நீங்கள் தேடியது "சமையலறை"

வீட்டில் குழந்தைகளுக்கு சிப்ஸ், சிக்கன்-65, ஃப்ரன்ச் ஃப்ரைஸ் போன்ற எண்ணெயில் பொரிக்கும் உணவுகள் மிகவும் பிடிக்கும் என்பது அனைவரும் அறிந்ததே. அதே போல் நமக்கும் வடை, தந்தூரி சிக்கன், உருளைக்கிழங்கு டிக்கா என எண்ணெயுடன் மிகவும் நெருக்கமான உணவுகளை சாப்பிடுவது பிடிக்கும். ஆனால் உடல் நலத்தைத் கருத்தில் கொண்டு பிடித்தவற்றை விரும்பிச் சாப்பிடவும் முடியாமல், சாப்பிடாமல் இருக்கவும் முடியாமல் திண்டாடுகின்றோம்.

இந்த திண்டாட்டத்திற்கு ஒரு பெரிய குட் பை சொல்வது போல் வந்தவை தான் ஏர்ஃப்ரையர்கள். இந்த ஏர்ஃப்ரையர்கள் இன்னும் சில மாற்றங்களோடு ஸ்டெயின்லஸ் ஸ்பீலினால் செய்யப்பட்டு அவன் வடிவில் வந்திருப்பது இப்பொழுது புதுவரவு என்று சொல்லலாம்.

இந்த ஏர்அவன்கள் ஒரு எண்ணெய் டின் போல சமயம் மைக்ரோ அவன் போன்ற ேதாற்றத்தில் இருக்கின்றன.

இவற்றில் உணவுப் பொருட்களை பொரிப்பது மட்டுமல்லாமல் டோஸ்ட்டும் செய்ய முடியும்.

ப்ராயிலிங் ரோஸ்ட் செய்ய முடியும்.

பேக்கிங் செய்யும் வசதியும் உள்ளது.

சமைத்த உணவுகளை மறுபடியும் சூடுபடுத்திக் கொள்ளும் வசதி உள்ளது.

டீ ஹைட்ரேட்டிங் செய்து கொள்ள முடியும். அதாவது ஆப்பிள், வாழைப்பழம், வாழைக்காய் போன்றவற்றை துண்டுகளாக இதனுள் அறுத்து வைத்தோமென்றால் அவை சிப்ஸ் போலக் கிடைப்பதே டீ ஹைட்ரேட்டிங் ஆகும்.

மொறு மொறுப்பாக வறுக்க முடியும்.

தந்தூரி, ஷவர்மா போன்றவற்றை கடையில் வாங்குவது போலவே அதே ருசியுடன் இந்த ஏர்ஃப்ரையர் அவனில் செய்ய முடியும்.

இதற்கு முன்பு வந்த ஏர்ஃப்ரையர் மாடலில் ஒரு சிறிய குடும்பத்திற்கு உணவைப் பொரிக்க முடியுமென்றால் இப்பொழுது வந்திருக்கும் இந்த அவன் மாடலில் ஒரு பெரிய குடும்பத்திற்கே உணவைப் பொரிக்குமளவிற்கு வசாலமாக இவை வடிவமைக்கப்பட்டுள்ளன.

இந்த ஏர்ஃப்ரையரின் கதவு கண்ணாடியால் செய்யப்பட்டு மேலிருந்து கீேழ திறப்பது போல் வடிவமைக்கப்பட்டுள்ளது. கதவில் பொருத்தப்பட்டிருக்கும் கைப்பிடியானது உறுதியாக உள்ளது.

ஏர்ஃப்ரையரின் உட்புறம் தகுந்த இடை வெளியில் வைத்துக் கொள்வது போல இரண்டு சதுர வடிவத்தட்டுகள் கொடுக்கப்பட்டுள்ளன. இவற்றில் நாம் பொரிக்க மற்றும் வறுக்க வேண்டிய காய்கறிகளை வைத்து தேவைப்பட்டால் அதன் மேல் சிறிதளவு எண்ணெயை ப்ரஷ் கொண்டு தடவலாம். இந்த இரண்டு தட்டுகளுக்குக் கீழே ட்ரிப்பிங் ட்ரே அதாவது மேலே வைக்கப்பட்ட தட்டிலிருந்து ஒழுகும் மாசாலா உணவுத்துகள் மற்றும் எண்ணெயானது இந்தத் தட்டில் வந்து சேர்வதற்காகக் கொடுக்கப்பட்டுள்ளது. சமைத்து முடித்ததும் இந்த ட்ரிப்பிங் ட்ரேயை வெளியே எடுத்து சுலபமாகக் கழுவி விடலாம்.

இத்துடன் ஸ்டெயின்லஸ் ஸ்டீலினால் செய்யப்பட்ட சுழலக்கூடிய கூடை ஒன்றும் கொடுக்கப்பட்டுள்ளது. இந்தக் கூடையில் போடப்படும் பொருளானது அனைத்து பக்கத்திலும் சமமாக சமைக்கப் படுகின்றது. குறிப்பாக ஃப்ரன்ச் ஃப்ரைஸ், ஃபிஷ் ஃபிங்கர், காலி ஃப்ளவர் மன்ச் சூரியன், நக்கட்ஸ், சிக்கன் விங்ஸ் போன்றவை மிகவும் மொறுகலாகவும், ருசியாகவும் கடையில் வாங்குவது போன்ற தோற்றத்திலும் கிடைப்பது அருமை என்றே சொல்லலாம்.

ஏர்ஃப்ரையரின் வெளிபுறத்தில் ஃப்ரைபேக், ப்ராயில், ஹீட், டீ ஹைட்ரேட்டிங் என தனித்தனியே டிஜிட்டல் பட்டன்கள் கொடுக்கப்பட்டுள்ளன. அதே போல் நேரத்தை கூட்டுவதற்கும் குறைப்பதற்கும், சூட்டை குறைப்பதற்கும், கூட்டுவதற்கும் பட்டன்கள் கொடுக்கப்பட்டுள்ளன. இதன் மூலம் நமக்கு விருப்பமான உணவுகளை தேர்வு செய்து தேவையான நேரத்தை தேர்வு செய்து சமைத்து கொள்ளலாம்.

சமைக்கும் நேரத்தை தேர்வு செய்த பிறகு இடையிலேயே ஏர்ஃப்ரையரைத் திறந்து சமைக்கும் பொருளை புரட்டிப் போட்டும் சமைக்கலாம். இந்த ஏர்ஃப்ரையரில் கொடுக்கப்பட்டிருக்கும் தட்டுகள் மற்றும் ரொடேடிங் கூடை என அனைத்தையும் டிஷ் வாஷரில் கழுவுவதற்கு ஏதுவாக வடிவமைத்து இருக்கிறார்கள். சூடான காற்றானது சமைக்கக்கூடிய பொருளின் மீது பட்டு உணவைச் சமைப்பதால் எண்ணெயில் பொரிப்பது போன்ற சுவையை இந்த ஏர்ஃப்ரையர்களால் நமக்குத் தரமுடிகிறது.

சமைக்க கூடிய எந்த உணவிற்கும் எண்ணெயானது மிக மிகக் குறைந்த அளவிலேயே பயன்படுத்தப்படுவதால் நம் உடலில் சேரக்கூடிய கெட்ட கொழுப்பு குறித்து பயம் கொள்ளத் தேவையில்லை. கடையில் கிடைப்பது போலவே சுவை இருப்பதால் குறைந்த செலவில் ஆரோக்கியமாக நம் வீட்டிலேயே தயாரித்துக் கொள்ள முடிகின்றது.

