கணினி

ஃபயர் போல்ட் நிறுவனம் இந்திய சந்தையல் புதிய ஸ்மார்ட்வாட்ச்-ஐ ப்ளூடூத் காலிங் வசதியுடன் அறிமுகம் செய்தது. ஃபயர் போல்ட் எடர்னோ என அழைக்கப்படும் புதிய ஸ்மார்ட்வாட்ச் சதுரங்க வடிவம் கொண்ட டயல், மெல்லிய பெசல்களை கொண்டிருக்கிறது. ஃபயர் போல்ட் எடர்னோ மாடலில் 1.99 இன்ச் HD டிஸ்ப்ளே, 240x283 பிக்சல் ரெசல்யூஷன் உள்ளது.

முழு சார்ஜ் செய்தால் ஐந்து நாட்களுக்கு தேவையான பேட்டரி பேக்கப் வழங்கும் ஃபயர் போல்ட் எடர்னோ ஸ்மார்ட்வாட்ச் இன்-பில்ட் மைக்ரோபோன், ஸ்பீக்கர், ப்ளூடூத் காலிங், வாய்ஸ் அசிஸ்டண்ட் மற்றும் பல்வேறு இதர அம்சங்களை கொண்டிருக்கிறது. இத்துடன் 120-க்கும் அதிக வொர்க்அவுட் மோட்கள், SpO2 மாணிட்டரிங், ஹார்ட் ரேட் மாணிட்டரிங் மற்றும் ஸ்லீப் டிராக்கிங் போன்ற வசதிகள் இதில் உள்ளன.

ஃபயர் போல்ட் எடர்னோ அம்சங்கள்:

1.99 இன்ச் HD 240x283 பிக்சல் LCD ஸ்கிரீன்

ப்ளூடூத் காலிங், கால் ஹிஸ்ட்ரி

குயிக் டயல் பேட், சின்க் காண்டாக்ட்ஸ்

120+ ஸ்போர்ட்ஸ் மோட்கள்

ஏஐ வாய்ஸ் அசிஸ்டண்ட்

ஹெல்த் மாணிட்டரிங்

IP68 வாட்டர் ரெசிஸ்டண்ட்

ஸ்மார்ட் நோட்டிபிகேஷன்

இன்பில்ட் மைக் மற்றும் ஸ்பீக்கர்

இன்பில்ட் கேம்ஸ்

280 எம்ஏஹெச் பேட்டரி

விலை மற்றும் விற்பனை விவரங்கள்:

ஃபயர் போல்ட் எடர்னோ ஸ்மார்ட்வாட்ச் புளூ, பிளாக், பெய்க், சில்வர் கிரீன், பிளாக் சில்வர் மற்றும் கோல்டு பின்க் போன்ற நிறங்களில் கிடைக்கிறது. இதன் விலை அறிமுக சலுகையாக ரூ. 1,999 என நிர்ணயம் செய்யப்பட்டு உள்ளது. விற்பனை அமேசான் மற்றும் ஃபயர் போல்ட் அதிகாரப்பூர்வ வலைத்தளங்களில் நடைபெறுகிறது.

போல்ட் ஆடியோ நிறுவனத்தின் புதிய ப்ளூடூத் நெக்பேண்ட் இயர்பட்ஸ்- கர்வ் ANC பெயரில் அறிமுகம் செய்யப்பட்டுள்ளது. புதிய போல்ட் கர்வ் ANC நெக்பேண்ட் மாடல் மெல்லிய வடிவமைப்பு கொண்டிருக்கிறது. இதில் 12mm டிரைவர்கள், பூம் எக்ஸ் ரிச் பேஸ் தொழில்நுட்பம் உள்ளது. இத்துடன் ப்ளூடூத் 5.3, ப்ளின்க் அண்ட் பேர் தொழில்நுட்பம், பிரீமியம் டச் கண்ட்ரோல், வாய்ஸ் அசிஸ்டண்ட், IPX5 வாட்டர் ரெசிஸ்டண்ட் வசதி மற்றும் மேக்னடிக் டிரைவர்கள் உள்ளன.

ஆக்டிவ் நாய்ஸ் கேன்சலேஷன் மற்றும் என்விரான்மெண்டல் நாய்ஸ் கேன்சலேஷன் வசதி கொண்டிருக்கும் போல்ட் ஆடியோ கர்வ் ANC மாடலில் 40 மணி நேரத்திற்கான பிளேடைம், ANC ஆன் செய்யப்பட்ட நிலையில், 30 மணி நேரத்திற்கான பிளேடைம் கொண்டிருக்கிறது. டைப் சி ஃபாஸ்ட் சார்ஜிங் கொண்ட போல்ட் ஆடியோ கர்வ் ANC பத்து நிமிட சார்ஜ் செய்தால் 15 மணி நேரத்திற்கு பிளேடைம் வழங்குகிறது.

கர்வ் ANC மாடலில் தலைசிறந்த காலிங் அனுபவம், அதிகபட்சம் 25db ஆக்டிவ் நாய்ஸ் கேன்சலேஷன் வசதி வழங்கப்பட்டு இருக்கிறது. இத்துடன் 60ms அல்ட்ரா லோ லேடன்சி காம்பட் கேமிங் மோட் உள்ளது. இது கேமிங்கின் போது சிறந்த அனுபவத்தை வழங்குகிறது. டூயல் பேரிங் வசதி இருப்பதால், இதை கொண்டு ஒரே சமயத்தில் அழைப்புகளை பேசுவது மற்றும் கேமிங் செய்ய முடியும்.

