வார ராசிபலன் (29.9.2024 முதல் 5.10.2024 வரை)

29.9.2024 முதல் 5.10.2024 வரை

விறுவிறுப்பான நல்ல மாற்றங்கள் நிகழ்ந்து மகிழ்விக்கும் வாரம். ராசிக்கு பத்தாமிடமான தொழில் ஸ்தானத்தில் 9-ம் அதிபதி சூரியனும் 10-ம் அதிபதி புதனும் இணைந்து தர்ம கர்மாதிபதி யோகத்தை ஏற்படுத்துவது நன்மைகளை அதிகரிக்கும் கிரகச் சேர்க்கை. புதிய சொத்துக்கள் சேர்க்கை உண்டாகும். சொத்துக்கள் மீதான வாடகை வருமானம் அதிகரிக்கும். பெண்களுக்கு தாய் வழி உறவுகள் மூலம் அன்பளிப்பு கிடைக்கும். பிள்ளைகளுக்கு கல்வி ஆர்வம் அதிகரிக்கும். சிலரின் காதல் திருமணத்திற்கு பெற்றோர்களின் ஆதரவு கிடைக்கும்.

தொழில் உத்தியோகத்தில் காரியத் தடை, மறைமுக எதிர்ப்புகள் உண்டாகலாம். சிறு வைத்தியச் செலவுகள் ஏற்படும். கொடுக்கல், வாங்கல் மற்றும் ஜாமீன் விசயங்களில் எச்சரிக்கையுடன் இருப்பது அவசியம். சகோதர, சகோதரிகளுக்கு சுப நிகழ்வுகள் நடக்கும் வாய்ப்புகள் உள்ளது.அரசு ஊழியர்களுக்கு சாதகமான இடப் பெயர்ச்சி உண்டு. ஆண்கள் பெண்க ளிடம் எச்சரிக்கையாக பழகவும். சித்தப்பாவுடன் ஏற்பட்ட மனக் கசப்பு குறையும். வழக்குகளில் புதிய திருப்பங்கள் உண்டாகும். அமாவாசையன்று பட்சிகளுக்கு தானியம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406