என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » slug 98984
நீங்கள் தேடியது "அமேசான்"
இந்தியாவில் வேகமாக வளர்ந்து வரும் ஆன்லைன் வர்த்தக துறையில் பல்வேறு புதிய கட்டுப்பாடுகளை மத்திய அரசு விதித்துள்ளது. #OnlineBusiness #onlineshopping
இந்தியாவில் ஆன்லைன் வர்த்தக முறை பிரபலமாகி இருக்கிறது. இந்த வர்த்தகத்தில் வெளிநாட்டு நிறுவனங்களும் ஈடுபட மத்திய அரசு அனுமதி அளித்துள்ளது. இதன் காரணமாக அமேசான் போன்ற பெரிய நிறுவனங்களும் இந்தியாவில் களம் இறங்கி வர்த்தகத்தில் ஈடுபட்டு வருகின்றன.
அதே நேரத்தில் உள்நாட்டு ஆன்லைன் வர்த்தக நிறுவனங்களும் ஏராளமாக உள்ளன. ஆனால், உள்நாட்டு நிறுவனங்கள் போட்டி போட முடியாத அளவுக்கு வெளிநாட்டு நிறுவனங்கள் தந்திர நடவடிக்கைகளை மேற்கொள்கின்றன. அதாவது சில குறிப்பிட்ட பொருட்களை குறிப்பிட்ட ஆன்லைன் நிறுவனங்கள் மட்டுமே விற்கும் வகையில் ஏற்பாடுகளை செய்து கொள்கின்றன.
எனவே அந்த நிறுவனத்தில் மட்டுமே குறிப்பிட்ட பொருள் கிடைக்கும் என்ற நிலை இருப்பதால் சில பொருட்களுக்கு இஷ்டத்துக்கு விலை வைக்கிறார்கள். மேலும் உற்பத்தி நிறுவனங்களையும் தங்களுக்கு மட்டுமே அந்த பொருளை தர வேண்டும் என்று நிர்ப்பந்திக்கிறார்கள்.
இதுபோன்ற காரணங்களால் உள்ளூர் நிறுவனங்கள் செயல்பட முடியாமல் நஷ்டத்தை சந்திக்கும் நிலை உருவாகி இருக்கிறது. இதனால் ப்ளிப்கார்ட் மற்றும் அமேசான் வலைத்தளங்களுக்கு எதிராக இந்திய ஆன்லைன் வர்த்தக கூட்டமைப்பு சார்பில் மத்திய வர்த்தக அமைச்சகத்தில் புகார் தெரிவிக்கப்பட்டது.
புகாரை விசாரித்த மத்திய வர்த்தக அமைச்சகம், ஆன்லைன் வர்த்தக நிறுவனங்களுக்கு புதிய கட்டுப்பாடுகளை விதித்துள்ளது. அதன்படி எந்த ஒரு நிறுவனமும் தனது உற்பத்தி பொருளில் 25 சதவிகிதத்தை மட்டுமே ஆன்லைனில் விற்க வேண்டும். மற்றவற்றை வெளிச்சந்தைக்கு விட வேண்டும்.
குறிப்பிட்ட பொருள் இந்த ஆன்லைன் நிறுவனத்தில் மட்டும் தான் கிடைக்கும் என்று விளம்பரம் செய்ய கூடாது. அதுபோன்ற நிலையையும் உருவாக்க கூடாது. எந்த ஒரு தயாரிப்பாக இருந்தாலும் எல்லா ஆன்லைன் நிறுவனங்களிலும் விற்பனை செய்யப்பட வேண்டும்.
தள்ளுபடி விலைகளை அறிவிக்கும் போது, வாடிக்கையாளர்களுக்கு பாரபட்சம் காட்டக்கூடாது. குறிப்பிட்ட நேரத்தில் மட்டுமே சலுகை என்பது போன்ற அறிவிப்புகளையும் வெளியிட கூடாது. இவ்வாறு விதிமுறைகள் வகுக்கப்பட்டுள்ளன. இந்த கட்டுப்பாடு வருகிற பிப்ரவரி மாதம் முதல் அமலுக்கு வருகிறது.
ஆன்லைன் வர்த்தக நிறுவனங்கள் குறிப்பிட்ட வகை செல்போன்களை ஒட்டு மொத்தமாக கொள்முதல் செய்து அவர்கள் மட்டுமே ஏகபோகமாக விற்பனை செய்து வந்தனர். இதன் மூலம் கொள்ளை லாபம் பெற்றதுடன் மற்ற ஆன்லைன் நிறுவனங்களையும் பாதிக்க செய்தது.
மத்திய வர்த்தக அமைச்சகத்தின் புதிய கட்டுப்பாடுகளை தொடர்ந்து ப்ளிப்கார்ட் மற்றும் அமேசான் வலைத்தளங்களில் இனி சிறப்பு சலுகை விற்பனை மற்றும் இதர பிரத்யேக தள்ளுபடி உள்ளிட்டவை நடைபெறுமா என்பது கேள்விக்குறியாகியுள்ளது.
ஃபேஸ்புக் வாடிக்கையாளர்களின் விவரங்கள் மூன்றாம் தரப்பு நிறுவனங்களுக்கு முன் அனுமதியின்றி வழங்கியதாக எழுந்த குற்றச்சாட்டிற்கு ஃபேஸ்புக் தரப்பில் பதில் அளிக்கப்பட்டுள்ளது. #Facebook #socialmedia
ஃபேஸ்புக் சேவையை பயன்படுத்தும் வாடிக்கையாளர்கள் மற்றும் அவர்களது நண்பர்களின் விவரங்களை இயக்க அமேசான், மைக்ரோசாப்ட், நெட்ஃப்ளிஸ்க்ஸ், ஸ்பாடிஃபை போன்ற சுமார் 150 நிறுவனங்களுக்கு அனுமதி வழங்கி இருப்பதாக வெளியான தகவல்களை ஃபேஸ்புக் மறுத்துள்ளது.
சமீப காலங்களில் இதுபோன்ற பல்வேறு பிரச்சனைகளை எதிர்கொண்டு வரும் ஃபேஸ்புக் நிறுவனத்திற்கு எதிராக மற்றொரு சர்ச்சை கிளம்பிய நிலையில், அந்நிறுவனத்தின் கான்ஸ்டான்டினொஸ் பாபமில்டியாடிஸ் விளக்கம் அளித்துள்ளார்.
