நீங்கள் தேடியது "தடுப்பூசி"

புதுச்சேரி:

புதுச்சேரி மாநிலத்தில் கொரோனா தொற்று பரவல் காரணமாக பள்ளிகள் மூடப்பட்ட நிலையில் ஆன்லைனில் வகுப்புகள் நடந்து வந்தன. இந்தநிலையில் தொற்று பாதிப்பு குறைந்ததையடுத்து முதல்கட்டமாக 9 முதல் 12-ம் வகுப்பு வரை பள்ளிகள் திறக்கப்பட்டு மாணவர்களுக்கு சுழற்சி முறையில் நேரடி வகுப்புகள் நடந்து வந்தன.

இதையடுத்து தீபாவளி உள்ளிட்ட பண்டிகை விடுமுறைகள் முடிந்ததும் 1-ம் வகுப்பு முதல் 8-ம் வகுப்பு வரை கடந்த வாரம் பள்ளிகள் திறக்கப்படும் என அறிவிக்கப்பட்டு இருந்தது.

ஆனால் கனமழை காரணமாக கடந்த 8-ந் தேதி முதல் 11-ந் தேதி வரை 4 நாட்கள் விடுமுறை விடப்பட்டது. இதனால் ஏற்கனவே அறிவித்திருந்தபடி இந்த வகுப்புகள் தொடங்குவதில் தாமதம் ஆனது. தற்போது இன்றும், நாளையும் (வெள்ளி, சனிக்கிழமை) பள்ளிகளுக்கு விடுமுறை என சமூக வலைதளங்களில் தகவல் பரவியது.

இதனால் மாணவர்கள் மற்றும் பெற்றோர்கள் இடையே மீண்டும் பள்ளிகள் தொடங்குவது எப்போது? என்பதில் குழப்பம் ஏற்பட்டது. இதுகுறித்து பள்ளிக்கல்வித்துறை இயக்குனர் ருத்ரகவுடுவிடம் கேட்டபோது, சமூக வலைதளத்தில் வைரலான தகவலை மறுத்தார்.

மேலும் அவர் கூறுகையில், இன்று (வெள்ளிக்கிழமை) முதல் வழக்கம்போல் 9 முதல் 12-ம் வகுப்பு வரையிலான மாணவர்களுக்கு பள்ளிகள் திறக்கப்பட்டு நேரடியாக பாடங்கள் நடத்தப்படும்.

சென்னை:

தமிழகத்தில் டெங்கு காய்ச்சலும், பன்றி காய்ச்சலும் ஒரே நேரத்தில் பாதிப்பை ஏற்படுத்தி வருகின்றன.

தமிழக சுகாதாரத்துறை தடுப்பு நடவடிக்கைகளை தீவிரப்படுத்தி வருகிறது. உள்ளாட்சி அமைப்புகளுடன் இணைந்து சுகாதாரத்துறை அனைத்து மாவட்டங்களிலும் டெங்கு மற்றும் பன்றி காய்ச்சல் குறித்த விழிப்புணர்வை ஏற்படுத்தி வருகின்றன.

உள்ளாட்சி பிரதிநிதிகள் இல்லாததால் அடிப்படை சுகாதார பணிகளில் தோய்வு ஏற்பட்டு குப்பைகள் வீதிகளில் முறையாக அகற்றப்படாமல் தேங்கி கிடப்பதும், பொது சுகாதாரத்திற்கு சவால் விடும் நிலையாக உள்ளது.

சாலையோரமும், தெரு ஓரமும் தேங்கி நிற்கும் கழிவுநீரில் இருந்து கொசுக்கள் உற்பத்தியாகி நோயை பரப்பும் நிலையும் காணப்படுவதால் சுகாதாரத்துறையின் நடவடிக்கை முழுமையாக அனைத்து பகுதிகளுக்கும் இன்னும் எட்டவில்லை.

தமிழகம் முழுவதும் உள்ளாட்சி அமைப்புகள் அதிகாரிகளின் கட்டுப்பாட்டில் தற்போது இயங்கி வருவதால் பருவ காலத்தில் ஏற்படும் டெங்கு காய்ச்சல், பன்றி காய்ச்சல் பாதிப்புகளை கட்டுப்படுத்த திணறி வருகிறார்கள்.

