நீங்கள் தேடியது "சுக்ரன்"

ஒவ்வொரு கிரகத்திற்கும் ஒரு குறிப்பிட்ட வீடு உச்சமாகவும், அதன் நேர் எதிர் 180 டிகிரியில் உள்ள வீடு நீச்சமாகவும் வரும். கிரகங்கள் உச்ச வீட்டில் சஞ்சாரம் செய்யும் போது பூமிக்கு மிக அருகில் இருக்கும். அதன் வலிமையும் மிகுதியாக இருக்கும்.

உச்ச கிரகங்களின் கதிர் வீச்சு பூமிக்கு மிகுதியாக கிடைக்கும். ஒரு கிரகம் நீசம் பெறும் போது பூமிக்கு வெகு தொலைவில் இருக்கும்.

அதாவது ஒரு கிரகம் சூரியனை சுற்றி வரும் சுற்று வட்டப்பாதையில் இருந்து அதிக தொலைவு விலகி செல்லும் பொழுது சூரியனிடமிருந்து தான் பெற்ற ஒளியை பிரதிபலிக்க இயலாத தன்மையை குறிக்கும்.

நீசம் பெற்ற கிரகத்தின் அதிர்வலைகள் பூமிக்கு குறைவாக இருக்கும். ஒரு கிரகம் அதன் உச்ச வீட்டில் இருக்கும் போது 100 சதவீதம் முழு பலம் பெறும். நீச்ச வீட்டில் அதன் பலத்தை முற்றிலும் இழக்கும்.

ஜோதிடத்தில் அசுரர்களின் குருவாக கருதப்படுபவர் சுக்கிரன். 30 நாட்களுக்கு ஒருமுறை ராசியை மாற்றுவார்.மனித வாழ்க்கைக்கு சந்தோஷம், இன்பம் தருகின்ற நிகழ்வுகள் அனைத்தும் சுக்ரனுடைய காரகத்திற்கு உட்பட்டது என்றால் மிகைப்படுத்தலாகாது.

அதனால் தான் வாழ்க்கையில் நல்ல வீடு, மனை, வாகனம், நல்ல அழகான வாழ்க்கைத் துணை போன்ற அமைப்புகளோடு வாழ்பவர்களை பார்த்து அவனுக்கு என்ன சுக்கிர திசை நடக்கிறதா? என்று சொல்கிறார்கள்.

இந்த சுக்கிரன் அழகு, ஆடம்பரம், காதல், செழிப்பு ஆகியவற்றின் காரணியாவார். இவர் சுக்கிரன் ரிஷபம் மற்றும் துலாம் ராசிகளின் அதிபதியாவார். தற்போது கோட்சாரத்தில் அசுர குருவான சுக்ரன் கன்னி ராசியில் 25.8.2024 முதல் நீசம் பெறுகிறார்.

18.9.2024 வரை நீடிக்கும் இந்த கிரக நிலவரம் எந்த ராசிக்கு நன்மை தரப் போகிறது? எந்த ராசிக்கு தீமை வழங்கப் போகிறது? இந்த கட்டுரையில் கிரகங்கள் நீசம் பெறுவது நல்லதா? என்பது பற்றி பார்க்கலாம்.

சுக்ரன்

சுக்ரன் என்ற பெயரைக் கேட்டாலே மனதில் பரவசம் பெருகும். வயது வித்தியாசமின்றி ஒருவரின் மனதில் இன்ப அலைகளை பரவ விடுவதில் சுக்ரனுக்கு நிகர் சுக்ரனே. காதலுக்கும், காமத்திற்கும் அடிமையாகாத நபரை உலகில் பார்ப்பது அரிது.

எல்லா மனிதனுக்கும் பொதுவான, சிற்றின்பமான காதல் மற்றும் காமத்தை கொடுக்கும் கிரகம் சுக்கிரன். சில நிமிடங்கள் நீடிக்கக்கூடிய சிற்றின்பமான, காதல், காமத்திற்கும் பெண் ஆசைக்கும் பல கோட்டைகள் சாம்ராஜ்ஜியங்கள் சரிந்துள்ளதை நாம் கேள்விப்பட்டு உள்ளோம்.

அந்த காமத்தை, ஆசையை தூண்டுவது சுக்கிரன் தான். ஒரு மனிதனுக்கு அழகு, கவர்ச்சியை கொடுப்பதும் சுக்கிரன் தான். ஒருவருடைய திருமண வாழ்க்கை, காதல், காமம், அன்பு, எதிர்பாலின ஈர்ப்பு, உறவுகள், உறவுகளால் ஏற்படும் மகிழ்ச்சி, புற அழகியல் சார்ந்த விஷயங்கள், உலகியல் இன்பங்கள், சொகுசான வாழ்விற்கு தேவையான விஷயங்கள், ஆடம்பரமான வீடு, வாகனங்கள், அணிகலன்கள், போன்றவற்றிற்கு காரக கிரகம் சுக்கிரன்.

