என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » slug 94356
நீங்கள் தேடியது "slug 94356"
- சியோமி நிறுவனம் ரெட்மி K60 சீரிஸ் அறிமுக நிகழ்வில் முற்றிலும் புது ரெட்மி நோட் ஸ்மார்ட்போனினை அறிமுகம் செய்து இருக்கிறது.
- புது ரெட்மி நோட் ஸ்மார்ட்போன் ஸ்னாப்டிராகன் 778ஜி பிராசஸர், 120Hz ரிப்ரெஷ் ரேட் டிஸ்ப்ளே கொண்டிருக்கிறது.
சீனாவில் நடைபெற்ற ரெட்மி K60 சீரிஸ் ஸ்மார்ட்போன் அறிமுக நிகழ்வில் சியோமி நிறுவனம் ரெட்மி நோட் 12 ப்ரோ ஸ்பீடு எடிஷன் ஸ்மார்ட்போனினை அறிமுகம் செய்து இருக்கிறது. புதிய ஸ்பீடு எடிஷன் மாடலில் 6.67 இன்ச் FHD+OLED டிஸ்ப்ளே, 120Hz ரிப்ரெஷ் ரேட் ஸ்கிரீன், குவால்காம் ஸ்னாப்டிராகன் 778ஜி பிராசஸர், அதிகபட்சம் 12 ஜிபி ரேம் மற்றும் அலுமினியம் அலாய் ஃபிரேம் வழங்கப்பட்டு இருக்கிறது.
புகைப்படங்களை எடுக்க 108MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா மற்றும் 16MP செல்ஃபி கேமரா வழங்கப்பட்டுள்ளது. 5000 எம்ஏஹெச் பேட்டரி மூலம் சக்தியூட்டப்படும் ரெட்மி நோட் 12 ப்ரோ ஸ்பீடு எடிஷன் ஸ்மார்ட்போனில் 67 வாட் ஃபாஸ்ட் சார்ஜிங் வசதி வழங்கப்பட்டுள்ளது.
ரெட்மி நோட் 12 ப்ரோ ஸ்பீடு எடிஷன் அம்சங்கள்:
6.67 இன்ச் FHD+ 1080x2400 OLED ஸ்கிரீன், 30/60/90/120Hz ரிப்ரெஷ் ரேட் டிஸ்ப்ளே
ஆக்டாகோர் ஸ்னாப்டிராகன் 778ஜி பிராசஸர்
அட்ரினோ 642L GPU
6 ஜிபி, 8 ஜிபி ரேம், 128 ஜிபி மெமரி
12 ஜிபி ரேம், 256 ஜிபி மெமரி
ஆண்ட்ராய்டு 12 மற்றும் MIUI 14
டூயல் சிம் ஸ்லாட்
108MP பிரைமரி கேமரா
8MP அல்ட்ரா வைடு கேமரா
2MP மேக்ரோ கேமரா
16MP செல்ஃபி கேமரா
இன் டிஸ்ப்ளே கைரேகை சென்சார்
3.5mm ஆடியோ ஜாக், சூப்பர் லீனியர் ஸ்டீரியோ ஸ்பீக்கர், டால்பி அட்மோஸ்
5 ஜி, டூயல் 4ஜி வோல்ட்இ, வைபை, ப்ளூடூத் 5.2
யுஎஸ்பி டைப் சி
5000 எம்ஏஹெச் பேட்டரி
67 வாட் ஃபாஸ்ட் சார்ஜிங்
விலை மற்றும் விற்பனை விவரங்கள்:
ரெட்மி நோட் 12 ப்ரோ ஸ்பீடு எடிஷன் ஸ்மார்ட்போன் மிட்நைட் பிளாக், புளூ மற்றும் ஷிம்மர் கிரீன் நிறங்களில் கிடைக்கிறது. இதன் விலை 1699 யுவான், இந்திய மதிப்பில் ரூ. 20 ஆயிரத்து 210 என துவங்கி டாப் எண்ட் மாடல் விலை 1999 யுவான், இந்திய மதிப்பில் ரூ. 23 ஆயிரத்து 710 என நிர்ணயம் செய்யப்பட்டு உள்ளது. சீன சந்தையில் இதன் விற்பனை ஏற்கனவே துவங்கி நடைபெற்று வருகிறது.
