நீங்கள் தேடியது "லேப்டாப்"

லெனோவோ இந்தியா நிறுவனம் தனது முற்றிலும் புதிய யோகாபுக் 9i மாடலை இந்திய சந்தையில் அறிமுகம் செய்தது. சர்வதேச நுகர்வோர் மின்சாதன விழா 2023-இல் அறிவிக்கப்பட்ட யோகாபுக் 9i மாடல் தற்போது இந்திய சந்தையில் அறிமுகமாகி இருக்கிறது. புதிய லெனோவோ யோகாபுக் 9i மாடலில் இன்டெல் இவோ பிளாட்ஃபார்ம், புதிய தலைமுறை இன்டெல் கோர் பிராசஸர்கள் வழங்கப்பட்டுள்ளன.

இத்துடன் இரண்டு 13.3 இன்ச் 2.8K OLED பியூர்சைட் டிஸ்ப்ளே, டால்பி விஷன் HDR சப்போர்ட் உள்ளது. இதில் உள்ள டூயல் ஸ்கிரீன் தொழில்நுட்பம் லேப்டாப், டேப்லெட் மற்றும் டென்ட் மோட் என தேவைக்கு ஏற்ப எப்படி வேண்டுமானாலும் பயன்படுத்திக் கொள்ளும் வசதியை வழங்குகிறது. மெல்லிய டிசைன் கொண்டிருப்பதால், இந்த லேப்டாப் எங்கும் பயன்படுத்தலாம்.

லெனோவோ யோகாபுக் 9i அம்சங்கள்:

2x 13.3-இன்ச் 2.8K OLED டச் ஸ்கிரீன், 400 நிட்ஸ் பிரைட்னஸ்

13th Gen இன்டெல் கோர் i7-1355U பிராசஸர்

இன்டெல் ஐரிஸ் Xe கிராபிக்ஸ்

16 ஜிபி LPDDR5X ரேம்

1 டிபி PCIe Gen 4 SSD

வின்டோஸ் 11 / வின்டோஸ் 11 ப்ரோ

2x2 வாட் + 2x1 வாட் போவர்ஸ்&வில்கின்ஸ் ஸ்பீக்கர்

டால்பி அட்மோஸ் சப்போர்ட்

FHD IR+ RGB வெப்கேமரா

பேஸ் பென் 4.0, ஃபோலியோ ஸ்டான்ட், ப்ளூடூத் கீபோர்டு

3x USB C போர்ட்கள், ப்ளூடூத் 5.2, வைபை 6E

80 வாட் ஹவர் பேட்டரி

விலை மற்றும் முன்பதிவு விவரங்கள்:

லெனோவோ யோகாபுக் 9i மாடல் டைடல் டியல் நிறத்தில் கிடைக்கிறது. இதன் விலை ரூ. 2 லட்சத்து 24 ஆயிரத்து 999 என்று நிர்ணயம் செய்யப்பட்டு உள்ளது. இந்த மாடலின் முன்பதிவு லெனோவோ வலைதளம் மற்றும் ஸ்டோர்களில் துவங்கி நடைபெற்று வருகிறது. 

ரிலையன்ஸ் ஜியோ நிறுவனம் தனது ஜியோபுக் லேப்டாப்-இன் 2nd Gen மாடல் அறிமுகம் பற்றிய அதிகாரப்பர்வ தகவலை வெளியிட்டு உள்ளது. முன்னதாக ரிலையன்ஸ் ஜியோ நிறுவனம் தனது முதல் குறைந்த விலை லேப்டாப் மாடலை 2022 இந்திய மொபைல் காங்கிரஸ் நிகழ்வில் காட்சிக்கு வைத்தது. தோற்றத்தில் புதிய லேப்டாப் அதிக மாற்றங்கள் இன்றி, ஒரே மாதிரியே காட்சியளிக்கிறது.

புதிய லேப்டாப் மாடலுக்காக அமேசான் வலைதளத்தில் மைக்ரோசைட் ஒன்று உருவாக்கப்பட்டு இருக்கிறது. இதில் இடம்பெற்று இருக்கும் டீசர்களில் புதிய லேப்டாப் அம்சங்கள் பற்றிய தகவல்கள் இடம்பெற்றுள்ளன. அதன்படி புதிய லேப்டாப் எடை 990 கிராம் என்று தெரியவந்துள்ளது. முந்தைய ஜியோபுக் மாடலின் எடை 1.2 கிலோவாக இருந்தது குறிப்பிடத்தக்கது.

புதிய லேப்டாப் அம்சங்கள் பற்றி எந்த தகவலும் இடம்பெறவில்லை. எனினும், இதில் 4ஜி கனெக்டிவிட்டி வழங்கப்படுவது உறுதியாகி இருக்கிறது. புதிய ஜியோபுக் மாடலில் ஜியோஒஎஸ், ஆக்டா கோர் பிராசஸர் வழங்கப்படுகிறது. இத்துடன் நாள் முழுக்க பயன்படுத்துவதற்கு ஏற்ற பேட்டரி லைஃப் கொண்டிருக்கும் என்று தெரிகிறது.

ஜியோபுக் மாடலின் அறிமுக விலை ரூ. 15 ஆயிரத்து 799 என்று நிர்ணயம் செய்யப்பட்டு இருந்தது. இது ரிலைன்ஸ் டிஜிட்டல் ஸ்டோர்களில் விற்பனை செய்வதற்கான விலை ஆகும். இதில் 11.6 இன்ச் டிஸ்ப்ளே, இரண்டு USB போர்ட்கள், ஹெட்போன் ஜாக் உள்ளிட்டவை வழங்கப்பட்டு இருந்தது. இந்த மாடலில் குவால்காம் ஸ்னாப்டிராகன் 665 பிராசஸர் வழங்கப்பட்டு இருந்ததும் குறிப்பிடத்தக்கது.