சுக்கிரன், வாழும் வரை ஜாலியாக வாழ்ந்து விட்டு போக வைக்கும் கிரகம். பணம் மட்டும் இருந்தால் போதும், அதை எப்படி வேண்டு மானாலும், அனுபவித்து செலவழிக்க கூடிய கிரகம் சுக்ரன்.

ஒரு மனிதனுக்கு தனிப்பட்ட முறையில், பணம் இருந்தாலும், சொகுசு வாழ்க்கையை அனுபவிக்க சுக்கிரனின் தயவு தேவை. அதனால் சுக போகத்தின் அதிபதி, சுக்கிரன் ஒரு ஜாதகத்தில் எல்லா நிலைகளிலும், கெடாமல் வலுப்பெற்று இருக்க வேண்டும்.

அன்பான மனைவி, அழகான வீடு, ஆடம்பரமான கார், சொகுசான இன்பமய மான வாழ்க்கை இத்தனையையும் ஒருவருக்கு குறைவின்றி கொடுக்கும் கிரகம் சுக்கிரன்.

சுக்ரன் பாவக, ஆதிபத்திய ரீதியாக வலுப்பெற்றால் பெரிய பொருளாதாரம் ஈட்டுதல், சுக்ரனின் காரகங்களான நவீனம், வாசனைப் பொருட்கள், உயர்ரக வாகனம், வீடு, இசை,கவிதை ஆர்வம், அலங்காரம், ஒப்பனை, நளினம் போன்றவற்றில் ஆர்வம் கூடும்.

கோடிக்கணக்கில் கொட்டி கொடுத்து பெரிய உயரத்தையும் தொட வைக்கும். காரக, பாவக ஆதிபத்திய ரீதியாக சுக்ரன் பலம் குறைந்தால் நீசம் பெற்றால் வறுமை, தரித்திரம் போன்ற பாதிப்பு இருக்கும்.

சம்பாத்தியம், ஆடம்பரம் என்ற எண்ணமே வராமல் செய்யும். ஒரு மனிதன் யோகமான வாழ்க்கை வாழ்ந்தால், அவனுக்கென்னப்பா சுக்கிர திசை, பிச்சுகிட்டு கொட்டுகிறது என்று படிக்காத பாமரனும் சொல்ல கேள்விப்பட்டிருப்போம்.

உண்மையைச் சொன்னால் சுக்கிரன், எல்லோருக்கும் நல்ல பலனை அள்ளி கொடுத்து விடுவதில்லை. சுக்கிரன் தன்னுடைய நண்பர்களான புதன் , சனியின் லக்னங்களுக்கு யோக கிரகமாக வரும் பொழுது, அவருடைய திசையில் மிகச் சிறப்பான யோக பலன்களை கொடுக்கும்.

சுக்கிரனின் பகை கிரகமான குருவிற்கு, சுக்கிரன் எந்த விதத்திலும் நல்ல பலனைத் தருவதில்லை. அதேபோல் இரு ஆதிபத்தியம் கொண்ட கிரகங்கள் இரு பாவகத்திற்கு உள்ள பலன்களை நடத்தியே தீரும்.

நீச்ச சுக்ரனால் ஏற்படும் பொதுவான பலன்கள் : 25.8.2024 முதல் 18.9.2024 வரை

ஒரு கிரகம் நீசம் பெறும் போது இயல்பான தனது காரகத்துவ ஆதிபத்திய ரீதியான பலனை தரத் தவறுகிறது. நீச்சம் பெற்ற கிரகம் நீச்ச பங்கம் பெற்றால் நூறு மடங்கு ராஜயோகத்தை வழங்கி குப்பை மேட்டில் இருப்பவரை கோடிஸ்வர யோகம் வழங்கி மாளிகையில் வாழ வைக்கிறது.

ஆண்களின் களத்திர காரகன் சுக்ரன் நீச்சம் பெறுவதால் அதீத திருமணத் தடை இருக்கும். வாழ்க்கைத் துணையால் மன உளைச்சல் மிகுதியாகும்.

