நீங்கள் தேடியது "ஹோண்டா"

இந்திய சந்தையில் ஹோண்டா கார் விற்பனையாளர்கள் அசத்தல் சலுகைகள் மற்றும் தள்ளுபடி அறிவித்துள்ளனர். இவை ரொக்க பலன்கள், கார்ப்பரேட் தள்ளுபடி, எக்சேன்ஜ் மற்றும் லாயல்டி போனஸ் வடிவில் வழங்கப்படுகின்றன.

அந்த வகையில் ஹோண்டா சிட்டி e:HEV மாடலுக்கு ரூ. 1 லட்சம் வரையிலான பலன்கள் வழங்கப்படுகின்றன. இது முழுமையான தள்ளுபடி சலுகை ஆகும். இதுதவிர இந்த மாடலுக்கு வேறு எந்த பலன்களும் வழங்கப்படவில்லை. சிட்டி e:HEV ஹோண்டா நிறுவனத்தின் ஸ்டிராங் ஹைப்ரிட் மாடல் ஆகும். இதில் 1498சிசி, 4 சிலிண்டர்கள் கொண்ட பெட்ரோல் என்ஜின் உள்ளது.

ஹோண்டா சிட்டி மாடலை வாங்குவோர் ரூ. 88 ஆயிரத்து 600 வரை சேமிக்க முடியும். இதில் ரூ. 40 ஆயிரம் தள்ளுபடி, ரூ. 4 ஆயிரம் வரை லாயல்டி போனஸ், ரூ. 6 ஆயிரம் வரை எக்சேன்ஜ் போனஸ், ரூ. 25 ஆயிரம் வரை கார்ப்பரேட் பலன்கள் வழங்கப்படுகிறது. இதுதவிர ஹோண்டா சிட்டி VX மற்றும் ZX மாடல்களுக்கு ரூ. 13 ஆயிரத்து 600 மதிப்பிலான நீட்டிக்கப்பட்ட வாரண்டி வழங்கப்படுகிறது.

ஜனவரி மாதம் ஹோண்டா அமேஸ் மாடலை வாங்குவோருக்கு ரூ. 72 ஆயிரம் வரையிலான பலன்கள் வழங்கப்படுகின்றன. இது தேர்வு செய்யப்பட்ட வேரியண்ட்களுக்கு மட்டும் பொருந்தும். இந்த காரின் S வேரியண்ட்-க்கு ரூ. 45 ஆயிரம் வரை ரொக்க தள்ளுபடி, ரூ. 4 ஆயிரம் வரை லாயல்டி பலன்கள், ரூ. 23 ஆயிரம் கார்ப்பரேட் பலன்கள் வழங்கப்படுகின்றன.

ஹோண்டா அமேஸ் E மற்றும் VX வேரியண்ட்களுக்கு முறையே ரூ. 52 ஆயிரம் மற்றும் ரூ. 62 ஆயிரம் வரையிலான பலன்கள் வழங்கப்படுகின்றன. இந்த மாடலில் 1.2 லிட்டர், 4 சிலிண்டர்கள் கொண்ட பெட்ரோல் என்ஜின் வழங்கப்படுகிறது.

இங்கு குறிப்பிடப்பட்டு இருக்கும் சலுகைகள் மற்றும் பலன்கள் ஸ்டாக் இருப்பு மற்றும் ஒவ்வொரு விற்பனையாளரை பொருத்து வேறுப்படும்.

ஹோண்டா நிறுவனத்தின் CB350 மாடல் இந்திய சந்தையில் அறிமுகம் செய்யப்பட்டு இருக்கிறது. இந்த மாடல் ஏற்கனவே உள்ள 350சிசி பிளாட்ஃபார்மை தழுவி உருவாக்கப்பட்டு இருக்கிறது. எனினும், ஹைனஸ் CB350 மற்றும் CB350RS மாடல்களில் இருந்து வித்தியாசப்படுத்தும் வகையில் சிறு மாற்றங்கள் மேற்கொள்ளப்பட்டு உள்ளன.