அதில் அவர் கூறியிருப்பதாவது,
தற்சமயம் வெளியாகி இருக்கும் தகவல்கள் ஃபேஸ்புக் இன்டகிரேஷன் பார்ட்னர்கள் சம்பந்தப்பட்டதாகும். இவ்வாறு ஃபேஸ்புக் சார்பில் ஒப்பந்தம் செய்யப்பட்ட நிறுவனங்களுக்கு பயனரின் அனுமதியின்றி அவர்களின் தகவல்களை பயன்படுத்தும் உரிமை அல்லது அனுமதி வழங்கப்படவில்லை. மேலும் இந்த ஒப்பந்தங்கள் எவற்றிலும், அமெரிக்க ஃபெடரல் வர்த்தக கமிஷன் விதித்த 2012 தனியுரிமை கொள்கைகளை மீறவில்லை என தெரிவித்தார்.
இவரைத் தொடர்ந்து ஃபேஸ்புக் நிறுவனத்தின் ஒப்பந்தங்கள் பிரிவு துணை தலைவர் ஐம் ஆர்ச்சிபொங் தன் தரப்பு விளக்கத்தை வலைத்தளத்தில் பதிவு செய்தார். அதில் அவர் கூறியிருப்பதாவது,
ஃபேஸ்புக் வாடிக்கையாளர்களின் அனுமதியின்றி அவர்களது தனிப்பட்ட குறுந்தகவல்கள் ஃபேஸ்புக் ஒப்பந்தம் செய்த நிறுவனங்களுடன் பகிர்ந்து கொள்ளப்படவில்லை. ஃபேஸ்புக் சேவையை மேம்படுத்தும் வகையில், நான்கு நிறுவனங்களுக்கு மெசேஜிங் அம்சங்களை பயன்படுத்த அனுமதி அளிக்கப்பட்டது. எனினும், இது ஃபேஸ்புக் மூலம் லாக் இன் செய்தவர்களுக்கு மட்டுமே பொருந்தும்.
இந்த வழிமுறை தொழில்நுட்ப துறையில் பொதுவான ஒன்று தான். இது அமேசான் அலெக்சா சேவையில் மின்னஞ்சல்களை வாசிக்க அனுமதி அளிப்பதை போன்றே செயல்படும். விவரங்கள் மட்டுமின்றி, பயனர்கள் ஸ்பாட்டிஃபை மூலம் கேட்பவற்றை தங்களின் நண்பர்களுக்கு குறுந்தகவல் வடிவில் அனுப்ப முடியும். இதே அம்சம் நெட்ஃப்ளிக்ஸ், டிராப் பாக்ஸ் உள்ளிட்ட சேவைகளுக்கும் பொருந்தும்.
மேலே குறிப்பிடப்பட்டுள்ள நிறுவனங்களுக்கு “ரைட் அக்சஸ்” (Write access) எனும் வழிமுறைக்கான அனுமதி மட்டும் வழங்கப்பட்டது. இந்த அம்சம் வழங்கினால் மட்டுமே பயனர்களால் தங்களது நண்பர்களுக்கு குறுந்தகவல் அனுப்ப முடியும். இதேபோன்று “ரீட் அக்சஸ்” (Read access) வழங்கினால் தான் பயனர்களால் குறுந்தகவல்களை படிக்க முடியும். இத்துடன் பயனர்களுக்கு “டெலீட் அக்சஸ்” (Delete access) கூடுதலாக வழங்கப்பட்டுள்ளது.
இதனால் பயனர்கள் குறுந்தகவல்களை அழித்ததும், அவை ஃபேஸ்புக்கில் இருந்தும் அழிக்கப்பட்டு விடும். ஃபேஸ்புக்கில் இருக்கும் எவ்வித செயலியோ அல்லது ஒப்பந்த நிறுவனமோ வாடிக்கையாளர்களின் அனுமதியின்றி அவர்களது விவரங்களை இயக்க முடியாது என அவர் தெரிவித்தார்.
ஆன்-லைன் விற்பனை நிறுவனத்தில் தரை விரிப்பில் பொற்கோவில் படம் இடம் பெற்றதை கண்டித்து அமெரிக்காவை சேர்ந்த சீக்கியர்கள் கூட்டமைப்பு எதிர்ப்பு தெரிவித்தது. #Amazon #Doormat #Toilet #GoldenTemple
நியூயார்க்:
பிரபல ஆன்-லைன் விற்பனை நிறுவனம் அமேசான். இந்த நிறுவனம் மூலம், விற்பனை செய்யப்பட்ட தரை விரிப்புகளில் சீக்கியர்களின் புனித தலமான பொற்கோவிலின் புகைப்படம் இடம் பெற்றிருந்ததாக தெரிகிறது.
இது சீக்கியர்கள் மத்தியில் அதிர்ச்சியை ஏற்படுத்தியது. இதை கண்டித்து அமெரிக்காவை சேர்ந்த சீக்கியர்கள் கூட்டமைப்பு அமேசான் நிறுவனத்தின் தலைமை செயல் அதிகாரிக்கு கடிதம் அனுப்பியது.
அதில், இதுபோன்று ஆட்சேபனைக்குரிய பொருட்களை விற்பனை செய்ய நிரந்தர தடைவிதிக்க வேண்டும் எனவும், இனிவரும் காலங்களில் இதுபோன்ற சம்பவங்கள் நிகழாது என உறுதி அளிக்க வேண்டும் என்றும் அமேசான் நிறுவனத்துக்கு சீக்கியர்கள் கூட்டமைப்பு கோரிக்கை விடுத்துள்ளது.
சீக்கியர்கள் ஆட்சேபனை தெரிவித்த சில மணி நேரத்தில் சர்ச்சைக்குரிய அந்த பொருட்கள் அமேசான் விற்பனை தளத்தில் இருந்து நீக்கப்பட்டுவிட்டது. #Amazon #Doormat #Toilet #GoldenTemple
பிரபல ஆன்-லைன் விற்பனை நிறுவனம் அமேசான். இந்த நிறுவனம் மூலம், விற்பனை செய்யப்பட்ட தரை விரிப்புகளில் சீக்கியர்களின் புனித தலமான பொற்கோவிலின் புகைப்படம் இடம் பெற்றிருந்ததாக தெரிகிறது.
இது சீக்கியர்கள் மத்தியில் அதிர்ச்சியை ஏற்படுத்தியது. இதை கண்டித்து அமெரிக்காவை சேர்ந்த சீக்கியர்கள் கூட்டமைப்பு அமேசான் நிறுவனத்தின் தலைமை செயல் அதிகாரிக்கு கடிதம் அனுப்பியது.
அதில், இதுபோன்று ஆட்சேபனைக்குரிய பொருட்களை விற்பனை செய்ய நிரந்தர தடைவிதிக்க வேண்டும் எனவும், இனிவரும் காலங்களில் இதுபோன்ற சம்பவங்கள் நிகழாது என உறுதி அளிக்க வேண்டும் என்றும் அமேசான் நிறுவனத்துக்கு சீக்கியர்கள் கூட்டமைப்பு கோரிக்கை விடுத்துள்ளது.
