நீங்கள் தேடியது "போதைப்பொருள்"

புத்தாண்டு நெருங்கி வருவதால், பெங்களூருவில் கஞ்சா விற்பனையாளர்கள் தங்கள் நடவடிக்கைகளை தீவிரப்படுத்தியுள்ளனர். காவல்துறையினரின் கண்காணிப்பிலிருந்து தப்பிக்க, கடத்தல்காரர்கள் நகரத்திற்குள் போதைப்பொருளை கொண்டு செல்வதற்கான வழிமுறையாக ரயில்களைப் பயன்படுத்தத் தொடங்கியுள்ளனர்.

கஞ்சா மற்றும் பிற போதைப்பொருள் விநியோகத்தைத் தடுக்க உள்ளூர் காவல்துறையினரால் சோதனைச் சாவடிகள் நிறுவப்பட்ட போதிலும், கடத்தல்காரர்கள் ஒரு புத்திசாலித்தனமான வழியைக் கண்டுபிடித்துள்ளனர். வழக்கமான போலீஸ் சோதனைகளைத் தவிர்ப்பதற்காக அவர்கள் இப்போது எக்ஸ்பிரஸ் ரயில்களைப் பயன்படுத்துகின்றனர்.

ஆந்திரா, தமிழ்நாடு மற்றும் ஒடிசா உள்ளிட்ட பகுதிகளிலிருந்து பெறப்பட்ட கஞ்சாவை கடத்தல்காரர்கள் டிராலி பைகளில் மறைத்து, மற்ற சாமான்களுடன் கலந்து நகருக்குள் கொண்டுருவருகின்றனர்.

சமீபத்திய நடவடிக்கையில், ரயில்வே போலீசார் ரூ.1 கோடி மதிப்புள்ள 86 கிலோ கஞ்சாவை வெற்றிகரமாக தடுத்து நிறுத்தி, சட்டவிரோத வர்த்தகத்துடன் தொடர்புடைய 8 நபர்களைக் கைது செய்தனர்.

புத்தாண்டு கொண்டாட்டங்களுக்குத் தயாராகி வருபவர்களை, குறிப்பாக விருந்துக்கு வருபவர்களை குறிவைத்து கஞ்சா வியாபாரிகள் செயல்பட்டு வருகின்றனர். தமிழ்நாடு உள்ளிட்ட வெவ்வேறு மாநிலங்களை சேர்ந்த இளைஞர்கள் அதிகம் உள்ள பெங்களூரில் சமீப காலமாக கஞ்சா பயணப்பட்டு அதிகரித்து வருகிறது.

ஐடி துறையில் வேலை பார்க்கும் படித்த இளைஞர்கள் மற்றும் யுவதிகள் பலர் போதைப்பழக்கத்துக்கு அடிமையாகி வருவது அதிகரித்துள்ளது. இதன் எதிரொலியாக, பெங்களூருவுக்குள் கஞ்சா மற்றும் பிற சட்டவிரோதப் பொருட்கள் நுழைவதைத் தடுக்க போலீசார் தீவிர எச்சரிக்கையுடன் உள்ளனர். 

பிரான்சில் தெற்குப் பகுதியில் அமைதியான நகரங்கள் மற்றும் இயற்கை எழில் கொஞ்சும் கிராமப்புறங்களில் ஒன்று மசான் கிராமம்.

ஆனால் இங்கு கண்டதை 10 ஆண்டுகளாக ஒரு பயங்கர ரகசியமும் ஒளிந்திருந்தது. பிரான்ஸ் நாட்டையே அதிர்ச்சிக்குள்ளாக்கிய ஒரு வழக்கு அது. டொமினிக் பெலிகாட் என்ற கணவன் கடந்த 10 ஆண்டுகால காலத்தில் சுமார் 51 ஆண்களை வைத்து தனது மனைவி கிசெல் -லை பாலியல் பலாத்காரம் செய்ய வைத்த வழக்கு அது.