போல்ட் ஆடியோ கர்வ் ANC அம்சங்கள்:

12mm பூம் எக்ஸ் டிரைவர்கள்

ஜென் டெக் ENC

ANC மற்றும் பிரத்யேக மைக்

60ms அல்ட்ரா லோ லேடன்சி

இன்-லைன் கண்ட்ரோல்

அதிகபட்சம் 40 மணி நேர பிளேடைம்

டைப் சி ஃபாஸ்ட் சார்ஜிங்

ப்ளூடூத் 5.3

வாய்ஸ் அசிஸ்டண்ட் சப்போர்ட்

IPX5 வாட்டர் ரெசிஸ்டண்ட்

விலை மற்றும் விற்பனை விவரங்கள்:

போல்ட் ஆடியோ கர்வ் ANC வயர்லெஸ் நெக்பேண்ட் மாடலின் விலை ரூ. 1,299 ஆகும். இது பிளாக் மற்றும் கிரீன் என இரண்டு விதமான நிறங்களில் கிடைக்கிறது. இதன் விற்பனை போல்ட் ஆடியோ வலைத்தளம், ப்ளிப்கார்ட் மற்றும் அமேசானில் துவங்கி நடைபெற்று வருகிறது.

கூகுள் நிறுவனம் தனது முதல் டேப்லெட் எப்படி இருக்கும் என்பதை கூகுள் 2022 IO நிகழ்வில் காட்சிப்படுத்தி இருந்தது. அப்போது கூகுள் தனது முதல் பிக்சல் டேப்லெட் 2023 வாக்கில் விற்பனைக்கு வரும் என அறிவித்து இருந்தது. எனினும், சரியான வெளியீட்டு தேதியை அப்போது கூகுள் நிறுவனம் அறிவிக்கவில்லை.

சில நாட்களுக்கு முன் தான், கூகுள் நிறுவனம் 2023 கூகுள் IO நிகழ்வு மே 10 ஆம் தேதி நடைபெறும் என அறிவித்து இருந்தது. அந்த வகையில், இந்த ஆண்டு நடைபெறும் கூகுள் IO நிகழ்வில் கூகுள் தனது முதல் பிக்சல் டேப்லெட்-ஐ அறிமுகம் செய்யும் என எதிர்பார்க்கப்படுகிறது. எனினும், இதுபற்றி அந்நிறுவனம் இதுவரை எந்த தகவலும் வழங்கவில்லை.

ஒருவேளை கூகுள் IO நிகழ்வில் அறிவிக்கப்படவில்லை எனில், பிக்சல் டேப்லெட் வெளியீட்டு தேதி இதில் அறிவிக்கப்படும் என எதிர்பார்க்கப்படுகிறது. 2022 கூகுள் IO நிகழ்வில் பிக்சல் டேப்லெட் மாடலில் கூகுள் டென்சார் சிப்செட் வழங்கப்படும் என அந்நிறுவனம் தெரிவித்து இருந்தது. மேலும் இதில் ஆண்ட்ராய்டு 12L அல்லது ஆண்ட்ராய்டு 13L ஒஎஸ் வழங்கப்படும் என தெரிகிறது.

இந்த ஆண்ட்ராய்டு ஒஎஸ் டேப்லெட் மற்றும் மடிக்கக்கூடிய ஸ்மார்ட்போன்களுக்காக பிரத்யேகமாக உருவாக்கப்பட்டு இருக்கிறது. பிக்சல் டேப்லெட் மாடலில் ஒற்றை பிரைமரி கேமரா வழங்கப்படுகிறது. இந்த டேப்லெட் தடிமனான பெசல்கள், தவறுதலாக ஏற்படும் டச்களை தவிர்க்க செய்கிறது. இதன் அதிகாரப்பூர்வ போஸ்டரில் பிக்சல் டேப்லெட் கிரீன் நிறம் கொண்டிருக்கிறது.

கூகுள் நிறுவனம் நிதி சிக்கலில் சிக்கித் தவிப்பதாக தெரிகிறது. ஊழியர்களிடம் மேஜைகளை சக பணியாளர்களுடன் பகிர்ந்து கொள்ள கூகுள் வலியுறுத்தி வருகிறது. இவ்வாறு செய்வதன் மூலம் நிறுவனம் காசை மிச்சப்படுத்த முடியும் என சுந்தர் பிச்சை தெரிவித்து இருப்பதாக தனியார் செய்தி நிறுவனம் வெளியிட்டு இருக்கும் தகவல்களில் தெரிவிக்கப்பட்டு இருக்கிறது.

முன்னதாக இந்தியா உள்பட உலகின் பல்வேறு பகுதிகளில் சுமார் 12 ஆயரம் பேரை பணி நீக்கம் செய்த நிலையில், கூகுள் இந்த நடவடிக்கை மூலம் செலவீனங்களை குறைக்க முயற்சிக்கிறது.

கடந்த வாரம் நடைபெற்ற ஆல்-ஹேண்ட்ஸ் சந்திப்பில் பேசிய சுந்தர் பிச்சை, "என்னை பொருத்தவரை அவர்கள் ஒத்துழைப்பு வழங்கி பணத்தை மிச்சப்படுத்த முயற்சிக்கின்றனர். அதே சமயம் சிலவற்றை பயன்படுத்திக் கொள்ள வேண்டும். சிலர் எப்போதும் குறை கூறிக் கொண்டே இருப்பர், எப்போதும் மேஜைகள் காலியாகவே உள்ளது. இதை பார்க்க பேய் நகரம் போன்று காட்சியளிக்கும். இது நல்ல அனுபவம் இல்லை," என்று தெரிவித்து இருக்கிறார்.

