வார ராசிபலன் (12.8.2024 முதல் 18.8.2024 வரை)

12.8.2024 முதல் 18.8.2024 வரை

சுமாரான வாரம். 3-ல் ராகு இருப்பதால் உங்களால் உயர்ந்த சகோதர, சகோதரிகள் உங்களைப் பற்றி புறம் பேசுவது உங்களின் கவனத்திற்கு வரும். இதனால் உங்கள் குடும்பத்தில் அமைதி குறைவது போன்ற இனம் புரியாத மன உணர்வு தோன்றும். குடும்பத்தை விட்டுப் பிரிந்து தனிக் குடித்தனம் சென்ற வாரிசுகள் வீடு வந்து சேருவார்கள். சிலர் வீடு, வாகனம், பிள்ளைகளின் திருமணம் படிப்பு போன்ற சுபச் செலவிற்காக கடன் வாங்கலாம் அல்லது ஒரு கடன் வாங்கி பழைய கடனை சமாளிக்கலாம். பல வழிகளில் வருமானம் வந்தாலும் உபரி பணம் கிடைக்காது.

தந்தையின் ஆரோக்கியத்தை அதிகரிக்க மாற்று முறை வைத்தியத்தை நாடுவீர்கள். நிச்சயித்த வரனிடம் அதிகம் பேசுவதை தவிர்க்கவும். புதிய சொத்துக்கள், வாகனம் சேரும். சொத்துக்கள் மதிப்பு உயரும். பிள்ளைகளின் நலனில் அதிக கவனம் செலுத்துவீர்கள். அவர்கள் உங்களுக்கு ஆதரவாக இருப்பார்கள். அரசியல்வாதிகளுக்கு எதிரி தொல்லைகள் இருக்கும். திருமணத்தடை அகலும். சிலருக்கு காதல் திருமணம் நடைபெறும். வரலட்சுமி நோன்பு அன்று வயதான சுமங்கலிகளுக்கு பாத பூஜை செய்யவும்.

`பிரசன்ன ஜோதிடர்'

ஐ.ஆனந்தி

செல்: 98652 20406