புதிய ஹோண்டா CB350 மாடலில் வட்ட வடிவம் கொண்ட எல்.இ.டி. ஹெட்லைட் வழங்கப்படுகிறது. இத்துடன் மேட் ஃபினிஷ் ஆப்ஷனாக வழங்கப்படுகிறது. புதிய ஹோண்டா CB350 மாடல் பிரெசியஸ் ரெட் மெட்டாலிக், பியல் இக்னியஸ் பிளாக், மேட் கிரஸ்ட் மெட்டாலிக், மேட் மார்ஷல் கிரீன் மெட்டாலிக் மற்றும் மேட் டியூன் பிரவுன் போன்ற நிறங்களில் கிடைக்கிறது.

இந்த வேரியண்ட்கள் அனைத்திலும் பிரவுன் நிற லெதர் சீட், பைக் நிறத்தால் ஆன சீட் கவர் வழங்கப்படுகிறது. புதிய CB350 மாடலிலும் 348.36சிசி, ஏர் கூல்டு என்ஜின் வழங்கப்படுகிறது. இந்த என்ஜின் 20.78 ஹெச்.பி. பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது.

இந்த மாடலில் முன்புறம் டெலிஸ்கோபிக் ஃபோர்க்குகள், பின்புறம் கியாஸ் சார்ஜ் செய்யப்பட்ட ஸ்பிரிங்குகள் வழங்கப்பட்டு உள்ளன. பிரேக்கிங்கிற்கு முன்புறம் 310mm, பின்புறத்தில் 240mm டிஸ்க் பிரேக்குகள் வழங்கப்படுகின்றன. இத்துடன் டூயல் சேனல் ஏ.பி.எஸ். வழங்கப்படுகிறது. புதிய ஹோண்டா CB350 மாடல் அலாய் வீல்களை கொண்டிருக்கிறது.

இத்துடன் எல்.இ.டி. லைட்டிங், ஹோண்டா ஸ்மார்ட்போன் வாய்ஸ் கண்ட்ரோல் சிஸ்டம், ஹோண்டா செலக்டபில் டார்க் கண்ட்ரோல் மற்றும் எமர்ஜன்சி ஸ்டாப் சிக்னல் போன்ற வசதிகள் வழங்கப்படுகின்றன. இந்திய சந்தையில் புதிய ஹோண்டா CB350 மாடல் DLX மற்றும் DLX ப்ரோ என இரண்டு வேரியண்ட்களில் கிடைக்கிறது.

விலை விவரங்கள்:

ஹோண்டா CB350 DLX ரூ. 1 லட்சத்து 99 ஆயிரத்து 900

ஹோண்டா CB350 DLX ப்ரோ ரூ. 2 லட்சத்து 17 ஆயிரத்து 800

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது CB 350 ஹைனஸ் மாடலின் புதிய வேரியண்டை விரைவில் அறிமுகம் செய்ய இருப்பதாக தகவல் வெளியாகி உள்ளது. சமீப ஆண்டுகளில் 350 முதல் 400 சிசி வரையிலான திறன் கொண்ட மாடல்கள் அடங்கிய மிடில்வெயிட் பிரிவில் அதிக போட்டி நிலவி வருகிறது.

அதன்படி ராயல் என்பீல்டு நிறுவனம் தனது ஜெ சீரிஸ் என்ஜின் கொண்ட மாடல்கள் எண்ணிக்கையை பரவலாக அதிகப்படுத்தி இருக்கிறது. இதன் நீட்சியாகவே புல்லட் 350 மாடல் சமீபத்தில் அறிமுகம் செய்யப்பட்டது. ராயல் என்பீல்டு தவிர ஹோண்டா நிறுவனமும் மிடில்வெயிட் பிரிவில் தனது கவனத்தை அதிகப்படுத்தி வருகிறது.