தமிழக சுகாதாரத்துறையின் நடவடிக்கைக்கு மாநகராட்சி, நகராட்சி, பேரூராட்சி உள்ளிட்ட அனைத்து உள்ளாட்சி அமைப்புகளும் முழுமையாக ஒத்துழைப்பு கொடுக்காததால் டெங்கு காய்ச்சல் வேகமாக பரவி வருகிறது. டெங்கு, பன்றி காய்ச்சல் குறித்து விழிப்புணர்வு மற்றும் தடுப்பு நடவடிக்கைகளை சுகாதாரத்துறை தீவிரப்படுத்தி வரும் நிலையில் தமிழகம் முழுவதும் டெங்கு காய்ச்சல் பாதிப்பும் அதிகரித்து வருகிறது.

இதுகுறித்து சுகாதாரத்துறை முதன்மை செயலாளர் ஜெ.ராதாகிருஷ்ணன் மாலை மலருக்கு அளித்த பேட்டி வருமாறு:-

நல்ல தண்ணீரில் இருந்து தான் டெங்குவை ஏற்படுத்தும் ஏடிஎஸ் கொசுக்கள் உற்பத்தியாகின்றன. அரசு நிறுவனங்கள், தனியார், நிறுவனங்கள், பொதுமக்கள் குடி தண்ணீரை சேகரித்து வைக்கும் போது அதனை மூடி வைக்க வேண்டும். மொட்டை மாடி மற்றும், காலி மனைகளில் தேங்கும் மழைநீரில் இருந்து டெங்கு கொசு உருவாகிறது.

அதுபோல கட்டுமான பணி இடங்களில் சேகரித்து வைக்கப்படும் தண்ணீரில் இருந்தும் கொசுக்கள் உருவாகின்றன. நல்ல தண்ணீரில் உருவாகும் கொசுக்களை அழிக்கும் பணி போர்க்கால அடிப்படையில் தொடங்கப்பட்டுள்ளது. மாநிலம் முழுவதும் துண்டு பிரசுரம் வழங்கப்பட்டு வருகின்றன.

திருமண மண்டபம், ஓட்டல், மருந்துக்கடை உரிமையாளர்கள், கட்டுமான தொழிலில் ஈடுபட்டுள்ள சங்கத்தினர், பள்ளி, கல்லூரிகளின் நிர்வாகிகள் அனைவரையும் அழைத்து டெங்கு கொசுக்களை அழிக்க அறிவுறுத்தப்பட்டுள்ளது. மேலும் குப்பைகழிவுகள் தேங்கி இருப்பதை அகற்றி அங்கு பிளீச்சிங் பவுடர், சுண்ணாம்பு ஆகியவற்றை தெளிக்கவும் உத்தரவிடப்பட்டுள்ளது.

டெங்கு காய்ச்சலால் கடந்த ஆண்டு 22 ஆயிரம் பேர் பாதிக்கப்பட்டனர். இந்த வருடம் 2500 பேர் இதுவரையில் டெங்கு சிகிச்சை பெற்றுள்ளனர். டெங்கு பாதிப்பு குறைவாக இருந்தாலும் நாள் ஒன்றுக்கு 30 பேரில் இருந்து 50 பேர் வரை பாதிக்கப்படுகிறார்கள்.

பன்றி காய்ச்சல் தினமும் 5 பேர் முதல் 20 பேருக்கு உறுதி செய்யப்படுகிறது. பன்றி காய்ச்சலை பொறுத்த வரையில் பொதுமக்கள் தங்கள் கைகளை கழுவினாலே இந்நோய் பாதிப்பில் இருந்து தப்பிக்கலாம். பொது இடங்களுக்கு சென்று வந்த பிறகு சுத்தமாக கை கழுவினால் அந்த வைரஸ் தொற்று ஏற்படாது,


பன்றி காய்ச்சலுக்கு புதிய வகையான தடுப்பூசி அறிமுகப்படுத்தப்பட்டுள்ளது. மருத்துவர்கள், மருத்துவம் சார்ந்த பணியா ளர்களுக்கு தடுப்பூசி போடப்படுகிறது. 50 ஆயிரம் தடுப்பூசி தற்போது கையிருப்பு உள்ளது, மேலும் 1½ லட்சம் தடுப்பூசி விரைவில் வர இருக்கிறது.

இதுதவிர 11 ஆயிரம் பாதுகாப்பு கவச உடைகள் உள்ளன. மேலும் 33 ஆயிரம் கவச உடைகள் வாங்க முடிவு செய்யப்பட்டுள்ளது. 3 அடுக்கு பாதுகாப்பு முகமுடி 3½ லட்சம் இருப்பு உள்ளன.