சீக்கியர்கள் ஆட்சேபனை தெரிவித்த சில மணி நேரத்தில் சர்ச்சைக்குரிய அந்த பொருட்கள் அமேசான் விற்பனை தளத்தில் இருந்து நீக்கப்பட்டுவிட்டது. #Amazon #Doormat #Toilet #GoldenTemple
ஒன்பிளஸ் நிறுவனம் சில தினங்களுக்கு முன் இந்தியாவில் அறிமுகம் செய்த ஒன்பிளஸ் 6டி மெக்லாரென் எடிஷன் ஸ்மார்ட்போனின் விற்பனை துவங்கியது. #OnePlus6TMcLaren
ஒன்பிளஸ் நிறுவனம் தனது ஒன்பிளஸ் 6டி மெக்லாரென் எடிஷன் ஸ்மார்ட்போனினை இந்தியாவில் சில தினங்களுக்கு முன் அறிமுகம் செய்தது. புதிய ஒன்பிளஸ் 6டி மெக்லாரென் எடிஷன் ஸ்மார்ட்போனிற்கு இதுவரை முன்பதிவு நடைபெற்று வந்த நிலையில், அமேசான் இந்தியா மற்றும் ஒன்பிளஸ் வலைதளத்தில் விற்பனை துவங்கியது.
புதிய ஒன்பிளஸ் 6டி மெக்லாரென் எடிஷன் ஸ்மார்ட்போனில் மெக்லாரென் பிராண்டு லோகோ, சக்திவாயந்த சிறப்பம்சங்கள் வழங்கப்பட்டிருக்கிறது. அந்த வகையில் புதிய மெக்லாரென் எடிஷனில் 10 ஜி.பி. ரேம், 256 ஜி.பி. மெமரி, 30 வாட் ராப் சார்ஜ் 30 வழங்கப்பட்டுள்ளது.
புதிய ராப் சார்ஜ் தொழில்நுட்பம் ஸ்மார்ட்போனினை 20 நிமிடங்களில் ஒரு நாள் பயன்பாட்டிற்கு ஏற்ற வகையில் 50% வரை சார்ஜ் செய்துவிடும். புதிய ஸ்மார்ட்போன் மற்றும் சார்ஜர் என இரண்டிலும் அந்நிறுவனம் இன்டகிரேட்டெட் சர்கியூட்களை வழங்கி இருக்கிறது.
மெக்லாரென் எடிஷன் என்பதால் ஸ்மார்ட்போனை சுற்றி ஆரஞ்சு நிற ஃபினிஷ் செய்யப்பட்டுள்ளது. ஸ்மார்ட்போனின் பின்புறம் மெக்லாரெனின் கார்பன் ஃபைபர் கிளாஸ் பேக் கொண்டிருக்கிறது. ஸ்மார்ட்போனின் பெட்டியில் இருநிறுவனங்களின் வரலாற்றை கொண்டாடும் சிறிய புத்தகம் வழங்கப்பட்டுள்ளது. இத்துடன் ஆரஞ்சு நிற கார்டு கேபிள், மெக்லாரென் லோகோ, ஸ்பீட் மார்க் உள்ளிட்டவை வழங்கப்படுகிறது.
ஒன்பிளஸ் 6டி மெக்லாரென் எடிஷன் சிறப்பம்சங்கள்:
- 6.41 இன்ச் 2340x1080 பிக்சல் ஃபுல் ஹெச்.டி. பிளஸ் 19.5:9 ஆப்டிக் AMOLED டிஸ்ப்ளே
- கார்னிங் கொரில்லா கிளாஸ் 6
- 2.8 ஜிகாஹெர்ட்ஸ் ஆக்டா கோர் குவால்காம் ஸ்னாப்டிராகன் 845 10 என்.எம். பிராசஸர்
- அட்ரினோ 630 GPU
- 10 ஜி.பி. ரேம்
- 256 ஜி.பி. மெமரி
- ஆண்ட்ராய்டு 9.0 பை மற்றும் ஆக்சிஜன் ஓ.எஸ். 9.0
- டூயல் சிம் ஸ்லாட்
- 16 எம்.பி. பிரைமரி கேமரா, டூயல் எல்.இ.டி. ஃபிளாஷ், f/1.7, 1/2.6″ சோனி IMX519 சென்சார், 1.22μm பிக்சல், OIS, EIS
- 20 எம்.பி. இரண்டாவது பிரைமரி கேமரா, சோனி IMX376K சென்சார், f/1.7, 1.0μm பிக்சல்
- 16 எம்.பி. செல்ஃபி கேமரா, சோனி IMX 371 சென்சார், f/2.0, 1.0μm பிக்சல்
- இன்-டிஸ்ப்ளே கைரேகை சென்சார்
- வாட்டர் ரெசிஸ்டண்ட் வசதி
- யு.எஸ்.பி. டைப்-சி ஆடியோ
- 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3700 எம்.ஏ.ஹெச். பேட்டரி
- ராப் சார்ஜ் 30 ஃபாஸ்ட் சார்ஜிங்
ஒன்பிளஸ் 6டி மெக்லாரென் எடிஷன் ஸ்மார்ட்போன் விலை ரூ.50,999 என நிர்ணயம் செய்யப்பட்டுள்ளது. புதிய ஒன்பிளஸ் 6டி மெக்லாரென் எடிஷன் ஸ்மார்ட்போனினை டிசம்பர் 15 முதல் டிசம்பர் 24ம் தேதிக்குள் தேர்வு செய்யப்பட்ட வங்கி கார்டுகளை பயன்படுத்தி மாத தவணை முறையில் வாங்குவோருக்கு ரூ.2,000 கேஷ்பேக் மற்றும் தேர்வு செய்யப்பட்ட வங்கி கிரெடிட் மற்றும் டெபிட் கார்டுகளை பயன்படுத்தும் போது ரூ.1,500 கேஷ்பேக் வழங்கப்படுகிறது.
