கன்னியாகுமரி:
தக்கலை அருகே முத்தளக்குறிச்சி பகுதியை சேர்ந்தவர் தபஸ்மால் (வயது31). இவருக்கு இன்னும் திருமணம் ஆகவில்லை.
முத்தலக்குறிச்சியில் வாட்டர் கேன் கொண்டு செல்லும் டெம்போவில் தபஸ்மால் டிரைவராக பணிபுரிந்து வந்தார்.
நேற்று இரவு இவரும் இவரது நண்பன் கவினும் மோட்டார் சைக்கிளில் அழகியமண்டபத்தில் இருந்து தக்கலை நோக்கி சென்றனர்.
தக்கலை பழைய பஸ் நிலையம் அருகே வந்த போது எதிரே வந்த மோட்டார் சைக்கிள் மீது மோதியது. இதில் இருவரும் தூக்கி வீசப்பட்டனர்.
அவர்களை அக்கம் பக்கத்தில் உள்ளவர்கள் மீட்டு தக்கலை அரசு மருத்துவமனையில் சேர்த்தனர்.அங்கு பரிசோதனை செய்து பார்த்த போது தபஸ்மால் ஏற்கனவே இறந்து விட்டது தெரியவந்தது.
படுகாயம் அடைந்த கவினை மேல் சிகிச்சை க்காக ஆசாரிபள்ளம் அரசு மருத்துவ கல்லூரிக்கு அனுப்பி வைத்தனர். இது குறித்து தக்கலை போலீஸ் நிலையத்தில் புகார் செய்யப்பட்டது.
போலீசார் விசாரணை நடத்தி விபத்துக்கு காரணமான பத்மனாபபுரம் பகுதியை சேர்ந்த ரெஜி என்பவர் மீது வழக்கு பதிவு செய்து அவரை கைது செய்தனர்.