மேலும் திருமண மண்டபங்கள், ஷாப்பிங் மால் போன்ற மக்கள் கூடும் இடங்களில் 5 சதவீதம் ‘‘லைசால்’’ பயன்படுத்தி அந்த பகுதிகளை சுத்தமாக வைத்திருக்க அறிவுரை வழங்கி உள்ளோம். அனைத்து மதத்தினரும் கோவில் திருவிழா மற்றும் பொது இடங்களுக்கு சென்று வரும்போது கண்டிப்பாக கைகழுவும் பழக்கத்தை பின்பற்ற வேண்டும். இருமல், தும்மல் வந்தால் மூக்கை கைக்குட்டையால் மூடிக் கொள்ள வேண்டும்.

டெங்கு காய்ச்சலை பொறுத்த வரையில் 1100 செல் கவுண்டர்கள் ரத்த அணுக்களை கண்டுபிடிக்க அரசு மருத்துவமனைகளில் உள்ளது. ஒரு நிமிடத்தில் எவ்வளவு ரத்த அணுக்கள் உடலில் உள்ளது என்பதை கண்டுபிடித்து விடலாம். இதுதவிர டெங்குவை கண்டுபிடிக்கும் ‘‘எலிசா’’ சோதனை மையம் 125 இடங்களில் உள்ளன. காய்ச்சல் பாதிக்கப்பட்டவர்கள் 48 மணிநேரத்திற்குள் அரசு மருத்துவமனைக்கு வந்தால் எவ்வித உயிர் இழப்பும் ஏற்படாது. தனியாக மருந்துகள் வாங்கி சாப்பிடக்கூடாது. டாக்டரை அணுக வேண்டும்.

பருவகாலத்தில் ஏற்படக் கூடிய காய்ச்சல் 98 சதவீதம் முழுமையாக குணமடையக் கூடியதாக இருந்த போதிலும் டெங்கு, பன்றி காய்ச்சல் குறித்து கவனக் குறைவாக இருப்பதாலும் உரிய நேரத்திற்கு மருத்துவமனைக்கு வராததாலும் உயிர் இழப்பு ஏற்படுகிறது.

இதுவரையில் பன்றி காய்ச்சலுக்கு 11 பேரும், டெங்கு காய்ச்சலுக்கு 5 பேரும் உயிர் இழந்துள்ளனர்.பரிசோதனை உறுதி செய்யப்படாதநிலையில் 5 பேர் உயிர் இழந்தனர்.

மருத்துவமனைக்கு காலம் கடந்து வருவது மற்றும் வேறு நோய்கள் பாதிக்கப்பட்டோருக்கு டெங்கு, பன்றி காய்ச்சல் தாக்கமும் இருந்து உயிர் இழப்பும் ஏற்படுவதை கண்டுபிடிக்க தணிக்கை குழு ஒன்று போடப்பட்டுள்ளது.

ஆதலால் டெங்கு, பன்றி காய்ச்சல் குறித்து பொதுமக்கள் பீதி அடைய தேவையில்லை. காய்ச்சல் வந்தவுடன் மருத்துவரை அணுகினால் எவ்வித பயமும் கொள்ளத்தேவையில்லை. பொதுமக்கள் விழிப்புணர்வுடன் இருக்க வேண்டும். பருவகால நோய்களில் இருந்து பாதுகாக்க பொதுநல அமைப்புகள், அனைத்து சங்ககங்கள் ஒத்துழைப்பு தர வேண்டும் என கேட்டுக்கொள்கிறேன்.

இவ்வாறு அவர் கூறினார். #Swineflu #TamilNadu #JRadhakrishnan

ஹராரே:

ஆப்ரிக்க நாடுகளில் ஒன்றான ஜிம்பாப்வேயில் காலரா நோயின் தாக்கத்தினால் பலரும் மருத்துவமனையில் அனுமதிக்கப்பட்டு சிகிச்சை பெற்றுவருகின்றனர். நோயின் தீவிரத்தினால் இதுவரை 49 பேர் பலியாகியுள்ளதாக தகவல் வெளியாகியுள்ளது. மேலும், பலரது நிலை கவலைக்கிடமாக இருப்பதால் பலி எண்ணிக்கை உயரும் என அஞ்சப்படுகிறது.

இதையடுத்து, நோய் பரவுவதை தடுக்க அந்நாட்டு அரசு பல்வேறு நடவடிக்கைகளை எடுத்து வருகிறது. புறநகர் பகுதிகளிலும், நோய் தாக்கம் அதிகம் உள்ள பகுதிகளிலும் முக்கிய கவனம் செலுத்தப்பட்டு வருகிறது. மேலும், இதுவரை 10 லட்சத்துக்கும் மேற்பட்ட மக்களுக்கு தடுப்பூசி போடப்பட்டுள்ளது.

