நீங்கள் தேடியது "சினிமா செய்திகள்"

ஐதராபாத் ஜூப்ளி ஹில்சில் உள்ள ஒரு மதுபான விடுதியில் வார இறுதி கொண்டாட்டங்களின் ஒரு பகுதியாக நடிகை சன்னி லியோனின் நேரடி டிஜே நிகழ்ச்சியை ஏற்பாடு செய்திருந்தனர்.

இரவு 11 மணி முதல் நள்ளிரவு 12.30 மணி வரை நடைபெற இருந்த இந்த நிகழ்ச்சிக்கான டிக்கெட்டுகள் ஆன்லைன் மூலம் விற்பனை செய்தனர். ரசிகர்கள் போட்டிபோட்டு டிக்கெட்டுகளை வாங்கினர்.

ஆனால், சட்டம்-ஒழுங்கை காரணம் காட்டி நிகழ்ச்சிக்கு அனுமதி கோரிய மனுவை போலீசார் நிராகரித்தனர். மறுப்பு இருந்தாலும், பிரச்சனை சரியாகிவிடும் என்று எதிர்பார்த்து சன்னி லியோனை ஐதராபாத் வரவழைத்தனர்.

டிக்கெட் வாங்கியவர்களும் அங்கு குவிந்தனர். ஆனால் நிகழ்ச்சி ரத்து செய்யப்பட்டது. ரத்து செய்யப்பட்டதை வீடியோ செய்தி மூலம் தெரிவித்தனர். இதனால் ரசிகர்கள் ஏமாற்றம் அடைந்தனர். அங்கு பலத்த போலீஸ் பாதுகாப்பு போடப்பட்டிருந்தது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

புதுச்சேரியில் கொரோனா காலத்தில் படப்பிடிப்பு கட்டணம் உயர்த்தப்பட்டது. படப்பிடிப்பு கட்டணத்தை குறைக்க வேண்டும் என நடிகர்கள் பார்த்திபன், விஜய்சேதுபதி, பாக்யராஜ் உள்ளிட்ட திரை துறையினர் கோரிக்கை விடுத்தனர்.

இதனையடுத்து கொரோனா காலத்தில் உயர்த்தப்பட்ட படப்பிடிப்பு கட்டணம் ரூ. 28 ஆயிரத்தில் இருந்து ரூ. 15 ஆயிரமாகவும், தொலைகாட்சி சீரியலுக்கு ரூ.18 ஆயிரத்தில் இருந்து ரூ.10 ஆயிரமாகவும் குறைக்கப்பட்டது.

இதற்கு புதுச்சேரி முதலமைச்சர் ரங்கசாமியை சட்டமன்றத்தில் நடிகர் பார்த்திபன் சந்தித்து பொன்னாடை போர்த்தி, பூங்கொத்து வழங்கி நன்றி தெரிவித்தார்.

தொடர்ந்து புதுச்சேரி சுற்றுலா மேம்பாடு குறித்த படத்தை புதுச்சேரி அரசு தயாரித்தால் தான் இயக்கித் தர தயார் எனவும் முதலமைச்சர் ரங்கசாமியிடம் நடிகர் பார்த்திபன் கூறினார்.

பின்னர் நடிகர் பார்த்திபன் நிருபர்களிடம் கூறியதாவது:-

தமிழக அரசும் கட்டண குறைப்பை அமல்படுத்த வேண்டும். நல்ல திரைப்படத்தை மோசமான விமர்சனத்தால் தோல்வியடைய வைப்பது சரியல்ல. நடிகர் தனுஷ், நயன்தாரா மோதலை பார்வையாளனாகவே பார்த்து ரசிக்கிறேன்.

பெண்களுக்கு முன்பை விட திரைதுறையில் அதிக பாதுகாப்பு உள்ளது. தமிழ், மலையாள நடிகைகளுக்கும் பாதுகாப்பு உள்ளது.

தமிழ் திரைப்பட கலைஞர்களிடையே விவாகரத்து அதிகரித்திருப்பது கவலைக்குரியது. ஏ.ஆர்.ரகுமானுக்கு இசையை தவிர ஏதும் தெரியாது. நல்ல மனிதர் என அவர் மனைவி தந்த சான்றிதழை வேறு யாரும் தரமுடியாது.

