நீங்கள் தேடியது "காங்கயம் ஒன்றியம்"

காங்கயம் :

காங்கயம் அருகே பரஞ்சேர்வழி கிராமத்தில் ஒன்றிய அ.தி.மு.க. சார்பில் முன்னாள் முதல்-அமைச்சர் எடப்பாடி பழனிசாமியின் பிறந்தநாள் விழா கொண்டாடப்பட்டது. விழாவுக்கு காங்கயம் அ.தி.மு.க. ஒன்றிய செயலாளரும், முன்னாள் சட்டமன்ற உறுப்பினருமான என்.எஸ்.என்.நடராஜ் தலைமை தாங்கினார். விழாவை முன்னிட்டு பரஞ்சேர்வழி கரிய காளியம்மன் கோவிலில் அ.தி.மு.க. பொதுச்செயலாளர் எடப்பாடி பழனிசாமியின் பெயரில் சுவாமிக்கு சிறப்பு அபிஷேகங்கள் செய்து மலரினால் அலங்கரித்து பூஜைகள் நடைபெற்றது. சிறப்பு பூஜை ஏற்பாடுகளை ஒன்றிய மாணவர் அணியினர் செய்திருந்தனர்.

இதில் அ.தி.மு.க. ஒன்றிய நிர்வாகிகள், மாணவர் அணி பொறுப்பாளர்கள், ஊராட்சி மன்ற தலைவர்கள் உள்பட ஏராளமானோர் கலந்து கொண்டனர். முடிவில் பொதுமக்களுக்கு பிரசாதங்கள் வழங்கப்பட்டது.

காங்கயம் :

காங்கயம் சட்டமன்ற தொகுதியில் தி.மு.க. சார்பில் புதிய உறுப்பினர்களை சேர்க்கும் பணி நடைபெற்றது. இதில் காங்கயம் தெற்கு ஒன்றியம் சார்பில் முதல் கட்டமாக சேர்க்கப்பட்ட 56 புதிய உறுப்பினர் சேர்க்கை படிவங்களை செய்தித்துறை அமைச்சர் மு.பெ.சாமிநாதன், திருப்பூர் தெற்கு மாவட்ட தி.மு.க. செயலாளர் இல.பத்மநாபன் ஆகியோரிடம் காங்கயம் தெற்கு ஒன்றிய செயலாளர் கே.கே.சிவானந்தம் வழங்கினார்.

இந்த நிகழ்ச்சியில் படியூர் முன்னாள் பஞ்சாயத்து தலைவர் சண்முக சுந்தரம் உள்பட மாவட்ட, ஒன்றிய, கிளை நிர்வாகிகள், பூத் கமிட்டி பொறுப்பாளர்கள் கலந்து கொண்டனர்.