முந்தைய ஜியோபுக் மாடலின் விலை ரூ. 16 ஆயிரம் பட்ஜெட்டில் நிர்ணயம் செய்யப்பட்டு இருந்த நிலையில், புதிய 2nd Gen ஜியோபுக் மாடல் விலை ரூ. 20 ஆயிரம் பட்ஜெட்டிற்குள் நிர்ணயம் செய்யப்படும் என்று தெரிகிறது. இதன் விற்பனை ஆஃப்லைன் ஸ்டோர் மற்றும் அமேசான் வலைதளத்திலும் நடைபெறும் என்று எதிர்பார்க்கலாம்.

புதிதாக லேப்டாப் வாங்குவது சற்று சிக்கல் நிறைந்த ஒன்று. ஆனால், லேப்டாப்களில் தேர்வு செய்வதற்கு அதிக ஆப்ஷன்கள் சந்தையில் கிடைக்கின்றன. இந்திய சந்தையில் என்ட்ரி லெவல் லேப்டாப் மாடல்களின் விலை சுமார் 20 ஆயிரம் ரூபாயில் இருந்து துவங்குகிறது. இதன் டாப் எண்ட் மாடல்களின் விலை லட்சங்களை கடந்துள்ளன.

அந்த வகையில், ஒவ்வொருத்தர் பயன்பாடு மற்றும் தேவைக்கு ஏற்ப, அனைத்து விலை பிரிவுகளிலும் அதிக லேப்டாப் மாடல்கள் விற்பனைக்கு கிடைக்கின்றன. இவைகளில் ரூ. 30 ஆயிரம் பட்ஜெட்டில் கிடைக்கும் சிறந்த லேப்டாப் மாடல்கள் எவை என்பதை பற்றி தொடர்ந்து பார்ப்போம். இந்த விலை பிரிவில் கிடைக்கும் மாடல்கள் கிட்டத்தட்ட சிறப்பான என்ட்ரி லெவல் பிரிவிலேயே நிலை நிறுத்தப்பட்டுள்ளன.

ஹெச்பி குரோம்புக்

ஹெச்பி குரோம்புக் 15.6 மாடல் இந்த பட்ஜெட்டில் வாங்குவதற்கு சிறப்பான மாடல் ஆகும். டிஸ்ப்ளே மற்றும் வெப்கேமரா தவிர்த்து, இந்த மாடலின் அம்சங்கள் கொடுக்கும் விலைக்கு ஏற்றதாகவே உள்ளது. இந்த லேப்டாப் இன்டெல் செலரான் V4500 பிராசஸர் கொண்டிருக்கிறது. இதன் விலை இந்திய சந்தையில் ரூ. 28 ஆயிரத்து 999 என்று துவங்குகிறது.

அசுஸ் விவோபுக் கோ 15

இன்டெல் செலரான் டூயல் கோர் பிராசஸர், 8 ஜிபி ரேம், 512 ஜிபி SSD கொண்டிருக்கும் அசுஸ் விவோபுக் கோ 15 மாடலில் சிறப்பான கீபோர்டு வழங்கப்பட்டு இருக்கிறது. 15.6 இன்ச் டிஸ்ப்ளே கொண்டிருக்கும் அசுஸ் விவோபுக் கோ 15 மாடலின் விலை ரூ. 27 ஆயிரத்து 990 என்று நிர்ணயம் செய்யப்பட்டு உள்ளது.

இன்பினிக்ஸ் இன்புக் Y1 பிளஸ்:

இந்த பட்டியலில் கிடைக்கும் ஸ்டைலிஷ் மாடலாக இந்த லேப்டாப் இருக்கிறது. 10th Gen இன்டெல் கோர் i3 பிராசஸர் கொண்டிருக்கும் இன்பினிக்ஸ் இன்புக் Y1 பிளஸ் மாடலில் 15.6 இன்ச் டிஸ்ப்ளே, மெல்லிய பெசல்கள் உள்ளன. இதன் விலை ப்ளிப்கார்ட் வலைதளத்தில் ரூ. 28 ஆயிரத்து 990 என்று துவங்குகிறது.

ஹெச்பி 255 G8

ஹெச்பி லேப்டாப் வாங்க திட்டமிடும் பட்சத்தில் இந்த மாடல் சிறப்பான தேர்வாக இருக்கும். இதில் AMD ரைசன் 3 சீரிஸ் CPU, 8 ஜிபி ரேம், 512 ஜிபி மெமரி வழங்கப்பட்டு இருக்கிறது. இந்த லேப்டாப்பின் துவக்க விலை ரூ. 29 ஆயிரத்து 990 ஆகும்.

லெனோவோ ஐடியாபேட் 1

11.6 இன்ச் டிஸ்ப்ளேவுடன், இந்த பட்டியலில் சிறிய லேப்டாப் மாடலாக லெனோவோ ஐடியாபேட் 1 இருக்கிறது. சில்வர் ஃபினிஷ் செய்யப்பட்டு இருக்கும் இந்த லேப்டாப் அன்றாட பணிகளுக்கு ஏற்றது ஆகும். இதில் மைக்ரோசாப்ட் ஆபீஸ் சூட், 4 ஜிபி ரேம், 256 ஜிபி SSD மற்றும் வின்டோஸ் 11 ஒஎஸ் உள்ளது. இதன் விலை ப்ளிப்கார்ட் வலைதளத்தில் ரூ. 25 ஆயிரத்து 289 என்று துவங்குகிறது.