குடும்பம் என்று இருந்தால் சென்சிடிவ் இருக்கும். அதை பெரிது படுத்தியிருக்கக்கூடாது.

தமிழகத்தில் அரசியலில் சுவாராஸ்யமான பேச்சின் மூலமே பதவிக்கு வந்துள்ளனர். நடிகர் விஜய், சீமான் ஆகியோர் பேச்சு வெவ்வேறு வகையில் பாராட்டத்தக்கவை.

தி.மு.க. பற்றி விஜய் பேசுவது தவறில்லை. தமிழகத்தில் ஆளும் கட்சியான தி.மு.க.வை விமர்சித்து விஜய் பேசுவது தவறானதல்ல. விஜய்க்கு தி.மு.க. மீது தனிப்பட்ட விருப்பு, வெறுப்பு இருக்காது என நினைக்கிறேன்.

மறைந்த முன்னாள் முதலமைச்சர் எம்.ஜி.ஆர். ஆளும் கட்சியை எதிர்த்தே அரசியல் நடத்தினார். ஆளும் கட்சியை எதிர்த்தால்தான் ஹீரோவாக முடியும். தமிழக அரசியலில் தவிர்க்க முடியாத சக்தியாக த.வெ.க. உள்ளது. அரசியலில் ஆர்வமுண்டு, யாரையும் சார்ந்து இருக்க மாட்டேன்.

எனக்கும் அரசியல் கட்சி தொடங்க ஆசையிருப்பதால், வரும் தேர்தலுக்கு விஜய் கட்சி தொடங்கியதால் எதிர்காலத்தில் கட்சி தொடங்குவேன்.

இவ்வாறு அவர் கூறினார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

திருப்பதி:

தெலுங்கு சினிமா காமெடி நடிகர் அலி. தெலுங்கானா மாநிலம் விகாராபாத் மாவட்டத்தில் உள்ள எக்மாமிடி கிராமத்தில் பண்ணை வீடு கட்டி வருகிறார்.

இந்த வீடு எந்தவித அனுமதி இன்றி கட்டப்படுவதாக கிராம பஞ்சாயத்து செயலாளர் சார்பில் அலிக்கு நோட்டீஸ் அனுப்பினர். அந்த நோட்டீஸ் கட்டிட பணிகளில் ஈடுபட்டுள்ள ஊழியர்களிடம் ஒப்படைக்கப்பட்டது.

உரிய ஆவணங்களை சமர்ப்பித்து கட்டுமானத்திற்கான அனுமதியை பெற வேண்டும். இதனை மீறினால் பஞ்சாயத்து ராஜ் சட்டத்தின் படி நடவடிக்கை எடுக்கப்படும் என அதில் தெரிவிக்கப்பட்டுள்ளது.

ஆந்திர மாநிலத்தைச் சேர்ந்த அலி ஒய். எஸ். ஆர். காங்கிரஸ் கட்சியில் கடந்த 2019 ஆம் ஆண்டு சேர்ந்தார். கடந்த சட்டமன்ற தேர்தலில் அவர் ராஜமுந்திரி அல்லது விஜயவாடாவில் போட்டியிடுவார் என எதிர்பார்க்கப்பட்டது. அவருக்கு சீட் வழங்கப்பட வில்லை.

இந்த நிலையில் அவர் ஒய்.எஸ்.ஆர்.காங்கிரஸ் கட்சியில் இருந்து விலகினார். விரைவில் அவர் ஜனசேனா கட்சியில் சேரலாம் என எதிர்பார்க்கப்படுகிறது. இந்த நிலையில் அலிக்கு நோட்டீஸ் அனுப்பப்பட்டுள்ள சம்பவம் பரபரப்பை ஏற்படுத்தியது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சிறுத்தை சிவா இயக்கத்தில் நடிகர் சூர்யா நடித்த கங்குவா திரைப்படம் திரையங்குகளில் வெளியாகி எதிர்மறையான விமர்சனங்களையும் தாண்டி ஓடிக்கொண்டு இருக்கிறது.