சிறிய அளவில் இருப்பதால் நாம் செல்லும் இடங்களுக்கு எடுத்துச் செல்வது எளிது. மொத்தத்தில் மிக ஆரோக்கியமான சமையலறை உபகரணம் என்று இதைச் சொல்லலாம்.

வேலைக்குச் செல்லும் பெண்கள் முதல் வீட்டை நிர்வகித்து வரும் இல்லத்தரசிகள் வரை அனைவருக்கும் உதவியாக இருப்பது பிரஷர் குக்கர். பெண்களுக்கு ‘பிரஷர்’ ஏறாமல், சமையலை எளிதாக முடிப்பதற்கு உதவும் பிரஷர் குக்கரை சரியான முறையில் பராமரிக்க வேண்டியது முக்கியம்.

பிரஷர் குக்கரில் உணவு சமைக்கும்போது 90 முதல் 95 சதவிகித ஊட்டச்சத்துக்கள் வீணாகாமல் கிடைப்பதாக இத்தாலியின் ‘ஜேர்னல் ஆப் புட் சயின்ஸ்' எனும் நிறுவனம் மேற்கொண்ட ஆராய்ச்சியில் தெரியவந்துள்ளது.

பிரஷர் குக்கரின் வகைகள்:

அலுமினியம், காப்பர், எஸ்.எஸ்.ஸ்டீல், டைட்டானியம் என பல வகையான உலோகங்களில் பிரஷர் குக்கர்கள் தயாரிக்கப்படுகின்றன. இவற்றில் அலுமினியத்தால் தயாரிக்கப்பட்ட பிரஷர் குக்கரை உபயோகிப்பதை தவிர்ப்பது நல்லது.

பிரஷர் குக்கரை பராமரிக்கும் முறைகள்:

பிரஷர் குக்கரில் பயன்படுத்தும் ‘கேஸ்கட்’ எனும் ரப்பர் வளையத்தை, உபயோகப்படுத்தாதபோது குக்கரில் இருந்து கழற்றி, குளிர் சாதனப் பெட்டியின் பிரீஸரில் வைக்கலாம். இந்த வசதி இல்லாதவர்கள் அகலமான பாத்திரத்தில் தண்ணீர் ஊற்றி அதில் ‘கேஸ்கட்’டைப் போட்டு வைக்கலாம். இதன் மூலம்  ‘கேஸ்கட்' விரைவாக சேதம் அடைவதைத் தடுக்க முடியும். ஆறு மாதம் அல்லது வருடத்திற்கு ஒரு முறை கேஸ்கட்டை அவசியம் மாற்ற வேண்டும்.

பிரஷர் குக்கரின் மூடியில் இருக்கும் துவாரங்களில் ஏற்படும் அடைப்பை, சிறிய ஊசியின் உதவியால் நீக்கி சுத்தமாக வைத்திருக்க வேண்டும். சமையல் முடிந்த பின்பு, குக்கரில் சமைத்த உணவை வேறு பாத்திரத்தில் மாற்றி விட்டு சுத்தமாக கழுவி உலர வைக்க வேண்டும். வெயிலில் 10 நிமிடம் வரை உலர வைப்பது சிறந்தது.

பிரஷர் குக்கரில் சமைக்கும் போது, அதில் பாதி அல்லது முக்கால் பாகம் தான் சமைக்கும் உணவுப்பொருள் இருக்க வேண்டும். முழு கொள்ளளவு வரை இருக்குமாறு சமைக்கக் கூடாது. குக்கரை மூடும் போதே ‘விசில்’ போடக்கூடாது. நீராவி நன்றாக வெளிவர ஆரம்பித்த பிறகே அதில் விசிலைப் பொருத்த வேண்டும். இதன் மூலம் குக்கர் சீராக இயங்குவதோடு நீண்ட நாள் உழைக்கும்.

பிரஷர் குக்கரில் நேரடியாக சமைப்பதைத் தவிர்த்து, உள்ளே ஒரு எவர் சில்வர் பாத்திரத்தை வைத்து உணவு சமைப்பதே நல்லது. சமைத்து முடித்ததும் குக்கரின் அழுத்தம் முற்றிலும் அடங்கிய பின்னர் தான் திறக்க வேண்டும். பிரஷர் குக்கரில் இருக்கும் கைப்பிடிகளில் உள்ள திருகுகள் துருபிடிக்காமல் இருப்பதற்கு அதனை மாதம் ஒரு முறை கழற்றி, சிறிதளவு தேங்காய் எண்ணெய் தேய்த்து சுத்தம் செய்ய வேண்டியது அவசியம்.

திருகுகள் கழன்று வராமல் சரியாகப் பொருந்தி இருக்கிறதா என்பதையும் அவ்வப்போது சரிபார்த்துக்கொள்ள வேண்டும். பிரஷர் குக்கரை அதன் காலாவதி தேதிக்கு பின்னரும் பயன்படுத்துவதைத் தவிர்க்க வேண்டும். அவ்வாறு பயன்படுத்தினால் ஆபத்து ஏற்பட வாய்ப்பு உள்ளது.

பெண்கள் நேரத்தை அதிகமாக செலவிடும் இடங்களில் சமையல் அறையும் ஒன்று. சமையல் செய்வதில் காலதாமதம் ஏற்படுவதால், அன்றைய நாளில் முடிக்க வேண்டிய மற்ற வேலைகளிலும், பாதிப்பு ஏற்படுகிறது. திட்டமிட்டு செயல்படுவதன் மூலம் இதனைத் தவிர்க்க முடியும். அதற்கான வழிகளை இங்கு பார்ப்போம்.

சமையல் அறையில் உள்ள பொருட்களை சரியான முறையில் அடுக்கி வைக்க வேண்டும். பயன்படுத்தி முடித்ததும் மீண்டும் அவற்றை உரிய இடத்தில் வைப்பதன் மூலம் எந்த பொருள், எந்த இடத்தில் இருக்கிறது என்பதை எளிதாக அறிய முடியும்.

அடிக்கடி பயன்படுத்தும் வாணலி, குக்கர், கரண்டி போன்ற பொருட்களை கைக்கு எட்டும் தூரத்தில் இருக்குமாறு வைக்கலாம். சமையல் எண்ணெய், உப்பு, தாளிப்பு பொருட்கள் ஆகியவற்றை எளிதாக எடுக்கும் வகையில் வைத்திருப்பது நல்லது.

ஒரு வாரத்துக்கான சமையலை முன்பே திட்டமிட்டு பட்டியல் தயாரித்துக்கொள்ளலாம். அதன் அடிப்படையில் ஒவ்வொரு நாளும் உணவு தயாரிப்பது நேரத்தை மிச்சப்படுத்துவதற்கு உதவும்.

சமையல் வேலையை முடிந்தவரை எளிமையாக்கிக் கொள்ள வேண்டும். காலை வேளையில் எளிமையான உணவு வகைகளை மட்டுமே தயார் செய்ய வேண்டும்.