சில வாரங்களுக்கு முன்பு தான், அமெரிக்காவின் நியூ யார்க், சான் ஃபிரான்சிஸ்கோ போன்ற பகுதிகளில் கூகுள் கிளவுட் பிரிவில் பணியாற்றி வரும் ஊழியர்கள் தங்களின் சக பணியாளர்களுடன் அலுவலகம் மற்றும் மேஜைகளை பகிர்ந்து கொள்ள வலியுறுத்தப்பட்டனர். தற்போது மேஜைகளை பகிர்ந்து கொள்வது கிளவுட் பிரிவுக்கு மட்டுமே அறிவிக்கப்பட்டு இருக்கிறது. எனினும், மற்ற குழுக்களை சேர்ந்தவர்களும் இதனை முயற்சிக்கலாம் என கூகுள் சிஇஒ தெரிவித்து இருக்கிறார்.

மேஜை பகிர்வதோடு மட்டுமின்றி ஊழியர்கள் செலவீனங்களில் கவனமாக இருக்கவும், தேவையின்றி பணம் மற்றும் பொருட்களை செலவிட வேண்டாம் என்றும் அவர் மேலும் தெரிவித்துள்ளார். "நிதி தேவைகளை கையாள்வதில் நாம் சிறப்பாக செயலாற்ற வேண்டும். நமக்கான ரியல் எஸ்டேட் செலவீனங்கள் அதிகம் ஆகும். இவை 30 சதவீதம் மட்டுமே பயன்படுத்தப்படும் எனில், இந்த விஷயத்தில் நாம் சரி செய்வது எப்படி என யோசிக்க வேண்டும்," என்று சுந்தர் பிச்சை தெரிவித்துள்ளார்.

அமெரிக்காவை சேர்ந்த நுகர்வோர் மின்சாதன நிறுவனமான வெஸ்டிங்ஹவுஸ் இந்திய சந்தையில் புதிதாக குவாண்டம் சீரிஸ் மற்றும் Pi சீரிஸ் பெயரில் புதிய ஸ்மார்ட் டிவி மாடல்களை அறிமுகம் செய்து இருக்கிறது. இவற்றில் குவாண்டம் சீரிஸ் 55 இன்ச் மாடலும், Pi சீரிசில் 24 இன்ச் மற்றும் 40 இன்ச் மாடல்களும் இடம்பெற்றுள்ளன.

வெஸ்டிங்ஹவுஸ் டிவி Pi சீரிஸ் (24 இன்ச் HD டிவி மற்றும் 40 இன்ச் FHD டிவி)

புதிய Pi சீரிஸ் 24 இன்ச் HD 1366x768 பிக்சல், 40 இன்ச் FHD 1920x1080 பிக்சல் டிஸ்ப்ளே, லினக்ஸ் ஒஎஸ் கொண்டிருக்கின்றன. இத்துடன் இரு மாடல்களிலும் 512MB ரேம், 4 ஜிபி ரோம், 2 HDMI கனெக்டர்கள், 2 யுஎஸ்பி போர்ட்கள் வழங்கப்பட்டுள்ளன.

இத்துடன் 24 இன்ச் மாடலில் டைப் 2 ஸ்பீக்கர்கள், 20 வாட் திறன் கொண்டுள்ளன. 40 இன்ச் மாடலில் 30 வாட் ஸ்பீக்கர்கள், டிஜிட்டல் ஆடியோ அவுட்புட் மற்றும் டிஜிட்டல் நாய்ஸ் ஃபில்ட்டர் வழங்கப்பட்டு இருக்கிறது. இதில் A35x4 பிராசஸர், A+ பேனல், 300 நிட்ஸ் பிரைட்னஸ் கொண்டிருக்கிறது. புதிய ஸ்மார்ட் HD ரெடி டிவி மாடலில் ஏராளமான செயலிகள் மற்றும் கேம்ஸ் உள்ளது.

வெஸ்டிங்ஹவுஸ் டிவி Pi சீரிஸ் அம்சங்கள்:

24 இன்ச் 1366x768 பிக்சல் HD, 40 இன்ச் 1920x1080 பிக்சல் FHD

A+ பேனல், 300 நிட்ஸ் பிரைட்னஸ்

2x HDMI, யுஎஸ்பி

24 இன்ச் மாடலில் 20 வாட் ஸ்பீக்கர்கள்

40 இன்ச் மாடலில் 30 வாட் ஸ்பீக்கர்கள்

டிஜிட்டல் ஆடியோ அவுட்புட்

டிஜிட்டல் நாய்ஸ் ஃபில்ட்டர்

A35*4 பிராசஸர்

கூகுள் பிளே ஸ்டோர் ஆப்ஸ்

வெஸ்டிங்ஹவுஸ் டிவி குவாண்டம் 55 இன்ச் 4K UHD டிவி

55 இன்ச் UHD 840x2160 பிக்சல் DLED ஸ்கிரீன்

8 ஜிபி ரோம், 2 ஜிபி ரேம்

3x HDMI, 2x யுஎஸ்பி

40 வாட் ஸ்பீக்கர், டால்பி டிஜிட்டல் பிளஸ், டால்பி MS12

DTS ட்ரூ-சரவுண்ட்

டிஜிட்டல் ஆடியோ அவுட்புட்

டிஜிட்டல் நாய்ஸ் ஃபில்ட்டர்

A35*4 பிராசஸர்

கூகுள் பிளே ஸ்டோர் ஆப்ஸ்

விலை மற்றும் விற்பனை விவரங்கள்:

வெஸ்டிங்ஹவுஸ் டிவி Pi சீரிஸ் 24 இன்ச் HD ரூ. 6 ஆயிரத்து 999

வெஸ்டிங்ஹவுஸ் டிவி Pi சீரிஸ் 40 இன்ச் FHD ரூ. 13 ஆயிரத்து 499

வெஸ்டிங்ஹவுஸ் டிவி குவாண்டம் 55 இன்ச் UHD ரூ. 29 ஆயிரத்து 999

புதிய வெஸ்டிங்ஹவுஸ் ஸ்மார்ட் டிவி மாடல்களின் விற்பனை நாளை துவங்குகிறது. இவற்றின் விற்பனை அமேசான் வலைத்தளத்தில் நடைபெற இருக்கிறது.

ஆப்பிள் நிறுவனம் முற்றிலும் புதிய மேக்புக் ஏர் மாடலை இருவித அளவுகளில் அறிமுகம் செய்யும் பணிகளில் ஈடுபட்டு வருவதாக கூறப்படுகிறது. புதிய மாடல் 13 இன்ச் மற்றும் 15 இன்ச் என இருவித அளவுகளில் கிடைக்கும் என தெரிகிறது. இரு மாடல்களிலும் முற்றிலும் புதிய M3 சிப்செட் வழங்கப்படும் என கூறப்படுகிறது.

பிரபல ஆப்பிள் வல்லுனரான மார்க் குர்மன், குறைந்தபட்சம் புதிய 13 இன்ச் மேக்புக் ஏர் மாடலில் இதுவரை அறிவிக்கப்படாமல் இருக்கும் M3 சிப்செட் வழங்கப்படலாம் என தெரிவித்து இருக்கிறது. புதிய M3 சிப்செட் TSMC-யின் அதிநவீன 3 நானோமீட்டர் முறையில் உருவாக்கப்பட்டு இருக்கிறது. இது மேம்பட்ட செயல்திறன் வழங்கும் என்பதில் சந்தேகம் இருக்க முடியாது.

13 இன்ச் போன்றே புதிய 15 இன்ச் மாடலிலும் M3 சிப்செட் வழங்கப்படுமா என்பது கேள்விக்குறியாகவே உள்ளது. இந்த ஆண்டு கோடை கால வாக்கில் அறிமுகம் செய்யப்பட இருக்கும் புதிய 15 இன்ச் மாடலில் M2 சிப்செட் வழங்கப்படும் என்றும் இது விசேஷமாக இருக்கும் என மார்க் குர்மன் தெரிவித்து இருக்கிறார். டிஸ்ப்ளே பிரிவு வல்லுனரான ராஸ் யங் சமீபத்தில் வெளியிட்ட தகவல்களில் ஆப்பிள் வினியோக பிரிவு சார்பில் புதிய 15.5 இன்ச் மேக்புக் ஏர் மாடலுக்கான டிஸ்ப்ளே உற்பத்தி துவங்கிவிட்டதாக தெரிவிக்கப்பட்டது.

இதுதவிர ஆப்பிள் நிறுவனம் ஐபோன் 14 மற்றும் ஐபோன் 14 பிளஸ் மாடல்களை புதிதாக மஞ்சள் நிறத்தில் அறிமுகம் செய்ய இருப்பதாக தகவல் வெளியாகி உள்ளது. முன்னதாக 201 வாக்கில் வெளியிடப்பட்ட ஐபோன் 11 மற்றும் 2018 வாக்கில் அறிமுகம் செய்யப்பட்ட ஐபோன் XR போன்ற மாடல்கள் மஞ்சள் நிறத்தில் அறிமுகம் செய்யப்பட்டன. 

போட் நிறுவனம் இந்திய சந்தையில் புதிதாக வேவ் ஃப்ளெக்ஸ் கனெக்ட் பெயரில் ஸ்மார்ட்வாட்ச்-ஐ அறிமுகம் செய்து இருக்கிறது. புதிய ஸ்மார்ட்வாட்ச் அழகிய மெட்டாலிக் டிசைன், மென்மையான, சருமத்திற்கு பாதிப்பை ஏற்படுத்தாத சிலிகான் ஸ்டிராப்களை கொண்டிருக்கிறது. மேலும் இதன் சிலிகான் ஸ்டிராப்கள் பல்வேறு நிறங்களில் கிடைக்கின்றன.

இத்துடன் 1.83 இன்ச் 2.5D HD 240x280 பிக்சல் டிஸ்ப்ளே, 550 நிட்ஸ் பீக் பிரைட்னஸ் கொண்டிருக்கிறது. ப்ளூடூத் காலிங் வசதி கொண்ட புதிய போட் ஃப்ளெக்ஸ் கனெக்ட் HD ஸ்பீக்கர் மற்றும் மைக்ரோபோன் கொண்டுள்ளது. இதில் அதிகபட்சம் பத்து காண்டாக்ட்களை ஸ்டோர் செய்து கொள்ள முடியும். முழு சார்ஜ் செய்தால் இந்த ஸ்மார்ட்வாட்ச் பத்து நாட்களுக்கு தேவையான பேக்கப் வழங்குகிறது.