இந்த நிலையில் நடிகர் சூர்யா, கங்குவா இயக்குனர் சிறுத்தை சிவா ஆகியோர் ராணிப்பேட்டை மாவட்டம் சோளிங்கரில் உள்ள பிரசித்தி பெற்ற லட்சுமி நரசிம்மர் கோவிலில் ரோப் கார் மூலம் மலைக்கோவிலுக்கு சென்றுள்ளனர்.

கோவில் நிர்வாகம் சார்பில் அவர்களுக்கு மாலை அணிவித்து மரியாதை செய்யப்பட்டது. நடிகர் சூர்யா, இயக்குனர் சிறுத்தை சிவா ஆகியோர் திரைப்படம் வெற்றியடைய வேண்டி மனமுருக லட்சுமி நரசிம்ம சாமியை வழிபட்டனர்.

பின்னர் அர்ச்சகர்கள் கோவில் பிரசாதம் வழங்கினர். சுமார் 30 நிமிடம் கோவிலில் இருவரும் தரிசனம் செய்தனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

தமிழில் விஜய்யுடன் தி கோட், விஜய் ஆண்டனியின் கொலை, ஆர்.ஜே.பாலாஜியுடன் சிங்கப்பூர் சலூன் ஆகிய படங்களில் நடித்துள்ள மீனாட்சி சவுத்ரி திரையுலக்கு வந்த குறுகிய காலத்திலேயே முன்னணி கதாநாயகியாக உயர்ந்துள்ளார்.

துல்கர் சல்மான் ஜோடியாக நடித்து தமிழ், தெலுங்கு, மலையாளம் உள்ளிட்ட மொழிகளில் பான் இந்தியா படமாக சமீபத்தில் வெளியான லக்கி பாஸ்கர் நல்ல வசூல் பார்த்தது. இதில் துல்கர் சல்மானின் மனைவி கதாபாத்திரத்தில் நடித்து இருந்தார். இந்த நிலையில் மீனாட்சி சவுத்ரி அடுத்து நடிக்கும் படங்களுக்கு புதிய நிபந்தனை விதித்துள்ளார். அவர் கூறும்போது, "நான் தொடர்ந்து சில படங்களில் மனைவி கதாபாத்திரத்திலேயே நடித்து வருகிறேன்.

லக்கி பாஸ்கர் படத்தில் மனைவியாக நடித்து இருந்த எனக்கு பாராட்டுகள் கிடைத்தது. ஆனாலும் சிலர் சினிமாவுக்கு வந்த ஆரம்ப காலத்திலேயே மனைவி கதாபாத்திரங்களில் நடிக்காமல் இருப்பதுதான் நல்லது. அப்படி நடிக்க உனக்கு இன்னும் காலம் இருக்கிறது என்றனர்.

எனவே வரும் காலங்களில் இதுபோன்ற கதாபாத்திரங்களில் நடிக்க கூடாது என்று முடிவு செய்து இருக்கிறேன். அடுத்து ஒரு அதிரடி சண்டை படத்தில் நடிக்க இருக்கிறேன். இதில் போலீஸ் அதிகாரியாக வருகிறேன்'' என்றார்.

நடிகை நயன்தாரா வெளியிட்ட அறிக்கையில் நடிகர் தனுஷ் மீது பரபரப்பு குற்றச்சாட்டுகளை கூறி இருந்தார். நடிகை நயன்தாராவின் அறிக்கைக்கு நடிகைகள் பலர் தங்களது ஆத ரவை தெரிவித்து இருந்தனர். நடிகர் தனுசுடன் நடித்த நடிகைகள் சிலரும் நயன்தாராவுக்கு ஆதரவு தெரிவித்தனர். அதன்பிறகு சில நடிகைகள் தங்களின் பதிவை நீக்கினார்கள்.

இந்தநிலையில் நடிகை நயன்தாராவுக்கு, நடிகர் தனுஷ் ரசிகர்கள் கடும் எதிர்ப்பு தெரிவித்துள்ளனர். அவர்கள் நடிகை நயன்தாரா பற்றி இணையதளத்தில் வறுத்தெடுத்து வருகிறார்கள்.

