பிரெஞ்சு ஓபன் டென்னிஸ்: அல்காரஸ், சிட்சிபாஸ் 4-வது சுற்றுக்கு முன்னேற்றம்

பாரிஸ்:

கிராண்ட்ஸ்லாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடந்துவருகிறது. இரு சுற்றுகள் முடிந்து 3வது சுற்றுப் போட்டிகள் நடந்து வருகின்றன.

இந்நிலையில், ஆண்கள் ஒற்றையர் பிரிவின் 3-வது சுற்று போட்டியில் மூன்றாம் நிலை வீரரான ஸ்பெயின் வீரர் கார்லஸ் அல்காரஸ், அமெரிக்க வீரர் செபாஸ்டியன் கோர்டாவுடன் மோதினார்.

இதில் அல்காரஸ் 6-4, 7-6 (7-5), 6-3 என்ற செட் கணக்கில் வென்று 4-வது சுற்றுக்கு முன்னேறினார்.

மற்றொரு போட்டியில் கிரீஸ் வீரர் ஸ்டெபனோஸ் சிட்சிபாஸ், சீனாவின் ஜாங் ஜீஜெனுடன் மோதினார். இதில் சிட்சிபாஸ் 6-3, 6-3, 6-1 என கைப்பற்றி நான்காவது சுற்றுக்கு முன்னேறினார்.