வார ராசிபலன் (1.9.2024 முதல் 7.9.2024 வரை)

1.9.2024 முதல் 7.9.2024 வரை

திட்டமிட்டு செயல்பட வேண்டிய வாரம். ராசிக்கு செவ்வாயின் 8-ம் பார்வை மற்றும் புதனின் சமசப்தம பார்வை. அஷ்ட மாதிபதி சூரியன் ஆட்சி என கிரக நிலவரம் உள்ளது. முறையான திட்டமிடுதல் நிரந்தர வெற்றியைக் குவிக்கும்.புதிய தொழில் முயற்சிகள் தேடி வரும். எதிரிகள் புறமுதுகு காட்டுவார்கள் அல்லது ஒதுங்கிப் போவார்கள். செய்தொழில் விருத்தி யாகும். தொழில் நிமித்தமான வெளிநாட்டுப் பயணம் திருப்திகரமாக அமையும்.

சிலருக்கு இடப் பெயர்ச்சிக்குப் பிறகு நல்ல மாற்றமும், முன்னேற்றமும் ஏற்படும்.குருபகவான் சாதகமாக நிற்பதால் பொருளாதார நிலையிலே மிகப் பெரிய வளர்ச்சி ஏற்படும். வராக்கடன்கள், சம்பள பாக்கிகள் வசூலாகும்.சேமிப்புகள் அதிகமாகும். தடைபட்ட சகோதர சகோதரிகளின் திருமண முயற்சி வெற்றியாகும். தம்பதிகளின் கருத்து வேறுபாடு குறையும். மகான்களின் தரிசனம் மற்றும் ஆசிகள் கிடைக்கும். உடல் நிலை தேறும். 4.9.2024 அன்று காலை 9.55 மணி வரை சந்திராஷ்டமம் உள்ளதால் வெளியூர் பயணங்களை தவிர்க்கவும். முக்கிய பணிகளை யாரையும் நம்பி ஒப்படைக்க கூடாது. விநாயகர் சதுர்த்தியன்று கணபதி ஹோமங்களில் கலந்து கொள்வது நல்லது.

`பிரசன்ன ஜோதிடர்'

ஐ.ஆனந்தி

செல்: 98652 20406