நடிகர் தனுஷ் ரசிகர்கள் சிலர் இணையதளத்தில் வெளியிட்டுள்ள பதிவுகள் வருமாறு:-

நயன்தாராவின் திருமண ஆவணப்படம் நாளை ஓ.டி.டி. தளத்தில் வெளியாகிறது. எனவே தனது திருமண ஆவணப்படத்தை பிரபலப் படுத்துவதற்காக நடிகை நயன்தாரா 2 நாட்களுக்கு முன்பு இந்த அறிக்கையை வெளியிட்டுள்ளார்.

இந்த அறிக்கை முழுக்க முழுக்க சுய விளம்பரத்துக்கானது. நயன்தாரா தான் நடிக்கும் படங்களை பிரபலப் படுத்தும் நிகழ்ச்சிகள் மற்றும் ஆடியோ வெளியீட்டு நிகழ்ச்சிகளில் பங்கேற்பதில்லை. அவர் தயாரிப்பாளர்களை பற்றி கவலைப்பட்டதில்லை.

ஆனால் தங்களது சொந்த ஆவணப்படத்தை பிரபலப்படுத்த இதுபோன்ற முயற்சிகளில் ஈடுபடுகிறார். அதேபோல் தனது அழகு சாதனப்பொருள் நிறுவனத்தை பிரபலப்படுத்தவும் அவர் எங்கும் செல்வார். நடிகை நயன்தாரா பணம் வாங்கிக் கொண்டுதான் தனது சொந்த திருமண ஆவணப் படத்தை வெளியிடுகிறார்.

அவர் சும்மா கொடுக்க வில்லை. அப்படி இருக்கும் போது, தான் தயாரித்த படத்தின் காட்சிகளை பயன்படுத்த தனுஷ் பணம் கேட்பதில் என்ன தவறு? நானும் ரவுடிதான் படத்தின் செலவு எதிர்பார்த்ததை விட 2 மடங்கு ஆனதால் அப்போது அவருக்கு லாபம் கிடைக்கவில்லை.

தனுசை மனிதாபிமானத்தோடு நடந்து கொள்ள அறிவுறுத்தும் நயன்தாரா, தன் திருமண ஆவணப்படத்தை ஓ.டி.டி. தளத்தில் கட்டணம் இன்றி பார்க்கும் வகையில் வெளியிடுவாரா?

தனுசும் தன் பங்கிற்கு பதில் கொடுத்தால் அது இந்த விவகாரத்தை பரப ரப்பாக்கி நயன்தாராவின் ஆவணப்படத்தை பிரபலப் படுத்துவது போல் ஆகி விடும் என்பதால் தனுஷ் அமைதியாக இருக்கிறார்.

திருமண ஆவணப்படம் நாளை வெளியாகவுள்ள நிலையில், அதை பெரிதாக யாருமே கண்டு கொள்ளவில்லை என்பதால் அதை பிரபலப்படுத்தும் விதமாக நடிகை நயன்தாரா இந்த சர்ச்சையை கிளப்பி வியாபாரம் பார்த்து வருகிறார். பல தொழில்களை ஆரமபித்து நடத்தி வரும் நயன்தாரா முழு தொழில் அதிபராக மாறிவிட்டார்.

இவ்வாறு தனுஷ் ரசிகர் கள் கூறியுள்ளனர்.

தனுஷ் ரசிகர்கள் இன்னும் பலர் நயன்தாரா வின் வீடியோக்களையும் பகிர்ந்து கருத்து தெரிவித்து உள்ளனர். 'யாரடி நீ மோகினி' படத்தில் நயன்தாராவை தனுஷ் தலையில் அடித்து 'இன்னொருவாட்டி கத்துன கொன்னுருவேன்' என வசனம் பேசும் காட்சிகளை பகிர்ந்து விமர்சனம் செய்துள்ளனர்.