இதுதவிர அமேசான், ஒன்பிளஸ் அதிகாரப்பூர்வ வலைதளங்கள் மற்றும் ஒன்பிளஸ் பிரத்யேக ஆஃப்லைன் ஸ்டோர்களில் வாங்குவோர் பழைய ஒன்பிளஸ் ஸ்மார்ட்போன்களை எக்சேஞ்ச் செய்யும் போது ரூ.3000 வரை கூடுதல் தள்ளுபடியும், இதர சாதனங்களை எக்சேஞ்ச் செய்வோர் ரூ.2,000 வரை தள்ளுபடி பெற முடியும். #OnePlus6TMcLaren #smartphone
ஒன்பிளஸ் நிறுவனத்தின் அதிகம் எதிர்பார்க்கப்பட்ட ஒன்பிளஸ் 6டி மெக்லாரென் எடிஷன் ஸ்மார்ட்போன் இந்தியாவில் அறிமுகம் செய்யப்பட்டது. #OnePlus6TMcLaren
ஒன்பிளஸ் நிறுவனத்தின் அதிகம் எதிர்பார்க்கப்பட்ட ஒன்பிளஸ் 6டி மெக்லாரென் எடிஷன் ஸ்மார்ட்போன் இந்தியாவில் அறிமுகம் செய்யப்பட்டது. முன்னதாக இந்த ஸ்மார்ட்போன் லண்டனில் நடைபெற்ற விழாவில் அறிமுகம் செய்யப்பட்டது.
புதிய ஒன்பிளஸ் 6டி மெக்லாரென் எடிஷன் ஸ்மார்ட்போனில் 10 ஜி.பி. ரேம், 30 வாட் ராப் சார்ஜ் 30 வழங்கப்பட்டுள்ளது. புதிய ராப் சார்ஜ் தொழில்நுட்பம் ஸ்மார்ட்போனினை 20 நிமிடங்களில் ஒரு நாள் பயன்பாட்டிற்கு ஏற்ற வகையில் 50% வரை சார்ஜ் செய்துவிடும். புதிய ஸ்மார்ட்போன் மற்றும் சார்ஜர் என இரண்டிலும் அந்நிறுவனம் இன்டகிரேட்டெட் சர்கியூட்களை வழங்கி இருக்கிறது.
மெக்லாரென் எடிஷன் என்பதால் ஸ்மார்ட்போனை சுற்றி ஆரஞ்சு நிற ஃபினிஷ் செய்யப்பட்டுள்ளது. ஸ்மார்ட்போனின் பின்புறம் மெக்லாரெனின் கார்பன் ஃபைபர் கிளாஸ் பேக் கொண்டிருக்கிறது. ஸ்மார்ட்போனின் பெட்டியில் இருநிறுவனங்களின் வரலாற்றை கொண்டாடும் சிறிய புத்தகம் இடம்பெற்றுள்ளது.
இத்துடன் ஆரஞ்சு நிற கார்டு கேபிள், மெக்லாரென் லோகோ, ஸ்பீட் மார்க் உள்ளிட்டவை வழங்கப்பட்டுள்ளது. மெக்லாரெனின் பிரத்யேக ஸ்டைல் மற்றும் வரலாற்றை பரைசாற்றும் வகையில் பிரத்யேக மென்பொருள் அனிமேஷன்கள் ஸ்மார்ட்போனில் வழங்கப்பட்டுள்ளதாக ஒன்பிளஸ் தெரிவித்துள்ளது.
ஒன்பிளஸ் 6டி மெக்லாரென் எடிஷன் சிறப்பம்சங்கள்:
- 6.41 இன்ச் 2340x1080 பிக்சல் ஃபுல் ஹெச்.டி. பிளஸ் 19.5:9 ஆப்டிக் AMOLED டிஸ்ப்ளே
- கார்னிங் கொரில்லா கிளாஸ் 6
- 2.8 ஜிகாஹெர்ட்ஸ் ஆக்டா கோர் குவால்காம் ஸ்னாப்டிராகன் 845 10 என்.எம். பிராசஸர்
- அட்ரினோ 630 GPU
- 10 ஜி.பி. ரேம்
- 256 ஜி.பி. மெமரி
- ஆண்ட்ராய்டு 9.0 பை மற்றும் ஆக்சிஜன் ஓ.எஸ். 9.0
- டூயல் சிம் ஸ்லாட்
- 16 எம்.பி. பிரைமரி கேமரா, டூயல் எல்.இ.டி. ஃபிளாஷ், f/1.7, 1/2.6″ சோனி IMX519 சென்சார், 1.22μm பிக்சல், OIS, EIS
- 20 எம்.பி. இரண்டாவது பிரைமரி கேமரா, சோனி IMX376K சென்சார், f/1.7, 1.0μm பிக்சல்
- 16 எம்.பி. செல்ஃபி கேமரா, சோனி IMX 371 சென்சார், f/2.0, 1.0μm பிக்சல்
- இன்-டிஸ்ப்ளே கைரேகை சென்சார்
- வாட்டர் ரெசிஸ்டண்ட் வசதி
- யு.எஸ்.பி. டைப்-சி ஆடியோ
- 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3700 எம்.ஏ.ஹெச். பேட்டரி
- ராப் சார்ஜ் 30 ஃபாஸ்ட் சார்ஜிங்
ஒன்பிளஸ் 6டி மெக்லாரென் எடிஷன் ஸ்மார்ட்போன் விலை ரூ.50,999 என நிர்ணயம் செய்யப்பட்டுள்ளது. இந்த ஸ்மார்ட்போன் இன்று (டிசம்பர் 13) முதல் அமேசான் மற்றும் ஒன்பிளஸ் இந்தியா ஸ்டோரில் கிடைக்கும். #OnePlus6TMcLaren #smartphone
அமேசான தளத்தில் நடைபெற இருக்கும் சிறப்பு விற்பனையில், சியோமி நிறுவன ஸ்மார்ட்போன்களுக்கு விலை குறைப்பு வழங்கப்படுகிறது. #Amazon
அமேசான் தளத்தில் சியோமி இந்தியா சிறப்பு விற்பனையை நடத்துகிறது. டிசம்பர் 6ம் தேதி துவங்கும் சிறப்பு விற்பனை டிசம்பர் 8ம் தேதி வரை நடைபெற இருக்கிறது. இந்த விற்பனையில் சியோமி வழங்க இருக்கும் சலுகைகள் அமேசான் தளத்தில் பட்டியலிடப்பட்டு இருக்கிறது.
இரண்டு சலுகைகளை மட்டும் சியோமி அறிவித்து இருக்கும் நிலையில், மூன்றாவது சலுகையை பின்னர் அறிவிப்பதாக தெரிவித்துள்ளது. சியோமி Mi ஏ2 ஸ்மார்ட்போனுக்கு அதிகபட்சம் ரூ.3,500 மதிப்பிலான தள்ளுபடியும் ரெட்மி வை2 ஸ்மார்ட்போனுக்கு ரூ.2000 வரை தள்ளுபடி வழங்கப்படுகிறது.
