நீங்கள் தேடியது "Van electrical shock"

பூந்தமல்லி:

மதுரவாயலை சேர்ந்தவர் சங்கர் (37). இவர் பிரபல தனியார் கொரியர் நிறுவனத்தில் வேன் டிரைவராக வேலை பார்த்து வந்தார்.

இன்று காலை அவர் திருவேற்காடு பகுதியில் கொரியர் பார்சல்களை வேனில் ஏற்ற சென்றார். திருவேற்காடு காவேரி நகர் பகுதியில் சாலையோரமாக வேனை நிறுத்தி விட்டு சங்கர் இறங்க முயன்றார்.

அப்போது தாழ்வாக சென்ற மின்கம்பி வேனின் மீது உரசியது. இதில் வேனில் மின்சாரம் பாய்ந்தது. சம்பவ இடத்திலேயே சங்கர் மின்சாரம் பாய்ந்து பலியனார்.

இது குறித்து திருவேற்காடு போலீசார் வழக்குப்பதிவு செய்து விசாரணை நடத்தி வருகிறார்கள். திருவேற்காடு பகுதியில் பல இடங்களில் தாழ்வான மின்கம்பிகள் செல்கின்றன. இதனை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும் என்று பொது மக்கள் கோரிக்கை விடுத்துள்ளனர்.