டுள்ளது. இதில் ப்ளூடூத் 5.3 கனெக்டிவிட்டி, ப்ளூடூத் காலிங் வசதி, ஏ.ஐ. சார்ந்த நாய்ஸ் கேன்சலிங் வசதி உள்ளிட்ட வசதிகள் உள்ளன. இத்துடன் SpO2 சென்சார், ஸ்டெப்ஸ் ரெக்கார்டர், இதய துடிப்பு சென்சார், ஸ்டிரெஸ் மாணிட்டர் மற்றும் ஸ்லீப் டிராக்கர் போன்ற அம்சங்கள் உள்ளன.

ரியல்மி வாட்ச் 3 மாடல் 340 எம்ஏஹெச் பேட்டரி மூலம் சக்தியூட்டப்படுகிறது. இதனை முழு சார்ஜ் செய்தால் ஏழு நாட்களுக்கான பேட்டரி பேக்கப் கிடைக்கும். இது பயனர் செயல்பாடுகளை பொருத்து மாறுபடவும் வாய்ப்புகள் உண்டு. 

ரியல்மி நிறுவனம் அதன் புதிய ஸ்மார்ட்வாட்சை இந்தியாவில் இன்று அறிமுகப்படுத்தி உள்ளது. ரியல்மி வாட்ச் 3 என பெயரிடப்பட்டுள்ள இந்த ஸ்மார்ட்வாட்ச் பெரிய அளவிலான டிஸ்ப்ளேவை கொண்டதாகும். இதன் அளவு 1.8 இன்ச் ஆகும். சதுர வடிவிலான டிஸ்ப்ளே உள்ள இந்த ஸ்மார்ட்வாட்சில் கர்வுடு எட்ஜ்களை கொண்டுள்ளன. அதிகபட்சம் 500 நிட்ஸ் பிரைட்னஸும் இதில் வழங்கப்படுகிறது.

இது 67.5 சதவீதம் ஸ்கிரீன் டூ பாடி ரேசியோவை கொண்டுள்ளது. இதற்கு முந்தைய மாடலான ரியல்மி வாட்ச் 2-வை விட இது 35 சதவீதம் அதிகமாகும். இதில் பிரத்யேகமாக 100 வாட்ச் பேஸ்கள் கொடுக்கப்பட்டுள்ளன. ரியல்மி லிங்க் ஆப்பை பயன்படுத்தி அதை மாற்றிக்கொள்ளலாம். 14 கிராம் எடை கொண்ட ஸ்கின் ஃபிரெண்ட்லி சிலிகான் ஸ்ட்ராப்பையும் இந்த ஸ்மார்ட்வாட்ச் கொண்டுள்ளது.

இதுதவிர வாட்டர் மற்றும் டஸ்ட் புரூஃபுக்கான IP68 தரச் சான்றும் பெற்றுள்ளது. ப்ளூடூத் காலிங் மற்றும் நூற்றுக்கும் மேற்பட்ட ஸ்போர்ட்ஸ் மோட்களை கொண்டுள்ள இந்த ஸ்மார்ட்வாட்சில் 340 எம்.ஏ.ஹெச் பேட்டரி இடம்பெற்று உள்ளது. இதை ஒரு முறை சார்ஜ் செய்தால் 7 நாட்கள் வரை பயன்படுத்திக்கொள்ள முடியுமாம்.

கிரே மற்றும் பிளாக் ஆகிய இரு நிறங்களில் வரும் இந்த ஸ்மார்ட்வாட்சில் விலை ரூ.3 ஆயிரத்து 499 என நிர்ணயம் செய்யப்பட்டு உள்ளது. ஆகஸ்ட் 2-ந் தேதி விற்பனைக்கு வர உள்ள இந்த ஸ்மார்ட்வாட்ச்சை அறிமுக சலுகையாக ரூ.2 ஆயிரத்து 999-க்கு பெற முடியும். ப்ளிப்கார்ட் மற்றும் ரியல்மியின் ஆன்லைன் மற்றும் ஆஃப்லைன் ஸ்டோர்களில் விற்பனை செய்யப்பட உள்ளது.