சியோமி நிறுவனம் உருவாக்கி வரும் புதிய கார் உற்பத்தி ஆலையில் ஆண்டுக்கு 3 லட்சம் யூனிட்கள் உற்பத்தி செய்ய முடியும் என தகவல் வெளியாகி உள்ளது.
சீனாவை சேர்ந்த ஸ்மார்ட்போன் நிறுவனமான சியோமி பீஜிங் நகரில் புதிதாக கார் உற்பத்தி ஆலையை கட்டமைத்து வருவதாக தகவல் வெளியாகி இருக்கிறது. இந்த ஆலையில் சியோமி எலெக்ட்ரிக் கார்கள் உற்பத்தி செய்யப்பட இருப்பதாக கூறப்படுகிறது.
இரண்டு கட்டங்களாக சியோமி உற்பத்தி ஆலை உருவாக்கப்படுகிறது. இதுதவிர தலைமையகம், விற்பனை, ஆய்வு பணிகளுக்கான அலுவலகங்களை சியோமி கட்டமைக்க இருக்கிறது. 2024 ஆம் ஆண்டு இந்த ஆலை முழு வீச்சில் பயன்பாட்டுக்கு வரும் என கூறப்படுகிறது.
புதிய எலெக்ட்ரிக் கார் பிரிவில் சியோமி நிறுவனம் ஆயிரம் கோடி டாலர்களை முதலீடு செய்ய இருக்கிறது. கடந்த ஆகஸ்ட் மாதத்தில் புதிய வியாபரத்தை சியோமி பதிவு செய்தது.
ரெட்மி இந்தியா நிறுவனம் ரிலையன்ஸ் ஜியோவுடன் இணைந்து 5ஜி சோதனைகளை நடத்தி வருகிறது.
ரெட்மி இந்தியா நிறுவனம் ரிலையன்ஸ் ஜியோவுடன் இணைந்து 5ஜி சோதனையை நடத்தி வருகிறது. 5ஜி சோதனை ரெட்மி நோட் 11டி 5ஜி ஸ்மார்ட்போனில் நடத்தப்படுகிறது. இந்தியாவில் ரெட்மி நோட் 11டி 5ஜி ஸ்மார்ட்போன் நவம்பர் 30 ஆம் தேதி அறிமுகமாக இருக்கிறது.
இரு நிறுவனங்கள் இணைந்து புதிய ரெட்மி ஸ்மார்ட்போனில் 5ஜி தொழில்நுட்பத்தை பல்வேறு நிலைகளில் சோதனை செய்ததாக தெரிவித்துள்ளன. இதன் மூலம் பயனர்களுக்கு மேம்பட்ட 5ஜி அனுபவம் கிடைக்கும் என இரு நிறுவனங்களும் தெரிவித்து இருக்கின்றன.
புதிய ரெட்மி நோட் 11டி 5ஜி ஸ்மார்ட்போன் மொத்தத்தில் ஏழு 5ஜி பேண்ட்களை சப்போர்ட் செய்யும். தற்போதைய சோதனைகளில் அதிவேக டவுன்லோட் வேகம் கிடைத்ததாக இரு நிறுவனங்களும் தெரிவித்துள்ளன. இது ஏற்கனவே சீன சந்தையில் ரெட்மி நோட் 11 5ஜி பெயரிலும், ஐரோப்பிய சந்தையில் போக்கோ எம்4 ப்ரோ 5ஜி பெயரிலும் அறிமுகம் செய்யப்பட்ட ஸ்மார்ட்போனாக இருக்கலாம் என கூறப்படுகிறது.
சியோமி நிறுவனத்தின் புதிய ஸ்மார்ட்போன் விவரங்கள் இணையத்தில் லீக் ஆகி இருக்கிறது.
சியோமி 12 அல்ட்ரா அந்நிறுவனத்தின் புதிய பிளாக்ஷிப் ஸ்மார்ட்போனாக உருவாகி வருகிறது. எம்ஐ11 அல்ட்ரா ஸ்மார்ட்போனின் மேம்பட்ட மாடலாக உருவாகி இருக்கும் சியோமி 12 அல்ட்ரா 50 எம்பி பிரைமரி கேமரா, அதிநவீன ஸ்னாப்டிராகன் 8 சீரிஸ் பிராசஸர் கொண்டிருக்கும் என தெரிகிறது.
