வார ராசிபலன் (19.8.2024 முதல் 25.8.2024 வரை)

19.8.2024 முதல் 25.8.2024 வரை

நன்மைகள் நடக்கும் வாரம். ராசியில் தனம், வாக்கு குடும்ப ஸ்தான அதிபதி சனி வக்ரம் பெறுவதால் தொழிலிலும் வருமானத்திலும் குறையில்லை என்றாலும் நிறைவு ஏற்படாது. எப்போதும் பணம் விஷயமான சிந்தனையுடன் இருப்பீர்கள். இந்த வாரம் வீடு, பூமி, வாகனம் வாங்கக் கூடிய சந்தர்ப்பங்கள் உருவாகலாம். வியாபாரிகளுக்கு வங்கிக் கடன்கள் உடனடியாக கிடைக்கும்.பணிபுரியும் பெண்களின் அறிவுத்திறன் கூடும். குடும்பத்தில் நிம்மதியும் மகிழ்ச்சியும் அதிகரிக்கும். இடைவிடாத கடின உழைப்பின் காரணமாக நேரத்துக்கு சாப்பிட முடியாது.

அரசாங்க வேலைக்கு அனுகூலமான செய்திகள் மற்றும் தகவல்கள் வந்து சேரும். 9-ல் கேது இருப்பதால் தந்தைவழி உறவுகளால் தேவையற்ற தொல்லைகள், மன சஞ்சலம் ஏற்படலாம். வெளிநாட்டு பயணம் உறுதியாகும். ராசிக்கு குரு பார்வை. திருமண வயதினருக்கு ஆவணியில் திருமணம் நிச்சயிக்கப்படும். புத்திர பிராப்தம் நிறைவேறும். ஆரோக்கிய குறைபாடு அகலும்.கண் அறுவை சிகிச்சை பலன் தரும். விவசாயிகளுக்கு விளைச்சல் லாபம் தரும். சங்கர நாராயணரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406