திருப்பரங்குன்றம்
மதுரை மாநகராட்சி மேற்கு மண்டல அலுவலகத்தில் மக்கள் குறைதீர்க்கும் சிறப்பு முகாம் நடைபெற்றது. முகாமுக்கு மண்டல தலைவர் சுவிதா விமல் தலைமை தாங்கினார். மாநகராட்சி மேயர் இந்திராணி, ஆணையாளர் சிம்ரன்ஜித்சிங் ஆகியோர் பொதுமக்களிடம் குறைகளை கேட்டு மனுக்களை பெற்றனர். முகாமில் சாலை வசதி, குடிநீர் வசதி, கழிவுநீர் கால்வாய், தெரு விளக்கு உள்ளிட்ட அடிப்படை வசதிகள் செய்து தரக்கோரி பொதுமக்கள் ஏராளமானோர் தங்களது கோரிக்கை மனுக்களை அளித்தனர்.
திருப்பரங்குன்றம் திருநகர் பகுதியில் பாதாள சாக்கடை இல்லாததால் ஆங்காங்கே கழிவுநீர் தேங்கி தொற்றுநோய் பரவும் அவல நிலை உள்ளது. திருநகர் 5-வது பஸ் நிறுத்தத்தில் இருந்து 3-வது பஸ் நிறுத்தம் வரை உள்ள ஆக்கிரமிப்புகளை அகற்ற வேண்டும் என்பது உள்ளிட்ட பல்வேறு கோரிக்கைகள் சம்பந்தமான மனுக்கள் கொடுத்தனர்.
கூட்டத்தில் நகர பொறியாளர் லட்சுமணன், உதவி ஆணையர் முஸ்தபா கமால், மாமன்ற உறுப்பினர்கள் இந்திரா காந்தி, சுவேதா சத்யன் உள்பட ஏராளமான கலந்து கொண்டனர்.
