நீங்கள் தேடியது "ஜடேஜா"

வங்கதேசஅணிக்கு எதிரான டெஸ்ட் தொடர் வெற்றிக்கு பிறகு இந்திய அணி மோசமான சரிவை சந்தித்துள்ளது. இந்தியாவிற்கு சுற்றுப்பயணம் வந்த நியூசிலாந்து அணி 3-0 என்ற கணக்கில் இந்திய அணியை வொயிட்-வாஷ் செய்துள்ளது. 12 ஆண்டுகளுக்கு பிறகு இந்திய அணி டெஸ்ட் தொடரை சொந்த மண்ணில் இழந்துள்ளளது. மேலும் 3 அல்லது அதற்கு மேற்பட்ட டெஸ்ட் தொடரில் வொயிட்-வாஷ் ஆவதும் இதுவே முதல் முறை. இதனால் அணியில் உள்ள சில சீனியர் வீரர்களுக்கு பிசிசிஐ செக் வைத்துள்ளது.

நியூசிலாந்து தொடரில் இந்திய அணியின் பேட்டிங் மிகவும் மோசமாக இருந்தது. விராட் கோலி மற்றும் ரோகித் சர்மா போன்ற சீனியர் வீரர்கள் ரன்கள் அடிக்காதது பெரும் ஏமாற்றத்தை தந்தது.

தற்போது இந்திய அணி உலக டெஸ்ட் சாம்பியன்சிப் தரவரிசையில் 2-வது இடத்திற்கு தள்ளப்பட்டுள்ளது. ஒருவேளை இந்திய அணி WTC இறுதிப் போட்டிக்கு தகுதி பெறவில்லை என்றால், சீனியர் வீரர்கள் அணியிலிருந்து படிப்படியாக வெளியேற்றப்படுவார்கள் என்று கூறப்படுகிறது.

"நிச்சயம் அணியில் பெரிய மாற்றம் இருக்கும். பார்டர் கவாஸ்கர் தொடருக்காக இந்திய அணி நவம்பர் 10-ம் தேதி ஆஸ்திரேலியாவுக்கு செல்கிறது. இதற்கான அணி ஏற்கனவே அறிவிக்கப்பட்டுள்ளதால் அதில் மாற்றம் செய்ய முடியாது. ஆஸ்திரேலியா தொடர் சில வீரர்களுக்கு கடைசி போட்டியாக இருக்கலாம்" என்று பிசிசிஐ வட்டாரம் தெரிவிக்கின்றது.

உலக சாம்பியன்ஷிப் இறுதிப் போட்டிக்கு இந்தியா தகுதி பெறவில்லை என்றால் ரோகித், விராட், அஷ்வின் மற்றும் ரவீந்திர ஜடேஜா ஆகிய நான்கு சூப்பர் சீனியர்களும் இங்கிலாந்தில் நடைபெறும் ஐந்து போட்டிகள் கொண்ட டெஸ்ட் தொடரில் இருக்க மாட்டார்கள் என்று உறுதியாக நம்பலாம். பார்டர் கவாஸ்கர் தொடரின் முடிவு தான் அவர்களின் எதிர்காலம். ஒருவேளை மும்பை டெஸ்ட் தான் அந்த நான்கு பேரின் கடைசி சொந்த டெஸ்டில் ஒன்றாக இருக்கலாம்" என்று மேலும் கூறினார்.

சீனியர் வீரர்களால் வாய்ப்புக்காக காத்திருக்கும் சாய் சுதர்சன் மற்றும் தேவ்தத் படிக்கல் போன்ற வீரர்களுக்கு அடுத்த ஆண்டு இங்கிலாந்தில் நடைபெறும் டெஸ்ட் போட்டியில் நிச்சயம் வாய்ப்பு கிடைக்கும் என்று கூறப்படுகிறது. மேலும், அஷ்வினுக்கு பதில் வாஷிங்டன் சுந்தர் தனது இடத்தை டெஸ்ட் அணியில் தக்க வைத்துள்ளார். ஜடேஜாவிற்கு பதில் அக்சர் படேல் ரெடியாக உள்ளார். ரோஹித் சர்மாவிற்கு பதில் அபிமன்யு ஈஸ்வரனும், விராட் கோலிக்கு பதில் ருதுராஜ் கைகுவாட்வும் உள்ளனர்.

ரோகித், கோலி, ஜடேஜா ஆகியோர் டி20 போட்டிகளில் இருந்து ஓய்வை அறிவித்துள்ளனர். அஸ்வின் தற்சமயம் டெஸ்ட் போட்டிகளில் மட்டுமே விளையாடி வருகிறார். 

மும்பை டெஸ்ட் போட்டியில் ஜடேஜா 10 விக்கெட் கைப்பற்றினார். முதல் இன்னிசில் 65 ரன் கொடுத்து 5 விக்கெட்டும், 2-வது இன்னிங்சில் 55 ரன் கொடுத்து 5 விக்கெட்டும் வீழ்த்தினார். 120 ரன் கொடுத்து மொத்தம் 10 விக்கெட் எடுத்தார்.

ஜடேஜா 3-வது முறையாக (77-வது போட்டி) டெஸ்டில் 10 விக்கெட் எடுத்துள்ளார். இதன்மூலம் கபில்தேவ், இர்பான் பதானை முந்தி 4-வது இடத்தை பிடித்தார். கும்ப்ளே, அஸ்வின் தலா 8 தடவையும், ஹர்பஜன்சிங 5 முறையும் 10 விக்கெட்டை எடுத்துள்ளார். அவர்களுக்கு அடுத்த இடத்தில் ஜடேஜா உள்ளார்.

