நீங்கள் தேடியது "Thirumangalam electric shock"

பேரையூர்:

மதுரை அருகே உள்ள செக்கானூரணியை சேர்ந்தவர் நல்லுச்சாமி. இவரது மகன் நாகராஜ் (வயது38). இவர் திருமங்கலம் அருகே உள்ள கிழவனேரி கிராமத்தில் குடிமராமத்து பணிக்கு சென்று இருந்தார்.

நேற்று அங்கு கண்மாயை ஆழப்படுத்தும் பணி நடந்தது. அப்போது டிப்பர் லாரி மூலம் மணல் கொண்டு செல்லப்பட்டது. மணலை தானியங்கி மூலம் கொட்டிய போது மின்வயர் லாரி மீது உரசியது. அப்போது லாரியை பிடித்துக் கொண்டு நின்றிருந்த நாகராஜ் மீது மின்சாரம் பாய்ந்தது. இதில் அவர் சம்பவ இடத்திலேயே துடிதுடித்து இறந்தார்.

இதுகுறித்து தகவல் அறிந்த திருமங்கலம் தாலுகா போலீசார் சம்பவ இடம் வந்து உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.