மேலும் நயன்தாரா நடித்த நிழல், நெற்றிக்கண், ஓ2, அன்னபூரணி உள்ளிட்ட பல தோல்வி படங்களில் பெயர்களை பட்டியலிட்டு இவருக்கு யாரு லேடி சூப்பர் ஸ்டாருன்னு பட்டம் கொடுத்தது என்று கேள்வி எழுப்பியுள்ளனர்.

நயன்தாரா 3 நிமிட விளம்பர படத்தில் இலவசமாக நடித்து கொடுப்பாரா? அவருக்கு ஒரு நியாயம், தனுசுக்கு ஒரு நியாயமா? என்றும் சிலர் விமர்சித்து உள்ளனர்.

மேலும், நயன்தாரா தனது இளமை காலத்தில் கவர்ச்சியாக பாடல்களில் நடித்த காட்சிகளையும், பில்லா படத்தில் பிகினி உடையில் நடந்து வரும் காட்சிகளையும் வெளியிட்டு விமர்சித்து வருகின்றனர்.

எல்லாவற்றுக்கும் மேலாக 'வல்லவன்' படத்தில் நயன்தாரா நடித்த முத்தக்காட்சி வீடியோவையும் பதிவிட்டு கடுமையாக விமர்சித்துள்ளனர்.

'இருட்டு அறையில் முரட்டுகுத்து', 'நோட்டா', 'ஜாம்பி' உள்ளிட்ட படங்களில் கவர்ச்சி கதாபாத்திரங்களில் நடித்து கலக்கியவர், யாஷிகா ஆனந்த்.

ஆந்திராவை சேர்ந்த இவர், தனியார் டி.வி.யில் ஒளிபரப்பான 'பிக்பாஸ்' நிகழ்ச்சியில் பங்கேற்று பிரபலமானார்.

சமூக வலைதளங்களில் மிகவும் ஆக்டிவ் ஆக இருக்கும் யாஷிகா ஆனந்துக்கு இன்ஸ்டாகிராமில் மட்டும் 41 லட்சத்துக்கும் மேற்பட்ட ரசிகர்கள் உள்ளார்கள். இன்ஸ்டாகிராமில் அவ்வப்போது தனது கவர்ச்சி படங்களையும் களமிறக்கி ரசிகர்களை குஷிப்படுத்தி வருகிறார்.

இதுவரை மாடர்ன் உடையில் மஜாவான படங்களை வெளியிட்டு வந்த அவர், தற்போது ரசிகர்கள் கிறக்கம் கொள்ளும் வகையில் சேலையில் கவர்ச்சி விருந்து படைத்துள்ளார். அந்த படங்கள் தற்போது இணையத்தில் வைரலாகி வருகின்றன. 

ரசிகர்கள் அவரது அழகை புகழ்ந்து கமெண்டுகளை அள்ளி வீச, யாஷிகா ஆனந்த் உள்ளம் குளிர்ந்து போயுள்ளாராம்.

2021-ம் ஆண்டில் கார் விபத்தில் சிக்கிய யாஷிகா, தொடர் சிகிச்சை பெற்று மீண்டார். தற்போது மீண்டும் படங்களில் மும்முரமாக நடித்து வருகிறார். அந்தவகையில் இவன் தான் உத்தமன், ராஜ பீமா, சல்பர், சிறுத்தை சிவா ஆகிய படங்களில் நடித்து வருகிறார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

ராஜ்குமார் பெரியசாமி இயக்கத்தில் சிவகார்த்திகேயன் நடிப்பில் வெளியான 'அமரன்' திரைப்படம் தீபாவளி அன்று வெளிவந்து திரையரங்குகளில் வெற்றி நடைப்போட்டு வருகிறது.

இந்நிலையில், அமரன் படத்திற்கும், படக் குழுவினருக்கும் தமிழ்நாடு முன்னாள் மத்திய ஆயுதம் ஏந்திய போலீஸ் படை நலன் மற்றும் மறுவாழ்வு சங்கம் சார்பில் கண்டனம் தெரிவித்துள்ளது.

தென்காசி மாவட்டத்தை தலைமை இடமாக கொண்ட இந்த சங்கம் செய்தி குறிப்பு ஒன்றை வெளியிட்டுள்ளது.