இந்தியா-நியூசிலாந்து அணிகள் இடையிலான 3-வது மற்றும் கடைசி டெஸ்ட் கிரிக்கெட் போட்டி மும்பையில் உள்ள வான்கடே ஸ்டேடியத்தில் தொடங்கியது.

முதலில் விளையாடிய நியூசிலாந்து அணி, வில் யங் (71 ரன்), டேரில் மிட்செல் (82 ரன்) ஆகியோரின் அரைசதத்தின் உதவியுடன் முதல் இன்னிங்சில் 235 ரன்கள் எடுத்து ஆல்-அவுட் ஆனது. இந்தியா தரப்பில் ரவீந்திர ஜடேஜா 5 விக்கெட்டும், வாஷிங்டன் சுந்தர் 4 விக்கெட்டும் வீழ்த்தினர்.

இதனையடுத்து முதல் இன்னிங்சை தொடங்கிய இந்திய அணி சுப்மன் கில், ரிஷப் பண்ட்டின் அரை சதத்தால் 263 ரன்னில் ஆல்-அவுட் ஆனது. நியூசிலாந்து அணி தரப்பில் சுழற்பந்து வீச்சாளர் அஜாஸ் பட்டேல் 5 விக்கெட்டும், மேட் ஹென்றி, கிளென் பிலிப்ஸ், இஷ் சோதி தலா ஒரு விக்கெட்டும் கைப்பற்றினர்.

28 ரன் பின்தங்கிய நிலையில் 2-வது இன்னிங்சை தொடங்கிய நியூசிலாந்து அணிக்கு ஆரம்பமே அதிர்ச்சி காத்து இருந்தது. முதல் ஓவரிலேயே டாம் லாதம் (1 ரன்) ஆகாஷ் தீப் பந்து வீச்சில் போல்டு ஆனார். மற்றொரு தொடக்க ஆட்டக்காரர் டிவான் கான்வே 22 ரன்னிலும், ரச்சின் ரவீந்திரா 4 ரன்னிலும் விக்கெட்டை பறிகொடுத்தனர்.

4-வது விக்கெட்டுக்கு டேரில் மிட்செல், வில் யங்குடன் கைகோர்த்தார். முதல் இன்னிங்சில் நிலைத்து நின்று ஆடிய டேரில் மிட்செல் (21 ரன்) தாக்குப்பிடிக்கவில்லை. அடுத்து வந்த டாம் பிளன்டெல் (4 ரன்), கிளென் பிலிப்ஸ் (26 ரன்), சோதி (8 ரன்) வந்த வேகத்திலேயே நடையை கட்டினர். தாக்குப்பிடித்து நின்று 9-வது அரைசதம் அடித்த வில் யங் 51 ரன்னில் (100 பந்து, 2 பவுண்டரி, ஒரு சிக்சர்) அஸ்வின் பந்து வீச்சில் அவரிடமே கேட்ச் கொடுத்து வெளியேறினார். மேட் ஹென்றி 10 ரன்னில் ரவீந்திர ஜடேஜா பந்து வீச்சில் போல்டு ஆனார்.

நேற்றைய ஆட்டம் முடிவில் நியூசிலாந்து அணி 43.3 ஓவர்களில் 9 விக்கெட்டுக்கு 171 ரன்கள் எடுத்திருந்தது. அஜாஸ் பட்டேல் 7 ரன்னுடன் களத்தில் இருக்கிறார். இந்திய அணி தரப்பில் சுழற்பந்து வீச்சாளர்கள் ரவீந்திர ஜடேஜா 4 விக்கெட்டும், அஸ்வின் 3 விக்கெட்டும் சாய்த்தனர்.

இன்று 3-வது நாள் ஆட்டம் தொடங்கியது. ஆட்டம் தொடங்கிய சிறிது நேரத்தில் அஜாஸ் படேல் 8 ரன்னில் அவுட் ஆனார். இதனால் நியூசிலாந்து அணி 2-வது இன்னிங்சில் 174 ரன்னில் சுருண்டது. இந்திய தரப்பில் ஜடேஜா 5 விக்கெட்டும் அஸ்வின் 3 விக்கெட்டும் வீழ்த்தினர். இந்திய அணி 147 எடுத்தால் வெற்றி என்ற இலக்குடன் விளையாடி வருகிறது.

மும்பை:

இந்தியாவில் சுற்றுப்பயணம் மேற்கொண்டுள்ள டாம் லாதம் தலைமையிலான நியூசிலாந்து கிரிக்கெட் அணி 3 போட்டிகள் கொண்ட டெஸ்ட் தொடரில் விளையாடி வருகிறது. இதில் முதல் இரு டெஸ்டிலும் நியூசிலாந்து அணி இந்தியாவை வீழ்த்தி 2-0 என்ற கணக்கில் தொடரை கைப்பற்றி வரலாறு படைத்து விட்டது.

இதனையடுத்து இரு அணிகளுக்கும் இடையிலான 3-வது மற்றும் கடைசி டெஸ்ட் போட்டி மும்பை வான்கடே ஸ்டேடியத்தில் இன்று தொடங்கியது. இதில் டாஸ் வென்ற நியூசிலாந்து அணி பேட்டிங்கை தேர்வு செய்து விளையாடி வருகிறது. இந்திய அணி பும்ரா இல்லாமல் களமிறங்கி உள்ளது.