தற்போது ஹோண்டா நிறுவனம் சந்தையில் அதிக பிரபலமாக விளங்கும் கிளாசிக் 350 மாடலுக்கு நேரடி போட்டியை ஏற்படுத்தும் வகையில் புதிய மாடலை அறிமுகம் செய்ய தயாராகி வருகிறது. இதனை உணர்த்தும் வகையில் புதிய மாடலுக்கான டீசர்களையும் ஹோண்டா வெளியிட்டு உள்ளது. அதில் புதிய மாடல் டெல்ஸ்கோபிக் முன்புற ஃபோர்க்குகளை கொண்டிருக்கும் என்று தெரியவந்துள்ளது.

இதில் உள்ள அலாய் வீல்கள் ஹோண்டா ஹைனஸ் மாடலில் உள்ளதை போன்றே வழங்கப்படுகிறது. தற்போது ஹைனஸ் CB350 மாடல் DLX, DLX ப்ரோ, DLX ப்ரோ க்ரோம் மற்றும் லெகசி எடிஷன் போன்ற வேரியண்ட்களில் கிடைக்கிறது. இதன் விலை ரூ. 2 லட்சத்து 09 ஆயிரத்தில் இருந்து துவங்குகிறது. 

ஹீரோ மோட்டோகார்ப் நிறுவனம் தனது முதல் அட்வென்ச்சர் ஸ்டைல் ஸ்கூட்டர் மாடலை ஜூம் 160 பெயரில் சமீபத்திய EICMA 2023 நிகழ்வில் அறிமுகம் செய்தது. ஆனால் ஹோண்டா நிறுவனம் தனது ADV 160 மாடலை ஏற்கனவே அறிமுகம் செய்து, அதனை 2024 ஆண்டிற்கும் அப்டேட் செய்துவிட்டது.

2024 ஹோண்டா ADV 160 மாடல் பியல் பாஸ்போரஸ் புளூ எனும் புதிய நிறத்தில் அறிமுகம் செய்யப்பட்டு இருக்கிறது. இதுதவிர மேட் பிளாக், பியல் ஸ்மோக்கி கிரே மற்றும் மேட் தலியா ரெட் என மூன்றுவிதமான நிறங்களில் ஏற்கனவே விற்பனை செய்யப்பட்டு வருகிறது. புதிய நிறம் தவிர இந்த மாடலில் வேறு எந்த மாற்றமும் மேற்கொள்ளப்படவில்லை.

ஹோண்டா X-ADV மாடலில் ரக்கட் தோற்றம் கொண்ட பாடிவொர்க் வழங்கப்பட்டு இருக்கிறது. அந்த வகையில், இந்த மாடலில் உயரமான விண்ட் ஸ்கிரீன், ஸ்டெப்-அப் சீட் உள்ளது. ADV 160 மாடலில் 156சிசி, நான்கு வால்வுகள் கொண்ட என்ஜின் வழங்கப்பட்டு இருக்கிறது. இந்த என்ஜின் 16 ஹெச்.பி. பவர், 15 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இத்துடன் ஐடில் ஸ்டார்ட்-ஸ்டாப் சிஸ்டம், eSP தொழில்நுட்பம், ACG ஸ்டார்டர் உள்ளிட்ட அம்சங்கள் வழங்கப்பட்டு உள்ளன. இவைதவிர ஸ்மார்ட் கீ, ஸ்மார்ட்போன் சார்ஜிங் வசதி, எமர்ஜன்சி ஸ்டாப் சிக்னல், எல்.சி.டி. இன்ஸ்ட்ரூமென்ட் கிளஸ்டர், எல்.இ.டி. லைட்டிங் வழங்கப்பட்டுள்ளது. ஹோண்டா நிறுவனம் இதுவரை தனது ADV 160 மாடலை இந்தியாவில் அறிவிக்கவில்லை.

எனினும், இந்திய சந்தையில் இந்த மாடல் அறிமுகம் செய்யப்படும் பட்சத்தில், இது சமீபத்தில் அறிமுகம் செய்யப்பட்டு அடுத்த ஆண்டு துவக்கத்தில் வெளியாக இருக்கும் ஹீரோ ஜூம் 160 மாலுக்கு போட்டியாக அமையும் என்று தெரிகிறது.