தற்போது 72 வயதாகும் டொமினிக் பெலிகாட் 72 வயதாகும் தனது முன்னாள் மனைவி கிசெல் -க்கு ஏறக்குறைய 2011 முதல் 2020 வரை 10 ஆண்டுகளாக, அவர் அறியாமலேயே டொமினிக் உணவு மற்றும் பானங்களில் நொறுக்கப்பட்ட தூக்க மாத்திரைகளையும், போதைப்பொருள்களையும் கொடுத்து சுயநினைவை இழக்கச் செய்து இந்த பாலியல் சித்திரவதைகளில் ஈடுபடுத்தியுள்ளார்.

கிசெல் பெலிகாட்  

போதைப்பொருள் கடுமையான நினைவாற்றல் இழப்பை ஏற்படுத்தியதால் தனக்கு நேர்வது இன்னதென அறியாமலேயே கிசெல் இருந்துள்ளார்.

இப்போது தடைசெய்யப்பட்ட வலைத்தளமான Coco.fr மூலம் கிராமத்தின் அருகில் உள்ள பகுதிகளில் உள்ள சுமார் 51 ஆண்களை அலுத்துவந்து இந்த சமயங்களில் கிசெல் - ஐ பாலியல் பலாத்காரம் செய்ய வைத்துள்ளார்.

2020 ஆம் ஆண்டில் டொமினிக் பெண்களின் பாவாடையின் கீழ் புகைப்படம் எடுப்பதை சூப்பர் மார்க்கெட் பாதுகாவலர் பிடித்ததை அடுத்து கைது செய்யப்பட்டார்.

டொமினிக் பெலிகாட் 

அப்போது அவரது செல்போன் உள்ளிட்ட டிஜிட்டல் சாதனங்களை போலீசார் ஆராய்ந்தபோது கிசெல்-க்கு நேர்ந்த கொடுமை வெளிச்சத்துக்கு வந்தது.

கிசெல் மீதான சித்திரவதை மற்றும் பலாத்கார வீடியோக்களை போலீசார் கண்டுபிடித்தனர். டொமினிக் படம்பிடித்த இந்தப் பதிவுகள், விசாரணையின் மையச் சான்றாக மாறியது.

இதனையடுத்து கிச்செல் வழக்கு பிரான்ஸ் சட்ட வரலாற்றில் முக்கியத்துவம் வாய்ந்த வழக்காக மாறியது. போதைப்பொருட்கள் தனது வாழ்க்கையில் துண்டு துண்டான நினைவுகளையும் 10 வருட கால வெற்றிடத்தையும் ஏற்படுத்தியுள்ளதாக கிசெல் உண்மையை அறிந்துகொண்ட கிசெல் கூறுகிறார்.

டொமினிக் - கிசெல் தம்பதிக்கு 3 குழந்தைகளும் உள்ளனர். வழக்குக்கு மத்தியில் இந்த வருடம் டொமினிக்கை கிசெல் விவாகரத்து செய்தார்.

கிச்செல் - ஐ பலாத்காரம் செய்தவர்களில் 27 முதல் 74 வயது ஆண்கள் அடங்குவர். அருகிலுள்ள கிராமங்கள் மற்றும் நகரங்களில் இருந்து வந்த ஆண்கள், தீயணைப்பு வீரர்கள், லாரி ஓட்டுநர்கள், பத்திரிகையாளர்கள் மற்றும் DJக்கள்  அந்த 51 பேரில் அடங்குவர்.

அவர்கள் தங்கள் மீதான குற்றச்சாட்டை மறுத்தபோதிலும், வீடியோ ஆதாரங்கள் மூலம் அவர்களில் 50 பேரின் குற்றம் உறுதிப்படுத்தப்பட்டுள்ளது. கடந்த வியாழக்கிழமை வழங்கப்பட்ட இறுதித் தீர்ப்பில் 3 ஆண்டுகள் முதல் 12 ஆண்டுகள் வரை அவர்களுக்கு சிறை தண்டனை வழங்கப்பட்டுள்ளது.