முன்னதாக சியோமி 12 ஸ்மார்ட்போனின் விவரங்கள் இணையத்தில் வெளியாகி இருந்தது. தற்போது வெளியாகி இருக்கும் தகவல்களின் படி சியோமி நிறுவனம் லோகி மற்றும் தார் எனும் குறியீட்டு பெயர்களில் இரு ஸ்மார்ட்போன்களை உருவாக்கி வருவதாக கூறப்படுகிறது. இவை சியோமி 12 அல்ட்ரா மற்றும் சியோமி 12 அல்ட்ரா என்ஹான்ஸ்டு பெயர்களில் அறிமுகமாகும் என தெரிகிறது.
சியோமி 12 அல்ட்ரா மாடலில் 50 எம்பி சாம்சங் ஜி.என்.5 சென்சாருன் குவாட் கேமரா செட்டப் வழங்கப்படுகிறது. இத்துடன் 2எக்ஸ் ஜூம் வசதியுடன் 48 எம்பி கேமரா, 5 எக்ஸ் ஜூம் வசதியுடன் 48 எம்பி கேமரா வழங்கப்படும் என கூறப்படுகிறது. இந்த ஸ்மார்ட்போன் அடுத்த ஆண்டின் இரண்டாவது காலாண்டு வாக்கில் அறிமுகமாகிறது.
சியோமியின் ரெட்மி நோட் சீரிஸ் ஸ்மாரட்போனிற்கு ஒருவழியாக புது ஆண்ட்ராய்டு அப்டேட் வழங்கப்பட இருக்கிறது.
சியோமி நிறுவனம் ரெட்மி நோட் 8 ஸ்மார்ட்போனிற்கு ஆண்ட்ராய்டு 11 அப்டேட் வழங்கி வருகிறது. முன்னதாக இதே அப்டேட் சீன சந்தையில் வழங்கப்பட்டு இருந்தது குறிப்பிடத்தக்கது. சியோமி ஸ்மார்ட்போன்களில் ஆண்ட்ராய்டு அப்டேட் அதிகளவு புது அம்சங்களை வழங்குவதில்லை.
இதனால் புது அப்டேட் ரெட்மி நோட் 8 மாடலில் புது அம்சங்களை கொண்டுவராது. இந்த அப்டேட் 12.0.1.RCOINXM எனும் வெர்ஷன் நம்பர் கொண்டிருக்கிறது. வரும் நாட்களில் இந்த அப்டேட் அனைவருக்கும் கிடைக்கும். புது அப்டேட் செக்யூரிட்டி பேட்ச் உடன் வழங்கப்படுகிறது.
ரெட்மி நோட் 8 ஸ்மார்ட்போன் எம்.ஐ.யு.ஐ. 12.5 அப்டேட் பெற இருக்கிறது. அந்த வகையில், இந்த அப்டேட் வெளியாகும் போது ரெட்மி நோட் 8 மாடலில் ஆண்ட்ராய்டு 11 மற்றும் எம்.ஐ.யு.ஐ. 12.5 வழங்கும் அம்சங்கள் கிடைக்கும்.
சியோமி நிறுவனம் சத்தமின்றி உருவாக்கி வரும் இரண்டு புதிய ஸ்மார்ட்போன்களில் ஸ்னாப்டிராகன் 870 பிராசஸர் வழங்கப்படுகிறது.
சியோமி நிறுவனம் உருவாக்கி வரும் புதிய பிரீமியம் ஸ்மார்ட்போன் விவரங்கள் இணையத்தில் லீக் ஆகி உள்ளது. இரு ஸ்மார்ட்போன்களும் அளவில் சிறியதாக இருக்கும் என கூறப்படுகிறது.
முன்னதாக ஐபோன் 12 மினி அறிவிக்கப்பட்டதும் சியோமி இதேபோன்ற மாடலை வெளியிட திட்டமிட்டது. எனினும், அசுஸ் நிறுவனம் சென்போன் 8 அறிமுகம் செய்து சியோமியை பின்னுக்கு தள்ளியது. இதைத் தொடர்ந்து எல்3 மற்றும் எல்3ஏ எனும் மாடல் நம்பர்கள் கொண்ட சியோமி ஸ்மார்ட்போன் விவரங்கள் கடந்த ஆண்டு வெளியாகின.