பொருளாதாரத்தில் தன்னிறைவு அடைய முடியாது. பொன், பொருள் சேராது. நகைகள் அடமானத்திற்கு செல்லும். இனிமையான இல்லறம் அமையாது. தனித்த கிரகங்கள் வழங்கும் பலன்களை விட கூட்டு கிரகங்களால் உண்டாகும் பலன்களில் சாதகம், பாதகம் அதிகம் உண்டு. நீச்சம் பெற்று சுக்ரன் கேதுவுடன் இணைகிறார்.

நீச்ச சுக்ரன் மேல் குருவின் 5-ம் பார்வையும் செவ்வாயின் 4-ம் பார்வையும் பதிகிறது. பொதுவாக கேதுவுடன் இணையும் கிரகம் தனது காரக, பாவக, ஆதிபத்திய ரீதியான பலன்களை முற்றிலும் இழக்கும். தற்போது கோட்சாரத்தில் நீசம் பெறும் கேதுவுடன் இணைந்த சுக்ரனை குரு மற்றும் செவ்வாய் பார்ப்பது சுபித்துச் சொல்லக் கூடிய பலன் அல்ல.

அதே நேரத்தில் சுக்ரன் சித்திரை நட்சத்திரத்தில் நீசம் பெறுவார். 12.9.2024 முதல் 18.9.2024 வரையான 7 நாட்கள் மட்டுமே சுக்ரன் பரம நீசம். இந்த காலகட்டத்தில் திருமணம் சம்பந்தமான நிகழ்வுகளை தவிர்ப்பது நல்லது.

இனி 12 ராசிக்கு நீச சுக்ரன் கேது+ குரு மற்றும் நீச சுக்ரன் கேது + செவ்வாய் இணைவால் ஏற்படும் பலன்களையும் பரிகாரங்களையும் காணலாம்.

மேஷம்:

ராசிக்கு 6-ம்மிடமான ருண, ரோக, சத்ரு ஸ்தானமான கன்னியில் நீச சுக்ரன் கேது சேர்க்கை இருப்பதால் கடன் தொல்வை, நோய் தாக்கம் குறையும். மாற்றுமுறை வைத்தியம் பலன் தரும்.வீடு வாகன கடன் விண்ணப்பிக்க உகந்த காலம். திருமணத் தடை அதிகமாகும். குடும்ப உறவுகளை அனுசரித்துச் செல்ல வேண்டும்.

ரிஷபம்:

ராசிக்கு 5-ம் இடமான பூர்வ புண்ணிய ஸ்தானத்தில் ராசி அதிபதி சுக்ரன் நீசம் பெற்று கேதுவுடன் இணைகிறார். பங்குச்சந்தை, காதல் தொடர்பான விசயங்களில் அவமானம் உண்டாகும். பூர்வீகம் தொடர்பான வம்பு வழக்குகள் இழுபறியாகும். பிள்ளைகளின் திருமணம் கல்வி போன்ற தேவைக்காக கடன் பெற நேரும்

மிதுனம்:

ராசிக்கு 4ம்மிடமான சுக ஸ்தானத்தில் பூர்வ புண்ணிய ஸ்தான அதிபதி சுக்ரன் கேதுவுடன் இணைகிறார். காதல் கை கொடுக்காது. ஆன்மீக நாட்டம் குறையும். பிள்ளைகளின் எதிர்காலம், அதிர்ஷ்டம், பூர்வீகம் பற்றிய சிந்தனை மிகுதியாகும். ஆரோக்கியம் தொடர்பான விசயங்களில் கவனம் தேவை

கடகம்:

ராசிக்கு 3ம்மிடமான சகாய ஸ்தானத்தில் பாதகாதிபதி சுக்ரன் நீசம் பெறுகிறார். பிள்ளைகள் நன்றாக படிப்பார்கள். தாய்வழிச் சொத்தில் நிலவிய மாற்றுக் கருத்து மறையும். விவசாயிகளுக்கு, பண்ணை யாளர்களுக்கு சாதகமான பலன் உண்டு. முன்னோர்களின் நல்லாசிகள் கிடைக்கும்.

சிம்மம்:

சிம்ம ராசிக்கு 2-ம்மிடமான தனம் வாக்கு, குடும்ப ஸ்தானத்தில் நீச்ச சுக்ரன் கேது சேர்க்கை உள்ளது. கற்ற கல்வியால் பயன் உண்டு. ஆசிரியர், ஜோதிடர், வங்கிப் பணியாளர்கள் தனித்திறமையுடன் மிளிர்வார்கள். அரசியல், அரசு சார்ந்த செயல்களில் தனித் திறமையுடன் பிரகாசிப்பார்கள். ஞாபகசக்தி குறையும். பாகப் பிரிவினையை தவிர்க்க வேண்டும்.