வார இறுதி நாட்களில் குறிப்பிட்ட நேரம் ஒதுக்கி சில வேலைகளை முன்னேற்பாடாக செய்து கொள்ளலாம். பூண்டு தோலுரித்து வைக்கலாம். இஞ்சி - பூண்டு விழுது தயாரிக்கலாம். புளியை ஊறவைத்து, வடிகட்டி வைக்கலாம். இவற்றை குளிர் சாதன பெட்டியில் பாதுகாத்து வைப்பதன் மூலம் அந்த வாரம் முழுவதும் பயன்படுத்த முடியும்.

ஒவ்வொரு வேலைக்கும் குறிப்பிட்ட நேரத்தை ஒதுக்கிக் கொள்ளுங்கள். அந்த நேரத்துக்குள் அதை முடிப்பதற்கு முயற்சி செய்யுங்கள். இதன் மூலம் நிறைய வேலைகளைச் சுலபமாகச் செய்ய முடியும்.

மேற்கண்ட வழிகளை கடைப்பிடிப்பதன் மூலம், ஒரு நாளில் நீண்ட நேரம் சமையல் அறையிலேயே கழிக்காமல் நேரத்தை மிச்சப்படுத்த முடியும். அந்த நேரத்தில் புத்தகம் படிப்பது, திறன்களை வளர்த்துக்கொள்வது போன்ற பயனுள்ள வகையில் செலவழிக்கலாம்.

இன்று கியாஸ் சிலிண்டர் இல்லாத வீடுகளே இல்லை என்று ஆகி விட்டது. அனைவரின் வீடுகளிலும் கியாஸ் அடுப்பு இடம் பிடித்து உள்ளது. கியாஸ் அடுப்புக்கு பயன்படுத்தும் சிலிண்டரின் ஆயுள் காலத்தை ஒவ்வொரு குடும்ப பெண்களும் தெரிந்து கொள்வது நல்லது. அது பற்றி பார்ப்போம்:-

நாம் பயன்படுத்தும் சமையல் சிலிண்டரின் ஆயுள் காலமும் அதில் குறிக்கப்பட்டே நமக்கு கிடைக்கிறது. அது மேலிருக்கும் 3 வட்டவடிவ கைப்பிடியை தாங்கி நிற்கும் மூன்று பட்டையான கம்பிகள் இருக்கிறதல்லவா? அதில் உட்பக்கம் பார்த்தால் சிலிண்டரின் ஆயுட்காலம், காலாவதியாகும் தேதி போட்டிருக்கும். அதை கவனத்தில் எடுத்துக்கொள்ளுங்கள்..

அதில் ஒரு வருடத்தை நான்காக பிரித்து ஒவ்வொரு காலாண்டிற்கும் ஒரு எழுத்தை கொடுத்திருப்பார்கள். அதாவது முதல் காலாண்டிற்கு A எனவும், இரண்டாம் காலாண்டிற்கு B எனவும், மூன்றாம் காலாண்டுக்கு C..இப்படி மொத்தம் நான்காக A,B,C,D எனப்பிரித்து காலாவதியாகும் ஆண்டையும் குறிப்பிட்டிருப்பார்கள்.

உதாரணமாக ஒரு சிலிண்டரில் B.21 என்று போட்டிருக்கிறது என்று வைத்து கொள்வோம். இதில் B என்பது இரண்டாம் காலாண்டையும், 21 என்பது 2021 ஆண்டையும் குறிக்கிறது.

ஜனவரி, பிப்ரவரி, மார்ச் முதல் காலாண்டு A

ஏப்ரல், மே, ஜூன் இரண்டாம் காலாண்டு B

ஜூலை, ஆகஸ்ட், செப்டம்பர் மூன்றாம் காலாண்டு C

அக்டோபர், நவம்பர், டிசம்பர் நான்காம் காலாண்டு D

உதராணமாக B-12 என்று போட்டிருந்தால், இரண்டாம் காலாண்டு ஜூன் முடிய 2012 என்று பொருள்படும்.

அதுபோலவே தங்களுடைய சமையல் சிலிண்டரில் இருப்பதையும் ஒரு முறை பார்வையிட்டு சரியானதுதானா என்பதை சோதித்துக்கொள்ளுங்கள். ஒருவேளை முந்தைய வருடங்களாக இருந்தாலோ முந்தைய மாதங்களாக குறிக்கப்பட்டிருந்தாலோ அந்த சமையல் எரிவாயு சிலிண்டரை திருப்பி தந்துவிட்டு நடப்பு தேதியிட்ட, நடப்பாண்டிலிருக்கும் சிலிண்டரை பெற்றுக்கொள்ளுங்கள். அதுபோலவே பெற்றுக்கொண்ட சிலிண்டரை பாதுகாப்பான முறையில் திறந்து பழகிக்கொள்ள வேண்டும்.

மேல் மூடியை அதில் இணைக்கப்பட்டுள்ள கயிற்றை நம்மை நோக்கி வருமாறு ஒரு கையில் இழுத்து வைத்துக் கொண்டு, மறு கையில் அம்மூடியை மேலே இழுத்து மூடியை அகற்றலாம்.

பெண்கள் படிப்பு, வேலை என்று இறங்கிவிட்டதால் சமையல் அறை அவர்களுக்கு கொஞ்சம் தூரமாகிவிட்டது. திருமணம் நிச்சயிக்கப்பட்ட பின் சமைக்கப் பழகுவதும், திருமணத்திற்குப் பிறகு சமைக்கப் படிப்பவர்களும் ஏராளம். பல பெண்கள் சமையல் கற்றுக் கொள்வதற்காக பயிற்சி வகுப்புகளுக்கு கூட செல்கிறார்கள்.

பெண்கள் இப்படி மாறிவிட்டதால், ஆண்களுக்கும் சமைத்துப் பழகிக் கொண்டால்தான் நல்லது என்ற நிலை வந்துவிட்டது. குடும்பத்தினரை விட்டு தூரமாக இருந்து பணி செய்பவர்களும் தன் கையால் சமைத்து சாப்பிட வேண்டிய சூழலும் பெருகி இருக்கிறது.

எது எப்படியோ… நீங்கள் இப்போதுதான் கிச்சன் பக்கம் முதன் முதலாகபோகிறீர்கள் என்றால் உங்களுக்கு நிறையவே தயக்கம் வரும். அந்த தயக்கத்தை விரட்ட சில டிப்ஸ்…

* என்ன சமைக்கப் போகிறோம் என்பதை முதலில் முடிவு செய்து விடுங்கள். அதற்கு தேவையான பொருட்களையும் பட்டியலிடுங்கள். பிறகு தோலை உறிக்க வேண்டியது, வெட்டி துண்டுகளாக்க வேண்டியது, அரைத்து பக்குவப் படுத்த வேண்டியது போன்ற வேலைகளை செய்து விடுங்கள். அதன்பிறகு பிறகு அடுப்பை பற்ற வையுங்கள்.

* உதவிக்கு ஏற்கனவே சமையல் அனுபவம் உள்ளவர்களையோ அல்லது சமையல் புத்தகங்களையோ பக்கத்தில் வைத்துக் கொள்ளுங்கள். உதவிக்கு புத்தகமோ, ஆட்களோ இல்லாவிட்டால் கூட உங்கள் மீது நம்பிக்கை வைத்து களத்தில் இறங்கி விடுங்கள்.

* நம்பிக்கையுடன் சமைத்து விட்டு வாயில் வைத்துப் பார்க்கும்போதுதான் உப்பு, உறைப்பு கூடியிருப்பது தெரியவரும். கவலையே படாதீர்கள். நேரமும், அனுபவமும் சிறந்த ஆசிரியர்கள் என்பதை நினைவில் வைத்துக் கொண்டு, தொடர்ந்து சமைத்துப் பாருங்கள். தவறுகளை மெள்ள மெள்ள திருத்திக் கொள்ளலாம்.