ஆப்பிள் நிறுவனம் அதன் வாட்ச் 8 சீரிஸ் ஸ்மார்ட்வாட்சை அடுத்ததாக அறிமுகப்படுத்த உள்ளது. இந்த ஸ்மார்ட்வாட்ச், 3 விதமான வேரியண்ட்களுடன் அறிமுகம் செய்யப்படும் என எதிர்பார்க்கப்படுகிறது. இந்த ஸ்மார்ட்வாட்ச் அறிமுகமாக இன்னும் ஒரு சில மாதங்களே உள்ள நிலையில், இதுகுறித்து பல்வேறு தகவல்கள் வெளிவந்த வண்ணம் உள்ளன.

அண்மையில் இந்த ஸ்மார்ட்வாட்ச்சில் காய்ச்சல் இருக்கிறதா என்பதை கண்காணிக்கும் டெம்பரேச்சர் சென்சாரும் இடம்பெற்று இருக்கும் என கூறப்பட்டது. இந்த அம்சம் மூலம் உடல் வெப்பநிலை எவ்வளவு இருக்கிறது என்பதை தெரிந்துகொள்ள முடியும். அதுமட்டுமின்றி ஒருவேளை பயனர்களுக்கு வெப்பநிலை அதிகமாக இருந்து அவர்களுக்கு காய்ச்சல் இருப்பது தெரியவந்தால் உடனடியாக மருத்துவரை அணுகச் சொல்லி அலர்ட் செய்யும் அம்சமும் இந்த ஸ்மார்ட்வாட்சில் இடம்பெற்று உள்ளதாக கூறப்பட்டு இருந்தது.

இந்நிலையில், தற்போது இதன் டிஸ்ப்ளே பற்றிய தகவல் வெளியாகி உள்ளது. அதன்படி ஆப்பிள் நிறுவனம் இதுவரை வெளியிட்ட ஸ்மார்ட்வாட்ச்களை விட இந்த ஸ்மார்வாட்சில் தான் பெரிய அளவு டிஸ்ப்ளே இடம்பெற்று இருக்கும் என தெரிவிக்கப்பட்டு உள்ளது. அதன்படி வாட்ச் 7 சீரிஸை விட வாட்ச் 8 சீரிஸில் உள்ள டிஸ்ப்ளே 7 சதவீதம் பெரியதாக இருக்கும் என கூறப்படுகிறது. 

பாஸ்ட்டிராக் நிறுவனம் ரிஃப்ளக்ஸ் ப்ளே எனும் ஸ்மார்ட்வாட்சை இந்தியாவில் அறிமுகப்படுத்தி உள்ளது. தற்போது நடைபெற்று வரும் அமேசான் ப்ரைம் டே சேலில் இந்த ஸ்மார்ட்வாட்சை பாஸ்ட்டிராக் நிறுவனம் விற்பனைக்கு கொண்டுவந்துள்ளது. இந்த வாட்சில் 25க்கும் மேற்பட்ட ஸ்போர்ட்ஸ் மோட்கள் உள்ளன. இதுதவிர 1.3 இன்ச் AMOLED டிஸ்ப்ளேவும், அலுமினியத்தால் ஆன வட்ட வடிவ டயலும் இதில் இடம்பெற்று உள்ளன.

இந்த வாட்சில் பல்வேறு கேம்களும் கொடுக்கப்பட்டுள்ளன. இதுதவிர பயனர்களின் இதய துடிப்பு, இரத்த அழுத்தம், இரத்தத்தில் உள்ள ஆக்சிஜன் அளவு ஆகியவற்றை அளவிடும் அம்சமும் இதில் உள்ளது. இந்த ஸ்மார்ட்வாட்சில் விதவிதமான அனிமேஷன் வாட்ச் பேஸ்களும் இடம்பெற்று உள்ளன. தேவைக்கேற்ப அதனை மாற்றி வைத்துக்கொள்ளலாம்.

