நீங்கள் தேடியது "வெள்ளம்"

விழுப்புரம்:

தென்மேற்கு வங்கக் கடல் பகுதியில் வளி மண்டல மேலடுக்கு சுழற்சி உருவாகி இருப்பதால் கடலோர மற்றும் டெல்டா மாவட்டங்களில் விட்டு விட்டு பரவலாக மழை பெய்ய கூடும் என்று வானிலை ஆய்வு மையம் அறிவித்து இருந்தது.

இதையடுத்து விழுப்புரம் மற்றும் அதன் சுற்று வட்டார பகுதிகளான தோகைப்பாடி, நன்னாடு, வழுதரெட்டி உள்பட பல்வேறு பகுதிகளில் நேற்று மாலையில் இருந்து லேசாக மழை தூரிக்கொண்டிருந்தது. இரவு 9.30 மணியளவில் பலத்த மழை பெய்தது.

2 மணி நேரம் நீடித்த இந்த மழையினால் சாலைகளில் தண்ணீர் வெள்ளம் போல் பெருக்கெடுத்து ஓடியது.

தாழ்வான பகுதிகளில் மழை நீர் வெள்ளம் போல் தேங்கி நின்றது. இன்று காலையும் அந்த பகுதிகளில் தொடர்ந்து மழை தூறி கொண்டே இருந்தது. விழுப்புரம் மாவட்டத்தில் உள்ள கோலியனூர், அரசூர், மயிலம், முண்டியம்பாக்கம் உள்ளிட்ட பகுதிகளில் லேசான மழை பெய்து வருகிறது.

கடலூரில் நேற்று முன்தினம் இரவு முதல் சாரல் மழை விட்டு விட்டு பெய்யத்தொடங்கியது. இந்த நிலையில் நேற்று இரவும் மழை தொடர்ந்து தூரிக்கொண்டே இருந்தது.

இதைத்தொடர்ந்து இன்று காலை 9 மணியளவில் பலத்த மழை பெய்தது. இந்தமழை சிறிது நேரம் நீடித்தது. இதனால் வாகன ஓட்டிகள் மழையில் நனைந்தபடியும், முகப்பு விளக்குகளை எரியவிட்டபடியும் வாகனங்களை ஓட்டிசென்றனர். தொடர்ந்து மழை லேசாக விட்டு விட்டு தூரிக்கொண்டே இருந்தது.

பெண்ணாடம் மற்றும் திட்டக்குடி பகுதிகளில் நேற்று காலை 7 மணியில் இருந்து லேசாக மழை பெய்தது. இரவு 7 மணியளவில் பலத்த மழை பெய்தது. சுமார் 1 மணிநேரம் நீடித்தது. இதைத்தொடர்ந்து மழைநீர் வடிந்து செல்ல வழியில்லாமல் அந்த பகுதியில் உள்ள பெண்ணாடம் கடை வீதிகளில் வெள்ளம்போல் தேங்கி நின்றது.

ஸ்ரீமுஷ்ணம் மற்றும் அதன்சுற்றுவட்டார பகுதிகளான அம்புஜ வல்லி பேட்டை, கள்ளிப்பாடி, காவனூர், எசனூர், வெங்கடசமுத்திரம், நகரபாடி உள்ளிட்ட பல்வேறு பகுதிகளில் நேற்று இரவு 10 மணியளவில் பலத்த மழை பெய்தது.

1 மணிநேரம் பெய்த மழையினால் அந்த பகுதிகளில் உள்ள சாலைகளில் மழைநீர் பெருக்கெடுத்து ஓடியது.

இதேபோல் கடலூர் மாவட்டத்தில் உள்ள வேப்பூர், விருத்தாசலம், நெய்வேலி, சிதம்பரம், புவனகிரி உள்ளிட்ட பல்வேறு பகுதிகளில் சாரல் மழை விட்டு விட்டு பெய்து வந்தது.

