நீங்கள் தேடியது "slug 99357"

மேற்கு தொடர்ச்சி மலையில் சதுரகிரி சுந்தரமகாலிங்கம் கோவில் அமைந்துள்ளது. இந்த கோவிலுக்கு அமாவாசை, பவுர்ணமிக்கு தலா 3 நாட்கள், 2 பிரதோஷத்திற்கு தலா ஒரு நாள் என மாதத்திற்கு 8 நாட்கள் பக்தர்கள் சாமி தரிசனம் செய்ய அனுமதிக்கப்படுகிறது. இந்தநிலையில் மழையின் காரணமாக சதுரகிரி கோவிலில் சாமி தரிசனம் செய்ய பக்தர்களுக்கு அனுமதி வழங்கப்படவில்லை.

இதனால் ஐப்பசி மாத பிரதோஷத்தையொட்டி நேற்று பக்தர்கள் இன்றி வழிபாடு நடைபெற்றது. முன்னதாக சுவாமிக்கு 18 வகையான பொருட்களை கொண்டு சிறப்பு அபிஷேகம் நடைபெற்றது.

பின்னர் சுவாமிக்கு சிறப்பு அலங்காரம் செய்யப்பட்டது. இதற்கான ஏற்பாடுகளை கோவில் நிர்வாகத்தினர் செய்தனர்.

சாமி தரிசனம் செய்ய அனுமதி மறுக்கப்பட்டிருந்த நிலையில் வத்திராயிருப்பு மற்றும் சுற்றுவட்டார பகுதியில் இருந்து வந்த பக்தர்கள் வனத்துறை கேட்டின் முன்பு சாமி தரிசனம் செய்தனர்.

வத்திராயிருப்பு அருகே மேற்கு தொடர்ச்சி மலைப்பகுதியில் சதுரகிரி சுந்தரமகாலிங்கம் கோவில் அமைந்துள்ளது. இந்த கோவிலுக்கு ஒவ்வொரு மாதமும் அமாவாசை, பவுர்ணமி மற்றும் பிரதோஷ நாட்களில் பக்தர்கள் சாமி தரிசனம் செய்ய அனுமதிக்கப்படுகின்றனர்.

இந்நிலையில் வருகிற 2-ந் தேதி பிரதோஷமும், 4-ந் தேதி அமாவாசையும் வருவதை முன்னிட்டு 2-ந்தேதி முதல் 5-ந்தேதி வரை சதுரகிரி சுந்தரமகாலிங்கம் கோவிலுக்கு பக்தர்கள் சாமி தரிசனம் செய்ய அனுமதிக்கப்பட்டுள்ளனர். தற்போது கோடை விடுமுறையால், 4 நாட்களுக்கு பக்தர்கள் அதிகமாக வருவதற்கு வாய்ப்பு உள்ளது. கோடை வெயில் கொளுத்துவதால், தாணிப்பாறையில் இருந்து கோவிலுக்கு செல்லும் வழியில் குடிக்க தண்ணீர் இல்லை. இதனால் கோவிலுக்கு குழந்தையுடன் வரும் பெண்கள், முதியோர்கள் மிகவும் அவதிப்படுகின்றனர்.

இந்தநிலையில் கோவில் பகுதியில் குடிநீர் வசதி உள்பட அடிப்படை வசதிகளை செய்து தர வேண்டும் என பக்தர்கள் கோரிக்கை விடுத்துள்ளனர்.

பேரையூர் தாலுகாவிற்கு உட்பட்ட சாப்டூரில் தென் மாவட்ட அளவில் பிரசித்திபெற்ற சதுரகிரி மகாலிங்க சாமி கோவில் உள்ளது. மலை மீது உள்ள இக்கோவிலில் மாதந்தோறும் அமாவாசை, பவுர்ணமி ஆகிய தினங்களில் பக்தர்கள் சாமி கும்பிட செல்வார்கள். பக்தர்கள் மலையேறுவதற்கு தாணிப்பாறை வனத்துறை கேட்டுகள் 4 நாட்களுக்கு திறந்துவிடப்பட்டு அனுமதி அளிக்கப்படும். மேலும் காலை 6 மணி முதல் மாலை 4 மணிவரை ஏறவும், இறங்குவதற்கும் அனுமதி அளிக்கப்படும்.