வாட்சின் மூலமே போனின் கேமரா மற்றும் பாடல்களை கண்ட்ரோல் செய்யும் வசதி இதில் உள்ளது. இந்த ஸ்மார்ட்வாட்ச் டஸ்ட் மற்றும் வாட்டர் ரெசிஸ்டண்ட்டிற்காக IP68 ரேட்டிங் பெற்றுள்ளது. இதுமட்டுமின்றி 7 நாட்கள் தாங்கக்கூடிய அளவு பேட்டரி பேக் அப்பும் கொண்டுள்ளது.

பிளாக், ப்ளூ, ஆரஞ்ச் மற்றும் பிங்க் நிறங்களில் கிடைக்கும் இந்த ஸ்மார்ட்வாட்சின் விலை ரூ.7 ஆயிரத்து 995 ஆக நிர்ணயம் செய்யப்பட்டு உள்ளது. ஆனால் தற்போது நடைபெற்று வரும் அமேசான் பிரைம் டே சேலில் இந்த ஸ்மார்ட்வாட்சை ரூ.5 ஆயிரத்திற்கு பெற முடியும் என தெரிவிக்கப்பட்டு உள்ளது.

ஒப்போ நிறுவனம் விரைவில் ஒப்போ வாட்ச் 3 எனும் ஸ்மார்ட்வாட்சை அறிமுகப்படுத்த தயாராகி வருகிறது. ஒப்போ ஸ்மார்ட்வாட்ச் OWW211, OWW212 மற்றும் OWW213 என மூன்று வெவ்வேறு மாடல்களில் வரும் என தெரிவிக்கப்பட்டு உள்ளது. ஒப்போ வாட்ச் 3-ல் அதிகமான ஸ்கிரீன் டூ பாடி ரேசியோ இருக்கும் எனவும், மைக்ரோ கர்வுடு ஸ்கொயர் டிஸ்ப்ளேவை கொண்டிருக்கும் எனவும் கூறப்படுகிறது.

இந்த ஸ்மார்ட்வாட்ச்சில் மிக மெல்லிய பெசில்களுடன் கூடிய செவ்வக வடிவிலான டிஸ்ப்ளே இடம்பெற்றிருக்கும் என தெரிகிறது. இந்த ஸ்மார்ட்வாட்ச் பிளாக், சில்வர், டார்க் கிரே, மற்றும் லைட் கோல்டு ஆகிய நான்கு நிறங்களில் வர உள்ளது. இதில் 2 மாடல்களில் 42 mm டயலும், ஒரு மாடலில் மட்டும் 46 mm டயலுடம் இடம்பெற்றிருக்குமாம்.

சமீபத்திய தகவல்படி இந்த ஸ்மார்ட்வாட்சில் ஸ்நாப்டிராகன் W5 Gen 1 சிப் இடம்பெற்றிருக்கும் என கூறப்படுகிறது. இந்த சிப் உடன் வரும் முதல் ஸ்மார்ட்வாட்ச் ஆக ஒப்போ வாட்ச் 3 இருக்கும் என தெரிகிறது. இந்த ஸ்மார்ட்வாட்ச் வருகிற ஆகஸ்ட் மாதம் அறிமுகப்படுத்தப்பட உள்ளதாக தகவல்கள் தெரிவிக்கின்றன.

அமேஸ்பிட் நிறுவனம் அதன் ஜிடிஎஸ் 4 மினி ஸ்மார்ட்வாட்சை உலக சந்தையில் அறிமுகம் செய்துள்ளது. இந்த புதிய ஸ்மார்ட்வாட்ச் அல்ட்ரா ஸ்லிம் மற்றும் லைட் டிசைன் உடன் வந்துள்ளது. 15 நாட்கள் பேட்டரி பேக் அப் உடன் கூடிய இந்த ஸ்மார்ட்வாட்ச்சில் செப் இயங்குதளம் இடம்பெற்று உள்ளது.