ஹெச்பி நிறுவனம் தனது என்வி சீரிஸ் லேப்டாப் மாடல்களில் புதிய வெர்ஷனை இணைத்துள்ளது. புதிய ஹெச்பி என்வி X360 15 லேப்டாப், இன்டெல் மற்றும் ஏஎம்டி என இருவித பிராசஸர் ஆப்ஷன்களில் கிடைக்கிறது. இத்துடன் ஏஐ சார்ந்து இயங்கும் அம்சங்களும் வழங்கப்பட்டு உள்ளன. இந்த லேப்டப்-இல் உள்ள டிஸ்ப்ளே, கணினிகளுக்காக முதல் முறை சான்று பெற்றுள்ளன.

புதிய ஹெச்பி என்வி X360 15 மாடலின் டாப் வேரியண்டில் IMX என்ஹான்ஸ்டு சான்று பெற்று இருக்கிறது. சந்தையில் இதுபோன்ற சான்று பெற்ற முதல் மாடல் இது என்பது குறிப்பிடத்தக்கது. இதில் உள்ள IMAX என்ஹான்ஸ்டு சான்று கொண்ட டிஸ்ப்ளே, ஆஸ்பெக்ட் ரேஷியோவை நீட்டித்து வழங்குகிறது.

இத்துடன் IMAX தியட்ரிக்கல் சவுன்ட் மிக்ஸ் வசதி உள்ளது. இது டிடிஎஸ் X தொழில்நுட்பத்தின் விசேஷ டியூனிங்கை பயன்படுத்தி, சிறப்பான ஆடியோ அனுபவத்தை வழங்குகிறது. இதன் டிஸ்ப்ளே கண்களுக்கு சோர்வை ஏற்படுத்தாது என சான்று பெற்று இருக்கிறது. இத்துடன் டச் மற்றும் பென் இன்புட் வசதிகளை கொண்டுள்ளது.

தற்போது இந்திய சந்தையில் IMAX சான்று பெற்ற தரவுகள் டிஸ்னி பிளஸ் ஹாட்ஸ்டார் மட்டுமே வழங்கி வருகிறது. எனினும், ஹெச்பி இந்தியா ஒடிடி தளத்துடன் கூட்டணி தொடர்பாக எந்த தகவலையும் வழங்கவில்லை. ஹெச்பி என்வி X360 15 மாடலில் ஏஐ இமேஜ் சிக்னல் பிராசஸர் வழங்கப்பட்டு இருக்கிறது.

இது பயனர்கள் சிஸ்டத்தை விட்டு தூரமாக நடந்து சென்றதை கண்டறிந்து, தானாக லாக் செய்து விடும். பிறகு, பயனர்கள் லேப்டாப் அருகில் வருவதை உணர்ந்து, அதனை தானாக அன்லாக் செய்து விடும். ஹெச்பி பிரெசன்ஸ் 2.0 அம்சம் கொண்டு வீடியோ அழைப்புகளை மேம்படுத்தும் வசதியும் வழங்கப்படுகிறது.

ஹெச்பி என்வி X360 15 அம்சங்கள்:

15.6 இன்ச் FHD+ OLED, 500-நிட்ஸ் HDR, IMAX என்ஹான்ஸ்டு சான்று கொண்ட டிஸ்ப்ளே

5MP IR கேமரா, டூயல் மைக்ரோபோன்

பேங் &ஆல்ஃபுசன் டூயல் ஸ்பீக்கர்கள்

வைபை 6E, ப்ளூடூத் 5.3

4-செல் 55 வாட் ஹவர் லி-அயன் பாலிமர் பேட்டரி

65 வாட் அல்லது 90 வாட் அடாப்டர்

இன்டெல் கோர் i5-1335U i7-1355U பிராசஸர்

ஐரிஸ் Xe கிராஃபிக்ஸ் அல்லது NVIDIA GeForce RTX3050 GPU

8 ஜிபி, 16 ஜிபி LPDDR5 ரேம்

2 தன்டர்போல்ட் 4 போர்ட்கள்

ஏஎம்டி வேரியண்ட்

ஏம்டி ரைசன் 5 7530U அல்லது ஏஎம்டி ரைசன் 7 7730U பிராசஸர்

ஏஎம்டி ரேடியான் கிராஃபிக்ஸ்

8 ஜிபி, 16 ஜிபி LPDDR4X ரேம்

10Gbps யுஎஸ்பி சி போர்ட்

விலை விவரங்கள்:

ஹெச்பி என்வி X360 15 2-இன்-1 லேப்டாப் விலை ரூ. 78 ஆயிரத்து 999 என்று துவங்குகிறது. இதன் விற்பனை ஹெச்பி ஆன்லைன் மற்றும் ஹெச்பி வொர்ல்டு ஆஃப்லைன் ஸ்டோர்களில் நடைபெறுகிறது. இந்த லேப்டாப் நைட்ஃபால் பிளாக் மற்றும் நேச்சுரல் சில்வர் என இரண்டு நிறங்களில் கிடைக்கிறது. புதிய ஹெச்பி என்வி லேப்டாப் மறுசுழற்சி செய்யப்பட்ட அலுமினியம் மற்றும் கடலில் இருந்து சேகரிக்கப்பட்ட பிளாஸ்டிக் மூலம் உருவாக்கப்பட்டு இருக்கிறது.