அமரன் படத்தில் குறிப்பிட்ட ஒரு காட்சிகளை பார்த்து CRPF வீரர்கள் வேதனை, அதிர்ச்சியும், ஆவேசம் ஆகியவற்றால் மூழ்கியுள்ளனர். நாடாளுமன்ற தேர்தல் அதிகாரியை கொலை செய்ய நடத்தப்படும் தாக்குதல் காட்சிகளில் எவ்வித எதிர்வினையும் வழங்காமல் CRPF வீரர்கள் படுகொலை செய்யப்படுவது மிகவும் இழிவானதாக இருக்கிறது.

CRPF வீரர்களின் வீரத்தையும், தியாகத்தையும் அவமதிப்பதாகவும், அவர்களின் புகழ்மிக்க பணிகளை மரியாதை இன்றி சிதைக்கின்றதாகவும் உணர்த்துகிறது.

படைப்பு, சுதந்திரம் என்ற பெயரில் கற்பனை கொண்டு உருவாக்கி எம்மீது இழிவு கூறும் ஒரு காட்சியை உருவாக்கி மண்ணின் மைந்தர்கள், நாங்கள் ரத்தத்தை சிந்தி நாட்டை காக்கும் போது அதை கேலியாக படம் பிடிப்பது நியாயமா?

நம் 44 RR வீரர்கள் சண்டையிட்டு வீர மரணம் அடைவதை காட்டி அதே நேரத்தில் CRPF வீரர்கள் எந்த எதிர்ப்புமின்றி கொல்லப்படுவதாக காட்டுவது அவர்கள் தியாகத்தை முற்றிலும் கவுரவிக்காமல் கொச்சைப்படுத்துவது போன்று உணர்த்துகிறது.

நாட்டின் பல்வேறு மூளைகளில் இருந்து எந்த பாதுகாப்பும், சலுகைகள் இன்றி போராடி உயிர் தியாகம் செய்த எண்ணற்ற CRPF வீரர்களின் தியாகத்தை இந்த ஒரு காட்சி முற்றிலுமாக அழிக்கக் கூடியதாக உள்ளது.

இந்த படத்தில் பொதுமக்களின் மனதில் CRPF வீரர்களின் மதிப்பை சிதைக்கும் வகையில் உள்ளதால் TN CAPF WARA அமைப்பு தனது கடும் கண்டனத்தை 'அமரன்' படக் குழுவிற்கு தெரிவிக்கிறது.

எங்கள் வீரர்களின் தியாகம் காப்பாற்றப்பட வேண்டும் என்பதற்காக சர்ச்சைக்குரிய காட்சிகளை உடனடியாக நீக்குமாறு கேட்டுக்கொள்கிறோம்"

இவ்வாறு தெரிவித்துள்ளனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குனர் ராஜ்குமார் பெரியசாமி இயக்கத்தில், நடிகர் சிவகார்த்திகேயன், நடிகை சாய் பல்லவி நடித்த, 'அமரன்' திரைப்படம் நேற்று வெளியானது. மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து தயாரிக்கப்பட்டுள்ள இப்படத்தில், முகுந்த் வரதராஜன் கதாபாத்திரத்தில் சிவகார்த்திகேயனும், முகுந்தின் மனைவி இந்து ரெபேக்கா கதாபாத்திரத்தில், சாய் பல்லவியும் நடித்துள்ளனர்.

சிவகார்த்திகேயன் நடித்த அமரன் படத்தை பார்த்த தமிழக பா.ஜ.க. தலைவர் அண்ணாமலை, தனது எக்ஸ்தள பக்கத்தில் மேஜர். முகுந்த் வரதராஜனின் வாழ்க்கை யுகங்களுக்கு உத்வேகம் தரும் கதை. 2014 இல் அவர் நம் தேசத்துக்காக செய்த இறுதித் தியாகம், எங்களுக்குள் ஏதோ ஒன்றை இழந்துவிட்டோம் என்ற உணர்வை நம் அனைவரையும் ஏற்படுத்தியது.