இந்நிலையில் மும்பை வான்கடே மைதானத்தில் 12 ஆண்டுகளுக்கு பிறகு டெஸ்ட்டில் ரோகித் சர்மா களமிறங்கியுள்ளார். தனது 64-வது டெஸ்டில் விளையாடும் இந்திய கேப்டன் ரோகித் சர்மா வான்கடே மைதானத்தில் இதற்கு முன்பு ஒரே ஒரு டெஸ்டில் மட்டுமே விளையாடியுள்ளார். 2013-ல் இருந்து தொடர்ந்து விளையாடும் அவர் மும்பையில் ஒரு டெஸ்டில் கூட விளையாடவில்லை.

இதேபோல சுழற்பந்து வீச்சாளர் ஜடேஜாவுக்கு இது 2-வது டெஸ்ட் போட்டியாகும். ரோகித்துக்கு 11 மாதங்களுக்கு முன்பு அறிமுகமாகி, அவரை விட 13 டெஸ்ட் போட்டிகள் அதிகமாக விளையாடிய போதிலும் மும்பையில் ஒரே ஒரு டெஸ்டில் மட்டுமே விளையாடியுள்ளார்.

2013-ம் ஆண்டு மேற்கிந்தியத் தீவுகளுக்கு எதிரான டெஸ்டிலும் 2021-ம் ஆண்டு நியூசிலாந்துக்கு எதிரான டெஸ்டில் அவர் காயம் காரணமாக விளையாடவில்லை. ரோகித் சர்மா 64 டெஸ்ட் போட்டிகளிலும் ஜடேஜா 76 போட்டிகளிலும் விளையாடி உள்ளனர்.

2023 ஆம் ஆண்டு ஐபிஎல் தொடரின் இறுதிப்போட்டி அகமதாபாத்தில் நடைபெற்றது. இதில் சென்னை சூப்பர் கிங்ஸ் - குஜராத் டைட்டன்ஸ் அணிகள் மோதின.

இப்போட்டியில் முதலில் பேட்டிங் செய்த குஜராத் அணி 4 விக்கெட் இழப்பிற்கு 214 ரன்கள் குவித்தது. இதனைடுத்து ஆட்டம் மழையால் தடைப்பட்டதால் போட்டி 15 ஓவர்களாக குறைக்கப்பட்டு 171 ரன்கள் இலக்காக நிர்ணயிக்கப்பட்டது.

இறுதிப்போட்டியில் கடைசி 2 பந்துகளில் வெற்றிக்கு 10 ரன்கள் தேவைப்பட்டது. அப்போது களத்தில் இருந்த ஜடேஜா அடுத்தடுத்த பந்துகளில் சிக்ஸ், போர் அடித்து சென்னை சூப்பர் கிங்ஸ் அணிக்கு 5 ஆவது ஐபிஎல் கோப்பையை வாங்கி கொடுத்தார்.

5 ஆவது ஐபிஎல் கோப்பையை சிஎஸ்கே அணி வென்று இன்றோடு 500 நாட்கள் நிறைவடைந்துள்ளது. அதை கொண்டாடும் விதமாக ஐபிஎல் இறுதிப்போட்டியில் வெற்றிக்கு தேவையான ரன்களை அடித்துவிட்டு ஜடேஜா கொண்டாடும் புகைப்படத்தைப் சிஎஸ்கே அணி தனது எக்ஸ் பக்கத்தில் பகிர்ந்துள்ளது.

இந்தியா - வங்கதேசம் அணிகளுக்கு இடையேயான 2-வது டெஸ்ட் போட்டி 27-ந் தேதி தொடங்கியது. இதில் முதலில் பேட்டிங் செய்த வங்கதேசம் அணி முதல் நாள் முடிவில் 3 விக்கெட்டுகளை இழந்து 107 ரன் எடுத்து இருந்தது.

மழையால் முதல் நாள் ஆட்டம் பாதிக்கப்பட்டது. 90 ஓவர்களில் 35 ஓவர் மட்டுமே வீச முடிந்தது. 2-வது நாள் போட்டியும், 3-வது நாள் ஆட்டமும் மழையால் ஒரு பந்து கூட வீசப்படாமல் கைவிடப்பட்டது.

நேற்றைய 4-வது நாள் ஆட்டம் முழுமையாக நடைபெற்றது. தொடர்ந்து ஆடிய வங்காளதேசம் 233 ரன்னில் ஆல் அவுட் ஆனது. மொமினுல் ஹக் சதம் (107)அடித்தார். பும்ரா 3 விக்கெட்டும், முகமது சிராஜ், அஸ்வின், ஆகாஷ்தீப் தலா 2 விக்கெட்டும், ஜடேஜா 1 விக்கெட்டும் வீழ்த்தினார்கள்.

இதனையடுத்து களமிறங்கிய இந்தியா தொடக்கம் முதலே அதிரடியாக விளையாடி ரன்களை குவித்தனர். இதனால் 34.4 ஓவர்களில் 9 விக்கெட் இழப்புக்கு 285 ரன் எடுத்து டிக்ளேர் செய்தது. இது வங்காளதேச அணியின் ஸ்கோரைவிட 52 ரன் கூடுதலாகும்.

இதனை தொடர்ந்து 2-வது இன்னிங்சை தொடங்கிய வங்கதேசம் அணி அஸ்வின் பந்து வீச்சை சமாளிக்க முடியாமல் 2 விக்கெட்டுகளை பறிகொடுத்தது. இதனால் 4-ம் நாள் முடிவில் வங்கதேச அணி 2 விக்கெட் இழப்புக்கு 26 ரன் எடுத்து இருந்தது.

