வார ராசிப்பலன் 8.9.2024 முதல் 14.9.2024 வரை
சிந்தித்துச் செயல்பட வேண்டிய வாரம். ஆட்சி பலம் பெற்ற அஷ்டமாதிபதி சூரியன் புதனுடன் இணைந்து தனம், வாக்கு, குடும்ப ஸ்தானத்தை பார்க்கிறார். பொருளாதாரம் சீராக இருக்கும். வரவும், செலவும் உண்டு. சிலர் வீடு மாற்றம், தொழில் மாற்றம், ஊர் மாற்றம் என பல்வேறு மாற்றத்தையும், ஏற்றத்தையும் சந்திப்பீர்கள். ஏழரைச் சனியால் சந்தித்த சோதனைகள் சாதனைகளாக மாறும். தொட்ட காரியங்களில் வெற்றி கிடைக்கும்.
தொழில் உத்தியோகத்தில் ஆதாயமும், அனுகூலமும் உண்டாகும். பூப் புனித நீராட்டு விழா, திருமணம், குழந்தைப்பேறு போன்ற சுப மங்கள நிகழ்வுகள் நடைபெறும். வீடு, வாகனம் போன்ற சுபச் செலவு ஏற்படலாம். உடன் பிறந்த சகோதர, சகோதரிகள் ஒன்றுகூடி மகிழ்வீர்கள். வயோதிகர்களுக்கு முழங்கால் வலி, மூட்டு வலி போன்ற உடல் உபாதைகள் கட்டுக்குள் இருக்கும்.
நண்பர்களின் ஆதரவால் தடைப்பட்ட செயல்கள் நிறைவடையும். பூர்வீகம் தொடர்பான மன உளைச்சல் அதிகரிக்கும். சிலருக்கு செயற்கை கருத்தரிப்பால் குழந்தை உருவாகும். தம்பதிகளிடம் ஒற்றுமை அதிகரிக்கும். மேலும் வளம் பெற விபூதி அபிஷேகம் செய்து சிவ வழிபாடு செய்யவும்.
`பிரசன்ன ஜோதிடர்' ஐ.ஆனந்தி
செல்: 98652 20406