முக்கிய குற்றவாளி டொமினிக் பெலிகாட் 20 ஆண்டுகள் சிறை தண்டனை பெற்றுள்ளார். மற்றொரு பெண்ணை பலாத்காரம் செய்ய முயன்றதற்காகவும், தனது சொந்த மகள் மற்றும் மருமகள்களின் அந்தரங்கமாக படங்களை எடுத்ததற்காகவும் சேர்த்து அவருக்கு இந்த தண்டனை வழங்கப்பட்டுள்ளது.  

இன்றைய இளைஞர்கள் மற்றும் இளம் பெண்கள் மத்தியில் போதைப் பொருட்களின் புழக்கம் நாளுக்கு நாள் அதிகரித்துக் கொண்டே செல்கிறது.

சிகரெட், மது ஆகிய போதை பழக்கங்களையெல்லாம் தாண்டி கஞ்சா, அபின் உள்ளிட்ட போதைப் பொருட்களுடன் சமீபகாலமாக புதிதாக மெத்தபெட்டலைன் போதைப் பொருளின் பழக்கம் இளம் தலைமுறையினரை அதிகம் தொற்றிக் கொண்டுள்ளது.

பவுடர் வடிவிலான இந்த போதைப் பொருள் வெளிநாடுகளில் இருந்து சென்னைக்கு கடத்தி வரப்பட்டு கல்லூரி மாணவர்கள், படித்த இளைஞர்கள், இளம்பெண்கள் ஆகியோரிடையே விற்பனை செய்வது அதிகரித்துள்ள நிலையில் சென்யைில் வாலிபர்கள் சிலர் அதனை தாங்களாகவே தயாரித்திருப்பதும் கூடுதல் அதிர்ச்சியை ஏற்படுத்தியுள்ளது.

வெளிநாடுகளில் இருந்து மட்டுமின்றி பெங்களூரில் இருந்தும் மெத்தபெட்டமைன் போதைப் பொருள் அதிக அளவில் கடத்தி வரப்படுவதும் தெரிய வந்துள்ளது.

உப்பு போன்ற தோற்றத்தில் இருக்கும் மெத்த பெட்டமனை வாலிபர்களும், இளம்பெண்களும் நுகர்ந்து போதை ஏற்படுத்திக் கொள்கிறார்கள். அதனை சூடுபடுத்தி புகையாக மாற்றி போதை ஏற்படுத்திக் கொள்பவர்களும் உண்டு.

பயன்படுத்தும் அளவை பொறுத்து மணிக்கணக்கில் போதையில் மிதக்க முடியும் என்பதால் இளைஞர்கள், இளம்பெண்கள் மத்தியில் அதன் பயன்பாடு பரவலாகவே இருந்து வருகிறது என்று போலீசார் தெரிவித்துள்ளனர்.

சில ரசாயனங்களை கொண்டு எளிதாக தயாரித்து விடக்கூடிய போதைப் பொருளாக இருப்பதால் அதிக அளவில் புழக்கத்தில் இருப்பதாக போலீசார் தெரிவித்துள்ளனர்.

கஞ்சா போன்று பயிரிட்டு வளர்க்க வேண்டியது இல்லை. நினைத்த நேரத்தில் தயாரித்து விடலாம் என்பதே இதன் புழக்கம் அதிகரிப்பதற்கு முக்கிய காரணமாக அமைந்திருக்கிறது.

தொலைக்காட்சி தொடர்களில் நடித்து வரும் மீனா என்ற நடிகை போதைப் பொருள் விற்ற வழக்கில் கடந்த சில நாட்களுக்கு முன்பு கைது செய்யப்பட்டார். இவரை போன்று கடந்த 3 மாதங்களில் 100-க்கும் மேற்பட்டவர்கள் சென்னையில் கைது செய்யப்பட்டுள்ளனர்.

மெத்தபெட்டமைன் போதைப் பொருள் சென்னை புறநகர் பகுதிகள் மற்றும் கிழக்கு கடற்கரை சாலையில் உள்ள பண்ணை வீடுகளில் அதிக அளவில் பயன்படுத்தப்படுவதாக அதிர்ச்சித் தகவலையும் போலீசார் வெளியட்டுள்ளனர்.