* சமையலுக்கு முக்கியமானது பொருட்களின் அளவு தான் என்பதை நினைவில் வைத்துக் கொள்ளுங்கள். எது எது தேவை என்பதைப்போலவே அவற்றை எந்த அளவில் பயன்படுத்த வேண்டும் என்பதையும் மறக்கக்கூடாது. அதற்காக கரண்டி, கப் மற்றும் பாத்திரங்களின் அளவுகளை ஞாபகத்தில் வைத்திருப்பதன் மூலம் ஒவ்வொன்றின் அளவையும் மாற்றிவிடாமல் பயன்படுத்த முடியும்.

* முதன் முதலாக சமைக்கும்போது எளிதாக சமைக்க முடிந்ததும், குறுகிய நேரங்களில் சமைக்கக் கூடியதுமான குழம்புகளை வைத்துப் பழகுங்கள்.

அப்புறமென்ன! சீக்கிரமே நீங்களும் நளபாகனாக-நளபாகியாக மாறிவிடுவீர்கள்.

தேவையே இல்லாத நேரத்திலும் வீட்டில் மின் விசிறி சுற்றும், மின் விளக்கு எரியும். இதை நாம் கண்டுகொள்வதே இல்லை. மின்சாரத்தை மிச்சம் பிடித்து என்ன கோட்டையா கட்டப் போகிறோம் என மெத்தனமாக கேட்கிறோம். ஆனால் மின் ஆற்றலை சேமிப்பது நமக்கு மட்டுமல்ல, நமது நாட்டுக்கே நல்லது.

மின்சாரத்தை சேமிப்பதன் மூலம் காற்று மாசை குறைத்து சுற்றுச்சூழலையும் பாதுகாக்கலாம். ஏனெனில் இரண்டு சாதாரண கார்கள் வெளியேற்றும் கார்பன்-டை ஆக்சைடை விட, ஒரு வீட்டின் மின்சார பயன்பாட்டால் அதிகமான கார்பன்-டை-ஆக்சைடு வெளியேறும். பொதுவாக ஒரு வீட்டின் மொத்த மின் பயன்பாட்டில் பிரிட்ஜ், ஏ.சி., மின்விளக்குகளுக்கு அதிகம் செலவாகிறது.

ஏ.சி பொருத்தப்பட்டுள்ள அறையை முறையாக மூடி வைக்க வேண்டும், அதில் இடைவெளி இருந்தால் அதிக மின்சாரம் செலவாகும். ஆகவே இதைத் தவிர்க்க வேண்டும். சுவிட்சுகளும், அவற்றை நாம் பயன்படுத்தும் முறையும் கூட மின் ஆற்றலை வீணாக்கும் வகையில் அமைந்துவிடும். எனவே இவற்றில் கவனமாக இருக்க வேண்டும்.

வீட்டின் மின் பயன்பாட்டில் கிட்டத்தட்ட 20 சதவீதம் ஏ.சி.க்கு செலவாவதால் ஏ.சி. எந்திரத்தின் பயன்பாட்டை முறைப்படுத்துதல் நல்லது. ஏ.சி.யின் ‘அவுட்டோர் யூனிட்’டை மரத்தடி போன்ற நிழலான இடத்தில் வைத்தால் 10 சதவீதம் அளவில் மின் ஆற்றலை சேமிக்க அது உதவும். வீட்டை கிழக்கு, மேற்காக அமைப்பதன் மூலமும், வீட்டைச் சுற்றி மரங்களை வளர்ப்பதன் மூலமும், பசுமைக் கூரை அமைப்பதன் மூலமும், மென்மையான, ஒளிரும் நிற பெயிண்ட்டை வீட்டின் வெளிச் சுவர்களில் பூசுவதன் மூலமும் மின் ஆற்றலை சேமிக்கலாம்.

அதே போன்று பிரிட்ஜையும் கவனத்துடன் பயன்படுத்த வேண்டும். அளவுக்கு அதிகமான குளிர் நிலவும்படி பிரீசர்களை வைத்திருத்தல் நல்லதல்ல. கூடுமான வரையில் பிரிட்ஜை அடிக்கடி மூடி திறப்பதைக் குறைத்து கொள்ள வேண்டும். நொடிக்கொரு முறை பிரிட்ஜை மூடித் திறந்தால் மின் ஆற்றல் வீணாகும்.

பிரிட்ஜுக்கும் சுவருக்கும் இடையே போதிய இடைவெளி இருப்பது அவசியம். இதனால் பிரிட்ஜின் மின்சாரத் தேவை குறைய வாய்ப்புள்ளது. பிரிட்ஜின் கதவு நன்கு இறுக்கமாக மூடி இருக்க வேண்டும். அதில் இடைவெளி இல்லாமல் இருப்பது அவசியம்.

வாஷிங் மெஷினைப் பொறுத்தவரை எப்போதும் முழுமையாக பயன்படுத்த வேண்டும். அதாவது அதன் மேக்ஸிமம் லோடு அளவுக்கு துணிகள் இடம் பெற வேண்டும். டிடர்ஜெண்ட் பவுடர் தேவையான அளவு போட வேண்டும். மிக அழுக்கான துணிகளுக்கு மட்டுமே சுடுநீரைப் பயன்படுத்த வேண்டும். எனவே வீடுதோறும் அனைவரும் மின்சாரத்தை சிக்கனமாக பயன்படுத்தி சுற்றுச்சூழல் மாசுவை தடுப்போம்.

மைக்ரோவேவ் ஓவன்கள் தற்போது ஸ்டீல் மூலம் உணவு தயாரிப்பு முறையை கையாளத் தொடங்கியுள்ளன. நீராவி மூலம் வேக வைத்த உணவு பொருட்களில் உள்ள ஊட்டச்சத்து, விட்டமின் மற்றும் மினரல்கள் எந்தவித இழப்புமின்றி நன்கு கிடைக்கின்றது. கன்வென்ஷன் ஓவன் என்பது ஸ்டீம் ஓவன் இணைந்தவரே வருகின்றது. அதாவது அதில் கன்வென்ஷன் தனியாகவும், ஸ்டீம் பகுதியாகவும் பணி புரியும் அமைப்புடன் உள்ளது.

ஸ்டீம் ஓவன் என்பதில் தனிப்பட்ட தண்ணீர் நிரப்பும் பகுதி உள்ளது. அதனை முன்பே நிரப்பிட வேண்டும். சிலர் அந்த தண்ணீர் பிரிவுக்கு தண்ணீர் செல்வதற்கு ஏற்ற தனிப்பட்ட பைப் அமைப்பை ஏற்படுத்தியும் விடுகின்றனர். இதன் மூலம் தண்ணீர் குறையும்போது அவ்வவ்போது தண்ணீர் நிரம்பிவிடும். ஸ்டீம் மூலம் இயக்கம் ஆரம்பித்தவுடன் தண்ணீர் ஆவியாகி அதிலிருந்து நிராவி ஓவன் உட்புறம் பகுதியில் பரவி உணை வேகவைக்கும்.