சியோமி நீண்ட காலமாக உருவாக்கி வரும் இரு ஸ்மார்ட்போன்களிலும் குவால்காம் ஸ்னாப்டிராகன் 870 பிராசஸர் வழங்கப்படும் என கூறப்படுகிறது. இதில் எல்3 மாடல் நம்பர் கொண்டு உருவாகி வரும் ஸ்மார்ட்போன் 6.3 இன்ச் டிஸ்ப்ளே கொண்டிருக்கும் என தெரிகிறது.
சியோமியின் எல்3 மற்றும் எல்3ஏ மாடல்கள் பற்றிய இதர விவரங்கள் வரும் வாரங்களில் வெளியாகும் என தெரிகிறது. சமீபத்தில் ரெட்மி நிறுவன பொது மேலாளர் லு வெய்பிங் சிறிய ஸ்கிரீன் கொண்ட பிளாக்ஷிப் ஸ்மார்ட்போன்கள் பற்றி வெய்போவில் பேசியிருந்தார்.
சியோமி நிறுவனம் தனது ரெட்மி நோட் 11டி 5ஜி ஸ்மார்ட்போனின் இந்திய வெளியீட்டு தேதியை அறிவித்தது.
சியோமி நிறுவனம் தனது ரெட்மி நோட் 11டி 5ஜி ஸ்மார்ட்போன் இந்தியாவில் நவம்பர் 30 ஆம் தேதி அறிமுகமாகும் என அறிவித்து இருக்கிறது. இது ஜூலை மாத வாக்கில் அறிமுகம் செய்யப்பட்ட ரெட்மி நோட் 10டி 5ஜி ஸ்மார்ட்போனின் மேம்பட்ட மாடல் ஆகும்.
இதே ஸ்மார்ட்போன் போக்கோ எம்4 ப்ரோ 5ஜி பெயரில் ஐரோப்பிய சந்தையில் அறிமுகம் செய்யப்பட்டது. எனினும், இதன் தோற்றத்தில் சிறு மாற்றம் செய்யப்பட்டது. அம்சங்களை பொருத்தவரை இந்த மாடலில் 6.6 இன்ச் எப்.ஹெச்.டி. பிளஸ் ஸ்கிரீன், 90 ஹெர்ட்ஸ் அடாப்டிவ் ரிப்ரெஷ் ரேட், 16 எம்பி செல்பி கேமரா வழங்கப்படுகிறது.
இத்துடன் மீடியாடெக் டிமென்சிட்டி 810 பிராசஸர், 50 எம்பி+8 எம்பி பிரைமரி கேமரா சென்சார்கள், பக்கவாட்டில் கைரேகை சென்சார், 5000 எம்.ஏ.ஹெச். பேட்டரி, 33 வாட் பாஸ்ட் சார்ஜிங் வழங்கப்படுகிறது. இந்த ஸ்மார்ட்போன் மிஸ்டீரியஸ் பிளாக், மில்கிவே புளூ மற்றும் மிண்ட் கிரீன் நிறங்களில் அறிமுகம் செய்யப்பட்டது.
சியோமி நிறுவனம் ஸ்னாப்டிராகன் 870 பிராசஸர் கொண்ட ஸ்மார்ட்போன்களை விரைவில் வெளியிட இருப்பதாக தகவல் வெளியாகி உள்ளது.
சியோமி நிறுவனம் ஸ்னாப்டிராகன் 870 பிராசஸர் கொண்ட ஸ்மார்ட்போன் மாடல்களை உருவாக்கி வருவதாக தகவல் வெளியாகி உள்ளது. முதலில் சியோமி பிராண்டிங் கொண்ட ஸ்மார்ட்போனும் அதன்பின் ரெட்மி பிராண்டிங் கொண்ட ஸ்மார்ட்போனும் வெளியிடப்பட இருக்கிறது. இரு மாடல்களும் முதற்கட்டமாக சீனாவில் அறிமுகமாகிறது.
சியோமியின் ஸ்னாப்டிராகன் 870 பிராசஸர் கொண்ட ஸ்மார்ட்போன் 6.7 இன்ச் ஓ.எல்.இ.டி. டிஸ்ப்ளே, வளைந்த எட்ஜ்களை கொண்டிருக்கும் என கூறப்படுகிறது. இத்துடன் 5000 எம்.ஏ.ஹெச். பேட்டரி, 67 வாட் பாஸ்ட் சார்ஜிங் வழங்கப்படலாம் என தெரிகிறது.