ஷத்மான் இஸ்லாம் 7 ரன்னிலும், மொமினுல் ஹக் ரன் எதுவும் எடுக்காமலும் களத்தில் இருந்தனர். இந்நிலையில் 5-வது மற்றும் கடைசி நாள் ஆட்டம் இன்று தொடங்கியது. 2 ரன்களில் ஆட்டம் இழந்தார். அடுத்து வந்த கேப்டன் ஷாண்டோ - ஷத்மான் ஜோடி நிதானமாக விளையாடியது.

19 எடுத்த போது ஷானோ ஜடேஜா பந்து வீச்சில் போல்ட் ஆனார். அடுத்து வந்த லிட்டன் தாஸ் 1, ஷாகிப் அல் ஹசன் 0 ரன்னிலும் அடுத்தடுத்து வெளியேறினர். சிறப்பாக விளையாடிய ஷத்மான் அரை சதம் அடித்தார்.

அரை சதம் விளாசிய கையோடு அவர் ஆட்டமிழந்தார். அதனை தொடர்ந்து மெஹிதி ஹசன் 9 ரன்னில் வெளியேறினார். ஒற்றை ஆளாக போராடிய ரஹிம் 37 ரன்னில் வெளியேறினார். இதனால் வங்கதேச அணி 2-வது இன்னிங்சில் 146 ரன்களில் ஆல் அவுட் ஆனது.

இந்திய அணி தரப்பில் ஜடேஜா, அஸ்வின், பும்ரா ஆகியோர் தலா 3 விக்கெட்டுகளை வீழ்த்தினர்.

இந்தியாவில் சுற்றுப்பயணம் மேற்கொண்டுள்ள வங்கதேசம் அணி இரண்டு போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்ட் போட்டியில் இந்திய அணி 280 ரன்கள் வித்தியாசத்தில் அபார வெற்றி பெற்று அசத்தியது.

இந்த நிலையில், இரு அணிகள் இடையிலான இரண்டாவது மற்றும் கடைசி டெஸ்ட் போட்டி கான்பூரில் கடந்த வெள்ளிக்கிழமை (செப்டம்பர் 27) துவங்கியது இந்தப் போட்டியில் டாஸ் வென்ற இந்திய அணி முதலில் பந்துவீச்சை தேர்வு செய்தது. முதல் நாளிலேயே மழை காரணமாக போட்டி தடைப்பட்ட நிலையில், வங்கதேசம் அணி மூன்று விக்கெட்டுகளை இழந்து 107 ரன்களை எடுத்திருந்தது.

இதைத் தொடர்ந்து இரண்டு மற்றும் மூன்றாம் நாள் ஆட்டங்கள் மழை, ஆடுகளம் ஒத்துழைக்காத காரணங்களால் ஒரு பந்து கூட வீசப்படாமல் கைவிடப்பட்டன. இந்த நிலையில், இன்று காலை போட்டியின் நான்காம் நாள் ஆட்டம் துவங்கியது. இன்றைய ஆட்டம் துவங்கியது முதலே இந்திய வீரர்கள் விக்கெட் வீழ்த்துவதில் கவனம் செலுத்தினர்.

இதன் காரணமாக வங்கதேசம் அணி முதல் இன்னிங்ஸில் 233 ரன்களுக்கு ஆல் அவுட் ஆனது. இதைத் தொடர்ந்து களமிறங்கிய இந்திய அணி துவக்கம் முதலே அதிரடி ஆட்டத்தை வெளிப்படுத்தியது. இதன் மூலம் இந்திய அணி டெஸ்ட் கிரிக்கெட் வரலாற்றில் அதிவேக 50, 100, 150, 200, 250 ரன்களை கடந்து சாதனை படைத்தது.

இதைத் தொடர்ந்து இந்திய வீரர்கள் அடுத்தடுத்து அவுட் ஆக இந்திய அணி 9 விக்கெட்டுகளை இழந்து 285 ரன்களை அடித்த போது, கேப்டன் ரோகித் சர்மா டிக்ளேர் செய்வதாக அறிவித்தார். இந்திய அணி 52 ரன்கள் முன்னிலை பெற்றது. பின்னர் 2 ஆவது இன்னிங்சில் களமிறங்கிய வங்கதேச அணி 26 ரன்களுக்கு 2 விக்கெட்டுகளை இழந்துள்ளது. 2 விக்கெட்டுகளை அஷ்வின் கைப்பற்றினார்.

இப்போட்டியில் இந்திய அணி பல்வேறு சாதனைகளை படைத்துள்ளது.

1. டெஸ்ட் கிரிக்கெட்டில் அதிவேகமாக 50 ரன்கள் எடுத்த அணி என்ற சாதனையை இந்தியா படைத்தது. இந்தியா 3 ஓவரில் 51 ரன்களை குவித்தது. இதற்கு முன்பு இந்தாண்டு வெஸ்ட் இண்டீஸ் அணிக்கு எதிரான டெஸ்ட் போட்டியில் இங்கிலாந்து அணி 4.2 ஓவரில் 50 ரன்கள் எடுத்ததே சாதனையாக இருந்தது.