கன்னி:

ராசியில் 2, 9 ம் அதிபதியாகிய சுக்ரன் நீசம் பெற்று கேதுவுடன் இணைகிறார். சிலர் பூர்வீகத்தை விட்டு எதிர்கால தேவைக்காக வெளியூர், வெளிநாடு செல்லலாம். பூர்வீகச் சொத்தில் சர்ச்சை உண்டு. பிள்ளைகளிடம் கவனமாக இருக்க வேண்டும். குலதெய்வ பிரார்த்தனைகளை ஒத்தி வைக்கவும்

துலாம்:

ராசி மற்றும் அஷ்டமாதிபதி சுக்ரன் ராசிக்கு 12ல் நீசம் பெற்று கேதுவுடன் இணைகி றார். சகிப்புத்தன்மையற்ற நடவடிக்கைகள் எதிரியை அதிகப்படுத்தும். தீய பழக்க வழக்கங்களால் நோய் ஏற்படும். நோய்க்கு வைத்தியம் செய்ய கடன் பெறுவார்கள். கடனுக்கு பயந்து நோய் கூடிக் கொண்டே போகும். முக்கிய பணிகளை ஒத்தி வைக்கவும்.

விருச்சிகம்:

ராசிக்கு 11-ம் மிடமான லாப ஸ்தானத்தில் நீச சுக்ரன் கேது சேர்க்கை உள்ளது. அயன சயன போகம் சிறந்த நிலையில் இருக்கும். சிலருக்கு முதல் மனைவி இருக்கும் போதே மறு திருமணம் நடக்கும். தம்பதிகளிடம் நெருக்கம் குறையும். கூட்டுத் தொழிலில் கவனம் தேவை. நம்பியவர்களே நம்பிக்கைத் துரோகம் செய்யலாம்

தனுசு: ராசிக்கு 10-ம்மிடமான தொழில் ஸ்தானத்தில் நீச சுக்ரன், கேது சேர்க்கை உள்ளது. பொருளாதார வெற்றி,வீடு மனை வாகனம் போன்றவை கிடைக்கும். தாயின் ஆரோக்கியம் சீராகும்.சிலருக்கு மறு திருமணம் நடக்கும். கடன், நோய் பாதிப்பு எதிரி தொல்லை குறையும். வராக்கடன்கள் வசூலாகும்.

மகரம்:

மகரம் ராசிக்கு 9-ம்மிடமான பாக்கிய ஸதா னத்தில் நீச சுக்ரன் கேது சேர்க்கை உள்ளது. காதலிப்பது தவறு என்ற உண்மை புலப்படும். நிலையான பொருள் வரவு இருக்காது. குடும்பத்தில் ஒற்றுமை குறையும். தந்தை மற்றும் தந்தை வழி உறவுகளின் ஆதரவு குறையும். பதவி, புகழ், அந்தஸ்து குறையும்.

கும்பம்:

ராசிக்கு 8-ம்மிடமான அஷ்டம ஸ்தானத்தில் 4,9-ம் அதிபதி சுக்ரன் நீசம் பெற்று கேதுவுடன் இணைகிறார்.நிறைவான சொத்து சுகத்தையும் நிறைந்த லாபத்தையும் தாய் வழி உறவுகளின் அனுசரனையும், வழக்குகளில் வெற்றியையும் முன்னோர்களின் நல்லாசியையும் வழங்கும்.

மீனம்:

ராசிக்கு 7-ம்மிடமான களத்திர ஸ்தானத்தில் அஷ்டமாதிபதி சுக்ரன் நீசம் அடைந்து வலு குறைவது மிகச் சிறப்பு. வாழ்க்கைத் துணையால் கூட்டாளிகளால் அதிர்ஷ்டம் உண்டு. புரிதலின்றி பிரிந்த தம்பதிகள் சேர்ந்து வாழ்வார்கள். காதலில் வெற்றி உண்டு.. அலைச்சல் மிகுந்த பயணம் மிகுதியாகும்.

பரிகாரம்

புதனின் வீடான கன்னியில் சுக்ரன் நீசம். புதன் என்றால் புத்தி அறிவு. சுக்ரனுக்கு காமம் மற்றும் ஆசை காரகமாகும். புத்தி தெளிந்த இடத்தில் ஆசைக்கு இடமில்லை. ஆசை (காமம்) அதிகமுள்ள இடத்தில் புத்திக்கு இடமில்லை என்பது புலனாகிறது.