மேலும், நோய் பரவுவதற்கு முக்கிய காரணிகளாக இருக்கக்கூடிய சுற்றுச்சூழல் மாசுபாட்டை குறைத்து தூய்மையாக வைத்துக் கொள்ளவும், கழிவுநீர்குழாய்களை சீரமைக்க மக்கள் முடிந்த அளவு நிதியுதவி வழங்க வேண்டும் எனவும் அரசு கோரிக்கை விடுத்துள்ளது. #Zimbabwe 

சோழிங்கநல்லூர்:

சென்னை செம்மஞ்சேரி சுனாமி குடியிருப்பு பகுதியை சேர்ந்தவர் மகேஷ்ராஜா , இவரது மனைவி சரோஜா. இவர்களுடைய ஹரிணி என்ற 4 மாத பெண் குழந்தைக்கு செம்மஞ்சேரி அரசு ஆரம்ப சுகாதார மையத்தில் தடுப்பு ஊசி போட்டுள்ளனர்.

வீட்டிற்கு சென்ற சிறிது நேரத்தில் ஹரிணிக்கு வலிப்பு வந்தது. இதனால் மருத்துவர் கொடுத்த மாத்திரையை கொடுத்துள்ளனர். மீண்டும் குழந்தைக்கு வலிப்பு வந்ததால் ஆத்திரமடைந்த பெற்றோர் மற்றும் உறவினர்கள் மருத்துவமனையை முற்றுகையிட்டு நர்சிடம் வாக்குவாதத்தில் ஈடுபட்டனர். 4 மாத பெண் குழந்தைக்கு தவறான சிகிச்சை அளித்ததாக பெற்றோர் செம்மஞ்சேரி போலீசார் புகார் தெரிவித்தனர்.

மும்பை:

மும்பையில் உள்ள செம்பூர் பகுதியை சேர்ந்த தம்பதி ஜெய்ராஜ், ஆஸ்தா கெய்க் வாட் இவர்களுக்கு ஒரு மாதத்துக்கு முன்பு ஆண் குழந்தை பிறந்தது. குழந்தை பிறந்த 19-வது நாளில் ஆஸ்பத்திரியில் வைத்து இடுப்பில் தடுப்பூசி போடப்பட்டது.

தடுப்பூசி போட்ட இடத்தில் குழந்தையின் உடலில் வீக்கம் ஏற்பட்டது. அதை தொடர்ந்து குழந்தை கடும் காய்ச்சலால் அவதியுற்றது. எனவே குழந்தையை உள்ளூர் டாக்டரிடம் பெற்றோர் கொண்டு சென்றனர்.

பரிசோதித்த டாக்டர் குழந்தையின் உடலில் தடுப்பூசி போட்ட இடுப்பு பகுதியில் எக்ஸ்ரே மற்றும் அல்ட்ரா சவுண்டு ஸ்கேன் போன்றவை எடுத்து பார்த்தார். அப்போது எலும்புக்குள் தொற்று ஏற்பட்டு இருப்பது தெரியவந்தது.

அதையடுத்து மும்பையில் வேறு ஒரு தனியார் ஆஸ்பத்திரிக்கு அனுப்பி வைத்தார். அங்கு இடுப்பு பகுதியில் நோய் தொற்று ஏற்பட்ட இடத்தில் ஆபரேசன் நடத்தப்பட்டது. அப்போது இடுப்பு எலும்பு சந்திப்பில் 2 செ.மீட்டர் நீள ஊசி முறிந்த நிலையில் உள்ளேயே தங்கியிருந்ததை பார்த்து டாக்டர்கள் அதிர்ச்சி அடைந்தனர்.

பின்னர் கவனமாக 2 மணி நேரம் ஆபரேசன் செய்து ஊசியை உடலில் இருந்து அகற்றினர். தற்போது குழந்தை நலமாக உள்ளது.

இதனால் தடுப்பூசி போட்ட ஆஸ்பத்திரி மீது குழந்தையின் பெற்றோர் ஜெய்ராஜ்- ஆஸ்தா கெய்க் வாட் கோபம் அடைந்தனர். ஆனால் அந்த ஆஸ்பத்திரி மீது வழக்கு போடவில்லை.

குழந்தைகள் பிறந்த உடன் தொடங்கி அவர்கள் ஒரு குறிப்பிட்ட காலகட்டத்தை எட்டும் வரை, ஒரு குறிப்பிட்ட வயதை, சரியான பருவத்தை அடையும் வரை அவர்கள் தடுப்பூசி போட்டுக் கொள்ள வேண்டியது அவசியம். குழந்தைகள் எப்பொழுது, எந்த வயதில், என்ன தடுப்பூசியை போடா வேண்டும், அவற்றின் விலை நிலவரம் என்னவாக இருக்கும் என்பது குறித்து சிறுவர் மற்றும் குழந்தைகளுக்கான தடுப்பூசி அட்டவணையை பார்த்து நீங்கள் அறிந்து கொள்ளலாம்.

