மதுரை
108 வைணவ தலங்களில் ஒன்றாக மதுரை மாவட்டம் திருமோகூரில் உள்ள காளமேக பெருமாள் கோவில் விளங்கி வருகிறது. இங்கு ஒவ்வொரு வருடமும் ஜூன் மாதம் வைகாசி பெருந்திருவிழா விமரிசையாக நடை பெறும். அதன்படி இந்த ஆண்டுக்கான விழா இன்று (4-ந் தேதி) கொடியேற்றத்துடன் தொடங்கியது.
இதை முன்னிட்டு இன்று அதிகாலை கோயில் நடை திறக்கப்பட்டு பெருமாள் ஸ்ரீதேவி பூதேவி யருக்கு சிறப்பு அபிஷேக அலங்காரம் செய்ய ப்பட்டது. தொடர்ந்து 10:30 மணி முதல் 11 மணிக்கு அலங்கரிக்கப்பட்ட கொடிமரத்தில் கொடி ஏற்றப்பட்டு சிறப்பு பூஜை கள் நடந்தன. அப்போது திரளான பக்தர்கள் சாமி தரிசனம் செய்தனர்.
இன்று தொடங்கி 14-ந் தேதி வரை நடக்கும் திரு விழாவில் தினமும் காலை மாலை சிம்மம், யானை, குதிரை உள்ளிட்ட பல்வேறு வாகனங்களில் பெருமாள் தேவியருடன் வலம் வந்து அருள் பாலிக்கிறார்.
விழாவின் சிகர நிகழ்ச்சி யான தேரோட்டம் வருகிற 12-ந் தேதி (ஞாயிற்றுக்கி ழமை) நடக்கிறது. அலங்கரிக்கப்பட்ட தேரில் காளமேகப்பெருமாள் மற்றும் அம்பாள் எழுந்த ருளியபின் 9 மணிக்கு தேரோட்டம் நடைபெறும். அன்று இரவு 7 மணிக்கு தேர் தடம் பார்த்தல் நிகழ்ச்சி நடக்கிறது.
13-ந் தேதி திருமஞ்சனம் நடக்கிறது. 14-ந் தேதி பகல் 12 மணிக்கு உற்சவ சாந்தி பூஜையுடன் விழா நிறைவு பெறுகிறது.
விழா ஏற்பாடுகளை கோவில் ஆணையர் மற்றும் ஊழியர்கள் செய்து வருகிறார்கள்.