சியோமியின் ஐ லவ் எம்.ஐ. (I love Mi) விற்பனை சியோமி Mi ஏ2 மற்றும் ரெட்மி வை2 ஸ்மார்ட்போன்களுக்கு தள்ளுபடி வழங்குகிறது. ரெட்மி வை2 (3 ஜி.பி. ரேம், 32 ஜி.பி. மெமரி) விலை ரூ.1,500 குறைக்கப்பட்டு ரூ.8,999 விலையிலும், ரெட்மி வை2 (4 ஜி.பி. ரேம், 64 ஜி.பி. மெமரி) விலை ரூ.2,500 குறைக்கப்பட்டு தற்சமயம் ரூ.10,999 விலையில் விற்பனை செய்யப்பட இருக்கிறது.
ரெட்மி வை2 போன்றே சியோமி Mi ஏ2 ஸ்மார்ட்போனின் விலை டிசம்பர் 6ம் தேதி முதல் டிசம்பர் 8ம் தேதி வரை நடைபெற இருக்கும் சிறப்பு விற்பனையில் குறைக்கப்படுகிறது. அந்த வகையில் 4 ஜி.பி. ரேம், 64 ஜி.பி. மெமரி கொண்ட Mi ஏ2 ரூ.14,999 விலையிலும், 6 ஜி.பி. ரேம், 128 ஜி.பி. வேரியன்ட் ரூ.16,999 விலையில் விற்பனை செய்யப்பட இருக்கிறது.
சியோமி Mi ஏ2 மற்றும் ரெட்மி வை2 ஸ்மார்ட்போன்களை தவிர சிறப்பு விற்பனையின் போது மற்றொரு சலுகையும் அறிவிக்கப்பட இருக்கிறது. அமேசான் இந்தியா தளத்தில் இரு ஸ்மார்ட்போன்களின் விலை குறைக்கப்பட்டு இருப்பதோடு மட்டுமின்றி, எக்சேஞ்ச் சலுகை, வட்டியில்லா மாத தவணை முறை வசதி வழங்கப்படுகிறது. #Xiaomi #Amazon
அமேசான் தளத்தில் ஏற்பட்ட தொழில்நுட்ப கோளாறு அதன் பயனர்களின் விவரங்களை அம்பலப்படுத்திய நிலையில், இந்திய பயனர்களும் இதில் பாதிக்கப்பட்டிருக்கலாம் என தகவல் வெளியாகியுள்ளது. #Amazon
அமேசான் தளத்தில் ஏற்பட்ட தொழில்நுட்ப கோளாறு காரணமாக பயனர் விவரங்கள் லீக் ஆன விவகாரத்தில் இந்திய பயனர்களும் பாதிக்கப்பட்டிருக்கலாம் என தகவல் வெளியாகியுள்ளது.
ஐரோப்பியா, அமெரிக்கா உள்ளிட்ட பகுதிகளில் அமேசான் சேவையை பயன்படுத்துவோரின் விவரங்கள் அம்பலமானதாக அமேசான் தரப்பில் இருந்து பாதிக்கப்பட்டோருக்கு மின்னஞ்சல் மூலம் தகவல் வழங்கப்பட்டு இருந்தது. மற்ற நாட்டு பயனர்களை போன்றே இந்திய பயனர்களும் தொழில்நுட்ப கோளாறால் பாதிக்கப்பட்டு இருக்கலாம் என பாதுகாப்பு வல்லுநர்கள் தெரிவித்துள்ளனர்.
சில தினங்களுக்கு முன் தொழில்நுட்ப கோளாறு காரணமாக பயனர்களின் பெயர் மற்றும் மின்னஞ்சல் முகவரி உள்ளிட்டவை அந்நிறுவன வலைதளத்தில் பதிவானது. இந்த கோளாறில் இந்தியா உள்பட உலகம் முழுக்க எத்தனை வாடிக்கையாளர்கள் பாதிக்கப்பட்டனர் என்பது குறித்து இதுவரை எவ்வித தகவலும் இல்லை.
உலகளவில் பயனர் விவரங்கள் அம்பலமான தொழில்நுட்ப கோளாறில் இந்திய வாடிக்கையாளர்கள் பாதிக்கப்பட்டுள்ளனரா என்பது குறித்து அமேசான இந்தியா எவ்வித தகவலும் வழங்கவில்லை. “தொழில்நுட்ப கோளாறு சரி செய்யப்பட்டு விட்டது, பாதிக்கப்பட்ட வாடிக்கையாளர்களுக்கு தகவல் தெரிவித்திருக்கிறோம்,” என்று மட்டும் அமேசான் தரப்பில் இருந்து தெரிவிக்கப்பட்டுள்ளது.
உலகம் முழுக்க பல அமேசான் வாடிக்கையாளர்கள் அமேசானிடம் இருந்து தங்களுக்கு மின்னஞ்சல் வந்ததாகவும், அதில் தொழில்நுட்ப கோளாறு பற்றிய விவரங்களும், வாடிக்கையாளர்கள் தங்களது கடவுச்சொற்களை மாற்ற வேண்டிய அவசியம் இல்லை என அதில் குறிப்பிடப்பட்டு இருந்ததாக தங்களது ட்விட்டர் பக்கத்தில் குறிப்பிட்டு இருந்தனர்.
பாதுகாப்பு வல்லுநர்களின் படி மின்னஞ்சல் முகவரிகள் அம்பலமாகச் செய்யும் தாக்குதல்கள் மால்வேர் மூலம் அரங்கேற்றப்படுகிறது என தெரிவித்துள்ளனர். இதில் இருந்து பாதுகாப்பாக இருக்க பயனர்கள் தாங்கள் பயன்படுத்தும் சாதனங்களில் ஆன்லைன் மற்றும் வன்பொருள் பாதுகாப்பை உறுதிப்படுத்திக் கொள்ள வேண்டும்.
உலகம் முழுக்க ஆப்பிள் சாதனங்களை ஆன்லைனில் விற்பனை செய்வதற்கான உரிமையை அமேசான் பெற்று இருக்கிறது. #applenews #Amazon
அமேசான் மற்றும் ஆப்பிள் நிறுவனங்களிடையே கையெழுத்தாகி இருக்கும் புதிய ஒப்பந்தம் மூலம் உலகம் முழுக்க ஆப்பிள் பொருட்களை விற்பனை செய்யும் உரிமையை அமேசான் பெற்று இருக்கிறது.
விரைவில் தனது வலைதளத்தில் ஆப்பிள் பொருட்களை நேரடியாக விற்பனை செய்ய இருப்பதை அமேசான் அதிகாரப்பூர்வமாக உறுதிப்படுத்தி இருக்கிறது.