ஹோண்டா நிறுவனம் இந்திய சந்தையில் தனது புதிய அட்வென்ச்சர் டூரர் மோட்டார்சைக்கிளை அறிமுகம் செய்து இருக்கிறது. புதிய மாடல் XL750 டிரான்சால்ப் என்று அழைக்கப்படுகிறது. இது ஹோண்டாவின் பிரபல ஆஃப்ரிக்கா டுவின் மாடலின் சிறிய வெர்ஷன் ஆகும். இந்தியாவில் ஹோண்டா XL750 டிரான்சால்ப் விலை ரூ. 11 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

தற்போது அறிவிக்கப்பட்டு இருப்பது அறிமுக விலை. அந்த வகையில், இந்த மோட்டார்சைக்கிள் விலை எதிர்காலத்தில் அதிகரிக்கப்படும். முதற்கட்டமாக இந்த மாடலின் 100 யூனிட்கள் மட்டுமே விற்பனை செய்யப்படுகிறது. இந்த மாடலுக்கான முன்பதிவுகள் ஹோண்டா பிக்விங் விற்பனை மையங்களில் நடைபெற்று வருகிறது.

டிசைனை பொருத்தவரை இந்த மோட்டார்சைக்கிள் ஆஃப்ரிக்கா டுவின் மாடலை தழுவியே மேற்கொள்ளப்பட்டு இருக்கிறது. இதில் கூர்மையான ஹெட்லேம்ப்கள், ஆங்குலர் செமி ஃபேரிங், உயரமான விண்ட் ஸ்கிரீன் வழங்கப்பட்டுள்ளது. இத்துடன் 5 இன்ச் டி.எஃப்.டி. ஸ்கிரீன், ஃபுல் எல்.இ.டி. லைட்டிங், ஸ்மார்ட்போன் கனெக்டிவிட்டி, வாய்ஸ் அசிஸ்ட் அம்சங்கள், எமர்ஜன்சி ஸ்டாப் சிக்னல், டிராக்ஷன் கண்ட்ரோல், ரைடு-பை-வயர், ஸ்லிப்பர் கிளட்ச் மற்றும் ஐந்துவிதமான ரைடிங் மோட்கள் உள்ளன.

இதில் உள்ள 755சிசி பேரலல் டுவின் என்ஜின் 90 ஹெச்.பி. பவர், 75 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. சஸ்பென்ஷனுக்கு ஷோவா யு.எஸ்.டி. ஃபோர்க்குகள், ப்ரோ-லின்க் மோனோஷாக் யூனிட் வழங்கப்பட்டு இருக்கிறது.

இத்துடன் பிரேக்கிங்கிற்கு முன்புறத்தில் டூயல் டிஸ்க், பின்புறம் சிங்கில் டிஸ்க் உள்ளது. இந்திய சந்தையில் ஹோண்டா XL750 டிரான்சால்ப் மாடல் ராஸ் வைட் மற்றும் மேட் பலிஸ்டிக் பிளாக் என இரண்டு நிறங்களில் கிடைக்கிறது. இந்த பைக்கின் வினியோகம் அடுத்த மாதம் துவங்கும் என்று தெரிகிறது.

ஹோண்டா நிறுவனம் மோட்டார்சைக்கிள்களில் பயன்படுத்துவதற்காக முற்றிலும் புதிய இ கிளட்ச் தொழில்நுட்பத்தை உருவாக்கி இருப்பதாக அறிவித்து உள்ளது. உலகில் இதுபோன்ற தொழில்நுட்பம் அறிமுகம் செய்யப்படுவது இதுவே முதல் முறை என்று ஹோண்டா நிறுவனம் மேலும் தெரிவித்தது.

