நீங்கள் தேடியது "slug 95440"

உலகின் மிகப்பெரிய டி20 கிரிக்கெட் லீக்கான ஐபிஎல் தொடரின் 12-சீசன் கடந்த மார்ச் மாதம் 23-ந்தேதி தொடங்கி தொடர்ச்சியாக நடைபெற்று வருகிறது. அடுத்த மாதம் 12-ந்தேதி வரை ஐபிஎல் போட்டி நடைபெறுகிறது. அதன்பின் மே 30-ந்தேதி 50 ஓவர் உலகக்கோப்பை தொடர் தொடங்குகிறது. அதற்கு முன் 24-ந்தேதி பயிற்சி ஆட்டங்கள் தொடங்குகிறது.

ஐபிஎல் தொடருக்கும் உலகக்கோப்பைக்கும் இடையில் 12 நாட்களே இடைவெளி இருப்பதால் வீரர்கள் ‘ஒர்க் லோடு’ குறித்த விவாதம் எழும்பியது. அப்போது ஒவ்வொரு ஐபிஎல் அணிகளும் எங்களது வீரர்களுக்கு நாங்கள் போதுமான ஓய்வு அளிப்போம் என்று தெரிவித்தது.

மும்பை அணி நேற்று முன்தினம் சனிக்கிழமை (20-ந்தேதி) ராஜஸ்தான் ராயல்ஸ் அணிக்கெதிராக விளையாடியது. அடுத்த போட்டியில் 26-ந்தேதி சென்னை சூப்பர் கிங்ஸ் அணியை எதிர்கொள்கிறது. இரு போட்டிக்குமிடையில் ஐந்து நாட்கள் இடைவெளி உள்ளது.



இந்த குறுகிய இடைவெளியை வீரர்களுக்கு ஓய்வாக அளித்துள்ளது மும்பை இந்தியன்ஸ். இந்த நாட்களில் உலகக்கோப்பையில் விளையாடும் வீரர்களான ரோகித் சர்மா, பும்ரா, டி காக், மலிங்கா போன்ற வீரர்களை அணியில் இருந்து ரிலீஸ் செய்துள்ளது. அவர்கள் பேட்டிங் மற்றும் பந்து வீச்சு போன்ற எந்த செயல்களிலும் ஈடுபடாமல் புத்துணர்ச்சி பெற வேண்டும் என்று அணி நிர்வாகம் கூறியுள்ளதாக தெரிவிக்கப்படுகிறது.

அதன்பின் சென்னை அணிக்கெதிராக விளையாட ஒன்றிணைவார்கள். இதனால் ஐபிஎல் தொடர் முழுவதும் முன்னணி வீரர்கள் விளையாடுவார்கள் என எதிர்பார்க்கப்படுகிறது.

டெல்லி கேப்பிட்டல்ஸ் அணியில் விளையாடும் சுழற்பந்து வீரர் அமித் மிஸ்ரா மும்பைக்கு எதிராக 2 விக்கெட்டை கைப்பற்றினார். இதன்மூலம் அவர் 150-வது விக்கெட்டை தொட்டார். அமித் மிஸ்ரா 140 ஆட்டங்களில் விளையாடி 150 விக்கெட்டை வீழ்த்தி உள்ளார். சராசரி 24.18 ஆகும். 17 ரன் கொடுத்து 5 விக்கெட கைப்பற்றியது அவரது சிறப்பு பந்துவீச்சு ஆகும்.

ஐபிஎல் போட்டியில் 150-வது விக்கெட்டை எடுத்த 2-வது வீரர் ஆவார். இலங்கை வேகப்பந்து வீரர் மலிங்கா முதலில் இந்த சாதனையைப் படைத்துள்ளார். அவர் 115 இன்னிங்சில் 162 விக்கெட் எடுத்து முதல் இடத்தில் உள்ளார். 36 வயதான மிஸ்ரா டெக்கான் சார்ஜர்ஸ், சன்ரைசஸ் ஐதராபாத் அணிகளிலும் விளையாடி இருந்தார். 3 முறை ‘ஹாட்ரிக்’ சாதனை நிகழ்த்தி உள்ளார்.



அவருக்கு அடுத்தப்படியாக பியூஸ் சாவ்லா 146 விக்கெட்டுடன் 3-வது இடத்தில் உள்ளார். பிராவோ 143 விக்கெட்டும். ஹர்பஜன் சிங் 141 விக்கெட்டும் எடுத்து முறையே 4-வது, 5-வது இடங்களில் உள்ளனர்.