நீச்ச சுக்ரனால் இன்னல்களை சந்திப்பவர்கள் வெள்ளிக்கிழமை சுக்ர ஓரையில் மகா விஷ்ணு சமேத மகாலட்சுமியை வழிபட வேண்டும்.

அத்தி மரம் பல வகைப்பட்டது. நாட்டு அத்தி, வெள்ளை அத்தி, நல்ல அத்தி என பல வகைகள் உள்ளன.

அத்தி நடுத்தர மரமாகும். இது சுமார் 10 மீட்டர் வரை உயரமாக வளரும். மரப்பட்டை சாம்பல் மற்றும் சிவப்பு நிறத்தில் இருக்கும்.

இலைகளில் மூன்று நரம்புகள் இருக்கும்.

முட்டை வடிவில் சற்று நீளமாக இருக்கும்.

காய்கள் தண்டிலும், கிளைகளிலும். அடிமரத்திலும் கொத்துக் கொத்தாகத் தோன்றும்.

குளோப் ஜாமூன் அளவில் உருண்டையாக லேசான பச்சை நிறம் கொண்டதாக இருக்கும்.

காய் பழுத்தபின் கொய்யாப்பழம் போல் லேசான மஞ்சள் நிறத்தில் மாறிவிடும். பழுத்ததும் கீழே உதிர்ந்து விழுந்து விடும்.

சங்க இலக்கியத்தில் 'அதவம்' என்றும் கூறப்படும் இச்சிறுமரம், பூத்துக் காய்க்குமாயினும் மலர்கள் வெளிப்படையாகத் தெரியாது.

'அத்தி பூத்தாற்போல' என்னும் பழமொழியினாலேயே அத்தி பூக்கும் என்பதாயிற்று.

அத்திக்காயின் பிஞ்சு, முட்டை வடிவானது. இதற்குள்ளே அத்திப்பூக்கள் நிறைந்திருக்கும்.

அத்திக்காயின் உள்ள 4 வகையான பூக்கள் உள்ளன. ஆண் பூ, பெண் பூ, மலட்டுப் பூ என்பன.

அத்திமரம் ஆற்றங்கரையினில் வளரும். இதன் கிளைகள் வெண்ணிறமானவை.

இதன் கனி மிக மென்மையானது என்றும் நண்டு மிதித்த இதன் கனி குழையும் என்றும் குறுந்தொகை கூறுகிறது.

அத்தி மரத்தின் இலை, பால், பழம், அனைத்தும் மருந்தாகப் பயன் அளிக்கின்றன.

ஆண்டுக்கு இருமுறை அத்திப்பழம் அறுவடை செய்வார்கள்.

ஒரு மரத்தில் சுமார் 180 முதல் 300 கனிகள் கிடைக்கும் கனிகளை உலரவைத்து வெகுநாட்கள் வரை வைத்து பதப் படுத்தலாம்.

தினசரி 2 அத்தி பழங்களைச் சாப்பிட்டால் உடலில் இரத்த உற்பத்தி அதிகரிக்கும். உடலும் வளர்ச்சி அடைந்து பருமனடையும்.

நாள் பட்ட மலச்சிக்கலைக் குணமாக்க 5 பழங்களை இரவில் சாப்பிட வேண்டும்.

கல்லீரல் வீக்கத்தைக் குணமாக்க அத்திப் பழங்களை ஒருவாரம் வரை ஊற வைத்து அதனைத் தினமும் இரண்டு பழங்கள் வீதம் ஒரு வேளை சாப்பிடலாம்.

இலைகளை உலர வைத்துப் பவுடராக்கிக் கொள்ளுங்கள்.

இதைத் தேனில் கலந்து சாப்பிட்டால், பித்தம், பித்தத்தால் வரும் நோய்கள் குணம் பெறுகின்றன.

சிறுநீர்ப்பைப் புண், சிறுநீர்ப் பையில் கல் தோன்றுதல், ஆஸ்துமா, வலிப்பு நோய், உடல் உளைச்சல், சோர்வு, அசதி, இளைப்பு போன்றவற்றை நீக்கவும் அத்திப் பழம் மிகச் சிறந்த பலன் தருகிறது.

அத்திப் பழத்தைச் சாறு பிழிந்து அதனுடன் தேன்கலந்து மூலநோயைக் குணப்படுத்த மருந்தாகக் கொடுப்பார்கள்.

மேலும் இவை கல்லீரல் - மண்ணீரல் அடைப்புகள், வீக்கங்களைப் போக்கப் பயன்படுகிறது.

