நீங்கள் தேடியது "சுட்டுக்கொலை"

ராய்ப்பூர்:

சத்தீஸ்கர் மாநிலத்தில் நக்சலைட்டுகள் ஆதிக்கம் அதிகமாக உள்ளது. அவர்களை கட்டுப்படுத்துவதற்காக சுக்மா மாவட்டம் லிங்கம் பள்ளி என்ற இடத்தில் துணை ராணுவ படை முகாம் அமைக்கப்பட்டு இருந்தது.

இந்த முகாமில் மத்திய ரிசர்வ் போலீஸ் படையினர் தங்கி இருந்தனர். இரவு நேரம் என்பதால் பலர் தூங்கிக் கொண்டிருந்தார்கள். இன்று அதிகாலை 3.30 மணி அளவில் பணியில் இருந்த ஒரு வீரர் தனது ஏ.கே.47 துப்பாக்கியை எடுத்து அங்கிருந்த வீரர்களை நோக்கி சரமாரியாக சுட்டார்.

இதில் 4 வீரர்கள் குண்டு பாய்ந்து அந்த இடத்திலேயே உயிரிழந்தனர். 3 வீரர்கள் படுகாயம் அடைந்தனர். சத்தம் கேட்டு ஓடி வந்த மற்ற வீரர்கள் துப்பாக்கியால் சுட்ட நபரை மடக்கி பிடித்தனர்.

அவரை உயர் அதிகாரிகள் தனியாக அழைத்து சென்று விசாரணை நடத்தி வருகிறார்கள். அவர் எதற்காக இந்த தாக்குதலை நடத்தினார் என்பது தெரியவில்லை. விசாரணைக்கு பிறகு தான் முழு விவரம் தெரியவரும் என்று உயர் அதிகாரிகள் கூறினார்கள்.

காயம் அடைந்த வீரர்கள் உள்ளூர் ஆஸ்பத்திரியில் அனுமதிக்கப்பட்டுள்ளனர். அவர்களுக்கு தீவிர சிகிச்சை அளிக்கப்பட்டு வருகிறது.

இந்த சம்பவம் மத்திய படை போலீசார் மத்தியில் கடும் அதிர்ச்சியை ஏற்படுத்தி இருக்கிறது.

வாழப்பாடி:

சேலம் மாவட்டம் மேட்டுப்பட்டி தாதனூரை சேர்ந்தவர் சேட்டு மகன் கதிர்வேல் (32). இவர் மீது 2 கொலை, கொலை முயற்சி உள்ளிட்ட 7 வழக்குகள் நிலுவையில் உள்ளது.

கடந்த மாதம் காட்டூர் பகுதியை சேர்ந்த முறுக்கு வியாபாரி கணேசன் (32) கொலை வழக்கில், ரவுடி கதிர்வேலு தொடர்பு இருப்பது தெரியவந்ததால் இவரை காரிப்பட்டி போலீசார் தீவிரமாக தேடி வந்தனர்.

அப்போது காரிப்பட்டி காவல் ஆய்வாளர் சுப்பிரமணியன் மற்றும் போலீசார் கடந்த 2-ந் தேதி குள்ளம்பட்டி ஆலமரத்துக்காடு பகுதியில் பதுங்கி இருந்த ரவுடி கதிர்வேலை சுற்றி வளைத்து பிடிக்க முயன்றபோது போலீசாரை தாக்கி விட்டு தப்பிச் செல்ல முயன்றார்.

அப்போது தற்காப்புக்காக காவல் ஆய்வாளர் சுப்பிரமணியன் துப்பாக்கியால் சுட்டதில், ரவுடி கதிர்வேல் சம்பவ இடத்திலேயே உயிரிழந்தார். இதுகுறித்து மாஜிஸ்திரேட் தலைமையில் நீதி விசாரணை நடத்தப்பட்டு வருகிறது.

இதற்கிடையே ரவுடியை என் கவுண்டரில் சுட்டுக்கொலை செய்ய இன்ஸ்பெக்டர் சுப்பிரமணியன் பயன்படுத்திய துப்பாக்கி மற்றும் துப்பாக்கி குண்டு, கொலையுண்ட கதிர்வேலின் ரத்தக்கறை படிந்த உடைகள், சம்பவ இடத்தில் சிதறிக்கிடந்த ரத்த மாதிரிகள் மற்றும் கதிர்வேல் தாக்கியதில் காயமடைந்த இன்ஸ்பெக்டர் மற்றும் சப்-இன்ஸ்பெக்டரின் உடைகள், ரத்த மாதிரிகள் உள்ளிட்ட தடயங்கள் அனைத்தும் வாழப்பாடி குற்றவியல் மற்றும் உரிமையில் நீதித்துறை நடுவர் நீதிமன்றத்தில், நீதிபதி சந்தோ‌ஷத்திடம் ஒப்படைக்கப்பட்டது. இந்த தடயங்கள் தடய அறிவியல் ஆய்வகத்திற்கு அனுப்பி வைத்து ஆய்வு செய்து உறுதிபடுத்தும் பணி மேற்கொள்ளப்பட்டுள்ளது.

இதற்கிடையே கதிர்வேலின் என்கவுண்டரில் சில மர்மங்கள் நிலவுவதாக அவரது உறவினர்கள் குற்றம் சாட்டியதால் இந்த வழக்கில் பரபரப்பு நிலவி வருகிறது.