இந்த ஸ்மார்ட்வாட்ச்-ஐ இரண்டு மணி நேரங்களில் சார்ஜ் செய்துவிட முடியும். இத்துடன் IP68 தர வாட்டர் மற்றும் டஸ்ட் ரெசிஸ்டண்ட் வசதி கொண்டிருக்கிறது. உடல் ஆரோக்கியத்தை கருத்தில் கொண்டு இதில் ஏராளமான ஸ்போர்ட்ஸ் மோட்கள் வழங்கப்பட்டுள்ளன. இவை உடலை கட்டுக்கோப்பாக வைத்துக்கொள்ள செய்வதோடு, உடல்நல விவரங்களையும் அறிந்து கொள்ள செய்கிறது. இத்துடன் கிரிக்கெட் ஸ்கோர், வானிலை விவரங்கள், வாய்ஸ் அசிஸ்டண்ட் வசதி வழங்கப்பட்டு இருக்கிறது.

போட் வேவ் ஃப்ளெக்ஸ் கனெக்ட் அம்சங்கள்:

1.83 இன்ச் HD 2.5D வளைந்த டிஸ்ப்ளே

பிரீமியம் மெட்டல் டிசைன்

சருமத்திற்கு உகந்த சிலிகான் ஸ்டிராப்கள்

பில்ட்-இன் மைக் மற்றும் ஸ்பீக்கர்

பில்ட்-இன் வாட்ச் ஃபேஸ், 100-க்கும் அதிக வாட்ச் ஃபேஸ்கள்

10-க்கும் அதிக ஆக்டிவ் ஸ்போர்ட்ஸ் மோட்கள்

ஹார்ட் ரேட், SpO2, ஆக்டிவிட்டி டிராக்கர்

ஸ்லீப் மற்றும் செடண்டரி அலெர்ட்கள்

IP68 டஸ்ட், ஸ்வெட் மற்றும் ஸ்பிலாஷ் ரெசிஸ்டண்ட்

240 எம்ஏஹெச் பேட்டரி, பத்து நாட்களுக்கு பேட்டரி பேக்கப்

ஸ்மார்ட் அலெர்ட்கள்

ஒரு வருட வாரண்டி

விலை மற்றும் விற்பனை விவரங்கள்:

புதிய போட் வேவ் ஃப்ளெக்ஸ் கனெக்ட் ஸ்மார்ட்வாட்ச் அறிமுக சலுகையாக ரூ. 1499 விலையில் விற்பனை செய்யப்படுகிறது. இதன் விற்பனை போட் மற்றும் ப்ளிப்கார்ட் வலைத்தளங்களில் நடைபெறுகிறது. இந்த ஸ்மார்ட்வாட்ச் ஆக்டிவ் பிளாக், செர்ரி பிளாசம் மற்றும் டீப் புளூ என மூன்று விதமான நிறங்களில் கிடைக்கிறது.

விங்ஸ் நிறுவனம் இந்திய சந்தையில் புதிய ஃபேண்டம் 315 இயர்பட்ஸ்-ஐ அறிமுகம் செய்தது. காதுகளில் சவுகரியத்தை ஏற்படுத்தும் டிசைன் கொண்ட பட்ஸ், நான்கு அழகிய நிறங்கள், நீண்ட பேக்கப் கொண்டிருக்கிறது. முன்னதாக ஃபேண்டம் 700 மாடல் இந்த வாரம் அறிமுகம் செய்யப்பட்டதை அடுத்து புதிய ஃபேண்டம் 315 தற்போது அறிமுகம் செய்யப்பட்டு இருக்கிறது.

ஃபேண்டம் 315 மாடல் எர்கோனோமிக் டிசைன், பிரீமியம் ஃபினிஷ் மற்றும் IPX5 ஸ்வெட் மற்றும் வாட்டர் ரெசிஸ்டண்ட் வசதி கொண்டிருக்கிறது. இதில் உள்ள டச் இண்டர்ஃபேஸ் கொண்டு வால்யூம் மாற்றுவது, அழைப்புகளை மேற்கொள்வது, பாடல்களை மாற்றுவது, வாய்ஸ் அசிஸ்டண்ட் அழைப்புகள் மற்றும் கேம் மோடில் மேற்கொள்ள முடியும்.

புதிய இயர்பட்ஸ் முழு சார்ஜ் செய்தால் பத்து மணி நேர பேக்கப் வழங்குகிறது. சார்ஜிங் கேஸ் உடன் சேர்க்கும் போது 40 மணி நேரத்திற்கு பேக்கப் கிடைக்கும். இத்துடன் ஸ்பீடு சின்க், ஒபன் அண்ட் ஆன் கொண்ட ப்ளூடூத் 5.3, கேம் மோட், அல்ட்ரா லோ லேடன்சி ஆடியோ, 13mm ஹை ஃபிடிலிட்டி கம்போசிட் டிரைவர்கள், ENC மைக்குகளை கொண்டுள்ளன.

