வார ராசிபலன் 6.10.2024 முதல் 12.10.2024 வரை

6.10.2024 முதல் 12.10.2024 வரை

லாபம் நிறைந்த வாரம். ராசி அதிபதி குரு வக்ரம் பெற்றாலும் லாப ஸ்தானத்தில் சுக்ரன், புதன் சேர்க்கை இருப்பது தனுசு ராசிக்கு முன்னேற்றத்தை அதிகரிக்கும் நேரமாகும். பிறர் புகழ வேண்டும் என்ற எண்ணம் உண்டாகும். பணப் புழக்கம் அதிகரிக்கும். குறைந்த சம்பளத்தில் வேலை பார்த்தவர்களின் திறமைக்கு தகுந்த ஊதியம் அதிகரிக்கும். நிலுவையில் உள்ள சம்பள பாக்கிகள் வசூலாகும்.கூட்டுத் தொழிலில் சற்று விட்டுக் கொடுத்து செல்ல வேண்டிய நேரம். ஒரு சிலர் மனைவி பெயரில் வீடு, நிலம் வாங்கலாம்.குடும்பத்துடன் இன்பச் சுற்றுலா சென்று வரும் வாய்ப்பு உருவாகும்.ஆன்மீகச் சிந்தனைகள் கூடும்.

பெண்களுக்கு தாய் வழி ஆதரவு கிடைக்கும். திருமண வயதினருக்கு உத்தியோகத்தில் உள்ள நல்ல வசதியான களத்திரம் அமையும். பொது நல ஈடுபாடு அதிகரிக்கும். ஆரோக்கியம் தொடர்பான பிரச்சி னைகள் குறையும். வார இறுதியில் பிள்ளைகளின் நலனுக்காக அதிக செலவு செய்ய நேரும்..சில நேரங்களில் குடும்ப உறவுகளுக்காக சூழ்நிலை கைதியாக உண்மையை பேச முடியாத நிலை உண்டாகும். வெளிநாட்டு பயணம் திட்டமிட்டபடி கைகூடும். துர்க்கை அம்மனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406