நீங்கள் தேடியது "தருமபுரி ராமக்காள் ஏரி"

தருமபுரி:

தருமபுரி நகர எல்லையில் கிருஷ்ணகிரி சாலையில் ராமக்காள் ஏரி உள்ளது. பொதுப்பணித்துறையின் கட்டுப்பாட்டில் உள்ள இந்த ஏரி, 265 ஏக்கர் பரப்பளவில் அமைந்துள்ளது. இந்த ஏரிக்கு சின்னாற்றில் இருந்து கால்வாய் மூலம் தண்ணீர் வருகிறது.

இங்கிருந்து வெளியேறும் உபரிநீர், சனத்குமார நதியின் கால்வாயில் கலந்து, கம்பைநல்லூர் அருகே தென்பெண்ணை ஆற்றில் சேரும். தற்போது ஃபெஞ்சல் புயல் மழையால் தருமபுரி மாவட்டத்தில் தொடர்ந்து 3 நாட்களாக வரலாறு காணாத கனமழை பெய்தது.

இந்த மழையால் தருமபுரியை சுற்றியுள்ள இலக்கியம்பட்டி ஏரி, பிடமனேரி உள்ளிட்ட ஏரிகள் நிறைந்து வெளியேறும் உபரி நீர் அருகே உள்ள ராமக்காள் ஏரிக்கு செல்வதால் ஏரி நிறைந்து உபரி நீர் வெளியேறுகிறது.

இந்த உபரிநீரில் ஏரியில் உள்ள மீன்கள் அனைத்தும் வெளியேறுவதால் அப்பகுதியில் உள்ள சிறியவர் முதல் பெரியவர் வரை வலைகள் மூலம் மீன்பிடித்து வருகின்றனர்.

தருமபுரி,

தருமபுரி நகராட்சிக்கு உட்பட்ட மதிகோண்பாளையம் அருகில் உள்ள ராமக்காள் ஏரியினை மேம்படுத்துவது குறித்து மாவட்ட கலெக்டர் சாந்தி நேரில் பார்வையிட்டு ஆய்வு மேற்கொண்டார்.

தருமபுரி நகராட்சிக்கு உட்பட்ட பகுதியில் நீர்வளத் துறையின் கட்டுப்பாட்டில் உள்ள ராமக்காள் ஏரியானது 205 ஏக்கர் பரப்பளவு கொண்ட ஏரியாகும்.

இதன் அருகாமையில் உள்ள சுமார் 265 ஏக்கர் நிலங்கள் பாசன வசதி பெறுவதற்கு இந்த ஏரி வாய்ப்பாக அமைந்துள்ளது. தருமபுரி நகராட்சியில் அமைந்துள்ள மிகப்பெரிய பரப்பளவு கொண்ட நீர் நிறைந்துள்ள இந்த ஏரியின் கரைகள் மற்றும் நுழைவுவாயில்கள் ஆகியவற்றை செம்மை படுத்தி, ஏரி கரையினை அழகுபடுத்துதல்.

நடைப்பயிற்சி மேற்கொள்வோர் மற்றும் பொது மக்கள் பயன்பெறும் வகையில் பராமரிப்பு பணிகளை மேற்கொள்ளுதல், பசுமை நிறைந்த மரங்கள் நடுதல், பூக்கள் நிறைந்த வனங்களை ஏற்படுத்துதல் உள்ளிட்ட பல்வேறு அம்சங்களை கொண்ட பகுதியாக ராமக்காள் ஏரிக்கரைப் பகுதிகளை மாற்றுவது குறித்தும் மாவட்ட கலெக்டர் சாந்தி பார்வையிட்டு ஆய்வு மேற்கொண்டு, நீர்வளத்துறை, தருமபுரி நகராட்சி உள்ளிட்ட அலுவலர்கள் ஒன்றிணைந்து இந்த பணிகளை மேற்கொள்வ தற்கான நடவடிக்கைகளை உடனடியாக மேற்கொள்ள வேண்டுமென அலுவலர் களுக்கு உத்தரவிட்டார்.

இந்த ஆய்வின் போது சப்-கலெக்டர் சித்ரா விஜயன், தருமபுரி நகராட்சி ஆணையாளர் சித்ரா சுகுமார், நகராட்சி பொறியாளர் ஜெயசீலன், தருமபுரி வருவாய் வட்டாட்சியர் ராஜராஜன், நீர்வளத்துறை உதவி பொறியாளர்கள் மோகனப்பிரியா, மாலதி, நிலஅளவை அலுவலக மேலாளர் கல்பனா உட்பட தொடர்புடைய அலுவலர்கள் கலந்து கொண்டனர்.