பாலியல் அழகிகளை அழைத்துச் சென்று அங்கு உல்லாசமாக இருப்பவர்களில் பெரும்பாலானோர் மெத்தபெட்டமின் போதைப் பொருளை பயன்படுத்துவதும் தெரிய வந்துள்ளது. இதனை பயன்படுத்தி இருப்பவர்களை எளிதாக கண்டு பிடிக்க முடியாது.

கண்களை கூர்ந்து நோக்கினால் ஓரளவுக்கு கண்டு பிடிக்க முடியும். மற்றபடி அதனை பயன்படுத்தி இருப்பவர்கள் போதையில் மிதந்தாலும் வெளியில் தெரியாது.

ஆனால் அவர்கள் உள்ளுக்குள் முழு போதையை உணர்ந்து கொண்டிருப்பார்கள். இது தொடர்பாக பல்வேறு விழிப்புணர்வு நிகழ்ச்சிகளை நடத்தி வந்த போதிலும் பல இளைஞர்கள் அதனை காதில் வாங்கிக் கொள்ளாமல் போதையின் பாதையில் பயணிப்பதாக தெரிவித்துள்ள போலீசார் இதனை கட்டுப்படுத்த பெற்றோர்களும் தங்கள் பிள்ளைகளிடம் போதைப் பொருட்களின் பயன்பாடு குறித்து எடுத்துக் கூற வேண்டும் என்று கேட்டுக் கொண்டுள்ளனர்.

மெத்தபெட்டமின் போதைப் பொருள் விற்பனையில் ஈடுபட்டதாக 2 போலீசாரும் சென்னையில் கைது செய்யப்பட்டிருக்கிறார்கள். அவர்களின் பின்னணி பற்றி விசாரணை நடத்தப்பட்டு வரும் நிலையில் செக்ஸ் உணர்வை தூண்டும் வகையிலும் மெத்தபெட்டமின் போதைப் பொருள் செயல்பட்டு வருவதாகவும் தகவல்கள் பரவி வருகின்றன.

இதன் காரணமாகவே இளைஞர்கள் மற்றும் இளம் பெண்களை மெத்தபெட்டமின் போதைப் பொருள் கட்டிப்போட்டிருப்பதாகவும் கூறப்படுகிறது. இதில் இருந்து அவர்களை விடுவிக்க தேவையான கூடுதல் நடவடிக்கைகளில் போலீசார் ஈடுபட வேண்டும் என்பதே சமூக ஆர்வலர்களின் எதிர்பார்ப்பாக உள்ளது.

சென்னை மாநகர போலீசாரும் அது போன்று அதிரடி காட்டி வந்த போதிலும் மெத்தபெட்டமினை கட்டுப்படுத்துவது போலீசுக்கு பெரிய சவாலாகவே மாறிப்போய் உள்ளது.

சென்னை:

முன்னாள் முதலமைச்சர் ஓ.பன்னீர்செல்வம் வெளியிட்டுள்ள அறிக்கையில் கூறி இருப்பதாவது:-

பள்ளிக்கூடங்கள், கல்லூரிகள், பொது இடங்களில் புழக்கத்தில் இருந்து வந்த போதைப் பொருட்களின் நடமாட்டம் தற்போது சிறைச்சாலைகளுக்குள்ளேயும் புகுந்து விட்டதாகவும், சிறைச்சாலைகளுக்குள்ளேயே கைபேசி மூலம் பேச வேண்டியவர்களுடன் பேசி, எதிரிகளை தீர்த்துக்கட்ட திட்டங்கள் தீட்டப்படுவதாகவும் தகவல்கள் வருகின்றன.

பூந்தமல்லி சிறையில் கைதிகள் அறைகளிலிருந்து ஸ்மார்ட் போன்கள், கஞ்சா உள்ளிட்ட போதைப் பொருட்கள் கைப்பற்றப்பட்டதாகவும், துணை ஜெயிலர், உதவி ஜெயிலர், தலைமைக் காவலர் உள்ளிட்ட 11 பேர் கைது செய்யப்பட்டுள்ளதாகவும், கூறப்படுகிறது. இந்த நிலைமை நீடித்தால், சட்டம் ஒழுங்கு சீரழிந்து காவல் துறையினரின் உயிருக்கே ஆபத்து ஏற்படும் சூழ்நிலை உருவாகும். எனவே முதலமைச்சர் இதில் தனிக்கவனம் செலுத்தி நடவடிக்கை எடுக்க வேண்டும்.