கதிர்வேலின் மரணத்தில் உள்ள சந்தேகங்களை விசாரித்து உண்மை நிலையை அறிய மனித உரிமை ஆர்வலர்களை கொண்ட உண்மை அறியும் குழு துப்பாக்கி சூடு நடத்திய இடத்தில் இன்று விசாரணையை தொடங்கியது.

அந்த குழுவினர் கதிர்வேல் உறவினர்கள், முறுக்கு வியாபாரி கொலையில் கைது செய்யப்பட்டு சிறையில் அடைக்கப்பட்டுள்ள பழனிசாமி, முத்து மற்றும் கார்த்தி ஆகியோரிடம் விசாரணை நடத்த உள்ளனர். மேலும் மாவட்டபோலீஸ் சூப்பிரண்டு, துப்பாக்கி சூடு நடத்திய போலீஸ் அதிகாரி, சம்பவ இடத்தில் இருந்த போலீசாரிடமும் விசாரணை நடத்த உள்ளனர். இந்த விசாரணை இன்றும் நாளையும் நடக்கிறது.

இந்த குழுவில் சென்னை மனித உரிமை மக்கள் கழக பேராசிரியர் மார்க்ஸ், வக்கீல் அரிபாபு உள்பட பலர் இடம்பெற்றுள்ளனர். #SalemRowdy

ராய்ப்பூர்:


இந்நிலையில், சுக்மா மாவட்டம் பீமாபுரம் பகுதியில் மாவோயிஸ்டுகள் பதுங்கியிருப்பதாக தகவல் கிடைத்தது. இதையடுத்து சிஆர்பிஎப் வீரர்கள் அப்பகுதிக்கு சென்று தேடுதல் வேட்டையில் ஈடுபட்டனர். அப்போது மாவோயிஸ்டுகள் துப்பாக்கியால் சுட்டு தாக்குதல் நடத்தினர். சிஆர்பிஎப் வீரர்களும் பதில் தாக்குதல் நடத்தினர். இந்த சண்டையில் 4 மாவோயிஸ்டுகள் கொல்லப்பட்டனர். அவர்களிடம் இருந்து 3 துப்பாக்கிகள் கைப்பற்றப்பட்டுள்ளன. அப்பகுதியில் தொடர்ந்து தேடுதல் வேட்டை நடந்து வருகிறது. #ChhattisgarhNaxals #ChhattisgarhEncounter

பெய்ரூட்:

லெபனான் நாட்டின் கிழக்கு பகுதியில் பெக்கா நகரம் உள்ளது. இங்குள்ள தொழிற்சாலை ஒன்றில் இந்தியாவைச் சேர்ந்த தொழிலாளர்கள் வேலைபார்த்து வருகின்றனர். நேற்று காலை இந்திய தொழிலாளர்கள் வேலை பார்த்துக் கொண்டிருந்தபோது, உள்ளூர்வாசி ஒருவர் அவர்களிடம் தகராறில் ஈடுபட்டார்.

பின்னர் துப்பாக்கியால் அவர்களை சுட்டார். இதில் இந்திய தொழிலாளி ஒருவர் கொல்லப்பட்டார். மேலும் 3 பேர் காயம் அடைந்தனர். துப்பாக்கியால் சுட்டவர் போலீசில் ஒப்படைக்கப்பட்டார். 

ஸ்ரீநகர்:


அப்போது பாதுகாப்பு படையினருக்கும் பயங்கரவாதிகளுக்கும் இடையே பயங்கர துப்பாக்கி சண்டை ஏற்பட்டது. இந்த மோதலில் 2 பயங்கரவாதிகளை பாதுகாப்பு படையினர் சுட்டுக் கொன்றனர். அவர்களிடம் இருந்து ஆயுதங்கள் மற்றும் வெடிபொருட்கள் கைப்பற்றப்பட்டுள்ளன. கொல்லப்பட்ட பயங்கரவாதிகள் எந்த அமைப்பைச் சேர்ந்தவர்கள் என்பது உறுதிப்படுத்தப்படவில்லை. #JKEncounter #MilitantsNeutralised

கொல்கத்தா:

மேற்கு வங்காளம் மாநிலத்தின் நாடியா மாவட்டத்தில் உள்ளது கிருஷ்ணகஞ்ச் சட்டசபை தொகுதி. இந்த தொகுதியின் எம்.எல்.ஏ.வாக இருந்தவர் சத்யஜித் பிஸ்வாஸ். இவர் திரிணாமுல் காங்கிரஸ் கட்சியை சேர்ந்தவர்.

இந்நிலையில், எம்.எல்.ஏ. சத்யஜித் பிஸ்வாஸ் புல்வாரியில் உள்ள தனது வீட்டின் அருகில் நடந்த சரஸ்வதி பூஜையில் இன்று பங்கேற்றார்.

அப்போது அங்கு வந்த அடையாளம் தெரியாத மர்ம நபர்கள் சத்யஜித் பிஸ்வாசை நோக்கி துப்பாக்கியால் சரமாரியாக சுட்டனர். இதில் படுகாயம் அடைந்த அவரை மருத்துவமனைக்கு கொண்டு சென்றனர். அவரை பரிசோதனை செய்த டாக்டர்கள், வரும் வழியில் அவர் இறந்து விட்டதாக தெரிவித்தனர்.

மேற்கு வங்காளத்தில் ஆளும் கட்சி எம்.எல்.ஏ. சுட்டுக்கொல்லப்பட்டது அதிர்ச்சியை ஏற்படுத்தியுள்ளது. #TMCMLAshotdead