புதிய இ கிளட்ச் தொழில்நுட்பம் எலெக்டிரானிக் கண்ட்ரோல் தொழில்நுட்பம் மூலம் டிரைவிங் ஃபோர்ஸ்-க்கு ஏற்ற வகையில் சிறப்பான கிளட்ச் கண்ட்ரோல் வசதியை சீராக வழங்குகிறது. மோட்டார்சைக்கிளை ஸ்டார்ட் செய்து, கியரை மாற்றுவது மற்றும் வாகனத்தை நிறுத்துவது என்று துவக்கம் முதல் இறுதிவரை இவை செயல்படும்.

மேலும் பைக் ஓட்டும் போதே இயக்கக்கூடிய வகையில், கிளட்ச் லீவர் ஒன்றும் வழங்கப்பட்டு இருக்கிறது. இந்த தொழில்நுட்பம் மூலம் மோட்டார்சைக்கிளை இயக்கும் முறையில் கவனம் செலுத்துவதை விட, வாகனம் ஓட்டுவதில் மகிழ்ச்சியை உணர முடியும்.

மிக குறைந்த எடை கொண்டிருக்கும் புதிய இ கிளட்ச் தொழில்நுட்பம் ஏற்கனவே உள்ள என்ஜின் லே-அவுட்களில் இன்ஸ்டால் செய்ய முடியும். காலப்போக்கில் தனது மோட்டார்சைக்கிள்கள் அனைத்திலும் இந்த தொழில்நுட்பத்தை இன்ஸ்டால் செய்ய ஹோண்டா நிறுவனம் திட்டமிட்டு வருகிறது.

ஹோண்டா நிறுவனம் தனது ஹைனெஸ் CB350 மோட்டார்சைக்கிளின் லெகசி எடிஷன் மாடலை இந்திய சந்தையில் அறிமுகம் செய்தது. இதன் விலை ரூ. 2 லட்சத்து 16 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய லெகசி எடிஷன் மாடல் பியல் சைரென் புளூ நிறத்தில் கிடைக்கிறது. இத்துடன் ஃபியூவல் டேன்க் மீது பிரமாண்ட கிராஃபிக்ஸ் மற்றும் லெகசி எடிஷன் பேட்ஜ் வழங்கப்படுகிறது. காஸ்மெடிக் மாற்றங்கள் தவிர இந்த மாடலில் வேறு எந்த மாற்றமும் மேற்கொள்ளப்படவில்லை. அந்த வகையில் இந்த மாடலில் வட்ட வடிவிலான டிசைன், க்ரோம் அம்சங்கள் உள்ளது.

இத்துடன் செமி டிஜிட்டல் கன்சோல், ப்ளூடூத் கனெக்டிவிட்டி, அசிஸ்ட் மற்றும் ஸ்லிப்பர் கிளட்ச், ஆப்ஷனல் டிராக்ஷன் கண்ட்ரோல் சிஸ்டம் உள்ளிட்ட வசதிகள் வழங்கப்பட்டு இருக்கிறது. இந்த மாடலில் 348.36சிசி, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 20.78 ஹெச்.பி. பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த மோட்டார்சைக்கிளில் டபுள் கிராடிள் ஃபிரேம், 19-18 இன்ச் அலாய் வீல், டெலிஸ்கோபிக் ஃபோர்க்குகள், டூயல் ஸ்ப்ரிங்குகள் வழங்கப்பட்டு உள்ளன. பிரேக்கிங்கிற்கு முன்புறம் 310mm டிஸ்க், பின்புறத்தில் 240mm டிஸ்க் வழங்கப்படுகிறது. இந்த மாடலில் 15 லிட்டர் ஃபியூவல் டேன்க் உள்ளது.

இந்திய சந்தையில் ஹோண்டா ஹைனெஸ் CB350 மாடல் ராயல் என்ஃபீல்டு கிளாசிக் 350, ஜாவா ஸ்டாண்டர்டு, பெனலி இம்பீரியல் 400 மற்றும் யெஸ்டி ரோட்ஸ்டர் போன்ற மாடல்களுக்கு போட்டியாக அமைகிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2023 CB200X மோட்டார்சைக்கிளை இந்திய சந்தையில் அறிமுகம் செய்தது. புதிய 2023 CB200X மாடல் தற்போது OBD-2 விதிகளுக்கு ஏற்ப அப்டேட் செய்யப்பட்டு உள்ளது.