இவ்வாறு அவர் கூறியுள்ளார்.

மெத்தபெட்டமையின் போதை பொருட்கள் விற்பனைக்கு உடந்தையாக இருந்ததாக காவலர் மீது வழக்குப்பதிவு செய்யப்பட்டு கைது செய்யப்பட்டுள்ளார்.

சென்னை அசோக் நகர் காவல் நிலையத்தில் பணியாற்றும் காவலர் ஜேம்ஸ், அவரது நண்பர் சுரேந்தர்நாத் கைது செய்யப்பட்டுள்ளனர்.

காவலர் ஜேம்சும், அவரது நண்பரும் மெத்தபெட்டமையின் விற்பனையில் ஈடுபட்டதாக கைது செய்யப்பட்டுள்ளனர்.

கைது செய்யப்பட்ட காவலரும், நண்பரும் வடபழனி காவல் நிலையத்தில் ஒப்படைக்கப்பட்டுள்ளனர். இருவரிடமும் 10 கிராம் மெத்தபட்டமையின் போதைப்பொருள் பறிமுதல் செய்யப்பட்டுள்ளது

திருவனந்தபுரம்:

கேரள மாநிலத்தில் இருந்து பல்வேறு மாநிலங்களுக்கும் போதைப்பொருட்கள் கடத்தப்படுவதாக புகார்கள் எழுந்ததையடுத்து, போலீசார் அதிரடி நடவடிக்கை எடுத்து வருகின்றனர். நடைக்காவு போலீசார் நடத்திய சோதனையில் 102.88 கிராம் எம்.டி.எம்.ஏ. போதைப்பொருள் வைத்திருந்த 2 பேர் சிக்கினர். அவர்களை போலீசார் கைது செய்து விசாரித்த போது, பெங்களூரில் இருந்து போதைப்பொருளை கொள்முதல் செய்து கல்லூரி மற்றும் பள்ளி மாணவர்களுக்கு விநியோகிகத்தது தெரியவந்தது. கைதானவர்கள் கோட்டூர் வயலங்கரையை சேர்ந்த சப்தர் ஹாஷ்மி (வயது 31), மாங்காடு ரபீக் (35) என தெரியவந்தது.

சென்னை:

சென்னை மற்றும் புறநகர் பகுதிகளில் போதைப்பொருள்கள் விற்பனையை தடுக்க, தனிப்படைகள் அமைக்கப்பட்டு, காவல் துணை ஆணையர் தலைமையில் தீவிர தேடுதல் வேட்டை நடத்தப்பட்டு வருகிறது. இந்த சூழலில், சென்னை மூலக்கடை பேருந்து நிலையம் அருகே போலீசார் வாகன சோதனையில் ஈடுபட்டுக் கொண்டிருந்தனர்.

அப்போது 2.7 கிலோ மெத்தபெட்டமைன் போதைப்பொருளை இலங்கைக்கு கடத்த முயன்ற விஜயகுமார், மணிவண்ணன் ஆகியோர் பிடிபட்டனர். அவர்களிடம் இருந்து ரூ.27 கோடி மதிப்புள்ள போதைப்பொருளை பறிமுதல் செய்த போலீசார், இருவரையும் கைது செய்து விசாரணை நடத்தி வருகின்றனர்.

மேற்கு ஜெர்மனியில் உள்ள பீட்சா கடையில் ஒரு குறிப்பிட்ட பீட்சாவை வாங்க பொதுமக்கள் ஆர்வம் காட்டிய சம்பவத்தை தொடர்ந்து அங்கு போலீசார் நடத்திய விசாரணையில் அதிர வைக்கும் உண்மைகள் வெளிவந்துள்ளன.