ஐபிஎல் தொடரின் 33-வது லீக் ஆட்டம் நேற்று ஐதராபாத்தில் நடைபெற்றது. இதில் சன்ரைசர்ஸ் ஐதராபாத் - சென்னை சூப்பர் கிங்ஸ் அணிகள் பலப்பரீட்சை நடத்தின. இந்த போட்டி தொடங்குவதற்கு சற்று முன் எம்எஸ் டோனி விளையாடமாட்டார். ரெய்னாதான் கேப்டனாக செயல்படுவார் என்று தெரிவிக்கப்பட்டது.

பின்னர், முகுது வலி காரணமாக டோனி பங்கேற்கவில்லை என தகவல் வெளியானது. டோனி இல்லாத இந்த ஆட்டத்தில் சென்னை சூப்பர் கிங்ஸ் தோல்வியை சந்தித்தது.



இந்நிலையில் ஞாயிற்றுக்கிழமை ஆர்சிபி-க்கு எதிரான போட்டியில் டோனி பங்கேற்பார் என்று சுரேஷ் ரெய்னா தெரிவித்துள்ளார். இதுகுறித்து ரெய்னா கூறுகையில் ‘‘டோனி சிறப்பாக இருப்பதாக உணர்கிறார். அவரது முதுகு வலி சரியாகிவிட்டது. இதனால் அடுத்தப் போட்டியில் அவர் விளையாடுவார்’’ என்றார்.

வெஸ்ட் இண்டீஸ் அணியின் முன்னணி இளம் வேகப்பந்து வீச்சாளர் அல்ஜாரி ஜோசப். இவர் மும்பை இந்தியன்ஸ் அணியில் காயம் அடைந்த வீரருக்குப் பதிலாக மாற்று வீரராக தேர்வு செய்யப்பட்டார்.

ஐதராபாத் அணிக்கெதிராக அறிமுகம் ஆன ஜோசப், 12 ரன்கள் விட்டுக்கொடுத்து 6 விக்கெட்டுக்கள் கைப்பற்றி ஐபிஎல் வரலாற்றுச் சாதனைப் படைத்தார்.

கடந்த 13-ந்தேதி மும்பையில் நடைபெற்ற ராஜஸ்தான் ராயல்ஸ் அணிக்கெதிராக பீல்டிங் செய்யும்போது தோள்பட்டையில் காயம் ஏற்பட்டது. இதனால் அந்த போட்டியில் அதன்பின் பீல்டிங் செய்யவில்லை. இந்நிலையில் தோள்பட்டை காயத்தால் ஐபிஎல் தொடரில் இருந்து விலகியுள்ளார் என்று தெரிவிக்கப்பட்டுள்ளது.

புதுடெல்லி:

டோனியின் இந்த செயலை இங்கிலாந்து அணியின் முன்னாள் கேப்டன் மைக்கேல் வாகன், இந்திய முன்னாள் வீரர் பி‌‌ஷன்சிங் பெடி உள்பட பலரும் விமர்சனம் செய்து இருந்தனர். இந்த விவகாரம் குறித்து இந்திய அணியின் முன்னாள் அதிரடி ஆட்டக்காரர் ஷேவாக் கருத்து தெரிவிக்கையில், ‘டோனி எளிதான தண்டனையுடன் விடுவிக்கப்பட்டு இருப்பதாக நான் கருதுகிறேன். அவருக்கு குறைந்தபட்சம் 2 முதல் 3 ஆட்டங்களில் விளையாட தடை விதித்து இருக்க வேண்டும். ஏனெனில் அவர் செய்ததை போல் நாளை மற்றொரு கேப்டன் செய்யக்கூடும். அப்படியானால் நடுவருக்கு என்ன மரியாதை இருக்கும். அவர் மைதானத்துக்குள் செல்லாமல் 4-வது நடுவருடன் ‘வாக்கி-டாக்கி’ மூலம் பேசி முறையிட்டு இருக்க வேண்டும். டோனி இந்திய அணிக்கு ஏராளமாக பங்களித்து இருக்கிறார். அது மகிழ்ச்சியான வி‌‌ஷயம் தான். அவர் இந்திய அணியின் கேப்டன் பொறுப்பில் இருந்த போது கோபப்பட்டதை நான் பார்த்தது இல்லை. சென்னை அணிக்காக அவர் சிறிது உணர்ச்சிவசப்பட்டு இவ்வாறு நடந்து கொண்டதாக நினைக்கிறேன்’ என்றார்.

இதற்கிடையே டோனிக்கு புகழாரம் சூட்டி சென்னை சூப்பர் கிங்ஸ் அணியின் சுழற்பந்து வீச்சாளர் இம்ரான் தாஹிர் (தென்ஆப்பிரிக்கா) அளித்த ஒரு பேட்டியில், ‘டோனி மிகச்சிறந்த கேப்டன். அவர் எப்பொழுதும் மற்றவர்களுக்கு உதவக்கூடியவர். இதன் காரணமாகவே நான் டோனி நடத்தும் கிரிக்கெட் அகாடமியில் இணைந்து சிறுவர்களுக்கு பயிற்சி அளிக்க ஒப்புக்கொண்டேன். டோனியின் பேச்சும், செயல்பாடும் உற்சாகத்தையும், உத்வேகத்தையும் அளிக்கும்’ என்று தெரிவித்தார்.