விங்ஸ் ஃபேண்டம் 315:

எர்கோனோமிக் டிசைன்

13mm ஹை ஃபிடிலிட்டி கம்போசிட் டிரைவர்

போல்டு பேஸ் தொழில்நுட்பம்

பிரத்யேக கேம் மோட்

ENC

டச் கண்ட்ரோல், வாய்ஸ் அசிஸ்டண்ட்

ப்ளூடூத் 5.3

40 மணி நேர பேக்கப்

டைப் சி புல்லட் ஃபாஸ்ட் சார்ஜ் வசதி

IPX5 வாட்டர் மற்றும் ஸ்வெட் ரெசிஸ்டண்ட்

விங்ஸ் சின்க் ஆப் சப்போர்ட்

ஒரு வருட வாரண்டி

விலை மற்றும் விற்பனை விவரங்கள்:

விங்ஸ் ஃபேண்டம் 315 மாடல் குறுகிய காலக்கட்டத்திற்கு ரூ. 899 விலையில் விற்பனை செய்யப்படுகிறது. இந்த இயர்பட்ஸ் கிரீன், ஆரஞ்சு, வைட் மற்றும் பிளாக் என நான்கு வித நிறங்களில் கிடைக்கிறது. விற்பனை விங்ஸ் அதிகாரப்பூர்வ வலைத்தளம், அமேசான் மற்றும் ப்ளிப்கார்ட் தளங்களில் நடைபெறுகிறது.

210 வாட் சார்ஜரை அடுத்து ரெட்மி பிராண்டு 300 வாட் ஃபாஸ்ட் சார்ஜிங் தொழில்நுட்பத்தை அறிவித்து இருக்கிறது. இந்த தொழில்நுட்பம் ஸ்மார்ட்போனை ஐந்து நிமிடங்களில் முழுமையாக சார்ஜ் செய்துவிடும். சியோமி நிறுவனத்தின் துணை பிராண்டு ரெட்மி புகதிய சார்ஜப் ஸ்மார்ட்போனினை 0 முதல் 100 சதவீதம் வரை சார்ஜ் செய்ய வெறும் ஐந்து நிமிடங்களுக்கும் குறைவாகவே எடுத்துக் கொள்கிறது.

300 வாட் இம்மார்டல் செகண்ட் சார்ஜர் என அழைக்கப்படும் புதிய தொழில்நுட்பத்தை ரெட்மி அதிகாரப்பூர்வமாக உறுதிப்படுத்தி இருக்கிறது. எனினும், இந்த சார்ஜரின் தொழில்நுட்ப அம்சங்கள் பற்றி இதுவரை எந்த தகவலும் வழங்கப்படவில்லை.

ரெட்மி பிராண்டு 4100 எம்ஏஹெச் பேட்டரி கொண்ட மாடிஃபை செய்யப்பட்ட ரெட்மி நோட் 12 டிஸ்கவரி ஸ்மார்ட்போன் சார்ஜ் செய்யப்படும் வீடியோவினை வெளியிட்டு உள்ளது. இதற்காக ரெட்மி பிராண்டு 4300 எம்ஏஹெச் பேட்டரிக்கு மாற்றாக 4100 எம்ஏஹெச் பேட்டரி கொண்ட ரெட்மி நோட் 12 டிஸ்கவரி எடிஷன் ஸ்மார்ட்போனை பயன்படுத்தி இருக்கிறது.

வீடியோவில் ஸ்மார்ட்போன் 50 சதவீதம் வரை சார்ஜ் ஆக வெறும் 2 நிமிடங்கள் 11 நொடிகளையே எடுத்துக் கொள்கிறது. புதிய அதிவேக சார்ஜிங் தொழில்நுட்பம் பற்றிய இதர விவரங்களை ரெட்மி பின்னர் வெளியிடுவதாக அறிவித்து இருந்தது. இதுகுறித்த வெய்போ பதிவில், "நோட் 12 ப்ரோ பிளஸ் மேஜிக் வெர்ஷனில் 300 வாட் சார்ஜிங் டெஸ்ட் இது, " என குறிப்பிடப்பட்டு உள்ளது.

சீன சந்தையில் விற்பனை செய்யப்படும் ரெட்மி நோட் 12 டிஸ்கவரி எடிஷன் ரெட்மி பிராண்டின் அதிவேக ஃபாஸ்ட் சார்ஜிங் வசதி கொண்ட ஸ்மார்ட்போனாக இருக்கிறது. இதனுடன் இணைக்கப்பட்டு இருக்கும் வீடியோவில் ரெட்மி போன் 300 வாட் வயர்டு சார்ஜர் மூலம் சார்ஜ் செய்யப்படும் காட்சிகள் இடம்பெற்றுள்ளன.

இது ஸ்மார்ட்போனினை 10 சதவீதம் வரை சார்ஜ் செய்ய 43 நொடிகளையே எடுத்துக் கொள்கிறது. இந்த சார்ஜருடன் வரும் அடாப்டரில் இரண்சு GaN தொழில்நுட்பங்கள் உள்ளன. மேலும் இதில் 50-க்கும் அதிக பாதுகாப்புகள் வழங்கப்பட்டு இருப்பதாக ரெட்மி தெரிவித்து இருக்கிறது. 300 வாட் சார்ஜர் என்ற போதிலும், வீடியோவில் இது அதிகபட்சமாக 290 வாட் அளவையே எட்டி இருக்கிறது.

புதிய ஃபாஸ்ட் சார்ஜிங் தொழில்நுட்பம் ரியல்மி சமீபத்தில் அறிமுகம் செய்த ஃபாஸ்ட் சார்ஜிங் தொழில்நுட்பத்தை பின்னுக்குத் தள்ளி இருக்கிறது. 240வாட் ஃபாஸ்ட் சார்ஜிங் வசதி கொண்ட ரியல்மி GT3 ஸ்மார்ட்போன் பத்து நிமிடங்களுக்குள் முழு சார்ஜ் ஆகிவிடும்.