இதில் சில சூடான தகடு மூலம் வெப்பம் பரவும் வகை 50 சதவீதமும், நீராவி மூலம் வெப்பம் பரவுதல் 50 சதவீதமும் உள்ள வகையில் செயல்பாடு உள்ளது. இதன் மூலம் உணவு மேற்புறம் நல்ல கிரிஸ்பியாகவும், உட்புறம் ஈரத்தன்மையுடன் இருக்கும். மேலும் 20 சதவீத அளவிற்கு விரைவாக உணவு தயார் செய்திடவும் ஸ்டீம் ஓவன் உதவி செய்கிறது. ஒரு சில மாடல்களில் உள்ள சென்சார் அமைப்பு எந்தவிதமான உணவிற்கு எவ்வளவு கன்வென்ஷன் பிரிவை உட்செலுத்துவது, எவ்வளவு நீராவி வெப்பத்தை உட்செலுத்துவது என்பதை கண்டறிந்து தேவையான அளவில் இரு வகை பிரிவுகளை சீரான உட்செலுத்தும் வகையில் சிறப்புடன் இயங்குகிறது.

ஸ்டீம் ஓவனில் ஏற்படும் நன்மைகள்


சைக்லோனிக் தொழில்நுட்ப டிரை ஸ்டீம்

ஸ்டீம் ஓவன்கள் என்பதில் நீராவி மூலம் சமையல் செய்யப்படும்போது உட்புறம் தண்ணீர் வடிவது மற்றும் கீழ்புறத் தட்டுகளில் தண்ணீர் கொட்டுவது போன்ற பிரச்சினை ஏற்படாது இருக்க வேண்டி புதிய தொழில்நுட்பம் பயன்படுத்தப்பட்டுள்ளது. சைக்லோனிக் தொழில்நுட்பத்தின் மூலம் பனிமூட்டம் போன்ற டிரை ஸ்டீம் ஒரே சீராக ஓவன் உட்பகுதி முழுவதும் பரவ விடப்பட்டு உணவு வேகவைக்கப்படுகிறது. இதன் மூலம் நீராவியில் உள்ள நீர் கீழ்படியாது உடனடியாக மறைந்து விடுகிறது. ஸ்டீம் குக்கிங் செயல்பாடு மூலம் உட்புற பகுதி எந்தவித தண்ணீர் வடியாதவாறும், திரவ திட்டுக்கள் ஏதும் காணப்படாதவாறும் நவீன தொழில்நுட்ப வசதி மூலம் சீரிய முறையில் செயல்பட வைக்கப்படுகிறது.

சீரான அளவில் மல்டி ஸ்டீம் வெளிப்பாடு

மல்டி ஸ்டீம் என்ற அமைப்பில் ஒரே சீரான அமைப்புடன் 360 டிகிரி அளவில் வெளிப்படுத்துகின்றது. இதன் மூலம் மிக வேகமான உணவு வேக வைத்தல் நிகழ்கிறது. சிறப்பு மிகு 3டி டிசைன் அமைப்பு பின்புற சுவர் என்பது சீரான ஆவியை வெளிப்படுத்தும் வகையிலான துளைகள் கொண்டவாறு உள்ளன.

தண்ணீர் டேங்க் அமைப்பு

புதிய டேங்க் அமைப்பு என்பது ஒருங்கிணைந்த கண்ட்ரோல் பேனல் வகையுடன் இணைக்கப்பட்டுள்ளது. பெரிய ஸ்டீம் ஓவனுக்கு ஏற்றவாறு நீராவி பாய்ச்சலை தரும்போது தண்ணீர் சிந்தாமல் இருக்க வேண்டீ உட்பொருத்தப்பட்ட அலை அமைப்பு சிறப்புடன் செயல்படுகிறது. அதுபோல் நீராவி செயல்பாடு முடிந்தவுடன் டேங்க் என்பதை கழற்றி மாட்டி விடும் அமைப்பாக உள்ளது. அதுபோல் இந்த தண்ணீர் டேங்க் என்பது டிஷ்-வாஷர் சேப்-ஆக உள்ளதால் சுலபமாக டிஸ்வாஷரில் சுத்தம் செய்து கொள்ளலாம்.

தானியங்கி வெண் படிமம் நீக்கும் அமைப்பு

நீராவி மூலமாக உட்பகுதி செயல்படும்போது அதன் உட்பகுதி வெண் படிமம் படிந்து பாதிப்பு ஏற்பட வாய்ப்புகள் உள்ளது. அதனால் ஓவனின் உட்பகுதியை அசுத்தம் செய்ய ஆட்டோ டீகால் அமைப்பை இயக்கிட அது வெண் படிமம் ஏதும் ஏற்படாத வகையில் சுத்தம் செய்யும் பணியை தொடங்கிவிடும். ஸ்டீம் ஓவன் அமைப்பு மூலம் உணவுகள் நல்ல சுவையுடன், ஆரோக்கிய சத்துக்கள் இழப்பின்றி கிடைக்க வழிவகைச் செய்யப்படுகிறது. 

அனைவரின் வீட்டிலும் தற்போது ரெப்ரிஜிரேட்டர் பயன்பாடு உள்ளது. சிறியது, பெரியது என்ற அவரவர் விருப்பத்திற்கு ஏற்ற அளவுகளில் ரெப்ரிஜிரேட்டர்கள் உள்ளன. அதிக விலை கொடுத்து வாங்கும் ரெப்ரிஜிரேட்டர்களை சரியாக பராமரிப்பது மூலமே சரிவர இயங்குவதற்கும், அதன் ஆயுட்காலம் நீட்டிப்பதற்கும் வழிவகை செய்யமுடியும். அதுபோல் ரெப்ரிஜிரேட்டர் சரிவர பராமரித்தால்தான் அதன் குளுமை திறன் மற்றும் உணவு பொருட்கள் வீணாவது தடுக்க முடியும். அந்த வகையில் ரெப்ரிஜிரேட்டர் பராமரிக்க தேவையான வழிமுறைகள் இதோ:-

கண்டென்ஸர் காயில்களை சுத்தப்படுத்தவும்

ரெப்ரிஜிரேட்டரின் சரியான இயக்கத்திற்கும், மின் செலவிற்கும் உதவுவது கண்டென்ஸர் காயில்கள்தான். இதில் அதிக தூசு மற்றும் அழுக்கு படிந்து விட்டால் இதன் இயக்கம் சரிவர நடைபெறாது. அதன் மூலம் அதிக மின் செலவு ஏற்படும். எனவே மூன்று மாதத்திற்கு ஒருமுறை தூசு விரட்டி (அ) வாக்யூப் கிளினர் வாயிலாக கண்டென்ஸர் காயிலை சுத்தம் செய்திட வேண்டும். கண்டென்ஸர் காயில் என்பது பிரிட்ஜின் பின்புறம் (அ) கீழ் பகுதியில் இருக் கும்.

டிரையின் ஹோல் சுத்தம் செய்தல்


கேஸ்கட்டை சுத்தம் செய்திட வேண்டும்

கேஸ்கட் என்பது ரெப்ரிஜிரேட்டர் கதவு மற்றும் பிரிசர் கதவுகளில் உள்ளது. இதுவே ரெப்ரிஜிரேட்டரின் உட்பகுதி குளுமை வெளியேறாமல் பாதுகாக்கும். இந்த கேஸ்கட் வெடிப்புகள் மற்றும் பிளவு ஏற்பட்டு இருக்கிறதா என்பதை அவ்வப்போது சோதித்திட வேண்டும். மேலும் இந்த கேஸ்கட்டை சுலபமாக வெளியே கழட்டி விடமுடியும். அவ்வாறு கழட்டி அதனை சோப்பு பவுடர் கொண்டு சுத்தம் செய்திட்டு பின் மாட்டி விடலாம். இதன் மூலம் கேஸ்கட் சுத்தமாவதுடன் அதில் வெடிப்பு, பிளவு ஏற்படாது.