கடலூர் மாவட்டத்தில் பெய்த மழையின் அளவு (மி.மீட்டர்) பின்வருமாறு:-

சிதம்பரம்-35, கொத்தவாச்சேரி-32, அண்ணாமலைநகர்-31, சேத்தியாத்தோப்பு-30, புவனகிரி-27, ஸ்ரீமுஷ்ணம்-23.40, பரங்கிப்பேட்டை-23, காட்டு மன்னார் கோவில்-22, வடக்குத்து-19, குறிஞ்சிப்பாடி-15, கடலூர்-15.80, லால்பேட்டை-13.80, கீழ்செறுவாய்-13, வேப்பூர்-11, தொழுதூர்-7, விருத்தாசலம்-5.30, பண்ருட்டி-3.

குள்ளனம்பட்டி:

திண்டுக்கல் நகரில் நேற்று இரவு முதல் இடைவிடாது கன மழை பெய்தது. இதனால் மக்கள் இயல்பு வாழ்க்கை பெரிதும் பாதிக்கப்பட்டது. நகரின் தாழ்வான பகுதியான கக்கன் நகரில் மழை நீர் தேங்கி 50 வீடுகளுக்குள் புகுந்தது. இதனையடுத்து அப்பகுதி மக்களே தண்ணீரை அகற்றும் பணியில் ஈடுபட்டனர்.

இருந்த போதும் மழை பெய்து கொண்டே இருந்ததால் நீரை முழுமையாக அகற்ற முடியவில்லை. இது குறித்து மாநகராட்சி அதிகாரிகளுக்கு தகவல் தெரிவிக்கப்பட்டது.

திண்டுக்கல் அருகே உள்ள தாமரைப்பாடியைச் சேர்ந்தவர் ராஜேஷ் (வயது 35). கன மழைக்கு இவரது வீட்டின் சுவர் இன்று காலை இடிந்து விழுந்தது. இதில் ராஜேஷ் படுகாயமடைந்து திண்டுக்கல் அரசு ஆஸ்பத்திரியில் அனுமதிக்கப்பட்டுள்ளார்.

திண்டுக்கல் அருகே உள்ள வைவேஸ்புரம் முனியப்பன் நகரில் சாலையோரம் இருந்த புளியமரம் வேரோடு சாய்ந்து விழுந்தது. இதில் அருகில் இருந்த மண் புழுஉரம் தயாரிக்கும் குடில் முற்றிலும் சேதமடைந்தது.

துள்ளுப்பட்டி கோம்பை பகுதியில் பலரது வீடுகளில் மேற்கூரைகள் பறந்து சென்றன. தாடிக்கொம்பு பெருமாள் கோவில் செல்லும் சாலையில் மரம் மற்றும் மின் கம்பங்கள் முறிந்து விழுந்தன.

தாடிக்கொம்பு - இடையகோட்டை சாலையிலும், எமக்கலாபுரம் பகுதியிலும் மின் கம்பங்கள், மரங்கள் முறிந்து விழுந்தன. திண்டுக்கல் மாநகராட்சிக்கு உட்பட்ட பகுதிகளில் மட்டும் 60 மரங்கள் முறிந்து விழுந்தன. அதனை அகற்றும் பணியில் மாநகராட்சி ஊழியர்கள் ஈடுபட்டு வருகின்றனர்.

பழனியில் இருந்து கொடைக்கானல் செல்லும் சாலையில் மேல்பள்ளம் பகுதியில் பல மரங்கள் முறிந்து விழுந்தன. இந்த சாலையில் ஏராளமான சாலையோர கடைகள் உள்ளன. மரங்கள் முறிந்து கடைகள் மீதும் சாலையின் குறுக்கே விழுந்ததால் போக்குவரத்து முற்றிலும் தடைபட்டது. நெடுஞ்சாலைத் துறையினர் அங்கு விரைந்து வந்து போக்குவரத்தை ஒழுங்குபடுத்தும் முயற்சியில் ஈடுபட்டனர். #Rain