"நம்பர் 40" என்று குறிப்பிட்ட பீட்சாவை வாங்க பொதுமக்கள் ஆர்வம் காட்டுவதாக வெளியான தகவலை தொடர்ந்து போலீசார் ரகசியமாக அந்த கடையை கண்காணித்தனர். அப்போது பீட்சாவுடன் சைட் டிஷ்ஷாக கொக்கைன் என்னும் போதைப்பொருளும் வழங்கப்பட்டதே மக்கள் அதன் மீது ஆர்வம் காட்டியதற்கு காரணம் என தெரியவந்தது.

இதையடுத்து கடையின் மேலாளரை அவரது வீட்டிற்கு சென்று போலீசார் கைது செய்துள்ளனர். மேலும் அவர் வீட்டில் இருந்து 268,000 யூரோ ரொக்கம், 1.6 கிலோ கொக்கெய்ன் மற்றும் 400 கிராம் கஞ்சா உட்பட பெருமளவிலான போதைப்பொருட்கள் கண்டுபிடிக்கப்பட்டதாக தகவல்கள் வெளியாகி உள்ளன.

இதையடுத்து விசாரணைக்குப் பின் கடை மேலாளாரை போலீசார் விடுத்துள்ளனர். இருப்பினும் அவர் தொடர்ந்து போதைப்பொருள் விற்பனையை செய்து வந்துள்ளார். அவரை தொடர்ந்து கண்காணித்து வந்த போலீசார் போதைப்பொருளை விநியோகிக்கும் கும்பலை கைது செய்துள்ளது.

கேரளாவில் கஞ்சா புகைக்க தீப்பெட்டி கேட்க போதைப்பொருள் தடுப்புப்பிரிவு காவல்நிலையத்திற்கு வந்த மாணவர்களை பிடித்து போலீசார் விசாரித்து வருகின்றனர்.

திரிச்சூரில் இருந்து பள்ளி மாணவர்களை மூணாறுக்கு பள்ளி நிர்வாகம் சுற்றுலா அழைத்து வந்துள்ளது. மூணாறுக்கு முன்பாக உணவு ப்ரேக்கிற்காக பள்ளி பேருந்து நிறுத்தப்பட்டுள்ளது. அப்போது 4 மாணவர்கள் தீப்பெட்டி தேடி அழைத்துள்ளனர்.

அப்போது பக்கத்தில் போதைப் பொருள் தடுப்புப்பிரிவு காவல் நிலையத்திற்கு வெளியே பழைய கார், பைக் நிறுத்தப்பட்டிருந்ததை மாணவர்கள் பார்த்துள்ளனர். 'கலால்துறை அலுவலகம்' என்ற பெயர்ப் பலகையை பார்க்காமல் இந்த இடத்தை ஒர்க் ஷாப் என நினைத்து வந்த மாணவர்கள் உள்ளே சென்று மப்டியில் இருந்த ஒரு போலீசாரிடம் தீப்பெட்டி கேட்டுள்ளனர்.

அப்போது உள்ளே சீருடையில் போலீஸ் இருப்பதை பார்த்து 2 மாணவர்கள் பயந்து ஓடியுள்ளனர். மற்ற 2 மாணவர்களை போலீசார் பிடித்து விசாரித்துள்ளனர். அப்போது ஒரு மாணவரிடம் இருந்து 5 கிராம் கஞ்சாவை போலீசார் பறிமுதல் செய்தனர்.

இதனையடுத்து பள்ளி ஆசியர்களை அழைத்து விசாரித்து, பள்ளி வாகனத்தை அதிகாரிகள் சோதனையிட்டுள்ளனர் . அப்போது 1 கிராம் அளவுள்ள 'ஹாசிஸ் ஆயில்' என்ற போதைப்பொருளை போலீசார் கைப்பற்றினர்.

பள்ளி மாணவர்களுக்கு கஞ்சா விற்றவரை பிடிக்க நடவடிக்கை எடுக்கப்படும் என்று அதிகாரிகள் தெரிவித்தனர்.

புதுடெல்லி:

நாடு முழுவதும் போதைப்பொருள் தடுப்பு பணிகளில் அரசு தீவிர கவனம் செலுத்தி வருகிறது. விமான நிலையங்களில் சோதனைகள் தீவிரமாகி உள்ளது.