உட்புற டெம்பரேச்சர் அளவை கண்காணித்தல்

அவ்வப்போது பிரிட்ஜின் உட்புற டெம்பரேச்சர் அளவை பரிசோதித்து சரி செய்திடல் வேண்டும். அதிக பொருட்கள் உள்ளபோது 37 முதல் 40 டிகிரி வரை பாரன்ஹிட் அளவு உள்ளவாறு பராமரித்தல் வேண்டும். பிரிஸரின் டெம்பரேச்சர் என்பது 0-5 பாரன்ஹீட் அளவு இருந்திட வேண்டும். டெம்பரேச்சர் சரியாக பராமரித்தல் மூலம் மின் செலவு குறையும்.

வாட்டர் பில்டரை மாற்றவும்

தற்போது வரும் ரெப்ரிஜிரேட்டர்களில் ஐஸ் மேக்சன் மற்றும் ராட்டர் டிஸ்பென்சர்கள் உள்ளன. அதில் வாட்டர் பில்டர்கள் உள்ளன. அவற்றை சரியான கால இடைவெளியில் மாற்றிட வேண்டும். பெரும்பாலும் 6 மாதத்திற்கு ஒருமுறை வாட்டர் பில்டர்களை மாற்றுவது அவசியம். அப்படியெனில் பிரிட்ஜ் நிறுவனம் வழங்கிய மேனுவலில் உள்ள அறிவுரைப்படி மாற்றுதல் வேண்டும்.

பிரிட்ஜ் பயன்பாட்டில் கவனிக்க வேண்டிய முக்கிய விஷயங்கள்

அதிக சூட்டுடன் உணவு பொருட்களை பிரிட்ஜ் உட்புறம் வைத்தல் கூடாது. அவ்வப்போது பிரிட்ஜ் கதவுகளை திறந்து மூடவோ, அதிக நேரம் கதவை திறந்து வைத்து இருப்பதோ கூடாது. இதன் மூலம் அதிக மின் செலவு மற்றும் பிரிட்ஜ் அதிக இயக்கத்திறனை கட்டுப்படுத்திட முடியும். பிரிட்ஜ் உட்புறத்தையும் அவ்வப்போது தூய்மை செய்திடவேண்டும். ரெப்ரிஜிரேட்டர் தயாரிப்பு நிறுவனங்களில் அளித்துள்ள பராமரிப்பு குறிப்புகளை படித்து பார்த்து அதன்படி அவ்வப்போது தூய்மை மற்றும் மாற்றவேண்டிய உபகரணங்களை மாற்றிடுதல் வேண்டும்.

வினிகர் கொண்டு கேஸ்கட் மற்றும் உட்புற பகுதிகளை தூய்மை செய்வது மிக சிறப்பானதாக இருக்கும். 

உங்கள் ஆரோக்கியம் மருத்துவமனையால் அல்ல, உங்கள் சமையல் அறையால்தான் பாதுகாக்கவும், தீர்மானிக்கவும்படுகிறது. அதனால் நீங்கள் ஆரோக்கியமாக இருக்கவேண்டும் என்றால், உங்கள் சமையல் அறை சுத்தமாக இருக்கவேண்டும். அதிலும் நீங்கள் அடிக்கடி வயிற்றுப் பிரச்சினைகளால் பாதிக்கப்படுகிறவராக இருந்தால், அதற்கு நிச்சயமாக உங்கள் சமையல் அறை சுகாதாரக்குறைவும் ஒரு காரணமாக இருக்கும். உணவு விஷத்தன்மையால் உருவாகும் புட் பாய்சன், அலர்ஜி, வயிற்றுக்கோளாறு, நோய்த் தொற்று, எலிக்காய்ச்சல் போன்ற பல்வேறு பாதிப்புகள் சமையல் அறை சுத்தமின்மையால்தான் ஏற்படுகின்றன.

சமையல் அறையையும், சமையல் அறை பொருட்களையும் சுத்தமாக வைக்கவேண்டிய விதம் பற்றி பார்ப்போம்!

பழங்கள் மற்றும் காய்கறிகளை பெரும்பாலும் கழுவித்தான் எல்லோரும் பயன்படுத்துகிறார்கள். அதுமட்டும் போதாது. அவற்றை நறுக்க பயன்படுத்தும் கத்தியும் தூய்மையாக இருக்க வேண்டும். நறுக்கிய பழங்களை பரிமாறும் பாத்திரங்களையும் சுத்தமாக வைத்திருக்கவேண்டியது அவசியம். பச்சை காய்கறிகளை நறுக்கும்போது அதில் இருக்கும் நுண்கிருமிகள் கத்தியிலும், அரிவாள் மனையிலும் படிந்துவிடும். அதை கழுவாமல் அப்படியே வைத்திருந்தால் அவை பெருகிக்கொண்டே இருக்கும். அதே கத்தியை கழுவாமல் பயன்படுத்தும்போது அந்த நுண்கிருமிகள் புதிதாக வெட்டும் பொருளில் பதிந்து விடும். அவைகளை சாப்பிடும்போது, வயிற்றுக்குள் சென்று பல்வேறு விதமான நோய்களை உருவாக்கும்.

சமையலறை ‘சிலாப்பை’ அடிக்கடி தூய்மைப்படுத்த வேண்டியது அவசியம். சுத்தமான துணியால் துடைத்து அழுக்கை போக்க வேண்டும். ‘ஸ்டவ்’ அடுப்பை சுற்றியுள்ள பகுதியை அவ்வப்போது சுத்தம் செய்வதும் அவசியம். சிலாப் போன்ற சுகாதாரமற்ற பகுதியில்வைத்து எந்த பொருளையும் நறுக்கக்கூடாது. அவ்வாறு நறுக்கி உட்கொள்ளப்படும் உணவுப் பொருட்களால் நோய்த்தன்மை உருவாகக்கூடும்.

பாத்திரங்களை துலக்கும் சோப்புகள், பாத்திரங்களில் ஒட்டியிருக்கிறதா என்று பார்க்க வேண்டும். சோப்பு சிறிதளவேணும் ஓரங்களில் ஒட்டியிருந்தால் நாம் சமைக்கும் உணவோடு கலந்து விடும். அதனால் பலவிதமான ரசாயன மாற்றங்கள் ஏற்பட்டு, வயிற்றிற்குள் சென்று ‘புட் பாய்சன்’ ஆகிவிடும்.



பாத்திரங்களை கொட்டிவைத்து கழுவும் ‘சிங்க்’கை அடிக்கடி சுத்தம் செய்வது அவசியம். அதை சுத்தமாக்கிய பின்பே அதில் பாத்திரங்களை வைத்து கழுவ வேண்டும். பிசுபிசுப்பு படிந்த பாத்திரங்களை அதிக நேரம் வைத்திருக்காமல் உடனே கழுவி துடைத்திடவேண்டும். உணவுப் பொருட்களை பாத்திரங்களில் பல மணி நேரம் வைத்திருந்தால் அதில் சிலவகை பாக்டீரியாக்கள் உருவாகும். அது நேரம் அதிகமாகும்போது பன்படங்கு பெருகும். இதனால் பல வித வயிற்று உபாதைகள் உருவாகும்.