கண்களின் பார்வையைக் கூட்டும் வைட்டமின் ஏ, நிக்கோடினிக் அமிலம், அஸ்கார்பிக் அமிலம் போன்றவை அத்திப் பழத்தில் பெருமளவில் அடங்கியிருக்கின்றன.

மற்ற பழங்ளைக் காட்டிலும் அத்திப் பழத்தில் 2 முதல் 4 மடங்கு அதிகமாக தாது உப்புகளும், சத்துப் பொருட்களும் அடங்கியிருக்கின்றன.

இரும்புச் சத்து அத்திப் பழத்தில் அதிகமாக இருப்பதால், இதைத் தொடர்ந்து சாப்பிட்டு வருபவர்களுக்கு இரத்த சோகை நோய் வராது.

இரத்த உற்பத்தி அதிகரித்து, நோய் எதிர்ப்பாற்றலும் உடலில் அதிகரிக்கும்.

சீமை அத்திப்பழம் வெண்குஷ்டத்தை குணமாக்குகிறது. அரை கிராம் காட்டு அத்திப்பழத்தை தினசரி ஒரு வேளை சாப்பிட்டு வந்தால் வெண்புள்ளிகள், வெண் குஷ்டம், தோலின் நிறமாற்றம் ஆகியவை குணமாகும்.

மற்ற எல்லா மரங்களை விடவும் பறவைகளை ஈர்க்கும் சக்தி அத்தி மரத்திற்கு உள்ளது.

அத்திப்பழம் நல்ல மணத்துடன் இருந்தாலும் பழத்தை அறுத்தால் அதற்குள் மெல்லிய பூச்சிகள், புழுக்கள் இருக்கும். பொதுவாக பதப்படுத்தாமல் உண்ண முடியாது.

நரசிம்ம அவதாரம் எடுத்த மஹா விஷ்ணு, ஹிரண்யகசிப்புவைக் கிழித்தக் கொன்றபின், அத்தி மரப்பட்டையில் நகங்களைப் பதித்துச் சுத்தப்படுத்திக் கொண்டார் என்று புராணங்களில் கூறப்பட்டுள்ளது.

அத்தி மரத்தை தலவிருட்சம் கொண்ட திருக்கோவில்கள் உண்டு.

திருவொற்றியூர், திருக்கானாட்டு முள்ளூர் ஆகிய திருக்கோயில்களில் 2 வது தலவிருட்சமாக அத்திமரம் வணங்கப்படுகிறது.

அத்திப்பிஞ்சை பருப்புடன் கூட்டாகச்செய்து-20 நாள் சாப்பிட உள் மூலம், வெளிமூலம், குடல் தள்ளல் ஆகிய நோய்கள் குணமாகும். பூண்டு, மிளகு, மஞ்சள் கூட்டில் சேர்க்க வேண்டும்.

பொரியலாகவும் சாப்பிடலாம்.

அத்தி மரப் பட்டையை தண்ணீரில் போட்டு கொதிக்க வைத்து குடித்தால் உடம்பு நன்றாக விருத்தியாகும்.

ரத்த விருத்தியெல்லாம் கொடுக்கும். அத்திக்காய், அத்திக்காய் பிஞ்சு இதையெல்லாம் பொரியல் செய்து சாப்பிட்டால் எல்லா சக்தியும் கிடைக்கும்.

குறிப்பாக தசை இறுகும். சிலருக்கு தொங்கு தசை இருக்கும். அதெல்லாம் நீங்கி, எலும்பு வலுப்பெறும்.

வைட்டமின் ஏ, பி, சி, டி என்று எல்லாமே அத்திக்காயில் இருக்கிறது.

அதனால் அத்தி மரம் என்பது எவ்வளவு விசேஷமான மரம் என்பதை உணர்ந்து கொள்ளலாம்.

இலைகளை உலரவைத்து பவுடராக்கிக் கொள்ளுங்கள்.

இதனைத் தேனில் கலந்து சாப்பிட்டால், பித்தம், பித்தத்தால் வரும் நோய்கள் குணம் பெறுகின்றன.

உடலின் எந்தத் துவாரத்தில் இருந்தும் ரத்தம் வெளியேறினால் இது கட்டுப்படுத்தும்.

வாய்ப்புண், ஈறுகள், சீழ்பிடித்தல் போன்ற நோய்களைக் குணமாக்க அத்தி மர இலைகளைத் தண்ணீரில் கொதிக்க வைத்து வாய் கொப்பளிக்கலாம்.

மரத்தின் பட்டையை இரவில் உலர வைத்து, காலையில் குடிநீராகக் குடித்தால் வாத நோய், மூட்டு வலிகள் குணமாகும். அழுகிய புண்களைக் கழுவ வெளி மருந்தாக பயன்படுத்தலாம்.