தடுப்பூசிகள் பாதுகாப்பானது தானா என்ற குழப்பம் உங்களுக்குள் இருந்தால், அதை முதலில் மனதில் இருந்து தூர தூக்கி எறியுங்கள்; ஏனெனில் நோய்களை உண்டாகாமல் தடுக்க போடப்படும் தடுப்பூசிகள் என்றும் நோயை ஏற்படுத்துபவையாக இருக்க முடியாது.

ஆனால், தடுப்பூசி போட்டுவிட்டால் போதும் என் குழந்தை 100 ஆண்டுகள் சந்தோஷமாக வாழ்ந்துவிடும் என்ற எண்ணம் உங்கள் மனதில் இருந்தால், அது தவறு. குழந்தையை நீங்கள் பத்திரமாக பாதுகாத்து, பராமரித்து, பாசம் காட்டி வளர்க்க வேண்டும். தடுப்பூசிகள் குழந்தைகளின் வாழ்வின் முதல் கட்டத்தை நோய் நொடியற்றதாக, ஆரோக்கியமானதாக மாற்றவே உதவும்.

மேலும் ஒருமுறை பயன்படுத்திய தடுப்பூசியை மீண்டும் பயன்படுத்துவது அல்லது நோய்கிருமிகள் தாக்கிய தடுப்பூசியை பயன்படுத்துவது போன்றவை மிகப்பெரிய பாதிப்பை ஏற்படுத்தலாம். எனவே, குழந்தைகளுக்கு போடப்படும் தடுப்பூசி புதிது தானா என்பதை பெற்றோரானா நீங்கள் சோதித்த பிறகே, குழந்தைக்கு போட அனுமதிக்க வேண்டும்.

குழந்தைகள் பிறந்த உடன் தொடங்கி அவர்கள் ஒரு குறிப்பிட்ட காலகட்டத்தை எட்டும் வரை, ஒரு குறிப்பிட்ட வயதை, சரியான பருவத்தை அடையும் வரை அவர்கள் தடுப்பூசி போட்டுக் கொள்ள வேண்டியது அவசியம். குழந்தைகள் எப்பொழுது, எந்த வயதில், என்ன தடுப்பூசியை போடா வேண்டும், அவற்றின் விலை நிலவரம் என்னவாக இருக்கும் என்பது குறித்து சிறுவர் மற்றும் குழந்தைகளுக்கான தடுப்பூசி அட்டவணையை பார்த்து நீங்கள் அறிந்து கொள்ளலாம்.

தாயின் கருவில் கரு உருவாக்கி, இந்த பூமியில் ஜனிக்கும் போது, கருவிற்கு எந்த பலமும், எந்த ஆற்றலும் இருக்காது; அது தோலும், எலும்பும், உயிரும் கொண்ட ஒரு உயிராகவே இந்த பூமியில் பிறப்பெடுக்கிறது. அப்படி குழந்தைகள் பூமியில் பிறக்கையில், அவர்கள் உடல் எல்லாவித நோய்க்கிருமிகளின் தொற்றுகளுக்கும் ஆளாகக் கூடிய வண்ணம் பலவீனமான நோய் எதிர்ப்பு சக்தியை கொண்டிருக்கும்.

தடுப்பூசி ஏன் அவசியம் என்ற கேள்விக்கு, நோய் எதிர்ப்பு சக்தி என்ற விடையையே நம்மால் அளிக்க இயலும். அதாவது, குழந்தைகளோ பெரியவர்களோ குறைந்த நோய் எதிர்ப்பு சக்தி கொண்டிருந்தால், அவர்கள் எளிதில் நோய்த்தொற்றுகளால் தாக்கப்படலாம்.

ஆகவே, குழந்தைகளை எந்தவித நோய்த்தொற்றுகளும் தாக்காமல் இருக்க, குழந்தைகள் ஆரோக்கியமாக வாழ, அவர்களுக்கு கட்டாயம் தடுப்பூசி போட வேண்டும். அதுவும் முக்கிய நோய்களான polio - போலியோ, measles - மேசல்ஸ், rubella - ரூபெல்லா, rotavirus - ரோடா வைரஸ், mumps - மெம்பிஸ், smallpox - சின்னம்மை - இவற்றைத் தடுக்க கட்டாயம் தடுப்பூசி அவசியம்.