அந்த வகையில் அமேசான் வலைதளத்தில் புத்தம் புது ஐபேட் ப்ரோ, ஐபோன் XR, ஐபோன் XS, ஆப்பிள் வாட்ச் சீரிஸ் 4 மற்றும் ஆப்பிள் பீட்ஸ் ஹெட்போன் உள்ளிட்டவை விரைவில் விற்பனை செய்யப்படும்.
அமேசான் மற்றும் ஆப்பிள் இடையே கையெழுத்தாகி இருக்கும் ஒப்பந்தம் இந்தியா, ஜப்பான், அமெரிக்கா, லண்டன், பிரான்ஸ், ஜெர்மனி, இத்தாலி மற்றும் ஸ்பெயின் உள்ளிட்ட நாடுகளுக்கு பொருந்தும்.
அமேசான் தளத்தில் ஆப்பிள் மற்றும் பீட்ஸ் பொருட்களை ஆப்பிள் அதிகாரிப்பூர்வ விற்பனையாளர்களால் மட்டுமே விற்பனை செய்ய முடியும். அமேசான் வலைதளத்தில் சில மேக்புக் லேப்டாப்கள், பீட்ஸ் ஹெட்போன் உள்ளிட்டவற்றை விற்பனை செய்கிறது. புதிய ஒப்பந்தத்தின் மூலம் பல்வேறு ஆப்பிள் பொருட்களை ஓரளவு தரமான விலையில் அமேசான் வழங்க முடியும்.
புதிய ஒப்பந்தத்தில் ஆப்பிள் ஹோம்பாட் ஸ்மார்ட் ஸ்பீக்கர் விற்பனை இடம்பெறவில்லை என்பது குறிப்பிடத்தக்கது.
பிளே ஸ்டேஷனில் பப்ஜி கேமின் வெளியீட்டு தேதி அமேசான் மூலம் தெரியவந்து இருக்கிறது. #PUBG #PlayStation4
ஸ்மார்ட்போன்களில் பிரபலமாக இருக்கும் பப்ஜி கேம் பிளே ஸ்டேஷன் 4 சாதனத்திற்கு வழங்கப்பட இருக்கும் நிலையில் இதன் வெளியீட்டு தேதி அமேசான் மூலம் தெரியவந்துள்ளது. முன்னதாக வெளியான தகவல்களில் நவம்பர் மாதத்தில் வழங்கப்படலாம் என தெரிவிக்கப்பட்டது.
அந்த வகையில் அமேசான் தளத்தில் வெளியாகி இருக்கும் தகவல்களில் பிளே ஸ்டேஷன் 4ல் பப்ஜி கேம் டிசம்பர் 8ம் தேதி வழங்கப்படும் என தெரிகிறது. பிளே ஸ்டேஷனில் அறிமுகமானதும் பப்ஜி கேம், ஸ்மார்ட்போன், எக்ஸ்பாக்ஸ் ஒன் மற்றும் கம்ப்யூட்டர் என அனைத்து தளங்களிலும் கிடைக்கும்.
பிளே ஸ்டேஷன் 4 சாதனத்தில் பப்ஜி கேம் சில மாற்றங்களுடன் வழங்கப்படுகிறது. பிளே ஸ்டேஷனில் விளையாடுவதற்கு ஏற்ப அந்த மாற்றங்கள் இருக்கும் என்பதால், கேமின் அனுபவம் வேறாக இருக்கும். பிளே ஸ்டேஷனுக்கென பப்ஜியில் வடிவமைப்பு மாற்றங்கள் மேற்கொள்ளப்பட்டு இருக்குமா என்ற எதிர்பார்ப்பு எழுந்துள்ளது.
அமேசானில் வெளியீட்டு விவரம் பிழை காரணமாக இடம்பெற்று இருந்த நிலையில், உடனடியாக பதிவு நீக்கப்பட்டு விட்டது.
முன்னதாக ரெஸ்ட்இரா எனும் கேமிங் தளம் மற்றும் பி.எஸ்.என்.ப்ரோஃபைல்ஸ் உள்ளிட்டவற்றில் இருந்து வெளியான தகவல்களில் பி.எஸ்.4 கேமிங் டேட்டாபேசில் பப்ஜி இருப்பதை உறுதிப்படுத்தின.
செப்டம்பர் மாதத்தில் கொரிய கேம் ரேட்டிங் மற்றும் நிர்வாக குழு பி.எஸ்.4-க்கான பப்ஜி கேமினை வரிசைப்படுத்தி இருந்தது. சமீபத்தில் எக்ஸ்பாக்ஸ் ஒன் (Xbox One) தளத்தில் பப்ஜி 1.0 வெளியிடப்பட்ட நிலையில் மற்ற தளங்களிலும் பப்ஜி வெளியாகலாம் என எதிர்பார்க்கலாம்.
ஆப்பிள் நிறுவனம் கடந்த ஆண்டு அறிமுகம் செய்த புத்தம் புதிய ஐபோன் XR முன்பதிவுகள் இந்தியாவில் துவங்கி இருக்கிறது. #iPhoneXR
ஆப்பிள் நிறுவனம் ஐபோன் XR மாடல்களை கடந்த மாதம் அறிமுகம் செய்த நிலையில், இவற்றின் முன்பதிவு இந்தியாவில் துவங்கியுள்ளது.
புதிய ஐபோன் மாடல்கள் அக்டோபர் 26-ம் தேதி முதல் இந்தியா உள்பட 50 நாடுகளில் விற்பனைக்கு வருகிறது. இந்தியாவில் புதிய ஐபோன் XR 64 ஜி.பி. மாடல் ரூ.76,900, 128 ஜி.பி. விலை ரூ.81,900 மற்றும் 256 ஜி.பி. விலை ரூ.91,900 என நிர்ணயம் செய்யப்பட்டுள்ளது.
ஐபோன் XR மாடல் அமேசான் வலைதளத்தில் முன்பதிவு செய்யப்படுகிறது. இந்த தளத்தில் முன்பதிவு செய்வோர் தேர்வு செய்யப்பட்ட வங்கி கார்டுகளை பயன்படுத்தும் போது 5 சதவிகிதம் உடனடி தள்ளுபடி, டெபிட் மற்றும் கிரெடிட் கார்டுகளுக்கு மாத தவணை முறை வசதி உள்ளிட்டவை வழங்கப்படுகிறது.
இதேபோன்று ஏர்டெல் ஆன்லைன் தளத்திலும் புதிய ஐபோன் முன்பதிவு நடைபெறுகிறது. அந்த வகையில் பயனர்கள் ரூ.14,999 முன்பணம் செலுத்தி மீதித்தொகையை ரூ.3,499 என்ற வகையில் 24 மாதத்திற்கு செலுத்தலாம். இத்துடன் ஒவ்வொரு மாதமும் 10 ஜி.பி. டேட்டா, மற்றும் மூன்று மாதங்களுக்கு நெட்ஃபிளிக்ஸ் சந்தா இலவசமாக வழங்கப்படுகிறது.