மரப்பட்டையை இடித்து, பசுவின் மோரில் உலர வைத்து, அதைக் குடித்தால் பெண்களுக்கு அடிக்கடி உண்டாகும் பெரும்பாடு, மாதவிலக்கு கட்டுப்படும்.

அத்திப்பழம், அத்திப்பிஞ்சு, அத்திக்காய் மூன்றையும் சமைத்துச் சாப்பிடலாம். இது மூலம், இரத்த மூலம், வயிற்றுக்கடுப்பு, சீதபேதி, வெள்ளைப் பாடு, வாதநோய்கள், மூட்டுவலி, சர்க்கரை நோய் தொண்டைப் புண், வாய்ப்புண்ணுக்கு நல்ல மருந்தாகும்.

இது தசைகளை இறுக்கும் குணம் படைத்தவை.

பழங்களை இடித்து, அதன் சாற்றைச் சாப்பிடுவதால் சிறுநீரக நோய்களைக் குணப்படுத்த உதவுகின்றன.

அத்திக்கள் அத்திமர வேரில் இருந்து எடுக்கப்படுகிறது.

இது சர்க்கரை நோய், மூலநோயைக் குணப்படுத்தும்.

அத்தி கல்ப மூலிகைகளில் ஒன்றாகும். தெய்வ அருள் பாவிக்கும் மரமும் ஆகும். பால் வடிவச் சாறு உடையது.

அத்தி மரத்தின் அடி பாகத்திலும் மற்றும் கிளைகளிலும் கொத்துக் கொத்தாகக் காய்க்கும்.

துவர்ப்பும் இனிப்பும் உடைய அத்திப் பழம் ரத்த விருத்திக்கு உறுதுணையாகும்.

தமிழகத்தில் எல்லா மாவட்டங்களிலும் அத்தி மரம் வளர்கிறது.

அத்தியின் பட்டை, பிஞ்சு, காய் ஆகியவை சதை, நரம்பு ஆகியவற்றைச் சுருங்கச் செய்யும் மருந்தாகவும்,

பழம் ஜீரணியாகவும், பிஞ்சு, பழம், பால் ஆகியவை காமம் பெருக்கியாகவும் ஆற்றல் கொண்டது.

சீதக்கழிச்சல், வயிற்றுக்கடுப்பு, நீரிழிவு இதனால் உண்டாகும் தாகம், நாவறட்சி, உடல் வெப்பம், முதலியவை நீங்கும்.

இரத்தம் சுத்தமாகும், மூட்டு வீக்கம், கீல்வாத நோய்கள், நீரிழிவினால் ஏற்பட்ட புண்கள் போன்றவை அத்தி பழ பயன்பாட்டால் நீங்கும்.

அத்திப்பால் 15 மில்லியுடன் வெண்ணெய், சர்க்கரை கலந்து காலை, மாலை, கொடுத்து வர நீரிழிவு, குருதி கலந்த வயிற்றுப் போக்கு, பெரும்பாடு, சிறுநீரில் குருதி கலந்து போதல், நரம்புப் பிடிப்பு, பித்தம் ஆகியவை தீரும்.

முருங்கை விதை, பூனைக்காலி விதை, நிலப்பனைக் கிழங்கு, பூமிசர்கரைக் கிழங்கு சமனளவாக இடித்துச் சலித்த

பொடியில் 5 கிராம் 5 மி.லி அத்திப் பாலைக் கலந்து காலை மாலையாக 20 நாள்கள் கொடுக்க

அளவு கடந்த தாது வளர்ச்சியைக் கொடுக்கும்.

அத்திப்பட்டை, நாவல்பட்டை, கருவேலம்பட்டை, நறுவிளம்பட்டை சம அளவு இடித்த பொடியில் 5 கிராம் 50 மி.லி.

கொதி நீரில் ஊறவைத்து வடிகட்டி நாள்தோறும் மூன்று வேளை கொடுத்து வர பெரும்பாடு, சீதபேதி, ரத்தபேதி ஆகியவை தீரும்.

அத்திப் பிஞ்சு, கோவைப்பிஞ்சு, மாம்பட்டை, சிறுசெருப்படை சமஅளவு எடுத்து வாழைப்பூச் சாற்றில் அரைத்து

சுண்டைக் காய் அளவு மாத்திரைகளாக உருட்டிவைத்துக் காலை மாலை வெந்நீரில் கொள்ள ஆசனக்கடுப்பு,

மூலவாயு, ரத்தமூலம், வயிற்றுப்போக்கு தீரும்.

