விளாத்திகுளம்:
கோவா மாநிலம் வாஸ்கோடகாமாவில் நடைபெற்ற அகில இந்திய அளவிலான கராத்தே போட்டியில் தமிழகம், கேரளா, ஆந்திரா, கர்நாடகா, கோவா ஆகிய மாநிலங்களில் இருந்து மாணவர்கள் கலந்து கொண்டனர். இதில் விளாத்திகுளம் ஸ்ரீ அம்பாள் வித்யாலயா சி.பி.எஸ்.இ. பள்ளி மாணவ, மாணவிகள் கட்டா பிரிவு, சண்டை பிரிவில் பங்கேற்றனர். அதில் 8 தங்கப்பதக்கங்கள், 6 வெள்ளி பதக்கங்கள், 4 வெண்கல பதக்கங்கள் என மொத்தம் 18 பதக்கங்கள் மற்றும் சான்றிதழ்கள் பெற்றனர்.போட்டிக்கு சோபுக்காய் கோஜுரியு கராத்தே டூ-இந்திய நிறுவன தலைமை பயிற்சியாளர் சுரேஷ்குமார் நடுவராக செயல்பட்டார்.
கராத்தே போட்டியில் வெற்றி பெற்று பதங்கங்களை வென்ற மாணவ, மாணவிகளை அம்பாள் வித்யாலயா பள்ளி நிர்வாகி மார்க்கண்டேயன் எம்.எல்.ஏ. நேரில் சென்று வாழ்த்தினார். நிகழ்ச்சியில் பள்ளி இயக்குனர் இந்திரா ராமராஜி, பள்ளி முதல்வர் ஆபிரகாம் வசந்தன், கராத்தே பயிற்சியாளர் சென்சாய் முத்துராஜா உட்பட ஆசிரிய- ஆசிரியைகள் கலந்து கொண்டனர்.