எல்ஜி நிறுவனம் 2023 கிராம் சீரிஸ் லேப்டாப் மாடல்களை இந்திய சந்தையில் அறிமுகம் செய்து இருக்கிறது. புதிய கிராம் சீரிஸ் மாடல்கள் பிரீமியம் பிரிவில் நிலை நிறுத்தப்பட்டு உள்ளன. அதிக விலை கொண்ட புதிய எல்ஜி கிராம் சீரிஸ் லேப்டாப்கள் டாப் எண்ட் அம்சங்களை கொண்டிருக்கின்றன.

புதிய லேப்டாப்கள் எல்ஜி கிராம் 2023, கிராம் ஸ்டைல், கிராம் 2-இன்-1 மற்றும் எல்ஜி அல்ட்ரா பிசி என அழைக்கப்படுகின்றன. இவை அனைத்திலும் விண்டோஸ் 11 ஹோம் எடிஷன் ஒஎஸ், SSD ஸ்டோரேஜ், அதிகபட்சம் 17 இன்ச் ஸ்கிரீன், 80 வாட் ஹவர் பேட்டரி, 65 வாட் வரையிலான ஃபாஸ்ட் சார்ஜிங் வசதி வழங்கப்பட்டு இருக்கிறது.

எல்ஜி கிராம் 2023 சீரிஸ் அம்சங்கள்:

எல்ஜி கிராம் 2023 மாடலில் இன்டெல் EVO சான்று பெற்ற 13th Gen கோர் பிராசஸர், LPDDR5 6000 MHz ரேம், மற்றும் Gen.4 NVMe (x2) ரக ஸ்டோரேஜ் வழங்கப்பட்டு இருக்கிறது. இதன் டிஸ்ப்ளே 16:10 WQXGA IPS ஸ்கிரீன் மற்றும் வேரியபில் ரிப்ரெஷ் ரேட் கொண்டிருக்கிறது. இத்துடன் 400 நிட்ஸ் பிரைட்னஸ் உள்ளது.

எல்ஜி கிராம் ஸ்டைல் மாடல், அதன் பெயருக்கு ஏற்றார்போல் மிகவும் ஸ்டைலான லேப்டாப் ஆகும். இதில் 14 இன்ச் WQXGA+ OLED டிஸ்ப்ளே, 90Hz ரிப்ரெஷ் ரேட், இன்டெல் ஐரிஸ் Xe கிராஃபிக்ஸ் அதிகபட்சம் 16 ஜிபி LPDDR5 ரேம், 512 ஜிபி NVMe SSD ஸ்டோரேஜ் உள்ளது. இதில் டால்பி அட்மோஸ் சப்போர்ட், 72 வாட் ஹவர் பேட்டரி மற்றும் 65 வாட் ஃபாஸ்ட் சார்ஜிங் வசதி உள்ளது.

எல்ஜி கிராம் 2-இன்-1 மாடலில் 16 இன்ச் டிஸ்ப்ளே உள்ளது. இதனை லேப்டாப் மற்றும் டேப்லெட் என இருவிதங்களில் பயன்படுத்த முடியும். இதில் 13th Gen இன்டெல் கோர் பிராசஸர், இன்டெல் ஐரிஸ் Xe கிராஃபிக்ஸ், 32 ஜிபி LPDDR5 ரேம், 2 டிபி NVMe Gen4 SSD ஸ்டோரேஜ் உள்ளது. இதில் 80 வாட் ஹவர் பேட்டரி, 65 வாட் ஃபாஸ்ட் சார்ஜிங் வசதி உள்ளது.

எல்ஜி அல்ட்ரா பிசி அதிக ரெசல்யூஷன் கொண்ட WUXGA டிஸ்ப்ளே, ஆன்டி கிளேர் IPS பேனல், 300 நிட்ஸ் பிரைட்னஸ், மெல்லிய பெசல்கள் உள்ளன. இந்த லேப்டாப் AMD ரைசன் 7000 சீரிஸ் பிராஸர், AMD ரேடியான் 7 கிராஃபிக்ஸ், 16 ஜிபி DDR4 ரேம் வழங்கப்பட்டு இருக்கிறது. இத்துடன் 72 வாட் ஹவர் பேட்டரி வழங்கப்பட்டுள்ளது.

விலை விவரங்கள்:

எல்ஜி கிராம் 14 இன்ச் மாடல் துவக்க விலை ரூ. 1 லட்சத்து 27 ஆயிரம்

எல்ஜி கிராம் 16 இன்ச் மற்றும் 17 இன்ச் மாடல் துவக்க விலை ரூ. 1 லட்சத்து 42 ஆயிரத்து 990

எல்ஜி கிராம் ஸ்டைல் துவக்க விலை ரூ. 1 லட்சத்து 42 ஆயிரத்து 990

எல்ஜி கிராம் 2-இன்-1 துவக்க விலை ரூ. 2 லட்சத்து 05 ஆயிரம்

எல்ஜி அட்ரா பிசி துவக்க விலை ரூ. 1 லட்சத்து 04 ஆயிரம் 

ஆப்பிள் நிறுவனம் சமீபத்தில் நடைபெற்ற சர்வதேச டெவலப்பர்கள் மாநாட்டில் M2 சிப்செட் கொண்ட புதிய 15 இன்ச் மேக்புக் ஏர் மாடலை அறிமுகம் செய்தது. இந்த நிலையில் தற்போது வெளியாகி இருக்கும் தகவல்களில் ஆப்பிள் நிறுவனம் M3 சிப்செட் கொண்ட 15 இன்ச் மேக்புக் ஏர் மாடலை உருவாக்கி வருவதாக கூறப்படுகிறது.