நடிகர் சிவகார்த்திகேயன் மற்றும் படக்குழுவினருக்கு நன்றி. இந்த அசாதாரண திரைப்படத்திற்கு நன்றி. இந்திய ஆயுதப்படை வாழ்க! நீங்கள் தான் சிறந்தவர்கள் என்று பதிவிட்டிருந்தார்.

இந்த நிலையில் நடிகர் சிவகார்த்திகேயன், அண்ணன் அண்ணாமலைக்கு நன்றி என்று கூறியுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சாட்டை படத்தின் மூலம் டப்பிங் கலைஞராக திரை உலகில் அறிமுகமானவர் ரவீனா ரவி. காஜல் அகர்வால், எமி ஜாக்சன், மாளவிகா மோகனன், ராசிகண்ணா, தீபிகா படுகோனே போன்ற நடிகைகளுக்கு டப்பிங் பேசி பிரபலமானவர்.

தமிழ், மலையாளம், தெலுங்கு மொழி படங்களில் டப்பிங் பேசி இருக்கிறார். இதைத்தொடர்ந்து 2017-ம் ஆண்டு வெளியான 'ஒரு கிடாயின் கருணை மனு' படத்தின் மூலம் கதாநாயகியாக அறிமுகமானார்.

தொடர்ந்து லவ் டுடே, மாமன்னன் படத்தில் நடித்தார். மாமன்னன் படத்தில் பகத் பாசில் மனைவியாக நடித்து இருந்தார். டப்பிங் கலைஞரான ரவீனா ரவி அந்த படத்தில் வசனமே பேசாமல் நடித்திருப்பார்.

படத்தில் இவரது கதாபாத்திரம் பெரிய வரவேற்பை பெற்றது. இந்நிலையில் மலையாளத்தில் உருவான 'வாலாட்டி' என்ற படத்தில் ரவீனா ரவி நடித்த போது படத்தின் இயக்குனரான தேவன் ஜெயக்குமாருடன் காதல் ஏற்பட்டது.

இதைத்தொடர்ந்து இருவரும் ஜோடியாக இருக்கும் புகைப்படத்தை சமூக வலைதள பக்கத்தில் பகிர்ந்து காதலரை ரவீனா அறிமுகம் செய்துள்ளார். இவர்களின் திருமணம் விரைவில் நடைபெற இருக்கிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

விழுப்புரம் மாவட்டம், விக்கிரவாண்டியில் உள்ள வி.சாலையில் தமிழக வெற்றிக் கழகத்தின் முதல் மாநாடு பிரம்மாண்டமாக இன்று மாலை நடைபெற உள்ளது.

மாநாட்டு திடலில் சுமார் ஒரு லட்சம் பேர் அமர்ந்து பார்க்கும் வகையில் இருக்கைகள் ஏற்பாடு செய்யப்பட்டுள்ளனர்.

இந்நிலையில், பிரம்மாண்டமாக காட்சி அளிக்கும் மாநாட்டு திடலில் அதிகாலை முதலே பல்வேறு பகுதிகளில் இருந்து தொண்டர்கள் குவிந்து வருகின்றனர்.

அரசியலில் களம் இறங்கியுள்ள விஜய்க்கு பல்வேறு திரைபிரபலங்கள் வாழ்த்து தெரிவித்து வருகின்றனர்.

இந்நிலையில், இன்று தனது புதிய பயணத்தை தொடங்கவிருக்கும் விஜய் சாருக்கு எனது மனமார்ந்த வாழ்த்துகள் என்று நடிகர் சிவகார்த்திகேயன் வாழ்த்து தெரிவித்துள்ளார்.

இன்று நெல்லையில் செய்தியாளர்களை சந்தித்து பேசிய நடிகர் ரெஜினா, "விஜய் வெற்றிகரகமான நடிகர். வெற்றிகரமான அரசியல்வாதியாகவும் வருவார்" என்று அரசியல்வாதியாக களமிறங்கியுள்ள விஜய்க்கு வாழ்த்து தெரிவித்தார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சிறுத்தை சிவா இயக்கத்தில் சூர்யா நடிப்பில் உருவாகியுள்ள படம் கங்குவா. அதிக பொருட்செலவில் பிரமாண்டமாக தயாராகி உள்ள இந்த படத்தில் பாபி தியோல், திசா பதானி உள்பட பலர் நடித்துள்ளனர். தேவி ஸ்ரீ பிரசாத் இசையமைத்துள்ளார். ரசிகர்களிடம் மிகுந்த எதிர்பார்ப்பை உருவாக்கியுள்ள இந்த படம் வருகிற 14 -ந் தேதி திரைக்கு வர இருக்கிறது.

