வாரணாசி:
உத்தர பிரதேச மாநிலத்தில் பிரதமர் மோடியின் சொந்த தொகுதியான வாரணாசியில் புகழ்பெற்ற காசி விஸ்வநாதர் கோவில் உள்ளது.
இந்த கோவிலில் பிரதமர் மோடியின் கனவு திட்டமாக ரூ.630 கோடியில் கோவில் வளாகம் புதுப்பிக்கப்பட்டது. அதனை பிரதமர் மோடி கடந்த 2021-ம் ஆண்டு டிசம்பர் 13-ந்தேதி திறந்து வைத்தார்.
இதனால் கோவிலுக்கு வரும் பக்தர்களின் எண்ணிக்கை நாள்தோறும் அதிகரித்துக்கொண்டே வருகிறது.
கடந்த 2022-ம் ஆண்டோடு ஒப்பிடுகையில் 2023-ம் ஆண்டில் அதிக முன்பதிவுகள் செய்து பக்தர்கள் வழிபட்டதாக புள்ளி விபரங்கள் தெரிவித்துள்ளன.
கடந்த 2021 டிசம்பர் 13-ந்தேதி முதல் இந்த ஆண்டு டிசம்பர் 6-ந்தேதி வரை கடந்த 2 ஆண்டுகளில் 15,930 வெளிநாட்டு பக்தர்கள் முன்பதிவு செய்து தரிசனம் செய்துள்ளதாக கோவில் அதிகாரிகள் தெரிவித்துள்ளனர்.
மேலும் கடந்த 2 ஆண்டுகளில் 12 கோடியே 92 லட்சத்து 24 ஆயிரம் பக்தர்கள் கோவிலுக்கு வருகை தந்து தரிசனம் செய்துள்ளதாக தலைமை நிர்வாக அதிகாரி தெரிவித்துள்ளார்.