2. டெஸ்ட் கிரிக்கெட்டில் அதிவேகமாக 100 ரன்கள் எடுத்த அணி என்ற சாதனையை இந்தியா படைத்தது. இந்தியா 10.1 ஓவரில் 103 ரன்களை குவித்தது. கடந்தாண்டு வெஸ்ட் இண்டீஸ் அணிக்கு எதிரான டெஸ்ட் போட்டியில் இந்திய அணி 12.2 ஓவரில் 100 ரன்கள் அடித்ததே சாதனையாக இருந்தது.

3. டெஸ்ட் கிரிக்கெட்டில் அதிவேகமாக 150 ரன்கள் எடுத்த அணி என்ற சாதனையை இந்தியா படைத்தது. இந்தியா 18.2 ஓவரில் 3 விக்கெட்டுக்கு 155 ரன்கள் குவித்தது. கடந்தாண்டு வெஸ்ட் இண்டீஸ் அணிக்கு எதிரான டெஸ்ட் போட்டியில் இந்திய அணி 21.1 ஓவரில் 150 ரன்கள் அடித்ததே சாதனையாக இருந்தது.

4. டெஸ்ட் கிரிக்கெட்டில் அதிவேகமாக 200 ரன்கள் எடுத்த அணி என்ற சாதனையை இந்தியா படைத்தது. இந்தியா 24.2 ஓவரில் 4 விக்கெட்டுக்கு 201 ரன்கள் குவித்தது. இதற்கு முன்பு 2017 ஆம் ஆண்டு சிட்னியில் பாகிஸ்தானுக்கு எதிரான டெஸ்டில் ஆஸ்திரேலியாவின் 28.1 ஓவரில் 200 ரன்கள் அடித்ததே சாதனையாக இருந்தது.

5. டெஸ்ட் கிரிக்கெட்டில் அதிவேகமாக 250 ரன்கள் எடுத்த அணி என்ற சாதனையை இந்தியா படைத்தது. 30.1 ஓவரில் 5 விக்கெட் இழப்பிற்கு 250 ரன்கள் குவித்தது. 2022ல் பாகிஸ்தானுக்கு எதிரான ராவல்பிண்டி டெஸ்டில் இங்கிலாந்து அணி 34 ஓவரில் 250 ரன்கள் அடித்ததே சாதனையாக இருந்தது.

6. சச்சின் டெண்டுல்கர், ரிக்கி பாண்டிங், குமார் சங்கக்காராவிற்கு அடுத்தபடியாக சர்வதேச கிரிக்கெட்டில் 27000 ரன்களை கடந்த நான்காவது வீரர் என்ற பெருமையை விராட் கோலி பெற்றார். இதன்மூலம் சர்வதேச கிரிக்கெட்டில் அதிவேகமாக 27000 ரன்களை கடந்த சச்சின் டெண்டுல்கர் (623 இன்னிங்ஸ்) சாதனையை விராட் கோலி (594 இன்னிங்ஸ்) முறியடித்தார்.

7. டெஸ்ட் போட்டியில் தான் சந்தித்த முதல் 2 பந்துகளில் சிக்ஸர் அடித்த 4 ஆவது வீரர் என்ற சாதனையை ரோகித் சர்மா படைத்துள்ளார். 1948 இல் ஃபோஃபி வில்லியம்ஸ், 2013 இல் சச்சின் டெண்டுல்கர் மற்றும் 2019 இல் உமேஷ் யாதவ் ஆகியோர் இந்த சாதனையை படைத்துள்ளனர்.

8. டெஸ்ட் கிரிக்கெட்டில் 300 விக்கெட்டுகளை வீழ்த்திய 7 ஆவது இந்திய பந்துவீச்சாளர் என்ற பெருமையை ரவீந்திர ஜடேஜா பெற்றார். அனில் கும்ப்ளே (619), அஸ்வின் (524), கபில்தேவ் (434), ஹர்பஜன் சிங் (417), இஷாந்த் சர்மா (311), ஜாகீர் கான் (311) ஆகியோருக்கு அடுத்தபடியாக இந்த சாதனையை அவர் படைத்துள்ளார்.

9. 2024 ஆம் ஆண்டில் இந்திய அணி டெஸ்ட் போட்டிகளில் 96 சிக்ஸர்கள் அடித்துள்ளது. இதன்மூலம் ஒரே ஆண்டில் டெஸ்ட் போட்டியில் அதிக சிக்ஸர்கள் அடித்த அணி என்ற சாதனையை இந்தியா படைத்துள்ளது. இதற்கு முன்பு 2022 ஆம் ஆண்டு இங்கிலாந்து அணி 89 சிக்ஸர்கள் அடித்ததே சாதனையாக இருந்தது.

கான்பூர்:

வங்கதேச கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது.

இந்தியா-வங்கதேச அணிகள் மோதும் 2-வது மற்றும் கடைசி டெஸ்ட் போட்டி உத்தரப்பிரதேச மாநிலம் கான்பூரில் வெள்ளிக்கிழமை தொடங்கியது. இதில் முதலில் களமிறங்கிய வங்கதேச அணி முதல் நாள் ஆட்ட நேர முடிவில் 3 விக்கெட் இழப்புக்கு 107 ரன் எடுத்து இருந்த போது மலை குறுக்கிட்டதால் ஆட்டம் தடைப்பட்டது. 2-ம் நாள் ஆட்டமும் 3-ம் நாள் ஆட்டமும் மழையால் ரத்து செய்யப்பட்டது.

4-ம் நாளான இன்று மலை நின்றதால் ஆட்டம் துவங்கியது. இந்திய அணியின் பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்த வங்கதேச அணி 233 ரன்களுக்கு ஆல் அவுட் ஆனது.