இதையொட்டி படத்தின் புரமோஷன் பணிகள் மும்பை, டெல்லி, ஐதராபாத்தில் நடந்தது. இந்நிலையில் படத்தின் இசை வெளியீட்டு விழா சென்னையில் நேற்று மாலை நடந்தது. விழாவில் சூர்யா, கார்த்தி மற்றும் பட குழுவினர், திரையுலக பிரபலங்கள் பங்கேற்றனர்.

நடிகர் ரஜினி வீடியோ மூலம் சூர்யா மற்றும் படக்குழுவினருக்கு வாழ்த்து தெரிவித்தார். விழாவில் சூர்யா பேசியதாவது:-

அன்பான ரசிகர்கள், அன்பு தம்பிகள், தங்கைகள் அனைவருக்கும் வணக்கம். நான் இருப்பதே உங்களால் தான். எனது நம்பிக்கை நீங்கள் தான்.

என்னுடைய 27 ஆண்டு திரை வாழ்க்கையில் என்னுடன் இணைந்து பணியாற்றிய இயக்குனர்கள், அனைத்து தயாரிப்பாளர்கள் மற்றும் பெற்றோர், திரை உலகத்தை சேர்ந்த அனைவருக்கும் நன்றி. எங்களுக்கு வாழ்த்து தெரிவித்த சூப்பர் ஸ்டார் ரஜினிகாந்த்துக்கு நன்றி. உங்களது உடல் நலமும், ஆரோக்கியமும் சிறப்பாக இருக்க பிரார்த்திக்கிறேன்.

மன்னிக்கிற மாதிரி சிறந்த விஷயம் எதுவும் இல்லைன்னு எனக்கு புரிய வைத்தது சிவாதான். அதனால என்ன வெறுப்பை விதைத்தாலும் அன்பை மட்டுமே பரிமாறுவோம். தரம் தாழ்ந்த விமர்சனங்களுக்கு உங்க நேரத்தை செலவு செய்ய வேண்டாம்.

என்னுடைய திரை வாழ்க்கையில் நிறைய ஏற்றத்தையும், இறக்கத்தையும் எதிர்கொண்டுள்ளேன். அதில் எனக்கு மகிழ்ச்சி தான்.

அதனால் புதிய முயற்சி மேற்கொண்டு நான் பொறுப்புடன் செயல்பட்டு வருகிறேன். என் படம் என்ன ஆனாலும் ரசிகர்களிடம் கிடைக்கும் அன்புக்கு எல்லையே இல்லை. நான் படித்த லயோலா கல்லூரியில் என்னுடன் 2 பேர் படித்தார்கள். அதில் ஒருவர் என்னை வைத்து 2 படங்கள் தயாரித்தார்.

அவர் எனக்கு ஜூனியர். அவர்தான் துணைமுதல்வர் உதயநிதி ஸ்டாலின். அவரை 'பாஸ்' என்று தான் அழைப்பேன். அவரை எப்போதும் யார் வேண்டுமானாலும் அணுகலாம். அவருக்கு என்னுடைய வாழ்த்துக்கள்.

இன்னொரு நண்பர் புதிய பயணத்துக்கு புதிய பாதை போட்டுள்ளார். அவருடைய வரவும் நல்வரவாக இருக்கட்டும் என விஜய் பெயரை குறிப்பிடாமல் சூர்யா பேசினார். இதை கேட்டு அரங்கில் ரசிகர்கள் ஆரவாரம் செய்தனர்.

விஜய் கட்சி மாநாடு இன்று நடைபெறும் நிலையில் சூர்யா வாழ்த்து தெரிவித்திருப்பது சமூக வலைதளங்களில் வைரலாக பரவி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.