இது குறித்து ஆப்பிள் வல்லுனரான மார்க் குர்மேன் வெளியிட்டு இருக்கும் தகவல்களில், ஆப்பிள் நிறுவனம் புதிதாக 15 இன்ச் மேக்புக் ஏர் மாடலை உருவாக்கி வருவதாக கூறப்படுகிறது. மேலும் புதிய மேக்புக் ஏர் மாடல் அடுத்த ஆண்டு அறிமுகம் செய்யப்படும் என்று கூறப்படுகிறது. ஆனால் எந்த மாதத்தில் அறிமுகம் செய்யப்படும் என்பது பற்றி இதுவரை எந்த தகவலும் இல்லை.

M3 சிப்செட் கொண்டு இயங்கும் ஏராளமான சாதனங்களை அறிமுகம் செய்ய ஆப்பிள் நிறுவனம் திட்டமிட்டுள்ளதாக கூறப்படுகிறது. அதன்படி புதிய ஐமேக் மற்றும் 13 இன்ச் மேக்புக் ப்ரோ மாடல்களும் M3 சிப்செட் உடன் அறிமுகம் செய்யப்படலாம். இந்த மாடல்களை உருவாக்கும் பணிகள் நடைபெற்று வருவதாக தெரிகிறது. புதிய ஐமேக் மாடல் அடுத்த ஆண்டு துவக்கத்தில் அறிமுகம் செய்யப்படுகிறது.

இதன் டிசைன் 2020 மாடலில் உள்ளதை போன்றே வழங்கப்படும் என்றும் கூறப்படுகிறது. 2020 ஆண்டு அறிமுகம் செய்யபபட்ட ஐமேக் மாடலில் M1 சிப்செட் வழங்கப்பட்டு இருந்தது குறிப்பிடத்தக்கது. தற்போது தான் ஆப்பிள் நிறுவனம் M2 சிப்செட் கொண்ட 15 இன்ச் மேக்புக் ஏர் மாடலை அறிமுகம் செய்து இருந்தது. இந்த மேக்புக் மாடல் இந்திய சந்தையிலும் கிடைக்கிறது. 

மனிதனின் ஆறாம் விரலாய் செல்போன் மாறிவிட்டது. சாப்பிடும் போதுகூட சிறியவர்கள் முதல் பெரியவர்கள் வரை செல்போனில் பேஸ்புக், இன்ஸ்டாகிராம் என சமூக வலைதளங்களில் மூழ்கியவாறே உள்ளனர். இதனால் குடும்பத்தில் ஒன்றாக அமர்ந்து சாப்பிடும் போதும், சமையலறையில் செல்போன், லேப்டாப்பிற்கும் இடம் ஒதுக்க வேண்டிய நிலை வந்துவிட்டது எனலாம்.

இந்நிலையில் ஒரு தாய் தனது குடும்பத்தினரை செல்போன், லேப்டாப் இல்லாமல் நிம்மதியாக சாப்பிட வைப்பதற்காக மேற்கொண்ட புது 'டெக்னிக்' இணையத்தில் தற்போது வைரலாகி வருகிறது. அதில் இரவு உணவை தயார் செய்ததும் டைனிங் டேபிளில் வைக்கும் தாயார், குடும்பத்தினர் அனைவரையும் அழைக்கிறார். ஒவ்வொருவராக வந்ததும் அவர்கள் தங்களிடம் உள்ள செல்போன், லேப்டாப்பை அவரிடம் ஒப்படைத்த பிறகே அவர்களுக்கு தட்டில் சாப்பாடு போடுகிறார். அதன் பிறகு அனைவரும் ஒன்றாக அமர்ந்து நிம்மதியாக சாப்பிடுவது போன்று காட்சிகள் உள்ளது. இந்த வீடியோவை பார்த்த நெட்டிசன்கள் தாயின் டெக்னிக்கை பாராட்டி கருத்துக்களை பதிவிட்டு வருகிறார்கள். மேலும் இந்த வீடியோ 1.5 லட்சத்திற்கும் அதிகமான பார்வைகளை பெற்றுள்ளது.

இன்ஃபின்க்ஸ் நிறுவனத்தின் புதிய இன்புக் Y1 பிளஸ் நியோ லேப்டாப் இந்தியாவில் அறிமுகம் செய்யப்பட்டது. புதிய இன்புக் Y1 பிளஸ் நியோ மாடலில் 15.6 இன்ச் FHD ஸ்கிரீன், மெல்லிய பெசல்கள், இண்டெல் செலரான் N5100 பிராசஸர், 8 ஜிபி +256 ஜிபி மற்றும் 8 ஜிபி + 512 ஜிபி என இருவித மெமரி ஆப்ஷன்கள் வழங்கப்படுகிறது.

இத்துடன் ஐஸ் ஸ்டார்ம் கூலிங் சிஸ்டம் வழங்கப்பட்டு இருக்கிறது. இது லேப்டாப் வெப்பமாவதை அதிகபட்சம் 4 டிகிரி வரை குறைக்கிறது. அலுமினியம் அலாய் ஃபினிஷ் செய்யப்பட்டுள்ள இன்புக் Y1 பிளஸ் நியோ மாடல் 1.76 கிலோ எடை கொண்டிருக்கிறது. இந்த லேப்டாப் 18.15mm அளவு தடிமனாக இருக்கும் வகையில் உருவாக்கப்பட்டு இருக்கிறது.