இந்தியா தரப்பில் பும்ரா 3 விக்கெட்டும் ஆகாஷ் தீப், அஸ்வின், சிராஜ் தலா 2 விக்கெட்டுகளையும் ஜடேஜா 1 விக்கெட்டையும் வீழ்த்தினர்.

கான்பூர் டெஸ்டில் 1 விக்கெட் வீழ்த்தியதன் மூலம் டெஸ்ட் கிரிக்கெட்டில் 300 விக்கெட்டுகளை வீழ்த்தி ரவீந்திர ஜடேஜா சாதனை படைத்துள்ளார்.

கபில்தேவ் மற்றும் அஷ்வினுக்கு அடுத்தபடியாக டெஸ்ட் போட்டியில் 3000 ரன்களை கடந்து 300 விக்கெட்டுகளை வீழ்த்திய வீரர் என்ற சாதனையை ஜடேஜா படைத்துள்ளார்.

மேலும், இங்கிலாந்து முன்னாள் வீரர் இயன் போத்தமிற்குப் பிறகு டெஸ்ட் போட்டியில் வேகமாக 3000 ரன்களை கடந்து 300 விக்கெட்டுகளை வீழ்த்திய வீரர் என்ற பெருமையையும் இதன்மூலம் அவர் பெற்றுள்ளார்.

இயன் போத்தம் 72 டெஸ்ட் போட்டிகளில் 4153 ரன்கள் அடித்து 305 விக்கெட்டுகளை வீழ்த்தியுள்ளார். ஜடேஜா 74 டெஸ்ட் போட்டிகளில் விளையாடி 3122 ரன்கள் அடித்து 300 விக்கெட்டுகளை வீழ்த்தியுள்ளார். 

இந்தியா- வங்கதேசம் அணிகளுக்கு இடையிலான முதல் டெஸ்ட் சென்னை சேப்பாக்கம் மைதானத்தில் நேற்று தொடங்கியது. டாஸ் வென்ற வங்கதேச அணி முதலில் பந்து வீச்சு தேர்வு செய்தது.

நேற்று காலை மேகமூட்டமாக காணப்பட்டதால் முதல் செசனில் பந்து வீச்சுக்கு சாதகமாக ஆடுகளம் இருந்தது. இதனால் வங்கதேச வேகப்பந்து வீச்சாளர் ஹசன் முகமது இந்தியாவின் நட்சத்திர பேட்ஸ்மேன்களான ரோகித் சர்மா, சுப்மன் கில், விராட் கோலி ஆகியோரை விரைவாக சாய்த்தார். இதனால் இந்தியா 34 ரன்கள் எடுப்பதற்குள் 3 விக்கெட்டுகளை இழந்தது.

4-வது விக்கெட்டுக்கு ஜெய்ஸ்வால் உடன் ரிஷப் பண்ட் ஜோடி சேர்ந்தார். இந்த ஜோடி அணியை சரிவில் இருந்து மீட்டது. அணியின் ஸ்கோர் 96 ரன்னாக இருக்கும்போது ரிஷப் பண்ட் 39 ரன்னில் ஆட்டமிழந்தார். அரைசதம் அடித்த ஜெய்ஸ்வால் 56 ரன்னில் வெளியேறினார். கே.எல். ராகுல் 16 ரன்னில் ஏமாற்றம் அடைந்தார்.

7-வது விக்கெட்டுக்கு ஜடேஜா உடன் அஸ்வின் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. அஸ்வின் சதம் அடிக்க ஜடேஜா சதத்தை நெருங்கினார். இந்த ஜோடியை வங்கதேச பந்து வீச்சாளர்களால் பிரிக்க முடியவில்லை. இதனால் நேற்றைய முதல்நாள் ஆட்டத்தில் இந்தியா 80 ஓவரில் 6 விக்கெட் இழப்பிற்கு 339 ரன்கள் குவித்தது. அஸ்வின் 102 ரன்களுடனும், ஜடேஜா 86 ரன்களுடனும் களத்தில் இருந்தனர்.

ஹசன் முகமது

இன்று 2-வது நாள் ஆட்டம் தொடங்கியது. ஜடேஜா இன்று ரன் கணக்கை தொடங்காமல் நேற்றைய 86 ரன்னிலேயே ஆட்டமிழந்தார். ஜடேஜா- அஸ்வின் ஜோடி 199 ரன்கள் குவித்தது.

அடுத்து வந்த அர்ஷ் தீப் 17 ரன்கள் எடுதது ஆட்டமிழந்தார். அஸ்வின் 113 ரன்கள் எடுத்து வெளியேறினார். பும்ரா கடைசி விக்கெட்டாக 7 ரன்னில் ஆட்டமிழக்க இந்தியா முதல் இன்னிங்சில் 91.2 ஓவரில் 376 ரன்கள் குவித்து ஆல்அவுட் ஆனது. இன்று 11.1 ஒவரில் 37 ரன்கள் எடுப்பதற்குள் இந்தியா 6 விக்கெட்டுகளை இழந்தது குறிப்பிடத்தக்கது. வங்கதேச பந்து வீச்சாளர் ஹசன் முகமது 83 ரன்கள் விட்டுக்கொடுத்து 5 விக்கெட்டுகள் சாய்த்தார். தஸ்கின் அகமது 3 விக்கெட்டுகள் வீழ்த்தினார்.