மேலும் ஒரு வருடத்திற்கு அமேசான் பிரைம் சந்தா எவ்வித கூடுதல் கட்டணமும் இன்றி வழங்கப்படுகிறது. ஏர்டெல் ஆன்லைன் தளத்தில் எளிய மாத தவணை முறை வசதி, பில்ட்-இன் போஸ்ட்பெயிட் சலுகையில் அன்லிமி்ட்டெட் காலிங் மற்றும் பிரீமியம் தரவுகள் கொண்டிருக்கிறது.
இத்துடன் பேடிஎம் மால் தளத்தில் முன்பதிவு செய்து ரூ.7,000 எக்சேஞ்ச் சலுகை வழங்கப்படுகிறது. பிளிப்கார்ட் தளத்தில் ஐபோன் XR விற்பனை விரைவில் துவங்கும் என தெரிவிக்கப்பட்டுள்ளது.
ஆப்பிள் ஐபோன் XR சிறப்பம்சங்கள்:
- 6.1 இன்ச் 1792x828 பிக்சல் எல்.சி.டி. 326ppi லிக்விட் ரெட்டினா டிஸ்ப்ளே
- 6-கோர் ஏ12 பயோனிக் 64 பிட் 7 என்.எம். பிராசஸர்
- 4-கோர் GPU, M12 மோஷன் கோ-பிராசஸர், நியூரல் என்ஜின்
- 3 ஜி.பி. ரேம்
- 64 ஜிபி, 256 ஜிபி, 512 ஜிபி மெமரி ஆப்ஷன்கள்
- ஐ.ஓ.எஸ். 12
- வாட்டர் மற்றும் டஸ்ட் ரெசிஸ்டன்ட் (IP68)
- டூயல் சிம் (நானோ+இரண்டாவது இசிம் அல்லது சீனாவில் பிரத்யேக சிம் ஸ்லாட்)
- 12 எம்பி வைடு-ஆங்கிள் பிரைமரி கேமரா, f/1.8, ஆப்டிக்கல் இமேஜ் ஸ்டேபிலைசேஷன், ட்ரூ டோன் ஃபிளாஷ்
- 7 எம்பி செல்ஃபி கேமரா, f/2.2, ரெட்டினா ஃபிளாஷ்
- ட்ரூ டெப்த் கேமரா
- 4ஜி வோல்ட்இ, வைபை, ப்ளூடூத், ஜி.பி.எஸ்
- 2942 எம்.ஏ.ஹெச். பேட்டரி, க்யூ.ஐ. வயர்லெஸ் சார்ஜிங்
- ஃபாஸ்ட் சார்ஜிங்
ஆப்பிள் ஐபோன் XR மாடல் வைட், பிளாக், புளு, எல்லோ, கோரல் மற்றும் ரெட் உள்ளிட்ட நிறங்களில் கிடைக்கிறது.
ஃபேஸ்புக் நிறுவனம் போர்டல் மற்றும் போர்டல் பிளஸ் பெயர்களில் புதிய வீடியோ காலிங் சாதனங்களை அறிமுகம் செய்துள்ளது. #Facebook #Portal
ஃபேஸ்புக் நிறுவனத்தின் இரண்டு புதிய சாதனங்கள் அறிமுகம் செய்யப்பட்டுள்ளன. போர்டல் மற்றும் போர்டல் பிளஸ் என அழைக்கப்படும் இரண்டு சாதனங்களும் வீடியோ கால் மேற்கொள்ளக்கூடிய வகையில் உருவாக்கப்பட்டுள்ளது. செயற்கை நுண்ணறிவு தொழில்நுட்பம் கொண்டிருக்கும் புதிய சாதனங்களில் மிக எளிமையாக வீடியோ கால் மேற்கொள்ள முடியும்.
போரடல் சாதனத்தில் 10 இன்ச் ஹெச்.டி. 1280x800 பிக்சல் டிஸ்ப்ளே, போர்டல் பிளஸ் சாதனத்தில் 15 இன்ச் ஃபுல் ஹெச்.டி. 1920x1080 பிக்சல் டிஸ்ப்ளே வழங்கப்பட்டுள்ளது. இத்துடன் ஏ.ஐ. போர்டல் ஸ்மார்ட் கேமரா மற்றும் ஸ்மார்ட் சவுன்ட் தொழில்நுட்பம் சாதனத்தை தொடாமல் பயன்படுத்த முடியும்.
ஸ்மார்ட் கேமரா திரையில் உள்ள அனைவரும் தெரியும் படி தானாக சூம் மற்றும் அசைந்து கொள்ளும். ஸ்மார்ட் சவுன்ட் அம்சம் பின்னணி சத்தத்தை குறைத்து, குரல் ஒலி அளவை உயர்த்துகிறது. போர்டல் சேவை கொண்டு ஃபேஸ்புக் நண்பர்கள் மற்றும் கனெக்ஷன்களை மெசன்ஜரில் இருந்து அழைப்பு மேற்கொள்ள முடியும்.
மேலும் இந்த சாதனம் க்ரூப் கால் மேற்கொள்ளும் வசதியும், ஒரே நேரத்தில் அதிகபட்சம் ஏழு பேருடன் க்ரூப் கால் செய்ய முடியும். இத்துடன் போர்டல் சாதனத்தில் அமேசான் அலெக்சா சேவை வழங்கப்பட்டு இருக்கிறது. இதனால் விளையாட்டு நிகழ்வுகள், வானிலை நிலவரம் உள்ளிட்டவற்றை அறிந்து கொள்வதோடு ஸ்மார்ட் ஹோம் சாதனங்களை இயக்க முடியும்.
வாடிக்கையாளர்களின் தனியுரிமைக்கு முக்கியத்துவம் அளிக்கும் வகையில், போர்டல் சாதனத்தின் கேமராவை முழுமையாக டிசேபிள் செய்யும் வசதி வழங்கப்பட்டுள்ளது. இதனால் பயனர்கள் ஒற்றை கிளிக் மூலம் கேமரா இயக்கத்தை நிறுத்திக் கொள்ள முடியும்.
