நீங்கள் தேடியது "ஆர்ப்பரித்து கொட்டும் தண்ணீர்"

திண்டுக்கல்:

திண்டுக்கல் மாவட்டத்தில் கடந்த சில நாட்களாக பருவமழை பரவலாக பெய்து வருகிறது. திண்டுக்கல்லில் அவ்வப்போது மழை பெய்து வருகிறது. மேற்கு தொடர்ச்சி மலை பகுதிகளில் மலை தொடர்ந்து பெய்து வருவதால், நீர் பிடிப்பு பகுதிகள் மற்றும் நேர்த்தேக்கங்களில் மழை நீர் வரத்து அதிகரித்து வருகிறது. இதனால் கனிசமாக நீர் மட்டம் உயர்ந்து வருகிறது.

மேற்கு மலை தொடர்ச்சி அடிவாரத்தில் உருவாகும், குடகனாறு, திண்டுக்கல், தாடிக்கொம்பு, வேடசந்தூர், அழகாபுரி அணை வழியாக செல்கிறது. இதனால் பல ஆயிரம் ஏக்கர் விவசாய நிலங்கள் பயனடைந்து வருகிறது.

தற்போது பெய்து வரும் மழையால் குடகனாற்றில் வெள்ளப்பெருக்கு ஏற்பட்டு வருகிறது. திண்டுக்கல் அடுத்துள்ள அனுமந்தராயன் கோட்டை தடுப்பணையில் கடந்த சில நாட்களாக தண்ணீர் ஆர்ப்பரித்து கொட்டுகிறது. இதில் பொதுமக்கள் உற்சாகமாக குளித்து மகிழ்ந்தனர்.

திண்டுக்கல்லில் குற்றாலம் போல் காட்சி அளித்த குடகனாறு தடுப்பணையில் சுற்று வட்டார பொதுமக்கள் பார்வையிட்டு ரசித்து குளித்து செல்பி எடுத்து மகிழ்ந்தனர்.

பெரும்பாறை:

திண்டுக்கல் மாவட்டம் மேற்கு தொடர்ச்சி மலையில் உள்ள பெரும்பாறை, கானல்காடு, மஞ்சள்பரப்பு, நல்லூர்காடு, தடியன்கு டிசை, குப்பம்மாள்பட்டி, கல்லக்கிணறு உள்ளிட்ட இடங்களில் கடந்த சில தினங்களாக தொடர்ந்து மழை பெய்து வருகிறது.

இந்த மழையால் புல்லா வெளி ஆற்றில் தண்ணீர் கரைபுரண்டு ஓடுகிறது. இந்த தண்ணீர் ஆத்தூர் காமராஜர் அணைக்கு செல்கிறது. இப்பகுதியில் இயற்கை எழில் சூழ்ந்த இடத்தில் அழகாகவும் அமைதியாகவும் இந்த நீர்வீழ்ச்சியில் தண்ணீர் விழுந்து வருகிறது.

இந்த அருவிக்கு ஏரா ளமான சுற்றுலா பயணிகள் படையெடுத்த வண்ணம் உள்ளனர். குறிப்பாக மதுரை, திண்டுக்கல், வத்தல குண்டு, தேனி உள்ளிட்ட நகரங்களை சேர்ந்த ஏராள மானோர் கார், வேன், ஜீப், மோட்டார் சைக்கிள்களில் அங்கு வந்து அருவியை பார்த்து ரசிப்ப தோடு குளித்து மகிழ்கின்றனர்.

பெரும்பாறை:

மேற்கு தொடர்ச்சி மலையில் கொடைக்கானல் கீழ்மலை பகுதியில், பெரும்பாறை, கானல்காடு, தடியன்குடிசை, பெரியூர், குப்பமாள்பட்டி, கே.சி.பட்டி, ஆடலூர், பன்றிமலை உள்ளிட்ட பல்வேறு மலைக் கிராமங்கள் உள்ளன. கடந்த ஒரு வாரமாக அப்பகுதியில் தொடர்ந்து விடாமல் மழை பெய்து வருகிறது.

இதன் எதிரொலியாக, மேற்கு தொடர்ச்சி மலைப்பகுதியில் பல்வேறு இடங்களில் நீரூற்றுகள் தோன்றியுள்ளன. மேலும் நீர்வீழ்ச்சிகளிலும் வெள்ளப்பெருக்கு ஏற்பட்டு தண்ணீர் ஆர்ப்பரித்து கொட்டுகிறது.

அதன்படி பெரும்பாறை அருகே இயற்கை எழில் மிகுந்த புல்லாவெளி நீர்வீழ்ச்சியில் தண்ணீர் ஆர்ப்பரித்து கொட்டுகிறது. இந்த நீர்வீழ்ச்சியில் குளியல் போட சுற்றுலா பயணிகள் குவிந்து வருகின்றனர்.

மேலும் இந்த தண்ணீர் ஆத்தூர் காமராஜர் அணைக்கு செல்கிறது. கடந்த ஒரு வாரமாகவே நீர்வீழ்ச்சி பகுதியில் தண்ணீர் பெருக்கெடுத்து அருவிபோல் கொட்டுவதால் ஆத்தூர் காமராஜர் அணைக்கு நீர்வரத்து அதிகரித்துள்ளது. இதனால் அணையின் நீர்மட்டம் வேகமாக உயர்ந்து வருகிறது.

வருசநாடு:

தேனி மாவட்டம், கடமலைக்குண்டு அருகே வருசநாடு வனச்சரகத்திற்கு உட்பட்ட சதுரகிரி மலையடிவாரத்தில் யானைகஜம் அருவி அமைந்துள்ளது.

மழை காலங்களில் இந்த அருவியில் நீர்வரத்து அதிக அளவில் காணப்படும். அதுபோன்ற நேரங்களில் அருவியில் குளிக்க ஏராளமானோர் வந்து செல்வது வழக்கம். இந்த நிலையில் கடந்த ஆண்டு சதுரகிரி மலைப்பகுதி ஸ்ரீவில்லிப்புத்தூர்-மேகமலை புலிகள் சரணாலயமாக அரசு அறிவித்தது.

அதன்பின்னர் யானைகஜம் அருவிக்கு பொதுமக்கள் யாரையும் வனத்துறையினர் அனுமதிப்பதில்லை. ஆனால் அதனையும் மீறி சுற்றுலா பயணிகள் சிலர் யானைகஜம் அருவியில் அனுமதியின்றி குளித்து வருகின்றனர். கடந்த வாரம் அனுமதியின்றி குளித்ததற்காக சுற்றுலா பயணிகள் 4 பேருக்கு ரூ.6 ஆயிரம் வீதம் வனத்துறையினர் அபராதம் விதித்தனர்.

மேலும் யானைக்கஜம் பகுதியில் வனத்துறையினர் தொடர்ந்து ரோந்து பணியில் ஈடுபட்டு வருகின்றனர். இதுகுறித்து வருசநாடு வனச்சரகர் சாந்தவர்மன் கூறுகையில், யானைகஜம் அருவி புலிகள் சரணாலய பகுதியில் அமைந்துள்ளது.

எனவே வனத்துறையினர் அனுமதி இன்றி பொதுமக்கள் யாரும் யானைக்கஜம் அருவிக்கு செல்லக்கூடாது. அதனை மீறி யானைக்கஜம் அருவிக்கு செல்பவர்கள் மீது வனத்துறை சட்டத்தின் படி கடும் நடவடிக்கை எடுக்கப்படும் என தெரிவித்தார்.