அதன்படி 2023 ஹோண்டா CB200X மாடலின் தோற்றம் மற்றும் டிசைன் 2022 மாடலை போன்றே காட்சியளிக்கிறது. அதன்படி இந்த மாடல் மஸ்குலர் தோற்றம், சிங்கில்-பீஸ் ஹெட்லைட், பிகினி ஃபேரிங், ஸ்மோக்டு வைசர், ஸ்ப்லிட் சீட் செட்டப், 2-பீஸ் கிராப் ரெயில், நியூட்ரல் ரைடர் டிரை-ஆங்கில் உள்ளிட்டவை வழங்கப்பட்டு இருக்கிறது.

டிசைன் மாற்றங்கள் செய்யப்படவில்லை என்ற போதிலும், 2023 ஹோண்டா CB200X மாடல் புதிதாக டிசெண்ட் புளூ மெட்டாலிக் மற்றும் பியல் நைட்ஸ்டார் பிளாக் மற்றும் ஸ்போர்ட்ஸ் ரெட் நிறங்களில் கிடைக்கிறது. இந்த மாடலில் OBD-2 விதிகளுக்கு பொருந்தும், 184.4சிசி சிங்கில் சிலிண்டர் என்ஜின் வழங்கப்பட்டு உள்ளது.

இந்த என்ஜின் 17 ஹெச்.பி. பவர், 15.9 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் எல்.இ.டி. இலுமினேஷன், முழுமையான டிஜிட்டல் இன்ஸ்ட்ரூமெண்ட் கன்சோல், அட்ஜஸ்ட் செய்யக்கூடிய பிரைட்னஸ் வழங்கப்பட்டு உள்ளது. இதில் ஸ்பீடோமீட்டர், ட்ரிப் மீட்டர், ஓடோமீட்டர், ஃபியூவல் லெவல், நேரம் மற்றும் பல்வேறு விவரங்கள் காண்பிக்கப்படுகிறது.

புதிய CB200X மாடலில் ஹோண்டா நிறுவனம் யு.எஸ்.டி. முன்புற ஃபோர்க்குகளையும், மோனோஷாக் யூனிட்டையும் வழங்கி இருக்கிறது. இதன் இருபுறமும் டிஸ்க் பிரேக்குகள், ஏ.பி.எஸ். வழங்கப்பட்டு உள்ளது. இந்திய சந்தையில் புதிய 2023 ஹோண்டா CB200X மாடலின் விலை ரூ. 1 லட்சத்து 46 ஆயிரத்து 999. எக்ஸ்-ஷோரூம் என்று நிர்ணயம் செய்யப்பட்டு உள்ளது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2023 CB300F மோட்டார்சைக்கிள் மாடலை இந்திய சந்தையில் அறிமுகம் செய்தது. இதன் விலை ரூ. 1 லட்சத்து 70 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. அந்த வகையில், இந்த மாடலின் விலை அதன் முந்தைய வெர்ஷனை விட ரூ. 56 ஆயிரம் வரை குறைந்து இருக்கிறது.

முன்னதாக இந்த மாடலின் டீலக்ஸ் மற்றும் டீலக்ஸ் ப்ரோ வேரியண்ட்களின் விலை முறையே ரூ. 2 லட்சத்து 26 ஆயிரம் மற்றும் ரூ. 2 லட்சத்து 29 ஆயிரம் என்று நிர்ணயம் செய்யப்பட்டு இருந்தது. தற்போதைய விலை குறைப்புக்கு என்ன காரணம் என்று ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் இதுவரை எந்த தகவலும் வழங்கவில்லை. எனினும், இது மோட்டார்சைக்கிள் விற்பனையை அதிகப்படுத்தும் என்று தெரிகிறது.