போர்டல் மற்றும் போர்டல் பிளஸ் சாதனங்களில் கேமரா கவர் வழங்கப்பட்டு இருப்பதால், கேமரா லென்ஸை எப்போது வேண்டுமானாலும் மறைக்க முடியும். கேமரா லென்ஸ் மறைக்கப்பட்ட நிலையிலும் அழைப்புகள் மற்றும் நோட்டிஃபிகேஷன்கள் தொடர்ந்து வரும். போர்டல் பயன்பாட்டை கண்கானிக்கும் வகையில், குறைந்தபட்சம் 4 முதல் அதிகபட்சம் 12 இலக்க கடவுச்சொல் கொண்டு ஸ்கிரீன் லாக் செய்ய முடியும்.
கடவுச்சொல் மாற்றும் போது ஃபேஸ்புக் கடவுச்சொல் வழங்க வேண்டும். போர்டல் சாதனத்தில் மேற்கொள்ளப்படும் வீடியோ அழைப்புகளை ஃபேஸ்புக் கேட்கவோ, பார்க்கவோ செய்யாது என தெரிவிக்கப்பட்டுள்ளது. போர்டல் அழைப்புகள் பயனர் மட்டும் சம்மந்தப்பட்டது ஆகும். இத்துடன் போர்டல் வீடியோ கால்கள் அனைத்து முழுமையாக என்க்ரிப்ட் செய்யப்படுகிறது.
கூடுதல் பாதுகாப்பு வழங்கும் நோக்கில் ஸ்மார்ட் கேமரா, ஸ்மார்ட் சவுன்ட் போன்றவை ஏ.ஐ. தொழில்நுட்பத்தை பயன்படுத்துகிறது. இந்த தொழில்நுட்பம் போர்டலில் இயங்குவதால், ஃபேஸ்புக் சர்வர்களுக்கு இதில் தொடர்பு இருக்காது. போர்டல் சாதனம் முக அங்கீகார வசதி கொண்டிருக்கவில்லை. மேலும் போர்டல் கொண்டு இசையை கேட்பது, விரும்பிய நிகழ்ச்சிகளை பார்க்க முடியும்.
அமெரிக்காவில் போர்டல் மற்றும் போர்டல் பிளஸ் சாதனங்கள் முன்பதிவு செய்யப்படுகிறது. பயனர்கள் ஃபேஸ்புக்கின் portal.facebook.com மற்றும் அமேசான் வலைதளத்தில் முன்பதிவு செய்ய முடியும். இதன் விநியோகம் நவம்பர் மாதத்தில் துவங்குகிறது.
போர்டல் ஹோம் விலை 199 டாலர்கள் (இந்திய மதிப்பில் ரூ.14,717) என்றும் போர்டல் பிளஸ் விலை 349 டாலர்கள் (இந்திய மதிப்பில் ரூ.25,810) என நிர்ணயம் செய்யப்பட்டுள்ளது.
ஒன்பிளஸ் நிறுவனத்தின் சமீபத்திய ஃபிளாக்ஷிப் ஸ்மார்ட்போன் ரூ.5000 தள்ளுபடி விலையில் விற்பனை செய்யப்பட இருக்கிறது. #AmazonGreatIndianFestival #OnePlus
ஒன்பிளஸ் நிறுவனத்தின் புதிய ஃபிளாக்ஷிப் ஸ்மார்ட்போன் விரைவில் வெளியாக இருக்கிறது. ஒன்பிளஸ் 6டி ஸ்மார்ட்போன் அதிகபட்சம் அக்டோபர் 16-ம் தேதி வாக்கில் அறிமுகம் செய்யப்படலாம் என எதிர்பார்க்கப்படுகிறது.
இந்நிலையில், ஒன்பிளஸ் 6 ஸ்மார்ட்போன் வாங்க நினைப்போருக்கு அமேசான் சிறப்பு சலுகையை அறிவித்துள்ளது. அமேசான் தளத்தில் அக்டோபர் 10-ம் தேதி துவங்கும் கிரேட் இந்தியன் ஃபெஸ்டிவல் விற்பனையில் ஒன்பிளஸ் 6 ஸ்மார்ட்போனின் விலை ரூ.5,000 குறைக்கப்படுகிறது.
அந்த வகையில் ஒன்பிளஸ் அறிமுகம் செய்து விற்பனையாகி வரும் ஒன்பிளஸ் 6 ஸ்மார்ட்போன் அமேசான் தளத்தில் ரூ.29,999 விலையில் விற்பனை செய்யப்பட இருக்கிறது. இந்தியாவில் 6 ஜி.பி. ரேம், 64 ஜி.பி. மெமரி கொண்ட ஒன்பிளஸ் 6 ரூ.34,999 விலையில் விற்பனை செய்யப்படுகிறது.
அமேசான் கிரேட் இந்தியன் ஃபெஸ்டிவல் விற்பனையில் ரூ.5000 தள்ளுபடியோடு மட்டுமின்றி தேர்வு செய்யப்பட்ட வங்கி கார்டுகளை கொண்டு பணம் செலுத்தும் போது பிரத்யேக தள்ளுபடி மற்றும் கேஷ்பேக் சலுகைகள் அறிவிக்கப்பட்டுள்ளன.
ஒன்பிளஸ் 6 சிறப்பம்சங்கள்:
- 6.28 இன்ச் 2280x1080 பிக்சல் ஃபுல் ஹெச்டி பிளஸ் 19:9 ரக AMOLED டிஸ்ப்ளே
- கார்னிங் கொரில்லா கிளாஸ் 5
- 2.8 ஜிகாஹர்ட்ஸ் ஆக்டாகோர் குவால்காம் ஸ்னாப்டிராகன் 845 சிப்செட்
- அட்ரினோ 630 GPU
- 8 ஜிபி ரேம்
- 128 ஜிபி இன்டெர்னல் மெமரி
- ஆன்ட்ராய்டு 8.1 (ஓரியா) மற்றும் ஆக்சிஜன் ஓஎஸ் 5.1
- டூயல் சிம் ஸ்லாட்
- 16 எம்பி + 20 எம்பி பிரைமரி கேமரா
- 16 எம்பி செல்ஃபி கேமரா
- கைரேகை சென்சார்
- வாட்டர் ரெசிஸ்டண்ட்
- 4ஜி வோல்ட்இ, வைபை, ப்ளூடூத், யுஎஸ்பி டைப்-சி போர்ட்
- 3300 எம்ஏஹெச் பேட்டரி மற்றும் டேஷ் சார்ஜ்
ஒன்பிளஸ் நிறுவனத்தின் சமீபத்திய ஃபிளாக்ஷிப் ஒன்பிளஸ் 6 ஸ்மார்ட்போன் மிரர் பிளாக், மிட்நைட் பிளாக், சில்க் வைட் மற்றும் ஆம்பர் ரெட் உள்ளிட்ட நிறங்களில் கிடைக்கிறது. #AmazonGreatIndianFestival #OnePlus6
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