டி20 உலக கோப்பை கிரிக்கெட் தொடரின் இறுதிப்போட்டியில் இந்தியா மற்றும் தென்னாப்பிரிக்கா அணிகள் மோதின. இந்த போட்டியில் இந்திய அணி 7 ரன்கள் வித்தியாசத்தில் த்ரில் வெற்றியை பதிவு செய்தது. டி20 தொடர் அறிமுகமான 2007 ஆம் ஆண்டு முதல் தொடரில் டோனி தலைமையில் இந்திய அணி அதன்பின் நடந்த தொடர்களில் வெற்றிபெறவில்லை. தற்போது 17 வருடங்கள் களைத்து 2 வது முறையாக இந்தியா உலகக்கோப்பையை வென்றுள்ளதை நாடே கொண்டாடி வருகிறது.

இந்த வெற்றிக்கு அரசியல் தலைவர்கள், திரைப்பிரபலங்கள், தொழிலதிபர்கள் என பலரும் தங்களது வாழ்த்துகளை தெரிவித்து வருகின்றனர். அந்த வகையில் பிரதமர் மோடி, இந்திய வீரர்களுக்கு வீடியோ மூலம் வாழ்த்து தெரிவித்தார். தொடர்ந்து இந்திய வீரர்களுக்கு தொலைபேசி மூலமும் தொடர்புகொண்டு வாழ்த்து தெரிவித்த மோடி, தனது எக்ஸ் தளத்தில் டி20 ஓய்வை அறிவித்த விராட் கோலி, ரோகித் சர்மா, ரவீந்திர ஜடேஜா ஆகியோருக்கு தனியாக வாழ்த்து பதிவுகளை வெளியிட்டிருந்தார்.

இந்நிலையில் ஜடேஜாவுக்கு மோடி வாழ்த்து தெரிவித்து வெளியிட்ட பதிவு தற்போது சர்ச்சையில் சிக்கியுள்ளது. அதாவது மோடி , CHAT GPT உருவாக்கிய வாக்கியங்களை தனது எக்ஸ் பக்கத்தில் அப்படியே காப்பி பேஸ்ட் செய்துள்ளார் என்று இணையவாசிகள் கலாய்த்து வருகின்றனர்.

மோடி ஜடேஜாவுக்கு எக்ஸ் தளத்தில் வெளியிட்ட வாழ்த்து செய்தியில், 'நீங்கள் ஆல் ரவுண்டராக தனித்துவமான முறையில் செயப்பட்டீர்கள். கிரிக்கெட் ரசிகர்கள் உங்களது ஸ்டிரோக் பிளே ஸ்டைலையும்,, அற்புதமான ஃபீல்டிங்கையும் விரும்புகிறார்கள். தற்போதும் கடந்த டி20 போட்டிகளிலும் உங்களின் வசீகரமான ஆட்டத்தை வெளிப்படுத்தியதற்கு நன்றி. உங்களின் பயணம் தொடர எனது வாழ்த்துகள் என்று எழுதியிருந்தார்.

இந்நிலையில் 'டி20 கிரிக்கெட்டிலிருந்து ஜடேஜா ஓய்வு பெற்று விட்டார், அவரை பாராட்டி ஒரு டிவீட் எழுது' என CHAT GPT யிடம் கூறியதற்கு அச்சு அசலாக மோடியின் பதிவு போலவே வாக்கியம் பிசகாமல் CHAT GPT எழுதியுள்ளதை ஸ்க்ரீன் ஷாட் எடுத்து இணையவாசிகள் பகிர்ந்து வருகின்றனர். இதற்கிடையில் இந்தியாவின் டி20 வெற்றியை மோடி அரசியல் ஆதாயங்களுக்காக மார்க்கெட்டிங் செய்து வருகிறார் என்று எதிர்க்கட்சிகள் குற்றம் சாட்டியுள்ளது குறிப்பிடத்தக்கது. 

ஐ.பி.எல். 2024 கிரிக்கெட் தொடரின் குவாலிபையர் 2 போட்டியில் ராஜஸ்தான் ராயல்ஸ் மற்றும் சன்ரைசர்ஸ் ஐதராபாத் அணிகள் மோதின. சென்னை சேப்பாக்கம் மைதானத்தில் நடைபெற்ற இந்த போட்டியில் முதலில் பேட்டிங் செய்த ஐதராபாத் அணி 9 விக்கெட்டுகளை இழந்து 175 ரன்களை குவித்தது.

176 ரன்களை துரத்திய ராஜஸ்தான் அணி 20 ஓவர்கள் முடிவில் 7 விக்கெட்டுகளை இழந்து 139 ரன்களை மட்டுமே எடுத்து தோல்வியடைந்து பைனல் செல்லும் வாய்ப்பை இழந்தது.

இந்த போட்டியில் சாஹல் பந்துவீச்சில் கிளாசன் 3 சிக்ஸர்களை விளாசினார். இதன்மூலம் ஐபிஎல் வரலாற்றில் அதிக சிக்ஸர்களை விட்டுக் கொடுத்த பவுலர் என்ற மோசமான சாதனையை ராஜஸ்தான் வீரர் சாஹல் படைத்துள்ளார். அவர் மொத்தமாக இதுவரை 224 சிக்ஸர்களை விட்டு கொடுத்துள்ளார்.

இவருக்கு அடுத்த இடத்தில் பியூஷ் சாவ்லா - 222, ஜடேஜா - 206, அஷ்வின் - 203, அமித் மிஷ்ரா - 183 ஆகியோர் உள்ளனர்.