பேக்லிட் கீபோர்டு, ஆண்டி கிளேர் கிளாஸ் டச்பேட் மற்றும் மல்டி டச் சப்போர்ட், 45 வாட் டைப் சி ஃபாஸ்ட் சார்ஜிங் வசதி உள்ளது. இதில் உள்ள ஃபாஸ்ட் சார்ஜிங் வசதி மூலம் லேப்டாப்-ஐ ஒரு மணி நேரத்தில் 75 சதவீதம் வரை சார்ஜ் செய்துவிட முடியும்.

இன்ஃபினிக்ஸ் இன்புக் Y1 பிளஸ் நியோ அம்சங்கள்:

15.6 இன்ச் 1920x1080 பிக்சல் FHD டிஸ்ப்ளே, 260 நிட்ஸ் பீக் பிரைட்னஸ்

1.1 ஜிகாஹெர்ட்ஸ் இண்டெல் செலரான் N5100 குவாட் கோர் பிராசஸர்

இண்டெல் UHD கிராஃபிக்ஸ்

8 ஜிபி ரேம்

256 ஜிபி / 512 ஜிபி எஸ்எஸ்டி

விண்டோஸ் 11 ஹோம் எடிஷன்

2MP FHD வெப்கேமரா

வைபை 5, ப்ளூடூத் 5.1

2x USB 3.0, 1x HDMI 1.4, 1x USB C

மைக்ரோ எஸ்டி ஸ்லாட்

3.5mm ஹெட்போன் / மைக்ரோபோன் ஜாக்

2 வாட் ஸ்டீரியோ ஸ்பீக்கர்கள்

40 வாட் ஹவர் பேட்டரி

45 வாட் பிடி டைப் சி ஃபாஸ்ட் சார்ஜிங்

விலை மற்றும் விற்பனை விவரங்கள்:

இன்ஃபினிக்ஸ் இன்புக் Y1 பிளஸ் நியோ மாடல் சில்வர், புளூ மற்றும் கிரே என மூன்றுவித நிறங்களில் கிடைக்கிறது. இதன் 8 ஜிபி ரேம், 256 ஜிபி மெமரி மாடல் விலை ரூ. 20 ஆயிரத்து 990 என்றும் 8 ஜிபி ரேம், 512 ஜிபி மெமரி மாடல் விலை ரூ. 22 ஆயிரத்த 990 என்றும் நிர்ணயம் செய்யப்பட்டு உள்ளது. இது அறிமுக விலை ஆகும். விற்பனை ஏப்ரல் 26 ஆம் தேதி ப்ளிப்கார்ட் தளத்தில் துவங்குகிறது.

இன்ஃபினிக்ஸ் நிறுவனம் இந்திய சந்தையில் தனது இன்புக் Y1 பிளஸ் நியோ லேப்டாப் ஏப்ரல் 19 ஆம் தேதி அறிமுகம் செய்யப்படும் என்று அறிவித்து இருக்கிறது. கடந்த பிப்ரவரி மாத வாக்கில் இன்புக் Y1 பிளஸ் மாடல் அறிமுகம் செய்யப்பட்டதை தொடர்ந்து புதிய லேப்டாப் அறிமுகம் செய்யப்பட இருக்கிறது. புதிய இன்புக் Y1 பிளஸ் நியோ மாடல் சற்றே குறைந்த விலையில் அறிமுகம் செய்யப்பட இருப்பதாக கூறப்படுகிறது.

இந்திய சந்தையில் இன்ஃபினிக்ஸ் இன்புக் Y1 பிளஸ் நியோ மாடலின் விலை ரூ. 25 ஆயிரத்திற்குள் நிர்ணயம் செய்யப்படும் என கூறப்படுகிறது. தலைசிறந்த அம்சங்களுடன் மிக குறைந்த விலையில் அறிமுகமாகி சந்தையில் கடும் போட்டியை ஏற்படுத்தும் என இன்ஃபினிக்ஸ் நிறுவனம் தெரிவித்து இருக்கிறது. இந்த லேப்டாப் மிக மெல்லிய மற்றும் பிரீமியம் டிசைன், அலுமினியம் அலாய் மெட்டல் மூலம் உருவாக்கப்பட்டு இருக்கிறது. இதில் மிக மெல்லிய பெசல்கள் உள்ளன.

புதிய இன்புக் Y1 பிளஸ் நியோ மாடலில் 15.6 இன்ச் விவிட் கலர்-ரிச் டிஸ்ப்ளே, 82 சதவீத ஸ்கிரீன்-டு-பாடி ரேஷியோ, 250 நிட்ஸ் பீக் பிரைட்னஸ் வழங்கப்படுவது உறுதியாகி இருக்கிறது. இத்துடன் இரண்டு 2 வாட் ஸ்பீக்கர்கள், 40 வாட் பேட்டரி, 45 வாட் டைப் சி சார்ஜிங் வசதி வழங்கப்படுகிறது. ஃபாஸ்ட் சார்ஜிங் வசதி இருப்பதால், இந்த லேப்டாப் ஒரு மணி நேரத்தில் 75 சதவீதம் வரை சார்ஜ் ஆகிவிடும்.