போல்ட் நிறுவனம் இந்திய சந்தையில் புதிய ஸ்மார்ட்வாட்ச்- போல்ட் ஸ்டிரைக்கர் அறிமுகம் செய்து இருக்கிறது. புதிய போல்ட் ஸ்டிரைக்கர் மாடலில் 1.3 இன்ச் HD டிஸ்ப்ளே, வட்ட வடிவ டயல், சிலிகான் ஸ்டிராப் மற்றும் 150-க்கும் அதிக வாட்ச் ஃபேஸ்கள் உள்ளன.

முழு சார்ஜ் செய்தால் ஏழு நாட்களுக்கு பேட்டரி பேக்கப் வழங்கும் போல்ட் ஸ்டிரைக்கர் ப்ளூடூத் காலிங், வாய்ஸ் அசிஸ்டண்ட், பில்ட்-இன் மைக்ரோபோன் மற்றும் ஸ்பீக்கர் என ஏராளமான அம்சங்களை கொண்டிருக்கிறது. இதில் 100-க்கும் அதிக வொர்க் அவுட் மோட்கள், 24x7 இதய துடிப்பு சென்சார், SpO2 மாணிட்டரிங், ரத்த அழுத்தத்தை மாணிட்டர் செய்யும் வசதி என ஏராளமான அம்சங்கள் உள்ளன.

போல்ட் ஸ்டிரைக்கர் அம்சங்கள்:

1.3 இன்ச் HD IPS LCD ஸ்கிரீன்

150-க்கும் அதிக கிளவுட் சார்ந்த வாட்ச் ஃபேஸ்கள்

ப்ளூடூத் 5.1

ப்ளூடூத் காலிங்

பில்ட்-இன் மைக் மற்றும் ஸ்பீக்கர்

100-க்கும் அதிக ஸ்போர்ட்ஸ் மோட்கள்

ஹெல்த் மாணிட்டரிங்

IP67 வாட்டர் ரெசிஸ்டண்ட் வசதி

ஸ்மார்ட் நோட்டிஃபிகேஷன்

ஏழு நாட்களுக்கு பேட்டரி பேக்கப்

விலை மற்றும் விற்பனை விவரங்கள்:

போல்ட் ஸ்டிரைக்கர் ஸ்மார்ட்வாட்ச் கிரீம், புளூ மற்றும் பிளாக் நிறங்களில் கிடைக்கிறது. இதன் விற்பனை போல்ட் அதிகாரப்பூர்வ வலைத்தளம், ஃப்ளிப்கார்ட்-இல் நடைபெறுகிறது. இதன் விலை அறிமுக சலுகையாக ரூ. 1499 என நிர்ணயம் செய்யப்பட்டு உள்ளது.

விங்ஸ் வேடர் 350 மாடலை தொடர்ந்து ஃபேண்டம் 700 கேமிங் ட்ரூ வயர்லெஸ் இயர்பட்ஸ் இந்திய சந்தையில் அறிமுகம் செய்யப்பட்டு இருக்கிறது. புதிய விங்ஸ் ஃபேண்டம் 700 இயர்பட்ஸ் கேமர்களுக்கு சிறந்த அனுபவத்தை வழங்கும் வகையில் உருவாக்கப்பட்டு இருக்கிறது. இதில் ஏராளமான புதிய அம்சங்கள் மற்றும் அழகிய டிசைன் உள்ளது.

ஃபேண்டம் 700 மாடலில் நீண்ட நேர பயன்பாடுகளுக்கு ஏற்ற வகையில் உருவாக்கப்பட்டு இருக்கிறது. இதில் உள்ள டச் இண்டர்ஃபேஸ் கொண்டு வால்யூம் அட்ஜஸ்ட், அழைப்புகளுக்கு பதில் அளித்தல், பாடல்களை மாற்றுவது, வாய்ஸ் அசிஸ்டண்ட் இயக்குவது மற்றும் கேமிங் மோடிற்கு ஸ்விட்ச் செய்வது உள்ளிட்டவைகளை மேற்கொள்ளலாம்.

இதனுடன் வரும் சார்ஜிங் கேஸ் அழகிய ஆர்ஜிபி லைட்களை கொண்டிருக்கிறது. மேலும் இது IPX5 தரச்சான்று பெற்ற ஸ்வெட் மற்றும் வாட்டர் ரெசிஸ்டண்ட் வசதி கொண்டுள்ளது. இதை கொண்டு உடற்பயிற்சிகளை எவ்வித தயக்கமும் இன்றி மேற்கொள்ளலாம். விங்ஸ் ஃபேண்டம் 700 மாடலில் ப்ளூடூத் 5.3, 40ms அல்ட்ரா லோ லேடன்சி ஆடியோ உள்ளது.

இதில் உள்ள 13mm ஹை-ஃபிடிலிட்டி கம்போசிட் டிரைவர்கள் AAC கோடெக் சப்போர்ட் கொண்டிருக்கிறது. இவை தலைசிறந்த ஆடியோ அனுபவத்தை வழங்குகிறது. இதில் உள்ள SNS மைக் தேவைற்ற வெளிப்புற சத்தத்தை தடுத்து, கேமிங்கின் போது தெளிவான தகவல் பரிமாற்றத்திற்கு வழி செய்கிறது. இதில் உள்ள இயர்பட் ஒவ்வொன்றும் முழு சார்ஜ் செய்தால் எட்டு மணி நேரத்திற்கு பேக்கப் வழங்குகிறது.