இந்தநிலையில் வருகிற 22-ந்தேதி அன்று பவுர்ணமி வருகிறது. அதற்காக இன்று(செவ்வாய்க்கிழமை) முதல் வருகிற 23-ந்தேதி வரை சதுரகிரி கோவிலுக்கு பக்தர்கள் சாமி கும்பிட செல்ல அனுமதி அளிக்கப்படுவதாக வனத்துறையினர் தெரிவித்துள்ளனர்.

இதுதொடர்பாக வனத் துறையினர் கூறும்போது, தற்போது வடகிழக்கு பருவமழை காலம் என்பதால் சதுரகிரி மலை பகுதியில் மழை பெய்யும் பட்சத்தில் பக்தர்கள் மலை மீது ஏறுவதற்கு அனுமதிக்கப்படமாட்டார்கள். மழை பெய்யாமல் இருந்தால் மட்டுமே மலை மீது ஏறவும், இறங்கவும் அனுமதி அளிக்கப்படும். மேலும் நிலைமைக்கு ஏற்றவாறு அனுமதிக்கப்படுவது குறித்து முடிவு செய்யப்படும். அதுவும் பக்தர்கள் நலன்கருதி முடிவு எடுக்கப்படும். அதன்படி வருகிற பவுர்ணமியையொட்டி பக்தர்கள் சாமி கும்பிட செல்வதற்காக 4 நாட்கள் கோவிலுக்கு செல்ல அனுமதி அளிக்கப்படுகிறது. ஆனால் மழை பெய்தால் அனுமதி அளிக்கப்படமாட்டாது. எனவே கோவிலுக்கு செல்லும் பக்தர்கள் வனத் துறைக்கு ஒத்துழைப்பு கொடுக்க வேண்டும் என்றனர்.

ஆடி அமாவாசை திருவிழாவுக்கு சதுரகிரி சுந்தரமகாலிங்கம் கோவிலுக்கு செல்ல நேற்று முன்தினம் முதல் பக்தர்களுக்கு அனுமதி வழங்கப்பட்டுள்ளது. வருகிற 12-ந் தேதி வரை செல்லலாம் என்றும் அறிவிக்கப்பட்டுள்ளது. அங்கு பக்தர்கள் குவிந்த வண்ணம் உள்ளனர். 2 நாளில் சுமார் 15 ஆயிரம் பக்தர்கள் மலையேறிச்சென்று சாமி தரிசனம் செய்துள்ளனர். இன்றும் (வெள்ளிக்கிழமை) மற்றும் நாளையும் (சனிக்கிழமை) பக்தர்கள் அதிகமாக வருவார்கள் என்று எதிர்பார்க்கப்படுகிறது.

பக்தர்கள் பிளாஸ்டிக் பொருட்களை கொண்டு செல்ல தடைவிதிக்கப்பட்டு இருக்கிறது. மேலும் தண்ணீர் பாட்டில் எடுத்து செல்வோரிடம் அந்த பாட்டில் மீது ‘ஸ்டிக்கர்‘ ஒட்டி ரூ.10 வசூலிக்கப்படுகிறது. மலையில் இருந்து திரும்பியதும் அந்த பாட்டிலை காண்பித்து பணத்தை திரும்ப பெற்றுக்கொள்ளலாம் என்று வனத்துறை சார்பில் அறிவிக்கப்பட்டுள்ளது. மேலும் பக்தர்கள் கம்பு ஊன்றிக்கொண்டு எளிதாக மலையேறுவதற்காக கம்புகள் வாடகைக்கு விடப்படுகின்றன.