இத்துடன் புதிய மாடலில் அதிகபட்சம் 512 ஜிபி மெமரி வழங்கப்படுகிறது. இதுதவிர 8 ஜிபி ரேம், 256 ஜிபி மெமரி, 8 ஜிபி ரேம், 512 ஜிபி மெமரி ஆப்ஷன்களும் வழங்கப்படும் என கூறப்படுகிறது. முந்தைய இன்ஃபினிக்ஸ் இன்புக் Y1 பிளஸ் மாடலில் உள்ளதை போன்றே இந்த மாடலிலும் இண்டெல் நிறுவனத்தின் i3 10th Gen பிராசஸர் வழங்கப்படலாம். இதன் விலை மற்றும் விற்பனை விவரங்கள் அடுத்த வாரம் அதிகாரப்பூர்வமாக அறிவிக்கப்பட்டுவிடும்.

ஆப்பிள் நிறுவனம் முற்றிலும் புதிய மேக்புக் ஏர் மாடலை இருவித அளவுகளில் அறிமுகம் செய்யும் பணிகளில் ஈடுபட்டு வருவதாக கூறப்படுகிறது. புதிய மாடல் 13 இன்ச் மற்றும் 15 இன்ச் என இருவித அளவுகளில் கிடைக்கும் என தெரிகிறது. இரு மாடல்களிலும் முற்றிலும் புதிய M3 சிப்செட் வழங்கப்படும் என கூறப்படுகிறது.

பிரபல ஆப்பிள் வல்லுனரான மார்க் குர்மன், குறைந்தபட்சம் புதிய 13 இன்ச் மேக்புக் ஏர் மாடலில் இதுவரை அறிவிக்கப்படாமல் இருக்கும் M3 சிப்செட் வழங்கப்படலாம் என தெரிவித்து இருக்கிறது. புதிய M3 சிப்செட் TSMC-யின் அதிநவீன 3 நானோமீட்டர் முறையில் உருவாக்கப்பட்டு இருக்கிறது. இது மேம்பட்ட செயல்திறன் வழங்கும் என்பதில் சந்தேகம் இருக்க முடியாது.

13 இன்ச் போன்றே புதிய 15 இன்ச் மாடலிலும் M3 சிப்செட் வழங்கப்படுமா என்பது கேள்விக்குறியாகவே உள்ளது. இந்த ஆண்டு கோடை கால வாக்கில் அறிமுகம் செய்யப்பட இருக்கும் புதிய 15 இன்ச் மாடலில் M2 சிப்செட் வழங்கப்படும் என்றும் இது விசேஷமாக இருக்கும் என மார்க் குர்மன் தெரிவித்து இருக்கிறார். டிஸ்ப்ளே பிரிவு வல்லுனரான ராஸ் யங் சமீபத்தில் வெளியிட்ட தகவல்களில் ஆப்பிள் வினியோக பிரிவு சார்பில் புதிய 15.5 இன்ச் மேக்புக் ஏர் மாடலுக்கான டிஸ்ப்ளே உற்பத்தி துவங்கிவிட்டதாக தெரிவிக்கப்பட்டது.

இதுதவிர ஆப்பிள் நிறுவனம் ஐபோன் 14 மற்றும் ஐபோன் 14 பிளஸ் மாடல்களை புதிதாக மஞ்சள் நிறத்தில் அறிமுகம் செய்ய இருப்பதாக தகவல் வெளியாகி உள்ளது. முன்னதாக 201 வாக்கில் வெளியிடப்பட்ட ஐபோன் 11 மற்றும் 2018 வாக்கில் அறிமுகம் செய்யப்பட்ட ஐபோன் XR போன்ற மாடல்கள் மஞ்சள் நிறத்தில் அறிமுகம் செய்யப்பட்டன. 

சாம்சங் நிறுவனம் தனது கேலக்ஸி புக் 3 அல்ட்ரா மாடலுக்கான முன்பதிவு துவங்கியது. முன்பதிவை தொடர்ந்து கேலக்ஸி புக் 3 அல்ட்ரா விற்பனை மார்ச் 15 ஆம் தேதி துவங்க இருக்கிறது. இந்திய சந்தையில் கேலக்ஸி புக் 3 அல்ட்ரா விலை ரூ. 2 லட்சத்து 81 ஆயிரத்து 990 ஆகும். புதிய கேலக்ஸி புக் 3 அல்ட்ரா வாங்குவோருக்கு வங்கி கேஷ்பேக் ரூ. 10 ஆயிரம் வழங்கப்படுகிறது.

இத்துடன் அதிகபட்சம் 24 மாதங்களுக்கு வட்டியில்லா மாத தவணை முறை சலுகை வழங்கப்படுகிறது. முன்பதிவு சலுகைகளின் கீழ் கேலக்ஸி புக் 3 அல்ட்ரா வாங்குவோர் ரூ. 50 ஆயிரத்து 099 மதிப்புள்ள M8 ஸ்மார்ட் மாணிட்டரை ரூ. 1,999 விலையில் வாங்கிட முடியும்.

கேலக்ஸி புக் 3 அல்ட்ரா மாடலில் அதிநவீன இண்டெல் கோர் i9 பிராசஸர், NVIDIA GeForce RTX 4070 GPU, 3K 2880x1800 பிக்சல் டைனமிக் AMOLED 2X டிஸ்ப்ளே, அடாப்டிவ் 120Hz ரிப்ரெஷ் ரேட் கொண்டிருக்கிறது. 1.79 கிலோ எடை கொண்டிருக்கும் கேலக்ஸி புக் 3 அல்ட்ரா, 16.5 மில்லிமீட்டர் அளவு தடிமனாக இருக்கிறது. இத்துடன் மெல்லிய, அலுமினியம் ஃபிரேம் உள்ளது.