இந்த நிலையில், தாய்லாந்தின் தலைநகர் பாங்காங்கில் இருந்து பாரீஸ் நகருக்கு டெல்லி வழியாக பயணித்த ஒரு பெண் பயணி, டெல்லி இந்திராகாந்தி சர்வதேச விமான நிலையத்தில் சோதனை செய்யப்பட்டார். அவரது உடைமைகளை அதிகாரிகள் 'ஸ்கேன்' செய்து பார்த்தபோது அதில் சந்தேகத்துக்கு இடமான பொருட்கள் இருப்பதாக தெரியவந்தது. இதனைத் தொடர்ந்து மோப்பநாயை வரவழைத்து அதனை மோப்பம் பிடிக்கச் செய்தனர். நாய் மோப்பம் பிடித்து, அது போதைப்பொருள் என சுட்டிக்காட்டியது.

உடைமைகளை திறந்து ஆய்வு செய்ததில், 'ஹைட்ரோபோபிக்' என்கிற உயர்ரக போதைப்பொருள் இருந்தது. மொத்தம் சுமார் 15 கிலோ போதைப்பொருளை அதிகாரிகள் கைப்பற்றினர். இதன் மதிப்பு ரூ.15 கோடிக்கு மேல் ஆகும். பெண் பயணி இது தொடர்பாக கைது செய்யப்பட்டார்.

மத்திய பிரதேச மாநிலம் போபால் அருகே உள்ள ஒரு தொழிற்சாலையில் அண்மையில் நடத்தப்பட்ட சோதனையில் ரூ.1814 கோடி மதிப்பிலான போதைப்பொருள் பறிமுதல் செய்யப்பட்டுள்ளது.

குஜராத்தின் பயங்கரவாத தடுப்பு படை மற்றும் டெல்லி போதைப்பொருள் தடுப்புப் பிரிவு அதிகாரிகள் இணைந்து நடத்திய சோதனையின்போது இந்த போதைப்பொருள் சிக்கியுள்ளது. இது தொடர்பாக 2 பேர் கைது செய்யப்பட்டுள்ளனர்.

குஜராத் உள்துறை அமைச்சர் ஹர்ஷ் சங்கவி தனது எக்ஸ் பக்கத்தில் இது தொடர்பான தகவல்களை பகிர்ந்து போதைப்பொருள் தடுப்புப் பிரிவு அதிகாரிகளை பாராட்டியுள்ளார்.

மத்தியப் பிரதேச மாநிலம் பெதுல் மாவட்டத்தில் உள்ள முல்டாய் காவல்நிலையத்தில் உள்ள ஒரு ஜன்னலில் ஒருவர் கட்டிவைக்கப்பட்ட வீடியோ சமூக வலைத்தளங்களில் வைரலானது.

இந்த விவகாரம் தொடர்பாக பாதிக்கப்பட்ட நபர் போலீஸ் எஸ்பியை சந்தித்து புகார் அளித்தார்.

அவரது புகாரில், "நான் மல்டெய்ல் பேருந்து நிலையத்தில் தேநீர் மற்றும் சிற்றுண்டிக் கடை நடத்தி வருகிறேன். சில ஆட்களுக்கு முன்பு எனது கடையில் போதைப்பொருள் விற்பனை செய்தேன் என்று குற்றம் சாட்டி போலீசார் என்னை காவல்நிலையத்திற்கு அழைத்து சென்றனர். அங்கு ஜன்னலில் என்னை கட்டி வைத்து போலீசார் அடித்தனர்" என்று தெரிவித்தார்.

இதனையடுத்து சப்-இன்ஸ்பெக்டர் சுனில் சரேயம் சஸ்பெண்ட் செய்யப்பட்டார். இந்த விவகாரம் தொடர்பாக விசாரணைக்கு உத்தரவிட்டுள்ள எஸ்பி, விசாரணை அறிக்கையின் அடிப்படையில் மேலும் ஒழுங்கு நடவடிக்கை எடுக்கப்படும் என்று தெரிவித்தார்.