புகைப்படங்களை எடுக்க 108 எம்பி அல்லது 50 எம்பி பிரைமரி கேமரா, 20 எம்பி செல்பி கேமரா வழங்கப்படுகிறது. இத்துடன் ஹார்மன் கார்டன் ஸ்பீக்கர்கள், எக்ஸ்-ஆக்சிஸ் மோட்டார் வழங்கப்படும் என கூறப்படுகிறது.
ரெட்மியின் சமீபத்திய நோட் 11 சீரிஸ் மாடல்கள் விற்பனையில் அமோக வரவேற்பை பெற்று இருக்கிறது.
சியோமியின் ரெட்மி பிராண்டு சமீபத்தில் நோட் 11 சீரிஸ் ஸ்மார்ட்போன்களை சீன சந்தையில் அறிமுகம் செய்தது. ரெட்மி நோட் 11, நோட் 11 ப்ரோ மற்றும் நோட் 11 ப்ரோ பிளஸ் என மூன்று மாடல்கள் ரெட்மி நோட் 11 சீரிசில் அறிமுகமாகி இருக்கிறது.
இன்று ரெட்மி நோட் 11 சீரிஸ் ஸ்மார்ட்போன்களின் விற்பனை சீனாவில் துவங்கியது. இதில் ஒரு மணி நேரத்திற்குள் 5 லட்சத்திற்கும் அதிக யூனிட்கள் விற்கப்பட்டதாக ரெட்மி அறிவித்தது. இதைத் தொடர்ந்து டபுள் 11 விற்பனை துவங்கிய 1 நிமிடம் 45 நொடிகளில் 2 பில்லியன் யுவான்களுக்கும் அதிக மதிப்புள்ள பொருட்களை ரெட்மி விற்பனை செய்தது.
அம்சங்களை பொருத்தவரை ரெட்மி நோட் 11 மாடலில் 6.6 இன்ச் எல்.சி.டி. ஸ்கிரீன், 90 ஹெர்ட்ஸ் ரிப்ரெஷ் ரேட், எப்.ஹெச்.டி. பிளஸ் ஸ்கிரீன், மீடியாடெக் டிமென்சிட்டி 810 5ஜி சிப்செட் வழங்கப்பட்டு இருக்கிறது. ரெட்மி நோட் 11 ப்ரோ மற்றும் ப்ரோ பிளஸ் மாடல்களில் மீடியாடெக் டிமென்சிட்டி 920 5ஜி சிப்செட் வழங்கப்பட்டுள்ளது.
சியோமி நிறுவனம் தனது புதிய ஸ்மார்ட்போனின் டீசரை வெளியிட்டுள்ளது. இதில் மூன்று பிரைமரி கேமரா மற்றும் பாப்-அப் செல்ஃபி கேமரா வழங்கப்படுவது உறுதியாகியிருக்கிறது.
சியோமி நிறுவனம் விரைவில் Mi 9 சீரிஸ் ஸ்மார்ட்போனை அறிமுகம் செய்ய இருக்கிறது. இந்நிலையில், ஸ்மார்ட்போனின் வெளியீட்டு முன் அதன் புகைப்படத்தை அந்நிறுவனம் பகிர்ந்து கொண்டிருக்கிறது. அதில் புதிய சியோமி ஸ்மார்ட்போன் மூன்று பிரைமரி கேமரா சென்சார்கள், கிரேடியண்ட் வடிவைப்பு கொண்டிருப்பது உறுதியாகி விட்டது.
புகைப்படத்துடன் ஸ்மார்ட்போனின் பெயரை கண்டுபிடிக்க சியோமி தனது வாடிக்கையாளர்களிடம் கேட்டுக் கொண்டுள்ளது. இத்துடன் ஸ்மார்ட்போனில் பாப்-அப் கேமரா வழங்கப்படுவதும் உறுதியாகி இருக்கிறது. புதிய Mi 9 சீரிஸ் ஸ்மார்ட்போன் பற்றி அதிகளவு விவரங்கள் வெளியாகாத நிலையில், Mi 9டி ஸ்மார்ட்போன் தாய்லாந்து மற்றும் தாய்வானில் சான்று பெற்றிருக்கிறது.