முன்னதாக ஹோண்டா நிறுவனம் CB300F மாடல் விலையை ரூ. 50 ஆயிரம் வரை குறைத்து இருந்தது. எனினும், குறுகிய கால சலுகையாகவே இந்த விலை குறைப்பு அறிவிக்கப்பட்டு இருந்தது. தற்போது இதன் விலை மேலும் குறைந்து இருக்கிறது. 2023 ஹோண்டா CB300F மாடலில் OBD-II A விதிகளுக்கு பொருந்தும் வகையிலான என்ஜின் வழங்கப்பட்டு இருக்கிறது.

அந்த வகையில், இந்த மாடலில் 293.52சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 24.13 ஹெச்.பி. பவர், 25.6 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த மாடலில் 17 இன்ச் அலாய் வீல்கள், முன்புறம் அப்சைடு டவுன் ஃபோர்க்குகள், பின்புறம் பிரீ-லோடு அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது.

மற்ற அம்சங்களை பொருத்தவரை இந்த மாடலில் டிராக்ஷன் கண்ட்ரோல், டூயல் சேனல் ஏ.பி.எஸ்., அசிஸ்ட் மற்றும் ஸ்லிப்பர் கிளட்ச் உள்ளிட்டவை வழங்கப்பட்டு இருக்கிறது. இத்துடன் முழுமையான எல்.இ.டி. லைட்டிங், டிஜிட்டல் கன்சோல், கனெக்டிவிட்டி உள்ளிட்ட ஆப்ஷன்களும் வழங்கப்படுகிறது.

ஹோண்டா இந்தியா நிறுவனம் தனது ஹார்னெட் 2.0 மாடலின் மேம்பட்ட வெர்ஷனை இந்திய சந்தையில் அறிமுகம் செய்தது. 2023 ஹோண்டா ஹார்னெட் 2.0 மோட்டார்சைக்கிள் விலை ரூ. 1 லட்சத்து 39 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

2023 ஹோண்டா ஹார்னெட் 2.0 மாடல் ஒட்டுமொத்த தோற்றத்தில் எந்த மாற்றமும், அப்டேட்களும் மேற்கொள்ளப்படவில்லை. அதன்படி இந்த மாடல் பார்க்க அதன் முந்தைய வெர்ஷனை போன்றே காட்சியளிக்கிறது.

புதிய ஹோண்டா மாடலில் எல்.இ.டி. லைட்கள், முழுமையான டிஜிட்டல் இன்ஸ்ட்ரூமெண்ட் கிளஸ்டர், என்ஜின் கில் ஸ்விட்ச், சிங்கில் சேனல் ஏ.பி.எஸ். உள்ளிட்ட வசதிகள் உள்ளன. இதன் எல்.சி.டி. டேஷ்போர்டில் 5-லெவல் இலுமினேஷன் கண்ட்ரோல், கியர் பொசிஷன் இண்டிகேட்டர் மற்றும் சர்வீஸ் டியூ இண்டிகேட்டர் போன்ற வசதிகள் உள்ளன.

2023 ஹோண்டா ஹார்னெட் 2.0 மாடலில் 184.4சிசி, சிங்கில் சிலிண்டர் ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 17 ஹெச்.பி. பவர், 15.9 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது.

மற்ற மாடல்களை போன்றே, 2023 ஹார்னெட் 2.0 மாடலுக்கும் ஹோண்டா நிறுவனம் பத்து ஆண்டுகள் வரையிலான வாரண்டி வழங்குகிறது. இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. வினியோகம் அடுத்த சில நாட்களில் துவங்க இருக்கிறது.

ஹோண்டா கார்ஸ் இந்தியா நிறுவனம் எலிவேட் எஸ்.யு.வி. மாடல் இந்திய சந்தையில் செப்டம்பர் 4-ம் தேதி அறிமுகம் செய்யப்பட இருக்கிறது. புதிய ஹோண்டா எலிவேட் மாடல் இந்திய சந்தையில், கிரெட்டா மற்றும் செல்டோஸ் மாடல்களுக்கு போட்டியாக அமைய இருக்கிறது.