பெரும்பாலான வீடுகளில் எல்லா நேரமும் ‘சிங்க்’கில் தண்ணீர் தேங்கிக்கிடக்கும். அவ்வாறு தண்ணீர் தேங்கக்கூடாது. அவ்வப்போது சிங்க்கை கழுவி, உலரச் செய்யவேண்டும். அதனை கழுவுவதற்கென்று ஆன்டி பாக்டீரியல் பொருட்கள் கடைகளில் உள்ளன. அவற்றை வாங்கி பயன்படுத்துங்கள். துலக்கிய பாத்திரங்களில் இருக்கும் நீரை வடித்து, சில மணி நேரம் வெயிலில் காயவைத்த பின்பே பயன்படுத்த வேண்டும். வெயில் நல்ல கிருமி நாசினி. சமையலறைகளில் ஜன்னல்களை திறந்து வைத்து சூரியன் உள்ளே படும்படி இருக்க வேண்டும். அப்போதுதான் நோய்க்கிருமிகள் அழியும்.

கெட்டுப் போன காய்கறிகள், பழங்கள் ஏதேனும் இருந்தால் உடனடியாக அவற்றை குப்பையில் போட்டு விடவேண்டும். ரொட்டி, வெல்லம், பழ வகைகளின் மேற்புறத்தில் வெள்ளை படிந்த பூசனம் பரவி இருந்தால் அந்த பகுதியை மட்டும் வெட்டி நீக்கிவிட்டு மீதமுள்ளதை சாப்பிடுவது நல்ல பழக்கம் இல்லை. இந்த பூசனம் என்பது ஒரு பொருள் மீது படர்ந்து விட்டால் அந்த பொருளின் உட்பகுதியிலும் பரவியிருக்கும் என்பதை உணருங்கள்.

பழைய மாவு, ரவை போன்றவற்றில் வண்டு, கிருமிகள் தோன்றி விட்டால் அதை சலித்து காயவைத்து மறுபடியும் பயன்படுத்தாதீர்கள். ஒரு கிருமி வெளியேறும் போது பல முட்டைகளை வைத்து விட்டுத்தான் போகும். அவை கண்ணுக்குத் தெரியாத கிருமிகள். சலித்தாலும் நீங்காது. ஆரோக்கிய வாழ்வின் ரகசியமே சுத்தமான கிச்சனில் இருந்து தான் தொடங்குகிறது. இதை தெரிந்து கொண்டால் நோய்களை நிரந்தரமாக உங்களிடம் இருந்து அகற்றலாம்.

நகர்ப்புற வளர்ச்சிகள் காரணமாக குடியிருப்புகளில் இடப்பற்றாக்குறை ஏற்படுவது இப்போது சகஜமான விஷயமாக மாறிவிட்டது. குளியலறை, கழிவறை மற்றும் சமையலறை ஆகியவை இட நெருக்கடி காரணமாக குறுகிய அளவுகள் கொண்டதாகவும், நெருக்கமாகவும் கட்டமைக்கப்படுகின்றன. சிங்கிள் பெட்ரூம் பிளாட்டில் குடியிருப்பவர்களுக்கு மட்டுமல்லாமல், இரண்டுக்கும் மேற்பட்ட குடும்ப அங்கத்தினர்கள் கொண்ட சிறிய குடியிருப்புகளிலும் சமையலறைக்கான இடத்தை ஒதுக்குவது சிக்கலான விஷயமாக உள்ளது.

மேற்கண்ட பிரச்சினையை தவிர்க்க உதவும் கண்டுபிடிப்பாக ‘ஆல் இன் ஒன் கிச்சன்’ என்ற சமையலறை உருவாக்கப்பட்டுள்ளது. அதாவது, எளிதாக நகர்த்தவும், சுழலச்செய்யவும், இன்னொரு இடத்திற்கு எடுத்துச்செல்லவும் உகந்த பல்வேறு சிறப்பம்சங்களோடு இந்த அமைப்பு தயாரிக்கப்பட்டுள்ளது. வீட்டின் ஏதாவது ஒரு இடத்தில் 6 சதுர அடி இடம் இருந்தால் இந்த நவீன சமையலறையை கொண்டுபோய் வைத்து சமையல் வேலைகளை செய்ய இயலும்.

மேலை நாட்டு முறை

மேலை நாடுகளில் பரவலாக உபயோகத்தில் இருந்து வரும், அலமாரிகளுடன் இணைந்த சமையலறை ‘கான்செப்ட்’ இப்போது நமது நாட்டிலும் ஆங்காங்கே பரவி வருகிறது. 400-க்கும் குறைவான சதுர அடி பரப்பளவில் கட்டப்படும் மலிவு விலை வீடுகளில் சமையலறைக்கான இடத்தை ஒதுக்குவதில் உள்ள சிக்கலை இந்த நவீன அமைப்பு மூலம் தீர்க்க இயலும் என்பது கவனிக்கத்தக்கது.

மின் இணைப்புகள்

இந்த அமைப்பை சமையல் வேலைகள் முடிந்த பிறகு சாதாரண பீரோவைப் போல மூடி வைத்துக் கொள்ள முடியும். இந்த மாடர்ன் கிச்சனில் ‘லைட்டிங்’, ‘எலட்ரிகல் சர்க்கியூட்’ போன்ற மின் அமைப்புகள் மற்றும் இணைப்புகள் கச்சிதமாக அமைக்கப்பட்டு ‘எலக்ட்ரிக் ஓவன்’, ‘மிக்சி’, ‘ஸ்டவ்’ போன்ற மின்சார சாதனங்களை உபயோகித்துக் கொள்ள தக்க வசதிகள் செய்யப்பட்டுள்ளன.



தண்ணீர் குழாய்கள்

மேலும், தண்ணீருக்கான பைப் லைன் மற்றும் உபயோகித்த தண்ணீரை வெளியேற்றுவதற்கு உரிய வசதிகளும் இணைக்கப்பட்டுள்ளன. சமையலறை பொருட்கள், பாத்திரங்கள், உபகரணங்கள் ஆகிய அனைத்தையும் இந்த அமைப்புக்குள் அதற்குரிய இடங்களில் வைத்துக்கொள்ளலாம். குறிப்பிட்ட அறையில் உள்ள பொருட்கள் அல்லது சாதனங்களை எடுத்து இந்த சமையலறையில் பயன்படுத்தும் வகையில் 180 டிகிரி முதல் 360 டிகிரி வரை சுழலும் அமைப்பில் இது உருவாக்கப்பட்டுள்ளது.

பயன்படுத்த எளிது

உட்புறம் முழுவதும் ஸ்டெய்ன்லெஸ் ஸ்டீல் தகடுகள் மூலம் வடிவமைக்கப்பட்டு, வெளிப்புறத்தில் ஸ்டீல் மற்றும் மரத்தாலான வேலைப்பாடுகள் கொண்டதாகவும் ‘பினிஷிங்’ செய்யப்பட்டுள்ளது. ‘பென்ச் டாப்’, மற்ற ‘பிட்டிங்ஸ்’, ‘பினிஷிங்’ மற்றும் அழகான வண்ணப்பூச்சு ஆகிய அம்சங்கள் கொண்டதாக உள்ள இந்த நவீன சமையல் கூண்டு அமைப்பு மேலை நாடுகளில் பரவலான உபயோகத்தில் இருந்து வருகின்றன.