சியோமி வெளியிட்டிருக்கும் புகைப்படத்தில் சியோமி Mi 9 ஃபிளாக்ஷிப் மாடலின் ஸ்டேன்டர்டு வேரியண்ட்டில் கிரேடியன்ட் வடிவமைப்பு, மூன்று பிரைமரி கேமரா சென்சார் செங்குத்தாக பொருத்தப்பட்டிருக்கிறது. இதன் கிரேடியன்ட் ஃபினிஷ் பார்க்க ஃபிளாக்ஷிப் ஸ்மார்ட்போனின் ஓசன் புளு வேரியண்ட் போன்று காட்சியளிக்கிறது.
சியோமியின் புதிய Mi 9 சீரிஸ் ஸ்மார்ட்போன் ஃபுல் ஸ்கிரீன் வடிவமைப்பு, பாப்-அப் செல்ஃபி கேமரா கொண்டிருப்பது உறுதியாகி இருக்கிறது. Mi 9 ஸ்டான்டர்டு வேரியண்ட் வாட்டர் டிராப் நாட்ச் கொண்டிருந்தது குறிப்பிடத்தக்கது. புதிய ஸ்மார்ட்போன் எந்த பெயரில் அறிமுகமாகும் என்பது குறித்து இதுவரை எவ்வித தகவலும் இல்லை.
எனினும், சியோமி Mi 9டி ஸ்மார்ட்போன் தாய்லாந்தில் NBTC சான்றிதழயைும், தாய்வானில் NCC சான்றையும் சமீபத்தில் பெற்றது. இதனால் இந்த ஸ்மார்ட்போன் விரைவில் அறிமுகம் செய்யப்படலாம் என எதிர்பார்க்கப்படுகிறது. முன்னதாக வெளியான தகவல்களில் ரெட்மி K20 ஸ்மார்ட்போன் Mi 9டி என்ற பெயரில் சில நாடுகளில் அறிமுகம் செய்யப்படலாம் என கூறப்பட்டது.
சியோமியின் ரெட்மி பிராண்டு சமீபத்தில் அறிமுகம் செய்த ரெட்மி நோட் சீரிஸ் ஸ்மார்ட்போன் அதற்குள் ஒரு கோடி யூனிட்கள் விற்பனையாகி இருக்கிறது.
சியோமியின் ரெட்மி பிராண்டு தனது ரெட்மி நோட் 7 ஸ்மார்ட்போனினை ஜனவரி மாதத்தில் சீன சந்தையில் அறிமுகம் செய்தது. இதன் பின் பிப்ரவரி மாதத்தில் ரெட்மி நோட் 7 ப்ரோ ஸ்மார்ட்போன் சர்வதேச சந்தையில் அறிமுகம் செய்யப்பட்டது.
தற்சமயம் சந்தையில் விற்பனைக்கு வந்து வெறும் 129 நாட்களில் ரெட்மி நோட் 7 மற்றும் ரெட்மி நோட் 7 ப்ரோ ஸ்மார்ட்போன்கள் ஒரு கோடி யூனிட்கள் விற்பனையை கடந்து இருப்பதாக அந்நிறுவனம் அறிவித்துள்ளது.
முன்னதாக ரெட்மி நோட் 7 சீரிஸ் ஸ்மார்ட்போன் இரண்டு மாதங்களில் சுமார் 20 லட்சத்திற்கும் அதிக யூனிட்கள் இந்திய சந்தையில் விற்பனையானதாக அந்நிறுவனம் அறிவித்து இருந்தது. மார்ச் 29 ஆம் தேதி வரையிலான காலக்கட்டத்திற்குள் ரெட்மி நோட் 7 சீரிஸ் ஸ்மார்ட்போன்கள் சர்வதேச சந்தையில் சுமார் 40 லட்சத்திற்கும் அதிக யூனிட்கள் விற்பனையானதாக அறிவிக்கப்பட்டது.
இந்நிலையில், வெறும் 55 நாட்களில் அந்நிறுவனம் சுமார் 60 லட்சம் ரெட்மி நோட் 7 சீரிஸ் ஸ்மார்ட்போன்களை விற்பனை செய்துள்ளது. சமீபத்தில் சியோமி நிறுவனம் தனது ரெட்மி நோட் 7எஸ் ஸ்மார்ட்போனினை இந்திய சந்தையில் அறிமுகம் செய்தது.