மிட்-சைஸ் எஸ்.யு.வி. பிரிவில் நிலை நிறுத்தப்படும் ஹோண்டா எலிவேட் மாடல் அந்நிறுவனத்தின் சிட்டி மற்றும் அமேஸ் போன்ற செடான் மாடல்களுடன் விற்பனை செய்யப்படுகிறது. புதிய ஹோண்டா எலிவேட் மாடலுக்கான முன்பதிவு கட்டணம் ரூ. 21 ஆயிரம் என்று நிர்ணயம் செய்யப்பட்டு உள்ளது. இந்த கார் SV, V, VX மற்றும் ZX வேரியண்ட்களில் கிடைக்கிறது.

இந்த எஸ்.யு.வி. மாடலில் 1.5 லிட்டர் பெட்ரோல் என்ஜின் வழங்கப்படுகிறது. இந்த என்ஜின் 119 ஹெச்.பி. பவர், 145 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் மற்றும் CVT யூனிட் வழங்கப்படுகிறது.

ஹோண்டா எலிவேட் மேனுவல் வேரியன்ட்கள் லிட்டருக்கு 15.31 கிலோமீட்டர் வரையிலான மைலேஜ் வழங்கும் என்று கூறப்படுகிறது. இதன் CVT வேரியன்ட்கள் லிட்டருக்கு 16.92 கிலோமீட்டர்கள் வரையிலான மைலேஜ் வழங்குகிறது. 

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் OBD2-விதிகளுக்கு பொருந்தும் 2023 லிவோ மாடலை இந்திய சந்தையில் அறிமுகம் செய்து இருக்கிறது. இந்த மோட்டார்சைக்கிள் டிரம் மற்றும் டிஸ்க் வேரியன்ட்களில் கிடைக்கின்றன. இவற்றின் விலை முறையே ரூ. 78 ஆயிரத்து 500 மற்றும் ரூ. 82 ஆயிரத்து 500, எக்ஸ்-ஷோரூம் என்று நிர்ணயம் செய்யப்பட்டு உள்ளன.

புதிய ஹோண்டா லிவோ மோட்டார்சைக்கிள்- அத்லெடிக் புளூ மெட்டாலிக், மேட் கிரஸ்ட் மெட்டாலிக் மற்றும் பிளாக் என மூன்றுவிதமான நிறங்களில் கிடைக்கிறது. ஹோண்டா லிவோ மாடலில் 109.51சிசி, ஏர் கூல்டு என்ஜின் வழங்கப்பட்டு இருக்கிறது. இத்துடன் ACG ஸ்டார்டர் மோட்டார் மற்றும் சைலன்ட் என்ஜின் ஸ்டார்ட் வசதி வழங்கப்படுகிறது.

இதன் செயல்திறன் அளவில் எவ்வித மாற்றமும் மேற்கொள்ளப்படவில்லை. அந்த வகையில், புதிய மாடலிலும், இந்த என்ஜின் 8.67 ஹெச்.பி. பவர், 9.30 நியூட்டன் மீட்டர் டார்க் இழுவிசையையே வெளிப்படுத்துகிறது. இத்துடன் 4 ஸ்பீடு கியர்பாக்ஸ் வழங்கப்படுகிறது.

அம்சங்களை பொருத்தவரை புதிய ஹோண்டா லிவோ மாடலில் என்ஜின் ஸ்டார்ட்/ஸ்டாப் ஸ்விட்ச், டி.சி. ஹெட்லேம்ப், கம்பைன்டு பிரேக்கிங் சிஸ்டம், டியூப்லெஸ் டயர், 5 ஸ்டெப் பிரீலோடு அட்ஜஸ்ட் செய்யக்கூடிய ரியர் சஸ்பென்ஷன் வழங்கப்பட்டு இருக்கிறது. இந்த மோட்டார்சைக்கிள் ஒட்டுமொத்த தோற்றத்தில் எந்த மாற்றமும் மேற்கொள்ளப்படவில்லை.