24.6.2024 முதல் 30.6.2024 வரை
சிந்தித்து செயல்பட வேண்டிய காலம். சனி வக்ரம் பெறப் போவதால் ஆசைகளால் மனம் அலைபாயும். குடும்ப ஸ்தானத்தை சனி பார்த்ததால் ஏற்பட்ட வழக்குகளால் நிம்மதி மனத் தடுமாற்றம் சீராகும். தனம், வாக்கு, குடும்ப ஸ்தான அதிபதி செவ்வாய் ஆட்சி பெறுவதால் குடும்ப உறுப்பினர்கள் உங்களுடைய வேகமான செயல்பாடுகளுக்கு துணையாக இருப்பார்கள். குடும்பத்தில் சுப நிகழ்வுகள் நடந்தேறும். விவசாயிகளுக்கு அரசு வழி ஆதாயம் உண்டு. பேச்சை மூலதனமாக கொண்ட வக்கீல்கள், ஆசிரியர்கள், விற்பனை பிரதிநிதிகள் ஏற்றம் பெறுவார்கள். பங்கு வர்த்தகத்தில் ஏற்றமான நிலை நீடிக்கும்.
வேற்று மதத்தினர் ஆதரவால் புதிய தொழில் வாய்ப்பு கிட்டும். உபரி பணத்தை பூமி, வயலில் முதலீடு செய்வீர்கள். காதல் திருமணத்திற்கு பெற்றோர்கள் அனுமதி கிடைக்கும்.திருமணம் நடக்கும்.குடும்பத் தேவைக்கு ஏற்ற சரளமான பணப்புழக்கம் உண்டு. சிலர் ஒப்பந்த வேலைக்காக வெளிமாநிலம் செல்லலாம். மூத்த சகோதர சகோதரிக்கு வேலை கிடைக்கும். சிலர் காசி, கயா போன்ற தலங்களுக்கு தீர்த்த யாத்திரை சென்று வரலாம்.மாணவர்களின் கல்வி ஆர்வத்திற்கு பெற்றோர்கள் ஆதரவாக இருப்பார்கள். குரு பகவானை வழிபடவும்.
`பிரசன்ன ஜோதிடர்'
ஐ.ஆனந்தி
செல்: 98652 20406