ரியல்மி நிறுவனம் தனது ரியல்மி 10 4ஜி ஸ்மார்ட்போனின் இந்திய வெளியீட்டு தேதியை அறிவித்து இருக்கிறது. அதன்படி இந்தியாவில் ரியல்மி 10 4ஜி ஸ்மார்ட்போன் ஜனவரி 9 ஆம் தேதி அறிமுகமாகும் என ரியல்மி அறிவித்துள்ளது. அம்சங்களை பொருத்தவரை ரியல்மி 10 மாடலில் மீடியாடெக் ஹீலியோ ஜி99 பிராசஸர், 5000 எம்ஏஹெச் பேட்டரி, 90Hz சூப்பர் AMOLED டிஸ்ப்ளே வழங்கப்பட்டு இருக்கிறது.
புகைப்படங்களை எடுக்க 50MP பிரைமரி கேமரா, 2MP பிளாக் அண்ட் வைட் கேமரா, 16MP செல்ஃபி கேமரா வழங்கப்பட்டுள்ளது. பக்கவாட்டில் கைரேகை சென்சார் கொண்டிருக்கும் ரியல்மி 10 4ஜி ஸ்மார்ட்போனில் ஹை-ரெஸ் ஆடியோ, 33 வாட் சூப்பர்வூக் ஃபாஸ்ட் சார்ஜிங், யுஎஸ்பி டைப் சி சார்ஜிங் போர்ட் வழங்கப்படுகிறது.
புதிய ரியல்மி 10 4ஜி ஸ்மார்ட்போன் ஜனவரி 9 ஆம் தேதி மதியம் 12.30 மணிக்கு அறிமுகம் செய்யப்படுகிறது. இந்த ஸ்மார்ட்போன் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்பட இருக்கிறது. ப்ளிப்கார்ட் தளத்தில் ரியல்மி 10 4ஜி ஸ்மார்ட்போனிற்கான லேண்டின் பேஜ் இடம்பெற்று இருக்கிறது. அதில் ஸ்மார்ட்போனின் சில அம்சங்கள் குறிப்பிடப்பட்டு இருக்கிறது.
ரியல்மி 10 4ஜி எதிர்பார்க்கப்படும் அம்சங்கள்:
6.4 இன்ச் FHD+ சூப்பர் AMOLED டிஸ்ப்ளே, 90Hz ரிப்ரெஷ் ரேட்
மீடியாடெக் ஹீலியோ ஜி99 பிராசஸர்
8 ஜிபி ரேம்
256 ஜிபி மெமரி
மெமரியை கூடுதலாக நீட்டிக்கும் வசதி
ஆண்ட்ராய்டு 12 சார்ந்த ரியல்மி யுஐ 3.0
50MP பிரைமரி கேமரா
2MP பிளாக் அண்ட் வைட் கேமரா
16MP செல்ஃபி கேமரா
பக்கவாட்டில் கைரேகை சென்சார்
5000 எம்ஏஹெச் பேட்டரி
33 வாட் சூப்பர்வூக் ஃபாஸ்ட் சார்ஜிங்
யுஎஸ்பி டைப் சி சார்ஜிங் போர்ட்
