வார ராசிபலன் 29.12.2024 முதல் 4.1.2025 வரை

29.12.2024 முதல் 4.1.2025 வரை

தன்னம்பிக்கையுடன் செயல்படும் வாரம். ராசிக்கு 8ல் சுக்ரன் சனி சேர்க்கை செவ்வாய் பார்வையில் ஏற்பட்டுள்ளது. எத்தகைய சூழ்நிலையையும் எதிர்கொள்ளும் ஆற்றலைப் பெறுவீர்கள். விபரீத ராஜ யோகத்தால் மறைமுக லாபம் கிடைக்கும். பெண்களுக்கு பொன், பொருள் சேர்க்கை அதிகரிக்கும். சக வியாபாரிகளால் ஏற்பட்ட பிரச்சினைகள், இன்னல்கள் மறையும். சிலருக்கு வேலை மாற்றம் பற்றிய சிந்தனை மேலோங்கும். புதிய முயற்சிகள் சாதகமாக முடியும். அஷ்டமச் சனி முடிவுக்கு வரப் போவதால் திருமணத்தடை அகலும்.

சிலருக்கு பெற்றோரின் சம்மதத்துடன் விருப்பத் திருமணம் நடக்கும். வியாபாரத்தில் விற்பனையும் லாபமும் வழக்கம் போல சிறப்பாக இருக்கும்.சிலருக்கு வீண் செலவுகள், விரயங்கள் ஏற்படும். தன ஸ்தானத்திற்கு குருப் பார்வை இருப்பதால் ஆரோக்கியத்தில் முன்னேற்றம் உண்டாகும். 3.1.2025 அன்று காலை 10.49 மிண முதல் சந்திராஷ்டமம் ஆரம்பிப்பதால் கோபத்தை கட்டுப்படுத்த வேண்டும். பொறுமையையும், நிதானத்தையும் கடைபிடிக்க வேண்டும். பசுவிற்கு அமாவாசையன்று அகத்திக் கீரை வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406