இதுதவிர சியோமி நிறுவனம் தனது ரெட்மி K20 ஸ்மார்ட்போனை சீனாவில் அறிமுகம் செய்கிறது. இதே ஸ்மார்ட்போன் விரைவில் இந்தியாவிலும் அறிமுகம் செய்ய இருக்கிறது.
சியோமி நிறுவனத்தின் புதிய கேமிங் ஸ்மார்ட்போன் ப்ளிப்கார்ட் தளத்தில் விற்பனை செய்யப்பட இருக்கிறது.
சியோமி நிறுவனத்தின் பிளாக் ஷார்க் 2 கேமிங் ஸ்மார்ட்போன் விரைவில் இந்தியாவில் அறிமுகம் செய்யப்பட இருக்கிறது. இந்தியாவில் மே 27 ஆம் தேதி பிளாக் ஷார்க் 2 கேமிங் ஸ்மார்ட்போனை சியோமி அறிமுகம் செய்கிறது. இந்நிலையில், இந்த ஸ்மார்ட்போன் ப்ளிப்கார்ட் தளத்தில் விற்பனை செய்யப்படும் என தெரியவந்துள்ளது.
இன்ஸ்டாகிராமில் ப்ளிப்கார்ட் தளத்தின் புதிய விளம்பரத்தில் பிளாக் ஷார்க் 2 கேமிங் ஸ்மார்ட்போன் இடம்பெற்று இருக்கிறது. இது புதிய ஸ்மார்ட்போன் ப்ளிப்கார்ட் தளத்தில் விற்பனை செய்யப்பட இருப்பதை உறுதி செய்திருக்கிறது. இதே விளம்பரத்தில் கூகுள் மற்றும் போகோ உள்ளிட்ட பிராண்டுகளும் இடம்பிடித்து இருக்கிறது. இந்தியாவில் சியோமி நிறுவனம் ப்ளிப்கார்ட் மற்றும் அமேசான் தளங்களுடன் இணைந்து பணியாற்றி வருகிறது.
பிளாக் ஷார்க் 2 கேமிங் ஸ்மார்ட்போனில் லிக்விட் கூல் 3.0 தொழில்நுட்பம் மற்றும் ஹீட்-கண்டக்டிங் காப்பர் பிளேட் வழங்கப்பட்டுள்ளது. இது ஸ்மார்ட்போன் அதிக சுடாகாமல் பார்த்துக் கொள்ளும். இதுதவிர புதிய ஸ்மார்ட்போனில் ட்ரூவியூ டிஸ்ப்ளே சப்போர்ட் மற்றும் குவால்காம் ஸ்னாப்டிராகன் எலைட் கேமிங் வழங்கப்பட்டுள்ளது.
மற்ற சிறப்பம்சங்களை பொருத்தவரை 6.39 இன்ச் ஃபுல் ஹெச்.டி. பிளஸ் 1080x2340 பிக்சல் AMOLED டிஸ்ப்ளே, குவால்காம் ஸ்னாப்டிராகன் 855 பிராசஸர், அட்ரினோ 640 GPU மற்றும் அதிகபட்சம் 12 ஜி.பி. ரேம் கொண்டிருக்கிறது. புகைப்படம் மற்றும் வீடியோக்களை எடுக்க 48 எம்.பி. பிரைமரி கேமரா, 12 எம்.பி. இரண்டாவது பிரைமரி கேமரா, 20 எம்.பி. செல்ஃபி கேமரா வழங்கப்பட்டுள்ளது.
பிளாக் ஷார்க் 2 கேமிங் ஸ்மார்ட்போன் 128 ஜி.பி. மற்றும் 256 ஜி.பி. என இருவித மெமரி ஆப்ஷன்களில் கிடைக்கும் என தெரிகிறது. கனெக்டிவிட்டியை பொருத்தவரை 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி போர்ட் மற்றும் இன்-டிஸ்ப்ளே கைரேகை சென்சார் மற்றும் 4000 எம்.ஏ.ஹெச். பேட்டரி மூலம் சக்தியூட்டப்படுகிறது.
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