அத்திப்பழத்தை அப்படியே நாளும் 10-20 என்ற அளவில் சாப்பிடலாம்.

காலை மாலை சாப்பிட்டு பால் அருந்தலாம்.

பதப்படுத்தி -5 நாட்கள் நிழலில் காயவைத்து-தேனில் போட்டு சாப்பிடலாம்.

உலர்த்திப் பொடி செய்து சூரணமாக 10-15 கிராம் பாலில் போட்டு சாப்பிடலாம்.

தாது விருத்திக்குச் சிறந்ததாகும். ஆண்மை ஆற்றல் பெறும். ஆண் மலடும் அகலும்.

அத்தி மரத்தை வெட்டினால் பால் வடியும். இது துவர்ப்பு மிக்கதாக இருக்கும்.

அடிமரத்தின் கீழ் வேறைப் பறித்து வேரின் நுனியைச் சீவி விட்டால் பால் வடியும்.

இதுவே அத்தி மரத் தெளிவாகும். தென்னை, பனை, பாளையில் பால் சுரக்கும். இதன் வேரில் பால் சுரக்கும்.

தெளிந்த இந்த நீரை நாளும் 300 முதல் 400 மி.லி. வெறும் வயிற்றில் குடித்து வந்தால் மேகநோய் போகும்.

நீரிழிவு குணமாகும், பெண்களுக்கு வெள்ளை ஒழுக்கு நிற்கும். உடலுக்குச் சிறந்த ஊட்ட உணவாகும். எதிர்பாற்றல் பெற்று உடல் அழகு பெறும்.

கணவன், மனைவி இடையே சண்டை, சச்சரவு, சிக்கல்கள் போன்று இருப்பவர்கள், சுக்ரன் நீச்சமாக,

பகையாக இருப்பவர்கள், சுக்ரன் ஜாதகத்தில் கெட்டுப் போய்விடுதல் போன்றவற்றிற்கு நடைமுறைப் பரிகாரம்

என்று பார்த்தால் ஒரு அத்தி மரத்தை நட்டு வளர்த்து பராமரித்தாலே அவர்களிடையே சண்டை, சச்சரவுகள் எல்லாம் நீங்கும்.

சுமூகமான சூழல் உருவாகும்.

தாம்பத்ய சிக்கல்கள் நீங்கும்.

அத்தி மரத்திலிருந்து வரக்கூடிய அதிர்வலைகள் கணவன், மனைவி இடையே அன்யோன்யத்தைக் கொடுக்கும்.

அதனால்தான் வாழ்க்கை வளம் பெறுவதற்கும், கணவன் மனைவிக்குள் நெருக்கம், கடைசி வரையில்

ஒருவருக்கொருவர் மனப்பூர்வமாக விரும்பி விலகாமல் இருப்பதற்கும் அத்தி மரம் வழிபாடு மிகவும் விசேஷமாக இருக்கும்.

அத்தி மரப் பலகையில் உட்கார்ந்து தியானம் செய்தால் பூமியினுடைய புவிஈர்ப்பு விசை நம்மை அதிகம் தாக்காமல்

எந்த மந்திரத்தை உச்சரிக்கிறோமே அந்த மந்திரத்தினுடைய பலன் முழுமையாகக் கிடைக்கும்.

இதுபோன்ற அபார சக்தியும் அத்தி மரத்திற்கு உண்டு.

தமிழர் வரலாற்றில் அத்தி மரத்திற்கு மிகப்பெரிய முக்கியத்துவம் உண்டு.

அத்தி மரம் சுக்ரனுக்கு ஒப்பாக சொல்லப்பட்டிருக்கிறது.

சுக்ராச்சாரி, சுக்ரனுடைய ஆதிபத்யம் பெற்ற மரமாக அத்தி மரம் உள்ளது.

சுக்ராச்சாரி நேரடியாக மோதமாட்டார். மறைந்து நின்று தாக்கக்கூடியவர் சுக்ராச்சாரி.

அதேபோல இந்த அத்தி மரத்தைப் பார்த்தாலும், கண்டு காய் காய்க்கும் காணாமல் பூ பூக்கும் என்று பழமொழி உண்டு.

அதாவது அத்தி மரத்தில் காய்ப்பது மட்டும்தான் தெரியும். பூப்பதே தெரியாதே.

அதை அதிகமாகப் பார்க்க முடியாது. அதனால்தான் சுக்ரனுடைய அம்சமாக இந்த அத்தி மரம் விளங்குகிறது.