சாம்சங் நிறுவனம் கேலக்ஸி புக்3 சீரிஸ்- கேலக்ஸி புக்3 அல்ட்ரா, கேலக்ஸி புக்3 ப்ரோ மற்றும் கேலக்ஸி புக்3 ப்ரோ 360 மாடல்களை அறிமுகம் செய்து இருக்கிறது. புதிய கேலக்ஸி புக்3 சீரிஸ் மாடல்களில் இண்டெல் கோர் 13th Gen பிராசஸர்களை கொண்டிருக்கின்றன. புதிய லேப்டாப்களின் மூலம் சாம்சங் நிறுவனம் இந்திய சந்தையில் கேலக்ஸி சீரிசை விரிவுப்படுத்தும் முயற்சியை மேற்கொண்டுள்ளது.

கேலக்ஸி புக்3 லேப்டாப்கள் சீம்லெஸ் மல்டி-டிவைஸ் கனெக்டிவிட்டி, டாப் எண்ட் ஹார்டுவேரை எதிர்பார்க்கும் வாடிக்கையாளர்களுக்காக உருவாக்கப்பட்டு இருக்கிறது. இந்த காலத்து மல்டி-டிவைஸ் உலகத்துக்கு ஏற்ப கேலக்ஸி புக்3 சீரிஸ் மாடல்கள் சந்தையின் முன்னணி நிறுவனங்களுடன் கூட்டணி அமைத்து உருவாக்கப்பட்டு இருக்கிறது. இவை தலைசிறந்த மல்டி-டிவைஸ் கனெக்டிவிட்டியை பலதரப்பட்ட சாதனங்கள் மற்றும் இயங்குதளங்கள் இடையே வழங்குகிறது.

கேலக்ஸி புக்3 மாடல்களில் மேம்பட்ட செயல்திறன் வழங்கும் நோக்கில் முற்றிலும் புதிய சிபியு, ஜிபியு மற்றும் டிஸ்ப்ளே வழங்கப்பட்டு இருக்கிறது. கேலக்ஸி புக்3 அல்ட்ரா மாடலில் அதிநவீன 13th Gen இண்டெல் கோர் i9 பிராசஸர் வழங்கப்பட்டு இருக்கிறது. NVIDIA RTX GeForce 4070 GPU கொண்டிருக்கும் கேலக்ஸி புக்3 அல்ட்ரா அதிரடி கிராஃபிக்ஸ் மற்றும் சிறப்பான கேமிங் அனுபவத்தை வழங்குகிறது.

இதில் உள்ள டைனமிக் AMOLED 2X டிஸ்ப்ளே மற்றும் 3K ரெசல்யூஷன், 120Hz அட்ப்டிவ் ரிப்ரெஷ் ரேட் சிறப்பான வியூவிங் அனுபவத்தை வழங்கும். இத்துடன் மல்டி கண்ட்ரோல் அம்சம் கொண்டு கணினி, கேலக்ஸி டேப் மற்றும் ஸ்மார்ட்போன் உள்ளிட்டவைகளை கேலக்ஸி புக்3 சீரிஸ் கீபோர்டு மற்றும் டிராக்பேட் மூலம இயக்க முடியும். Expert RAW அம்சம் மூலம் கேலக்ஸி ஸ்மார்ட்போனில் எடுக்கப்பட்ட புகைப்படங்களை புக்3 சீரிசுக்கு டிரான்ஸ்ஃபர் செய்து எடிட் செய்ய முடியும்.

விலை விவரங்கள்:

இந்திய சந்தையில் புதிய கேலக்ஸி புக்3 360 சீரிஸ் விலை ரூ. 1 லட்சத்து 09 ஆயிரத்து 990 என துவங்குகிறது. இதன் டாப் எண்ட் கேலக்ஸி புக்3 அல்ட்ரா மாடலின் விலை ரூ. 2 லட்சத்து 81 ஆயிரத்து 990 என நிர்ணயம் செய்யப்பட்டு உள்ளது.

அறிமுக சலுகையாக கேலக்ஸி புக்3 அல்ட்ரா வாங்குவோருக்கு ரூ. 10 ஆயிரமும், கேலக்ஸி புக்3 ப்ரோ சீரிஸ் வாங்குவோருக்கு ரூ. 8 ஆயிரமும் கேஷ்பேக் ஆக வழங்கப்படுகிறது. இத்துடன் அதிகபட்சம் 24 மாதங்களுக்கு வட்டியில்லா மாத தவணை முறை வசதியும் வழங்கப்படுகிறது. முன்பதிவு சலுகைகளின் கீழ் கேலக்ஸி புக்3 அல்ட்ரா வாங்குவோர் ரூ. 50 ஆயிரத்து 990 மதிப்புள்ள M8 ஸ்மார்ட் மாணிட்டரை ரூ. 1,999 விலையில் வாங்கிட முடியும்.

கேலக்ஸி புக்3 ப்ரோ 360 மற்றும் கேலக்ஸி புக்3 ப்ரோ மாடல்களுக்கான முன்பதிவு ஏற்கனவே துவங்கி நடைபெற்று வருகிறது. கேலக்ஸி புக்3 அல்ட்ரா மாடலுக்கான முன்பதிவு பிப்ரவரி 14 ஆம் தேதி துவங்குகிறது. முன்பதிவு சாம்சங் வலைதளம், முன்னணி ஆன்லைன் வலைதளங்கள் மற்றும் தேர்வு செய்யப்பட்ட சில்லறை விற்பனை மையங்களில் நடைபெறுகிறது.