இந்த வகை குட்டி சமையல் அறைகளை சிறிய அளவு கொண்ட வீடுகளில் சமையல் அறைக்காக பிரத்தியேக அமைப்பு ஏதும் செய்யப்படாமலேயே அமைத்து பயன்படுத்த முடியும் என்பதோடு, மாணவர்கள் தங்கள் அறைகளில் அமைத்து எளிதாக சமையல் வேலைகளை செய்து கொள்ளலாம் என்பது கவனிக்கத்தக்கது.

சிறிய இடம் போதும்

சாதாரண சமையலறை அமைக்க 20 சதுர அடி முதல் 30 சதுர அடிகளுக்கும் மேல் இடம் தேவைப்படும். ஆனால், 6 சதுர அடி மட்டும் தேவைப்படக்கூடிய இந்த ‘ஆல் இன் ஒன் கிச்சன்’ வீடுகளில் உள்ள குட்டி அலமாரி போன்ற தோற்றம் தரக்கூடியது. நமது பகுதியில் புதுமையாக உள்ள இந்த அமைப்பு ரெடிமேடாக நமது கடைகளில் கிடைக்க இன்னும் சற்று கால தாமதம் ஆகலாம். இருப்பினும், கொஞ்சம் அதிகமான பட்ஜெட் கொண்ட, இந்த மொபைல் சமையலறையை செய்து தரக்கூடிய தனி நபர்கள் அல்லது பர்னிச்சர் நிறுவனங்கள் நமது பகுதியிலும் இருக்கலாம். 

சமையலறையில் கேஸ் ஸடவ் சமையலைவிட தற்போது மைக்ரோவேவ் ஓவன் சமையல் தான் அதிகப்படியாக நடைபெறுகிறது. ஏனென்றால் கேஸ் அடுப்பின் வெந்தனல் சமையலின் போது சமைப்பவரும் ஏறக்குறைய வெப்பத்தின் பிடியில் சிக்கி தவிக்க வேண்டிய சூழல். ஆனால் மைக்ரோவேவ் ஓவன் அப்படி இல்லை. எந்த அனலும் இல்லை. புகையும் இல்லை.

சுவைமிகு அனைத்து அயிட்டங்களும் ருசியுடன் சமைத்து தந்துவிடுகிறது. அதுவுமின்றி நேரம் சிக்கனம், எரிபொருள் சிக்கனம். ஒவ்வொரு விதமான உணவு தயாரிப்பிற்கும் ஏற்ற இயக்க வசதி என அனைத்திலும் மைக்ரோ வேவ் ஓவன்கள் தனித்து விளங்குகின்றன. தற்போது இந்தியாவின் சிறப்பு மிகு தனிப்பட்ட உணவுகளுக்கு ஏற்றவாறு சமைத்திட வசதியான மைக்ரோ வேவ் ஓவன்கள் வந்து விட்டன.

அனைத்து சமையலும் ஒரே ஓவனில்

சமையல் என்பதில் அவித்தல், பொறித்தல், வறுத்தல், வேகவைத்தல் போன்ற பல பணிகள் உண்டு. இது போன்ற ஏராளமான பணிகள் பலவற்றையும் மேற்கொள்ள வசதியான தனிச்சிறப்பு ஓவன்கள் வந்துள்ளன. இதன் மூலம் விதவிதமான இந்திய மற்றும் வெளிநாட்டு உணவு வகைகளையும் சமைத்து உண்ணலாம். விருந்தினர்கள் மற்றும் பண்டிகை நேரத்தில் பல வகையான உணவு வகைகளை தயார் செய்வது கடினமான பணி. ஆனால் அனைத்து வகையான சமையலையும் மேற்கொள்ளக் கூடிய மைக்ரோ வேவ் ஓவன் ஒன்று இருந்தால் போதும் அத்தனையும் சில மணிநேரத்தில் செய்து பரிமாறலாம்.

வறுத்தல், பொறித்தல், பார்பிக்யூ, சூடுபடுத்துதல், நீராவி வேகவைத்தல், கிரில்லிங், பேக் செய்தல், பதப்படுத்துவது, ஸ்டூவிங், அதிக எண்ணெயின்றி வறுத்தல் என பல பணிகளை ஒரே ஓவன் செய்து முடித்து விடுகிறது.



சுவைமிகு பார்பிக்யூ உணவுகள்

பார்பிக்யூ உணவுகளை தயாரித்திட தனிப்பட்ட கருவி வேண்டாம். புதிய அனைத்தும் உள்ளடங்கிய மைக்ரோ வேவ் ஓவனில் அதே சுழலக்கூடிய ரோட்டினரி வசதியுள்ளதால் முற்றிலும் 360 டிகிரி சுழற்சியில் ஒரே சீரான வேகவைத்தல், மொறுமொறுப்பு என சிக்கன் டிக்கா, பன்னீர் டிக்கா போன்றவைகளை செய்து உண்ண முடியும். மோட்டார் வசதியுடன் சுழலக்கூடிய கம்பி அமைப்பு உள்ளதால் மற்ற ஓவன்களை விட இதில் பார்பிக்யூ உணவுகள் சீக்கிரமாக, சுவையுடன் செய்து கொள்ள முடியும். குழந்தைகள் முதல் பெரியவர் வரை விரும்பும் விதவிதமான பார்பிக்யூ உணவு வகை மெனுவும் உள்ளது.

ஸ்டெயின்லெஸ் ஸ்டீல் உட்புற அமைப்பு

உட்புற தகடு அமைப்பு என்பது புதிய ஸ்டெயின்லெஸ் ஸ்டீல் பொருந்தியவாறு வந்துள்ளது. இதன் மூலம் சூடு உட்புறம் சீராக பரவி சீரான வேகவைத்தலை நடைமுறை படுத்துகிறது. சிராய்ப்பு மற்றும் பூச்சுகள், காயம் ஏற்பட்டு விடும் என்ற பயமின்றி சமைக்க முடியும்.

சுத்தமான நெய் உருக்க வசதியான ஓவன்

பெரும்பாலும் வெண்ணெய்யை வாங்கி வீட்டில் நெய்யை உருக்கும் போது ஒரு வித வாசம் வீசும். அந்த வாசம் ஏதும் வீசாமல் 12 நிமிடத்தில் வெண்ணெய்யை நெய்யாக உருக்கி தந்துவிடுகிறது ஓவன். மைக்ரோ ஓவன் கிளாஸ் பவுலில் வெண்ணெய்யை போட்டு நெய் பட்டனை அழுத்தினால் போதும் நெய் காய்ச்சி தந்து விடும்.

அதிக எண்ணெய்யின்றி பொறித்தல்

கொழுப்பு மற்றும் எண்ணெய் பதார்த்தங்கள் சாப்பிட தயங்குபவர்களுக்கு என அதிக எண்ணெய் உறிஞ்சாத சமோசா, வடை, பஜ்ஜி போன்றவைகளை சமைத்து உண்ண வசதியான அமைப்பு உள்ளது. இதன் மூலம் பொறிக்கும் போது அந்த உணவு பொருளில் வெகு குறைந்த அளவு எண்ணெய்தான் இருக்கும். பயமின்றி உண்ணலாம். ஆரோக்கியமானது.