ஐபிஎல் 2019 கிரிக்கெட் தொடர் கடந்த மாதம் 23-ந்தேதி தொடங்கி தொடர்ச்சியாக நடைபெற்று வருகிறது. இதில் சென்னை அணி ஆதிக்கம் செலுத்தி வருகின்றன.

விராட் கோலி தலைமையிலான ராயல் சேலஞ்சர்ஸ் பெங்களூரு 6 போட்டிகளில் விளையாடி ஆறிலும் தோல்வியைச் சந்தித்துள்ளன. அந்த அணி ஆஸ்திரேலியாவின் வேகப்பந்து வீச்சாளரான கவுல்டர்-நைல்-ஐ ஏலத்தில் எடுத்திருந்தது. பாகிஸ்தானுக்கு எதிரான தொடரில் விளையாடியதால் ஐபிஎல் தொடக்கத்தில் அவர் விளையாடவில்லை.

பின்னர் அணியில் இணைய இருந்த நேரத்தில் அவருக்கு காயம் ஏற்பட்டது. இதனால் ஐபிஎல் தொடரில் இருந்து விலகியுள்ளார். இந்நிலையில் அவருக்கு மாற்று வீரராக தென்ஆப்பிரிக்காவின் வேகப்பந்து வீச்சாளரான டேல் ஸ்டெயினை தேர்வு செய்துள்ளது.

ஜெய்ப்பூரில் நேற்று நடைபெற்ற ஆட்டத்தில் ராஜஸ்தான் ராயல்ஸ் - சென்னை சூப்பர் கிங்ஸ் அணிகள் பலப்பரீட்சை நடத்தின. இதில் சென்னை சூப்பர் கிங்ஸ் அணி கடைசி பந்தில் சிக்ஸ் அடித்து வெற்றியை ருசித்தது. எம்எஸ் டோனிக்கு கேப்டனாக இது 100-வது வெற்றியாகும்.

எம்எஸ் டோனிக்கு சாதனையான போட்டியில் சென்னை சூப்பர் கிங்ஸ் கடைசி பந்தில் சிக்ஸ் அடித்து வெற்றியை ருசித்துள்ளது. கடந்த 2012 சீசனில் சென்னை சூப்பர் கிங்ஸ் - கொல்கத்தா நைட் ரைடர்ஸ் அணிகளுக்கு இடையிலான ஆட்டம் நடைபெற்றது. இதில் சென்னை சூப்பர் கிங்ஸ் 159 ரன்கள் அடித்தால் வெற்றி என்ற இலக்குடன் களம் இறங்கியது.



கடைசி பந்தில் ஐந்து ரன்கள் தேவைப்பட்டது. ராஜட் பாட்டியா பந்து வீச வெயின் பிராவோ கடைசி பந்தை சந்தித்தார். லோ புல்டாஸ்-ஆக வீசப்பட்ட பந்தை சிக்சருக்கு தூக்கி வெயின் பிராவோ வெற்றி பெற வைத்தார். சென்னை சூப்பர் கிங்ஸ் அணியின் இந்த வெற்றி ஐபிஎல் தொடரில் டோனிக்கு கேப்டனாக 50-வது வெற்றியாகும்.

அதேபோல் நேற்று சான்ட்னெர் ராஜஸ்தான் ராயல்ஸ் அணிக்கெதிராக 3 ரன்கள் தேவை என்ற நிலையில் சிக்ஸ் அடித்து அணியை வெற்றி பெற வைத்தார். இந்த வெற்றி டோனிக்கு கேப்டனாக 100-வது வெற்றியாகும். இதன்மூலம் டோனி முக்கியமான சாதனை வெற்றிகளை ருசித்த போட்டிகளில் சென்னை அணிக்கு கடைசி பந்தில் சிக்ஸ் மூலமே வெற்றி கிடைத்துள்ளது.

ஐபிஎல் கிரிக்கெட்டில் ராஜஸ்தானுக்கு எதிராக சென்னை வெற்றி பெற்றது. இது கேப்டனாக டோனிக்கு கிடைத்த 100-வது வெற்றி ஆகும். இதன் மூலம் 100 போட்டிகளை வென்ற முதல் கேப்டன் என்ற பெருமையை டோனி பெற்றார். அவர் 166 ஆட்டங்களில் கேப்டனாக இருந்து 100-வது வெற்றியை சுவைத்துள்ளார்.65 ஆட்டத்தில் தோல்வி கிடைத்தது. 1 ஆட்டம் முடிவு இல்லை.