இதுதொடர்பாக விருதுநகர் மாவட்ட போலீஸ் சூப்பிரண்டு ராஜராஜன் விடுத்துள்ள அறிக்கையில் கூறியிருப்பதாவது:-

சதுரகிரி மலை ஏறுவதற்கு அதிகாலை 4 மணி முதல் மாலை 4 மணிவரை மட்டுமே பக்தர்கள் அனுமதிக்கப்படுவார்கள். எனவே பக்தர்கள் மற்ற நேரங்களில் தாணிப்பாறை வருவதை தவிர்க்க வேண்டும். பக்தர்கள் வாகனங்களை இலவசமாக நிறுத்தி செல்ல ஏற்பாடு செய்யப்பட்டு உள்ளது. மதுரை, விருதுநகர், அருப்புக்கோட்டை, திருச்சுழி ஆகிய இடங்களில் இருந்து வரும் வாகனங்கள் அழகாபுரி சந்திப்பில் இருந்து தம்பிபட்டி, மகாராஜபுரம், தாணிப்பாறை விலக்கு வழியாக லயன்ஸ் பள்ளி அருகே நிறுத்த வேண்டும்.

ராஜபாளையம், ஸ்ரீவில்லிபுத்தூர், சிவகாசி ஆகிய இடங்களில் இருந்து வரும் வாகனங்கள் கிருஷ்ணன்கோவில் சந்திப்பில் இருந்து சேசபுரம், கோபாலபுரம், வத்திராயிருப்பு, பிள்ளையார்கோவில் சந்திப்பு, சேதுநாராயணபுரம் வழியாக அங்குள்ள வாகன நிறுத்துமிடத்துக்கு செல்ல வேண்டும். மேலும் ராம்நகர், அமச்சியார் அம்மன் கோவில், பிள்ளையார்கோவில், மாவூத்து ஆகிய இடங்களிலும் வாகனங்களை நிறுத்தலாம்.

தாணிப்பாறை விலக்கு, சிவசங்கு மடம், ராம்நகர் ஆகிய இடங்களில் தற்காலிக பஸ் நிலையம் செயல்படுகிறது. வத்திராயிருப்பு-தாணிப்பாறை விலக்கு முதல் தாணிப்பாறை அடிவாரம் வரை சென்றுவர மினி பஸ் வசதி செய்யப்பட்டுள்ளது.

மகாராஜபுரம் பிள்ளையார்கோவில் விலக்கு முதல்சிவசங்குமடம் வரையிலான வழித்தடமும், கிருஷ்ணன்கோவில் சந்திப்பு- வத்திராயிருப்பு - சேதுநாராயணபுரம் வரையிலான வழித்தடமும் ஒருவழி பாதையாக்கப்பட்டுள்ளது. ஆங்காங்கே கண்காணிப்பு கேமராக்கள் பொருத்தப்பட்டு இருப்பதோடு வெளிமாவட்டங்களில் போலீசார் வரவழைக்கப்பட்டுள்ளனர். மேலும் போலீஸ் கட்டுப்பாட்டு அறை 24 மணி நேரமும் செயல்படுகிறது. கூடுதல் போலீஸ் சூப்பிரண்டு தலைமையில் 1,065 போலீசார் பாதுகாப்பு பணியில் உள்ளனர். இவ்வாறு கூறியுள்ளார்.

சதுரகிரி மலையில் தகவல்களை பரிமாறிக்கொள்வதில் காவல் துறைக்கும் சிரமம் உள்ளது. எனவே மலைப்பாதையில் தற்காலிகமாக கோபுரம் அமைத்துதரவேண்டும் என்று பி.எஸ்.என்.எல்.க்கு போலீசார் சார்பில் கோரிக்கை விடுக்கப்பட்டுள்ளது. அதனை ஏற்று உடனடியாக கோபுரம் அமைக்கப்படும் என்று தெரிகிறது.