நீங்கள் தேடியது "பிரசார மேடை"

பீகார் மாநிலம் பாட்லிபுத்ரா தொகுதியில் லாலு பிரசாத் யாதவின் மகள் மிசா பார்தி போட்டியிடுகிறார். அவருக்கு ஆதரவாக இன்று ராகுல்காந்தி வாக்கு சேகரித்தார். அவருடன் பீகார் எதிர்க்கட்சி தலைவர் தேஜஸ்வி யாதவ் உடன் இருந்தார்.

இந்நிலையில், தேர்தல் பரப்புரையின் போது ராகுல் காந்தி, தேஜஸ்வி யாதவ் பங்கேற்றிருந்த மேடை லேசாக கீழே இறங்கியது.

இது தொடர்பான வீடியோ சமூக வலைத்தளங்களில் வைரலாகி வருகிறது. அந்த வீடியோவில், ராகுல் காந்தி இருக்கும் மேடை திடீரென கீழே சாய்ந்தது. அவரின் பாதுகாவலர்கள் விரைவாகச் செயல்பட்டு ராகுலை பிடித்தனர். எதிர்பாராதவிதமாக இந்த விபத்து நடந்த போதிலும், ராகுலுக்கு காயம் எதுவும் ஏற்படவில்லை. இந்த நிகழ்வை பதற்றப்படாமல் ராகுல் காந்தி சமாளித்தார்.