சார்ஜிங் கேஸ் சேர்க்கும் பட்சத்தில் இது 38 மணி நேரத்திற்கு பேக்கப் வழங்குகிறது. ஃபாஸ்ட் சார்ஜிங் வசதி வழங்கப்பட்டு இருப்பதால், 15 நிமிடங்கள் சார்ஜ் செய்தால் ஒரு மணி நேரத்திற்கு கேமிங் செய்யலாம். இதில் உள்ள புல்லட் சார்ஜ் தொழில்நுட்பம் மற்றும் யுஎஸ்பி டைப் சி போர்ட் இயர்பட்ஸ்-க்கு அசத்தலான சார்ஜிங் தீர்வை வழங்குகிறது.

விங்ஸ் ஃபேண்டம் 700 அம்சங்கள்:

ஆர்ஜிபி எல்இடி லைட்கள்

13mm ஹை-ஃபிடிலிட்டி கம்போசிட் டிரைவர்

போல்ட் பேஸ் தொழில்நுட்பம்

பிரத்யேக கேம் மோட் மற்றும் 40ms அல்ட்ரா லோ லேடன்சி

SNS - சரவுண்டிங் நாய்ஸ் சப்ரெஷன் மைக்

டச் கண்ட்ரோல், வாய்ஸ் அசிஸ்டண்ட் சப்போர்ட்

ப்ளூடூத் 5.3

38 மணி நேரத்திற்கு பேக்கப்

டைப் சி புல்லட் ஃபாஸ்ட் சார்ஜிங் வசதி

IPX5 வாட்டர் மற்றும் ஸ்வெட் ரெசிஸ்டண்ட்

விங்ஸ் சின்க் ஆப் சப்போர்ட்

ஒரு வருட வாரண்டி

விலை மற்றும் விற்பனை விவரங்கள்:

விங்ஸ் ஃபேண்டம் 700 மாடல் குறுகிய காலத்திற்கு ரூ. 899 எனும் அறிமுக விலையில் விற்பனை செய்யப்படுகிறது. பிளாக் நிறத்தில் கிடைக்கும் விங்ஸ் ஃபேண்டம் 700 விற்பனை விங்ஸ் அதிகாரப்பூர்வ வலைத்தளம், அமேசான் மற்றும் ப்ளிப்கார்ட் வலைத்தளங்களில் நடைபெறுகிறது.

நோக்கியா நிறுவனத்தின் 60 ஆண்டு கால வரலாற்றில் முதல் முறையாக தனது பிராண்டு அடையாளத்தை மாற்ற முடிவு செய்து இருக்கிறது. இதைத் தொடர்ந்து நோக்கியாவின் புதிய லோகோ அறிமுகம் செய்யப்பட்டு இருக்கிறது. டெலிகாம் உபகரணங்கள் உற்பத்தியாளர் பிரிவில் தொடர் வளர்ச்சியில் கவனம் செலுத்தும் வகையில், நோக்கியா இந்த முடிவை எடுத்துள்ளது.

புதிய லோகோ ஐந்து வெவ்வேறு வடிவங்கள் இணைந்து நோக்கியா எனும் வார்த்தையை பிரதிபலிக்கிறது. பாரம்பரியம் மிக்க புளூ நிற பழைய லோகோவுக்கு மாற்றாக புதிய லோகோவில் தேவைக்கு ஏற்ப அதிக நிறங்கள் பயன்படுத்தப்பட உள்ளன. "ஸ்மார்ட்போன்களிடம் அதிக ஒருங்கிணைப்பு இருந்து வந்தது, எனினும், தற்போதைய காலக்கட்டத்தில் நாங்கள் வியாபார தொழில்நுட்ப நிறுவனம்," என தலைமை அதிகாரி பெக்கா லுண்ட்மார்க் தனியார் செய்தி நிறுவனத்திற்கு அளித்த பேட்டியில் தெரிவித்தார்.

சர்வதேச மொபைல் காங்கிரஸ் 2023 (MWC) நிகழ்வை ஒட்டி பெக்கா லுண்ட்மார்க் இந்த தகவலை தெரிவித்தார். 2020 ஆண்டு வாக்கில் தடுமாற்றத்தில் இருந்துவந்த நிறுவனத்திற்கு தலைமை பொறுப்பை ஏற்றுக் கொண்ட லுண்ட்மார்க் ரிசெட், அக்செல்லரேட் மற்றும் ஸ்கேல் என மூன்று நிலைகள் அடங்கிய வியூகத்தை வகுத்து நிறுவனத்தை வழிநடத்தி வருகிறார்.

இவற்றில் ரிசெட் நிலை முடிவுக்கு வருவதை அடுத்து, இரண்டாம் கட்ட பணிகள் துவங்கி இருப்பதாக அவர் தெரிவித்து இருக்கிறார். தற்போது சேவை வழங்கும் வியாபார பிரிவில் டெலிகாம் நிறுவனங்களுக்கு உபகரணங்களை வினியோகம் செய்து வரும் நோக்கியா, தொடர்ந்து வியாபாரங்களுக்கு உபகரணங்களை விற்பனை செய்வதில் கவனம் செலுத்த இருப்பதாக தெரிவித்து இருக்கிறது.