சென்னை சூப்பர் கிங்ஸ் அணிக்கு 95 வெற்றியையும், புனே அணிக்கு 5 வெற்றியும் பெற்று கொடுத்துள்ளார். டோனிக்கு அடுத்த படியாக டெல்லி மற்றும் கொல்கத்தா அணிக்கு கேப்டனாக இருந்த கவுதம் காம்பிர் 71 வெற்றியுடன் 2-வது இடத்தில் உள்ளார்.

ராஜஸ்தான் அணிக்கு எதிரான நேற்றைய ஆட்டத்தில் ஜடேஜா 2 விக்கெட் வீழ்த்தினார். இதில் ஸ்மித் விக்கெட்டை வீழ்த்திய போது 100-வது விக்கெட்டை அவர் தொட்டார். ஐபிஎல் போட்டியில் 100 விக்கெட்டுகளை கைப்பற்றிய 13-வது வீரர் ஜடேஜா ஆவார்.

12-வது ஐபிஎல் கிரிக்கெட் போட்டி தொடரில் நேற்று ஜெய்ப்பூரில் நடந்த ஆட்டத்தில் ராஜஸ்தான் ராயல்ஸ்க்கு எதிராக சென்னை சூப்பர் கிங்ஸ் த்ரில் வெற்றி பெற்றது. முதலில் பேட்டிங் செய்த ராஜஸ்தான் 20 ஓவரில் 7 விக்கெட் இழப்புக்கு 151 ரன் எடுத்தது. பட்லர் 23 ரன்னும், பென் ஸ்டோக்ஸ் 28 ரன்னும், கோபால் 19 ரன்னும் எடுத்தனர்.

பின்னர் இலக்கை நோக்கி விளையாடிய சென்னைக்கு ஆரம்பம் அதிர்ச்சியாக இருந்தது. 24 ரன்னுக்குள் 4 விக்கெட்டை (5.5 ஓவர்) இழந்தது. அதன்பின் டோனி - அம்பதி ராயுடு ஜோடி சிறப்பாக விளையாடியது.

அம்பதி ராயுடு 57 ரன்னில் அவுட் ஆனார். இந்த ஜோடி 5-வது விக்கெட்டுக்கு 95 ரன் சேர்த்தது. கடைசி ஓவரில் சென்னை வெற்றிக்கு 18 ரன் தேவைப்பட்டது. பென் ஸ்டோக்ஸ் வீசிய அந்த ஓவரில் 3-வது பந்தில் டோனி (58 ரன்) அவுட் ஆனார். இதனால் ஆட்டத்தில் பரபரப்பு ஏற்பட்டது.



கடைசி பந்தில் 3 ரன் தேவைப்பட்ட நிலையில் சான்ட்னெர் சிக்சர் அடித்து அணியை வெற்றி பெற வைத்தார். சென்னை சூப்பர் கிங்ஸ் பெற்ற 6-வது வெற்றி (7 ஆட்டம்) இதுவாகும். ராஜஸ்தான் 5-வது தோல்வியை (6 ஆட்டம்) சந்தித்தது.

வெற்றி குறித்து சென்னை சூப்பர் கிங்ஸ் கேப்டன் டோனி கூறியதாவது:-

கடைசி கட்டத்தில் எங்களுக்கு அவர்கள் (ராஜஸ்தான்) நெருக்கடியை உருவாக்கினர். இதுபோன்ற வெற்றியை பெறும்போது நிறைய வி‌ஷயங்களை கற்றுக்கொள்ள முடியும். இந்த வெற்றியை கொண்டாடும்போது எதிர்மறை சம்பவங்களில் இருந்து நாம் வெளிவருவது முக்கியம். இல்லாவிட்டால் பின்னர் அது எங்களுக்கு போட்டி தொடரில் காயத்தை ஏற்படுத்தி விடும். கடைசி 2 ஓவர்களில் இரண்டு பெரிய ஷாட் அடிக்க வேண்டும் என்று கருதினேன்.

இங்கு (ஜெய்ப்பூர்) எங்களுக்கு ரசிகர்கள் அதிகளவு ஆதரவு அளித்தனர். அவர்களுக்கு நன்றி. எனது சிறந்த இன்னிங்சில் இதுவும் ஒன்று என்பதை மறக்கமாட்டேன். அதனால் இந்த மைதானம் எனக்கு சிறப்பு வாய்ந்தது. இந்த வெற்றி மூலம் அடுத்த ஆட்டங்களில் சில புதிய பந்து வீச்சாளர்களை பரிசோதித்கும் வாய்ப்பு கிடைத்துள்ளது.

இவ்வாறு அவர் கூறினார்.