அமேஸ்பிட் ஜிடிஎஸ் 4 மினி ஸ்மார்ட்வாட்ச், மிட்நைட் பிளாக், ஃபிளமிங்கோ பிங்க், மிண்ட் ப்ளூ மற்றும் மூன்லைட் ஒயிட் ஆகிய 4 நிறங்களில் அறிமுகம் செய்யப்பட்டு உள்ளது. இந்த ஸ்மார்ட்வாட்ச் வருகிற ஜூலை 16-ந் தேதி முதல் இந்தியாவில் விற்பனைக்கு வரும் என தெரிவிக்கப்பட்டு உள்ளது. அமேசான் மற்றும் அமேஸ்பிட்டின் அதிகாரப்பூர்வ இணையதளத்தில் விற்பனை செய்யப்பட உள்ளது.

இதன் ஒரிஜினல் விலை ரூ.7 ஆயிரத்து 999 ஆகும். ஆனால் அறிமுக சலுகையாக இந்த ஸ்மார்ட்வாட்ச் ரூ.6 ஆயிரத்து 999-க்கு விற்பனை செய்யப்படும் என அறிவிக்கப்பட்டு உள்ளது. அம்சங்களை பொருத்தவரை 1.65 இன்ச் ஹெச்.டி AMOLED டிஸ்ப்ளேவை கொண்டுள்ளது. அதுமட்டுமின்றி 270 எம்.ஏ.ஹெச் பேட்டரியும் இதில் இடம்பெற்று உள்ளது.

இந்த பேட்டரியை ஒருமுறை சார்ஜ் செய்தால் 15 நாட்கள் வரை நீடிக்குமாம். அதுமட்டுமின்றி இதில் உள்ள பேட்டரி சேவர் மோட் அம்சத்தை பயன்படுத்தினார் 45 நாட்கள் வரை சார்ஜ் நிற்கும் என கூறப்படுகிறது. 120-க்கும் மேற்பட்ட ஸ்போர்ட்ஸ் மோட்களும் இதில் இடம்பெற்று உள்ளன. 

அமேஸ்பிட் நிறுவனம் இந்தியாவில் அதன் பிப் 3 ப்ரோ மாடல் ஸ்மாட்வாட்சை அறிமுகம் செய்துள்ளது. 1.69 இன்ச் அளவும் 2.5டி கிளாஸ் + AF கோட்டிங் உடன் கூடிய கலர் TFT டிஸ்ப்ளேவை கொண்டுள்ளது. நோடிபிகேஷன், ஹெல்த் மற்றும் பிட்னஸ் விவரங்களையும் இதில் தெரிந்துகொள்ளலாம். இதய துடிப்பை கண்காணிக்கும் அம்சமும் இதில் உள்ளது.

இதுதவிர இரத்த ஆக்ஸிஜன் அளவு, மாதவிடாய் சுழற்சி கண்காணிப்பு, மன அழுத்த நிலை மற்றும் தூக்கத்தின் தர கண்காணிப்பு ஆகிய அம்சங்களில் இதில் இடம்பெற்று உள்ளது. PAI எனும் ஹெல்த் அசெஸ்மென்ட் சிஸ்டமும் இதில் இடம்பெற்றுள்ளது. 2 வாரம் தாங்கக்கூடிய அளவு பேட்டரி பேக் அப்பும் இதில் உள்ளது.

PAI ஆனது ஒரு ஸ்மார்ட் அல்காரிதம் மூலம் ஆரோக்கியம், உடற்தகுதி மற்றும் பிற அளவிலான தரவுகளை ஆல்-ரவுண்ட் மதிப்பீட்டிற்குப் பயன்படுத்துகிறது. அமேஸ்பிட் பிப் 3 ப்ரோவில் உள்ள ஜிபிஎஸ் பயனரின் இருப்பிடத்தை துல்லியமாக கண்காணிக்க உதவுகிறது. பிளாக், பிங்க் மற்றும் கிரீம் கலர் வேரியண்டில் கிடைக்கும் இந்த ஸ்மாட்வாட்ச்சின் விலை ரூ.3 ஆயிரத்து 999 என நிர்ணயம் செய்யப்பட்டு உள்ளது. ப்ளிப்கார்ட் மற்றும் அமேசானில் இந்த ஸ்மார்ட்வாட்ச் விற்பனை செய்யப்பட்டு வருகிறது.