ஐபிஎல் வரலாற்றில் அதிக சிக்ஸர்களை விட்டுக்கொடுத்த முதல் 5 பந்துவீச்சாளர்களும் சுழற்பந்து வீச்சாளர்கள் என்பது குறிப்பிடத்தக்கது.

அகமதாபாத்:

17-வது ஐ.பி.எல். 20 ஓவர் கிரிக்கெட் போட்டி கடந்த மார்ச் மாதம் 22-ந் தேதி சென்னையில் தொடங்கியது. இந்தியாவின் பல்வேறு நகரங்களில் இந்த போட்டி தொடர் நடைபெற்று வருகிறது.

நடப்பு சாம்பியனும், ஐ.பி.எல். கோப்பையை 5 முறை வென்ற அணியுமான சென்னை சூப்பர் கிங்ஸ் 6 வெற்றி, 5 தோல்வியுடன் 12 புள்ளிகள் பெற்று 4-வது இடத்தில் உள்ளது.

சேப்பாக்கம் மைதா னத்தில் நடந்த 6 ஆட்டத்தில் சி.எஸ்.கே. 4-ல் வெற்றி (பெங்களூரு 6 விக்கெட், குஜராத் 63 ரன், கொல்கத்தா 7 விக்கெட், ஐதராபாத் 78 ரன்) பெற்றது. இரண்டில் (லக்னோ 6 விக்கெட், பஞ்சாப் 7 விக்கெட்) தோற்றது. வெளியூரில் ஆடிய 5 போட்டியில் இரண்டில் வெற்றி ( மும்பை 20 ரன், பஞ்சாப் 28 ரன்) பெற்றது. 3 ஆட்டத்தில் (டெல்லி 20 ரன், ஐதரா பாத் 6 விக்கெட், லக்னோ 8 விக்கெட்) தோற்றது.

ருதுராஜ் கெய்க்வாட் தலைமையிலான சென்னை சூப்பர் கிங்ஸ் 12-வது போட்டியில் குஜராத் டைட்டன்சை நாளை (10-ந்தேதி) மீண்டும் சந்திக்கிறது. இந்த ஆட்டம் குஜராத்தில் உள்ள அகமதாபாத்தில் இரவு 7.30 மணிக்கு நடக்கிறது.

பிளே ஆப் சுற்று வாய்ப்பில் நீடிக்க இந்த ஆட்டத்தில் வெற்றி பெற வேண்டிய நெருக்கடி சென்னை சூப்பர் கிங்சுக்கு உள்ளது. குஜராத்தை மீண்டும் வீழ்த்தி 7-வது வெற்றியை பெறுமா? என்று ஆவலுடன் எதிர்பார்க்கப்படுகிறது.

அதிரடி பேட்ஸ்மேன் ஷிவம் துபே கடந்த 2 ஆட்டத்திலும் டக்அவுட் ஆனார். இதனால் நாளைய முக்கியமான ஆட்டத்தில் அவர் தனது பங்களிப்பை வெளிப்படுத்த வேண்டும்.

கேப்டன் ருதுராஜ் கெய்க்வாட் பேட்டிங்கில் மிகவும் நல்ல நிலையில் இருக்கிறார்.அவர் 1 சதம், 4 அரை சதத்துடன் 541 ரன் குவித்து இந்த தொடரில் 2-வது இடத்தில் உள்ளார்.

மற்ற பேட்ஸ்மேன்களுக்கு அதிரடியாக ஆடுவது அவசியமாகும். ஆல்ரவுண்டர் வரிசையில் ஜடேஜா சிறப்பாக செயல்படுகிறார்.

பந்து வீச்சில் துருப்பு சீட்டான இலங்கையை சேர்ந்த பதிரனா எஞ்சிய போட்டிகளில் ஆட முடியா மல் போனது மிகப்பெரிய பாதிப்பே. அவர் 6 ஆட்டத்தில் 13 விக்கெட் வீழ்த்தி இருந்தார். இதேபோல் 14 விக்கெட் வீழ்த்திய முஸ்டாபிசுர் ரகுமான் சர்வதேச போட்டிக்காக வங்காள நாடு திரும்பி யுள்ளார். தீபக் சாஹரும் காயத்தில் உள்ளார். இதனால் பந்துவீச்சில் பலவீனமாகவே இருக்கிறது. இதை பேட்மேன் கள்தான் சரி செய்ய வேண்டும்.

துஷர் தேஷ்பாண்டே (12 விக்கெட்), ஷர்துல் தாக்கூர் அவர்களது இடத்தை நிரப்புவார்கள். சான்ட்னர் கடந்த போட்டியில் ரன் கொடுக்காமல் நேர்த்தியாக வீசினார்.

சுப்மன்கில் தலைமையி லான ருதுராஜ் டைட்டன்ஸ் 4 வெற்றி, 7 தோல்வியுடன் 8 புள்ளிகள் பெற்று கடைசி இடத்தில் இருக்கிறது. அந்த அணி சேப்பாக்கத்தில் நடந்த ஆட்டத்தில் ஏற்பட்ட தோல்விக்கு பதலடி கொடுத்து 5-வது வெற்றியை பெறும் ஆர்வத்தில் உள்ளது.

குஜராத் அணியில உள்ள தமிழக வீரர்களான சாய் சுதர்சன், ஷாருக்கான், சாய் கிஷோர் ஆகியோர் சென்னைக்கு எதிராக ஆதிக்கம் செலுத்த கடுமையாக போராடுவார்கள்.